زواج .. او صداقة .. او كثيرا من الصبر في سنين الغربة

[أبو زياد]

الأخ العزيز إسلام :

الأخ مصرى متزوج و أولاده بمصر و هذا وضع اعتقد يختلف عنك

أنت ربنا يوفقك

لكن تعمل حسابك إن أسرتك إن شاء الله تكون معاك من أول يوم

أخى المصرى :

لأنك نسيت الموضوع أذكرك بأن الكثيرين مروا و عانوا مما تعانيه الآن وأحسوا كثيرا بما تحس به

والكثيرين صبروا - نعم كثيرا من الصبر فى الغربة

صبر نفسك بالإتصال على الإنترنت ومراعاة شئون اولادك ومتابعة أخبارهم

واشغل نفسك - هناك طرق كثيرة مثل ممارسة الرياضة وخاصة الرياضة الشاقة

الصوم قدر ما تستطيع و جاهد نفسك

وحاول أن تحضرهم إليك فى أسرع و أقرب فرصة

وتأكد أنهم فى بلدهم يستمتعون و هناك متاعب أخرى ستأتى حين يحضروا

[اسكندرية]

اسمحوا لي اختلف مع السيدة نانسي في مفهوم الصداقة ، فما يقصده زميل الأستاذ ليس حتى مجرد صوت ناعم ( كما ذكر بالنص ) يؤنس وحدته ، وإنما ايضاً تكلم عن الخروج والجلوس معاً .

فهل يقاس هذا على المحاورات التي تتم في هذا المنتدى مثلاً ؟؟

ومن يستطيع ضمان عدم تطور مثل هذه ( الصداقة ) إلى ما هو اكبر ؟؟

بمحض الصدفة رأيت مساء امس تحديداً في برنامج اوبرا الأمريكي ( طبعاً مع الفارق الكبير في كثير من المسلمات بيننا وبين الأمريكان ) سيدة امريكية تحكي بكل صراحة انها اقامت ولمدة ثلاث سنوات علاقة كاملة مع ( زميلها في العمل ) الذي هو زوج صديقتها !! والذي تعمل ابنتها كجليسة أحياناً لأبنائه ، وكيف انهما كانا احيانا يقيمان هذه العلاقة على الكنبة الخلفية لسيارتها ، واحيانا في غرفة النوم الإضافية في منزل ( الصديق ) منتهزين فرصة سفر زوجته وعدم وجود اولاده ، واحيانا اخرى كانا يستأجران إحدى الإستراحات .

وتضيف ان زوجة الصديق إتصلت بها في بداية العلاقة تسألها إن كانت الشائعات التي سمعتها عن علاقة غير بريئة بينهما صحيحة ، فأجابتها على الفور NOOOOOO إنها مجرد صداقة !!

ثم تلقت زوجة الرجل ( عدة مرات ) صوراً لهما وخطابات من مجهولين تؤكد على وجود هذا النوع من ( الصداقة )بينهما .

اقصد اننا عندما نكون مقدمين على تصرف ( نحن أول من يعلم انه خطأ ) نلجأ الى تبريره أمام انفسنا أولاً بتسميات مخففة ..

[رمضان]

السلام عليكم ورحمة الله وبركاته

انا في الاول طبعا قرأت كل الردود واعتقد الجميع تحدث في كل النقاط وكل شيء وقالوا كل اللي ممكن كنت أقوله وفيه ردود عقلانية وفيه ردود ظالمة وفيه وفيه ... الخ

لكن انا عندي مبدأ في الحياة الا وهو انا كل انسان هو ميزان نفسه هو أدرى واعلم بما يناسبه ويناسب اسرته ويناسب رغباته وهو ادرى بالصواب والخطأ

بالنسبة لموضوع الاخ الكريم انا هنا في الكويت شاهدته كثيرا ان يكون الزوج في الكويت وباقي الاسرة في مصر وهو وضع ظالم للطرفين ولا توجد اي مبررات تسمح للزوج ان يكون في بلد واسرته في بلد انه نوع من أنواع العذاب والظلم للنفس وديننا الحنيف نهى عن ذلك

لقد شاهدت اشخاص متقدمين في العمر يعني حوالي 50 سنة ومن يوم تزوج وهو على هذا الحال زوجته في مصر وهو في الكويت وفي احد المرات سألت احدهم " انت متزوج بقى لك كام سنة " فقال لي 25 سنة ، قلت له وفي خلال 25 سنة هل استمتعت بحياتك الزوجية او الاسرية فقال لي انا عملت مستقبل لولادي قلت وماذا عنك وعن المدام وانتهى حديثنا وتمر الايام وبعدم حوالي 6 اشهر اسمع بخبر وفاته ادام الله عمركم

احب ان اوضح من هذا الكلام القول ان إن لرّبك عليك حقاً ولأهلك عليك حقاً ولبدنك عليك حقاً فأعط كلَ ذي حق حقه

[النسر المصري]

أخى النسر الطائر

إنت اديت للباشمهندس حجرين والا طوبتين ؟ أفهم بس !

نفسى اعرف إيه اللى مخليك كدة محلق دايما فوق قوى كدة ؟

حبي ليكم...حبي الشديد جدا جدا ليكم...وهنا بالذات في البيت الكبير :D

ده اللي مخليني طاير طير فوق فوق فوق من الفرحة....لاني كل يوم بتعلم جديد....فانتم خير مدرسه دخلتها يوما ما ;)

بس انا مارمتش طوب ولا حاجة!! :ninja: ...أنا جيت أهدي النفوس :wub: ...احنا تلاميذ سعادة القومسيون النسافوي مسيو زوهيري :wub: ....مش كده ولا اية يا أختي نااش :sad:

الصديقة الغالية جدا نانسي....أجدع الاسكندرانيات -_-

كلامك مليون المية صح....بس لازم أضيف حاجة...لان سيف مايقصدش فكرتك في الصداقة الفافة دي

بس الأول عاوز ارد على المعترض على كلامك بالكامل ولم يحدد اتجهات الاعتراض

صداقة رجل وامرأة والخروج معها شيء.....وصداقة رجل وأسرة شيء تاني

انتي صديقتي مش كده....وأنا أشهد أني لم أرى في جدعنتك ورجوليتك( طبعا مع الاعتذار :D ..فانت ست الستات) ولدي صديقات هنا على نفس الشاكلة

بل لآ أخفيكم قولا ان زميلاتي من الجامعه لم اكن اتكلم سوى من هن على تلك الشاكله الرجوليه المصريه الجدعانيه الأصيله

بس إيييه!! أقولكم بسسسس اييه!!

بس يربطنا عمل محدد ... وبعلم الأسرة...بل أن هناك من كنت ازورهن في بيتهن لانهاء مشاريعنا والأب والأم موجودين

انت يانانسي صديقتي ...وبإذن الله تعالى سنتجمع في حلم حياتنا لتنفيذ فكرة العمل...وحدثت بيننا اتصالات...ولن انسى انك في اول رساله لي منك قلت فيها (لقد تكلمت مع زوجي وهو موافق على ان أشاركك ذلك المشروع)...

زميلاتي كن نفس الشيء...بصراحة لم أكن غلس ورزل ودمي واقف ومابفكرش غير في الشغل... ودائما احب ان ادخل جو المرح والبهجة واتكلم في مختلف القضايا

صداقتنا هنا يانانسي شفافه للغايه وبشده..... وهناك غرض ثقافي فكري أو عملي قد يكون من تلك الصداقات العظيمه

لكن الفكره طرحت لدى الصديق سيف بشكل مختلف...وهو الغرض (الحنين ) مع فتح النون وشد الياء.... يعني رومانسيه وكده بقى!!!...هو بيقول بس فكره!!

وياكده يا يتجوز...وانا رديت على دول حسب رأي المتواضع

صباح الروقاان

[abaomar]

السلام عليكم

الاخ مصرى ثبتك الله

بس يا حبيبى كمسلمين لنا تشريع و اطار يكمنا و الحمد لله

العلاقه الجنسيه بين الرجل و المرأه لو فى اطارها الشرعى تصبح زواج يحتفل به المجتمع و يشهرهه و يقدره و يدعو اليه .

خارج اطار الزواج يسمى زنا و لو اطلق عليه اى مسمى اخر ( حتى لو عرفى ).

لو ظروفك تساعدك هات اولادك معاك و لو ضحيت بمصاريف اكثر لان الفرق اللى عاوز توفره هيضيع قصاده حاجات اخرى كثيره سواء لك او لزوجتك او لاولادك ابسطها ان اولادك بيكبروا يوم بعد يوم و انت لا تراهم و تفاجا لما تغيب سنه و تيجى ان ابنك او بنتك شكله اتغير و كبر .

و ايضا جفاف المشاعر بينك و بين زوجتك غصب عنكما انتما الاثنين نظرا للبعد مش بيقولوا فى الامثال ان البعد جفا

لو مش قادر يبقى تنزل مصر و تعيش وسط اولادك و تخلى عن فكره ان الظروف فى مصر بقت صعبه و الشغل و الغلا .... و ما الى ذلك من وساوس الشيطان لان يا حبيبى الرزق بيد الله وحده و هذا الرزق مكتوب لك قبل خلقك فلا تشغل نفسك به .

لو فيه ظروف تمنعك من ان تجيب اولادك او تنزل مصر ( و لازم تكون ظروف قويه قوى علشان تاخذ هذا القرار زى تكون خايف ترجع وتتسجن او عليك تار... ) و مش قادر على متاعب الغربه النفسيه

و حاجتك الى الجنس الاخر قيجب عليك ان تتزوج فورا و ما فيش حاجه اكرر مافيش حاجه اسمها الصداقه بين رجل و امراه خارج الاطار الشرعى او بين رجل و اسره .

اخى مصرى الحلال بين و الحرام بين (بتشديد الياء ) و اعمل ما شئت كما تدين تدان .

عفوا للخطا

بص يا حبيبى احنا كمسلمين لنا تشريع و اطار يحكمنا و الحمد لله

و الى الاخ نسر

انت متأكد ان اللى بتضربه ده بانجو و لا يكون الولا اللى باعهولك ادالك ملوخيه ناشفه . :D

[مصري في الكويت]

يا جماعة براحة علي الله يخليكم

[مصري في الكويت]

أرجع مصر ........

أمممممممممم فعلا فاكرة هايلة

ياااااه ده أنا طلعت مغفل قوي ... أزاي الفكرة دي ما جتش لي علي بال قبل كده ... فعلا عندك حق أي كانت ظروف الحياة في مصر اللي كنت عايشها قبل كده مفيش مشكلة اني ارجع لها

عادي فيها اي يعني لو جه العيد ومقدرتش اجيب لبناتي فساتين جديدة مش مشكلة يعني ممكن 3 اربع ليالي ابكي فيهم كده من غير ما حد ياخد باله

حتي لو بنت من البنات تعبت يعني وراحت للدكتور وطبعا الدكتور وعلاجه مش اقل من ثلاث اربع الراتب بتاعي باعتباري موظف فني درجة ثالثة اكيد برضه هنقدر نشتري عيش لأخر الشهر

مفيش مشكلة ابدا اني اخاف اخرج افسح العيال احسن اخر 30 جنيه يخلصوا وتبقي مشكلة وبعدين برضه عدم الخروج كويس ماهي العيال بيكون نفسها تتفسح وتطلب حاجات طول ما هي ماشية هنكد علي نفسنا ليه بقي خلينا في البيت احسن

فعلا انا مفيش علي تار في مصر ولا هربان من قضية ايه اللي مخليني اقعد في بلد مكنتش احلم بيوم بالمرتب اللي باخده اللي ممكن يوصل في شهر واحد لمرتبي في عام كامل في مصر احسن برضه ارجع هي فكرة ممتازة فعلا

ارجع تاني استني لبس من لبس ولاد الدكتور اللي كنت بشتغل عنده بعد الضهر مفيش مشكلة ماهم عيال مش هيعرفوا حاجة

ايه يعني لما ارجع وكل شوية اهرب من عيون زوجتي خايف من انها تبص لي علي اني عاجز ومش قادر اواجه الحياة

مفيش مشكلة ابدا ارجع تاني امشي في شوارع مصر زي التايه او العجوز اللي عدي 80 سنة

فعلا انا بشكرك علي فكرتك اللي ما خطرتش ليش علي بال ابدا

لولا ظروف السكن وبناتي في المدرسة ما كنتش اترددت لحظة اني اجيبهم يعيشوا معايا بس انا شايف برضه من الاحسن ان الواحد يرجع للوضع الأول .......... مش انت معايا برضه يا استاذي في الكلام ده

[MZohairy]

أرجع مصر ........

أمممممممممم فعلا فاكرة هايلة

ياااااه ده أنا طلعت مغفل قوي ... أزاي الفكرة دي ما جتش لي علي بال قبل كده ... فعلا عندك حق أي كانت ظروف الحياة في مصر اللي كنت عايشها قبل كده مفيش مشكلة اني ارجع لها

عادي فيها اي يعني لو جه العيد ومقدرتش اجيب لبناتي فساتين جديدة مش مشكلة يعني ممكن 3 اربع ليالي ابكي فيهم كده من غير ما حد ياخد باله

حتي لو بنت من البنات تعبت يعني وراحت للدكتور وطبعا الدكتور وعلاجه مش اقل من ثلاث اربع الراتب بتاعي باعتباري موظف فني درجة ثالثة اكيد برضه هنقدر نشتري عيش لأخر الشهر

مفيش مشكلة ابدا اني اخاف اخرج افسح العيال احسن اخر 30 جنيه يخلصوا وتبقي مشكلة وبعدين برضه عدم الخروج كويس ماهي العيال بيكون نفسها تتفسح وتطلب حاجات طول ما هي ماشية هنكد علي نفسنا ليه بقي خلينا في البيت احسن

فعلا انا مفيش علي تار في مصر ولا هربان من قضية ايه اللي مخليني اقعد في بلد مكنتش احلم بيوم بالمرتب اللي باخده اللي ممكن يوصل في شهر واحد لمرتبي في عام كامل في مصر احسن برضه ارجع هي فكرة ممتازة فعلا

ارجع تاني استني لبس من لبس ولاد الدكتور اللي كنت بشتغل عنده بعد الضهر مفيش مشكلة ماهم عيال مش هيعرفوا حاجة

ايه يعني لما ارجع وكل شوية اهرب من عيون زوجتي خايف من انها تبص لي علي اني عاجز ومش قادر اواجه الحياة

مفيش مشكلة ابدا ارجع تاني امشي في شوارع مصر زي التايه او العجوز اللي عدي 80 سنة

فعلا انا بشكرك علي فكرتك اللي ما خطرتش ليش علي بال ابدا

لولا ظروف السكن وبناتي في المدرسة ما كنتش اترددت لحظة اني اجيبهم يعيشوا معايا بس انا شايف برضه من الاحسن ان الواحد يرجع للوضع الأول .......... مش انت معايا برضه يا استاذي في الكلام ده

لا حول ولا قوة الا بالله

ليه كده بس يا مصري تقلب علينا المواجع؟

الله يجازي اللي كان السبب

[رمضان]

ايه النظرة التشاؤمية دي

انته عارف يا صديقي العزيز اننا اللي مصعبين الامور على نفسنا

انته عارف لو عيشنا حياتنا ببساطة وبدون ان ننظر الى الاخرين

انته عارف لو مفيش حتة الفشخرة الكدابة اللي موجودة يعني تلاقي موظف وشايل موبايل بدون اي لازمة وده مثال بسيط من مليون مثال

والله كان حياتنا هتكون اسهل من كده بكتير

[مصري في الكويت]

واضح انك مش فهمت كلامي كويس

مجرد فكرة اقتناء موبايل في حياتي اللي فاتت كان حلم مش من حقي احلمه

صباح الخير يا استاذي العزيز

[رمضان]

والله احنا كمصريين كل مشاكلنا بسببنا وانا عمري ما الوم الحكومة المصرية على اي شيء لانه بكل بساطة اصبح 90% من الشعب فاسد يعني الوزراء وكبار المستثمرين والتجار والموظفين المرتشين والحرامية جنسيتهم ايه ما همه مصريين ولما بيمشوا بييجي غيرهم ويسرق وبرده مصريين مشكلتنا في البعد عن الدين وتبرير الاخطاء والسرقة

[abaomar]

السلام عليكم

الاخ الكريم مصرى

على فكره لو ركزت فى كلمتى ان الرزق بيد الله لما سخرت من كلامى ال75 مليون عايشين كتير او قليل عايشين و احنا قبل ما نتغرب كنا عايشين و لو اضطرينا نرجع سوف نعيش و نتأقلم انا رديت عليك من منطلق انى حطيت نفسى فى ظروفك التى مررت بها فعلا بس كانت المشكله انى لم اكن استطيع احضار زوجتى لاسباب ان الاستقدام فى البلد اللى ان فيه كان موقوف ساعتها .

اخى مصرى الاطفال والبنت خصوصا شديدى التعلق بالابوين و خصوصا الاب لانهم طوال الوقت مع امهم التى احيانا و فى اطار تربيتها لهم ممكن تعمل ما يضايقهم (من وجهه نظرهم ) لذلك عندما يعود الاب يكونوا اكثر التصاقا و تعلقا به مع وجود امهم و اكلمك من خلال تجربه شخصيه هذا و الاب عايش معاهم فما بالك و الاب لا يرى اولاده سوى شهر واحد سنويا

اخى التربيه و تنشئه الاطفال تتم على مدار الساعه بل الدقيقه فالتقويم السلوكى يحتاج دائما للتكرار و المتابعه و الام وحدها لا تكفى ناهيك عن معاناه المراه الزوجه و حاجتها النفسيه لوجود زوج (و ليس ممول ).

و النماذج كثيره و لو عملنا استبيان فى هذا المكان للاخوه الذين مروا بظروف نشاه بعيده عن والديهم ما هو شعورهم الان و هل المال يغنى عن الوالد او الزوج بالنسبه للزوجه؟

اخى العزيز المدارس ممكن تتنقل و الامور يمكن ترتيبها ( لو ) اردت ذلك باذن الله طبعا

خلى نيتك لله سبحانه و تعالى و شوف ربنا هايعملك ايه و اطرد من دماغك وساوس الشيطان الذى يريد تثبيطك عن فعل الصواب حتى تقع فى المحظور الذى بدات به كلامك . و الله يثبتك

[أبو زياد]

مين اللى قالك إرجع مصر ؟

ياأخى انا دورت فى كل الردود مالقيتش واحد بيقولك إرجع مصر !!

و بعدين كل دة توقيع ... وواحد مدينا ضهره واحنا قاعدين نرد عليك

إضحك شوية يا اخى وادينا وشك !!

المفيييييييد عشان الردود كترت !!!

إنزل دلوقتى شوف لك أى نادى رياضى والعب فيه فى وقت فراغك رياضة شاقة دة لو كان فيه وقت فراغ - طبعا دلوقت حتقول مافيش ؟!

استعجل أولادك - لا فرصة للبقاء من غيرهم - وكل شىء يتدبر و كلنا حفينا عشان ننظم لهم السكن والمدارس بس إنوى خير و توكل على الله

هوة انا قلت حاجة جديدة عن الإخوة ؟؟؟؟!!!!

[جيهان]

ياااااااااااااااااااااااة يا مصرى مش عايزة اقلك كلامك اثر فيا قد اية بس معلش اكيد ربنا عوضك عن الفترة دى وانت ممكن تصبر على الاقل كا م شهر تحوش فيههم وتمسك على نفسك شوية بحيث انك تكون مبلغ كويس تقدر انك تجيب بيهم اسرتك ومش فى اى كلام تانى اقلهولك غير انك استعن بالله وادعية وان اشاء الله ربنا هيساعدك ويسهلك امورك .

[darker19]

أخي مصري الموضوع ده فعلا صعب, ما أظنش ان ممكن حد من الأعضاء يقلك ايه الحل الصح, لأن إنتا الي عايش المشكلة وانتى أدرى بيها و أبعادها, بس طبعا المداخلات بتاعتنا لازم هايكون ليها أثر في قراراتك, رجاء مني انك ما تتسرعش في قرار مصيري زي ده ممكن تندم عليه العمر كله.

و ياريت ما تتضايقش من الردود أيا كانت, لأن أي حد بيكتبلك رد هنا أكيد عايز مصلحتك, وهوا بيرد من وجهة نظره و في محيط معرفته بحياتك, الي هيا طبعا بتكون معرفة قليلة جدا.

من رأيي مفيش حاجة اسمها صداقة بين الجنسين و على وجه التحديد في مجتمعاتنا الشرقية, الصداقة بين الجنسين ممكن تكون موجوده في الغرب, لكن عندنا لا, ما بتكونش صداقة أبدا.

موضوع الجواز, هوا حلال ماحدش يأدر ينكر كده, بس بيترتب عليه حاجات كتيرة, أولها المصاريف وطالما توفرت المصروفات يبقى الأولى زوجتك وأولادك, مشاكل اسرية, زي ما قالوا الأعضاء ايه هوا مدى تقبل الطرف الأخر لحاجة زي كده, غير كده ان ممكن الزوجة الجديدة تتسبب في وجع دماغ و تظهر مشاكل تانية ما كانتش في حسابك.

وبصراحة من رأيي أن موضوع الجواز مره تانية بسبب الوحده أو الرغبة أو أيا كانت الأسباب الغير قاهرة طبعا و المسميات, بحس ان المسألة لها علاقة بالإخلاص ومدى الحب الراجل لما بيحب بجد ويخلص في حبه, حبيبته بتكون بالنسبه له هيا كل حاجة في الدنيا و هيا بنت حواء الوحيدة في الدنيا,, أنا لا أقصد توجيه اتهام بأنك غير مخلص, ولكن ده مجرد رأي شخصي.

بخصوص إنك ترجع مصر أو انك تاخد العائلة عندك, من رأي حاول تنفذ حاجة من الأتنين دول في أسرع وقت ممكن على حسب ظروفك, ده مش الحل الأسلم, ده الحل الوحيد, حياتك في بيتك وسط عيالك و أمهم تسوى الدنيا و ما فيها, واصبر وتحمل و إن شاء الله ربنا هايعوض صبرك خير.

عن عبد الله بن مسعود رضي الله عنه أن النبي صلى الله عليه وسلم قال: "يا معشر الشباب من استطاع منكم الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم فإنه له وجاء" أخرجه البخاري (5065) ومسلم (1400)

و الحمد لله انتا متجوز و عندك عيال, فاياريت ماتتسرعش في قرار تاني.

أتمنى اني كلامي ما يدايقكش, كلنا هنا نتمنالك كل خير, وأرجو انك تاخد الموضوع بعقلانية بحته بعيدا عن العواطف تماما, لأن العواطف هيا الي دايما جايبانا ورا.