عندما يرتدي الأســـد ملابس القـــرد

[Eldisel]

طيب لحد ما عمدتنا يكمل

ممكن بعد إذنك أرد على أخويا وحبيبى الديزل - بعد إذنك يا س س و بالنيابة عنك :blush:

انا عاجز عن الكلام واللهي ...... :blush: ربنا يخليك ... وانا كنت في غاية السعادة لما اخويا الكبير في المحاورات هو الي رد عليا الاول

اذيك واذي صحتك ..... وعربيتك عاملة اية :lol: :D

أكيد الناس دول خبرتهم أكتر منك - فى الخربشة - وواجبك إنك تتعلم منهم ولا تجعل حماس الشباب يكون عداوة بينك و بينهم بس علشان تتعلم منهم- يعنى لمصلحتك وهوة دة الكلام اللى قاله استاذنا س س

انا خايف ابقى ذيهم .... ودة الي انا قلقان منة ومش عاوزة ...

........................................................................................

أخونا ديزل الساعة 12.30 اللي بيروح إسكندرية وما بيقفش في المحطات كتب

مبقفش في محطات :ninja: اذاي؟! دانت اكتر المحطات الي بقف عندها .. وبضرب صفرتين تحية وانا ماشي

وبعدين.. ديزل الساعة 12.30 اية .. :closedeyes: دانت اتاخرت اوي يا سي السيد انا ديذل الساعة 6.30 الصبح يااستاذ :angry: ....

لا تفهم كلامي بالمعنى الحرفي يا ديزل يابني .. لإن الإستئساد لا يأتي من فراغ .. ده حتى الأسد نفسه ما جاش الدنيا كده أسد .. ده كان شبل بيلعب في فريق تحت 17 وبعدين بقى في المنتخب الأولمبي وبعدين أثبت نفسه وبقى يلعب في الفريق الأول مع الكابتن الجوهري ..

فلازم تتعب يا حبيبي وتضع لنفسك هدف وتثابر وتصبر وتجتهد حتى تصله .. وساعتها ثق تماماً إنك لازم تبقى أسد في يوم من الأيام .. وما تنساش ساعتها اونكل سين سين

اعلم هذا جيداً اخي العزيز .... واعلم انها مراحل .. ولكن اخشى ان اتوقف عند مرحلة معينة كما فعل صديقق فقد توقف عند مرحل العمل بيدة وفقط ولم يستطع ان يتعدى تلك المرحلة وهي القيادة ولذلك تدحضر بة الحال الى السيئ فالاسواء

الشغل في مصر بيمشي بالمحسوبيات والمجاملات .. هات وخد .. هاديك Permeation ( الصلاحية ) دة عشان اخد منك المصلحة دي

فكرة غير صحيحة .. ولا تُأخد حالة فردية واحدة وتقيس عليها بقيت الحالات وهاقولك ليه

عشان لو كل الاعمال أُديرت بالطريقة دي يبقى الدنيا هاتخرب .. لإن الخطأ خطأ والصواب صواب .. حتى لو إنعكست الأية لبعض الوقت فليس معنى ذلك أنها أصبحت قاعدة مُسلم بها

طب ماهي خربت فعلن ..ولا انت مش عارف .. ودة سبب خربها

من

ناحية تانية اقول اشمعنا هما ماعمل ذيهم وانفع واستنفع

إوعى تعمل كده لإنك إذا ما عشتش عشان مبدأ مُعين فستظل خطا وبدون هدف طول عمرك ... حاول دايماً تعيش زي النخلة .. لها جذور قوية وفي نفس الوقت هامتها ورأسها عالي .. وما تبقاش زي البلاب جذورة ضعيفة لكنه عالي ومُتسلق وأي شوية هواء تقتلعه .. او زي نبات ورد النيل ضخم ومنتشر كلنه بدون جذور وضار وينجرف مع التيار ..

سطور من ذهب ... شكراً عليها ...

[MZohairy]

First impression is the last impression

دي مشكلة كتير من المصريين في الخليج

بعكس الأخوه اللبنانيين مثلا

و بناء عليه بقى معروف هنا ان المصري غالبا مبيلبسش غالي و مبيسكنش في الغالي و مبيصرفش كتير عموما

فيبقى بالتالي مش لازم يقبض كتير!!!

[أبو زياد]

طيب إيه رأيك يا أستاذ زهيرى

فى الأخ اللى - ولا داعى لذكر جنسيات - لا يفقه شىء فى أى شىء

و يدعى أنه يعلم كل شىء ومعاه شهادة السيكو سيكو من السوربون

ثم يصل لأعلى المناصب ويتأمر عليك

هل هذا له علاقة بالمظهر ؟ !

أعنى هل هذا يؤيد قصة س س و ما أورده من رأيه فيها ؟

السؤال هو كيف نواجه هذه الأوضاع التى هى بالتأكيد خاطئة ؟

هذا تقريبا هو المحور الذى يدور حوله هذا الموضوع بما فيه سؤال أخى الديزل

هل نكون مثلهم ؟ نقلدهم ؟ أم نرفض وجودهم من الأساس أم ماذا نفعل ؟

تم تعديل 26 نوفمبر 2006 بواسطة أبو زياد

[MZohairy]

والله يا أبا زياد

(حلوه ابا زياد دي؟)

انا شايف اننا ممكن نقلدهم في الصفات المفيده بس

مش لازم نقلدهم في الأشياء السيئه

اللي حقوله الجاي ده يندرج تحت بند في حدود امكانياتنا وبالذات المصريين اللي عايشين في الخليج و السعوديه

يعني ايه المانع اننا نلبس كويس؟

ايه المانع اننا نسكن في اماكن معقوله و ميبقاش همنا هو اختيار ارخص حته في الدنيا و خلاص؟

ايه المانع اننا نتفسح كويس و متبقاش فسحتنا الوحيده هي الجلوس على الأرض قدام البحر ؟

ايه المانع اننا نضع حد عقلاني بين المصروف و المتحوش

ياأخي ولا تجعل يدك مغلولة الى عنقك ولا تبسطها كل البسط

الواحد شاف مآسي و سمع اكتر

ياما ناس شاريه شقق في مصر وفرشاها احسن فرش و عايشين عيشة الكلا...... في الغربه

ليه كده؟ هو حد ضامن حيعيش اد ايه في مصر؟

و تأكد ان السمعه بتاعتنا مجتش من فراغ

ربنا لا تؤاخذنا ان نسينا أو أخطأنا

[أبو زياد]

حسنا يا أبا إياد .... بخ بخ

إذا تم ما تقول .... والحق ما تقول ...

يبقى إن شاء الله حنفلس و نقعد على أبواب المساجد

لأنهم فعلا مرتباتهم كبيرة رغم إن مصاريفهم اكتر

السؤال تحديدا إزاى هما بيحصلوا على هذه المرتبات الكبيرة

والجواب مش بس فى المظهر كما قال س س ( البدلة الزرقاء )

الجواب إن عندهم قدرة على الكلام و الإقناع غير عادية بحيث إنه يقنعك بالحاجة أو الفكرة وتاخدها وانت عارف إنه بينضحك عليك

و يقنعك تماما إنه بذل مجهود خرافى و هو لم يفعل شىء وانت عارف و مع ذلك بتصدقه !!!

أنا مش باعمم جنسيات - فهذا الكلام موجود فى كل جنسية ؟!

بس فيه قدرة و مهارة ناقصانا و باخاف - كما تفضل الديزل - إنى أفقد مهاراتى و أسير فى تيار - بيع الكلام و للأسف هو اغلى سلعة فى ظروفنا الآن وياريت نتعلمها

أخى الحبيب - الأسعار عمالة تغلا - وواجبنا ضغط المصاريف لأن الوضع خطير جدا ولا يخفى عليك

[Eldisel]

الجواب إن عندهم قدرة على الكلام و الإقناع غير عادية بحيث إنه يقنعك بالحاجة أو الفكرة وتاخدها وانت عارف إنه بينضحك عليك

و يقنعك تماما إنه بذل مجهود خرافى و هو لم يفعل شىء وانت عارف و مع ذلك بتصدقه !!!

أنا مش باعمم جنسيات - فهذا الكلام موجود فى كل جنسية ؟!

تمام كدة يابا ذياد .... انت وابا اياد

الناس دي مهارتها فعلن في فن الاقناع والاقناع بيكون مش بس بالكلام , ودة علم بيشترك فية علمين ( علم التسويق و علم الادارة ) والواحد لاذم يدرسهم ويمارسم لانك بتسوق مجهودك وعملك وبتدير موقف انت بتكون فية وبتوظف كل المعطيات الي عندك في اقناع الناس بيك اولاً ثم اي شيء اخر ودة مش عيب انك تعرف اسليب الاقناع ودة بيترتب علي عوامل كتيره ومناخ( atmosphere )انت المفرود تكون عملة ودة يعتمد على المظهر الشخصي ( الهندام ) في المقام الاول وتعبيرات الوش والحركات والايمائات و اسلوب الكلام ونبرة الصوت وبعض الملكات ذي الذهن الحاضر و الثقة بالنفس .. حاجات كتيرة بيقدر من خلالها انة يعمل هالة يسيطر فيها على عقل الشخصية التي امامة ويجبرة انة يفعل ما يريد لمجرد ان هذا الشخص انبهر بتلك الهالة التي قد تكون وهمية ....

وفي امثله كتير منها: ...

تخيل ان فية واحد جاي يعرض عليك ..سيارة ..مثلاً وهندامة مش تمام من غير مايتكلم بتكون حكمت على السلعة الي هو جاي يعرضها مش على الشخص

طب لوكان هندامة كويس ومقبلك بتكشيرة وبوز اد كده :) والاجابة على اد السؤال ..طبعاً هتسيبة وتمشي ويولع هو والعربية

فمن راي ان الهندام وحدة غير كافي والاسلوب وحدة غير كافي والكفائة وحدها غير كافية ..انما هي منظومة متكاملة يجب ضبطها باكملها

وتلك المنظومة صعب من يستطيع ضبطها واستعملها في المواقف المختلفة

ودة راي المتواضع :lol:

[MZohairy]

أخونا الديزل جابلك الخلاصه ابي زياد :)

لو وفرت اعظم العناصر السينمائيه والاخراجيه والانتاجيه و التأليفيه لمحمد هنيدي عشان يمثل دور ملاكم مثلا... الفيلم حيفقد مصداقيته

لازم الشكل يكون مناسب للقصه في الأول

اللي تغلب به العب به

و ده مش عيب

اللي رايح يعمل انترفيو و ريحته عرق و مش لابس محترم تأكد انهم حيخسفوا بيه الأرض في السعر ده اذا وافقوا عليه اصلا

اللي رايح انترفيو و مش محضر جمل بلاغيه و جمل يهرب بيها من اي مأزق يبقى لازم يتعلم يعني ايه انترفيو الأول

اللي رايح انترفيو و مش مذاكر كاريره و مش واخد معلومات عن نشاط الشركه اللي رايح يقدم فيها يبقى لازم يتعلم يعني ايه انترفيو الأول

ويبقى قبل ذلك كله توفيق الله

[أبو زياد]

يا إخوانى الأعزاء نحن نتحدث عن صفة يكتسبها الإنسان منذ ولادته

البيئة تكون هذه الصفات

فما هو الذى ينقصنا كبيئة أو كآباء حتى نكون هذه الملكة عند الطفل فتكبر معه

و أيضا كيف نكونها لدينا ككبار - إن كان ممكن

نحن نريد جيلا يجمع بين كلا من :

1-القدرة على الإقناع

2-القدرة على التفكير و التحليل و الإنتاج

شكرا لكم على آراؤكم و أرجو الإستمرار

[nash]

معليش أنا هادخل بس أقول كلمتين..أوكيه

سيده كبيرة..كانت مربيه فاضله وسيده مجتمع بالدرجه الأولي....نصحتني نصيحه..كأبنه لها..قالت لي:

لو الأطفال ربيوا في مكان جميل..ودخلوا مدرسه جميله..ولبسوا ملابس جميله وأتعاملوا معامله جميله....

لا يمكن أن يتنازل هذا الطفل..بعد أن يصبح رجل..علي أن يكون محاط بالجمال..

فهمتم قصدي؟؟

[أبو زياد]

اختى ناش .......

زى ما قلتى كلمتين حاسألك سؤال من كلمة واحدة

بعد ما أقولك أفادك الله كلامك من ذهب و فهمت قصدك و لكن :

.......... بكام ؟ !!!