حلم الا معقول

[nancy]

كنت بشوف تمثلية ولاقيت واحد معرف ان الشخصية الى بيأديها انة جاد جدا بس راح من وراء كل الى يعرفوة لمدرسة رقص كلاسيك

سعتها قلت فى نفسى هو دة ( حلمى المجنون)

ومر فى خيالى انى بحب اشوف رقصات فرقة رضا والبالية والرقص على الجليد وفرقة كراكلا والرقص النقرى

ففكرت ان حلمى الامعقول والى ولا ظروفى ولا وضعى الاجتماعى ولا مكان اقامتى وحياتى يسمح باى حال من الاحوال

بانى امارس فكرة مجنونة زى دى الى هى مدرسة للرقص الكلاسكى والواحد يتعلم فالس وتانجو

فدى فكرتى المجنونة

واكيد كلنا فى حتة جوه تلفيف مخنا كلنا فيها حلم لا معقول ويا ترى حلمك انت اية

ولو مش حتقدر تكتب ادخل وحط ولو حتى سمايل بس فنعرف ان عندك حلم لا معقول ولا مكتوب كمان :)

[khedr]

ولو مش حتقدر تكتب ادخل وحط ولو حتى سمايل بس فنعرف ان عندك حلم لا معقول ولا مكتوب كمان :)

:) :wub: :D

:wub: :huh: :wub:

:o :wub: :o

[nash]

أهلا يا نانسي

أنا كان نفسي........أطلع......طيارة :)

ولو يعني ماظبطشي......أطلع .......مضيفه.. :huh:

أتريقوا عليه وقالولي عايزة يعني تطلعي خادمه خمس نجوم.........ماحدش يزعل من التعليق بتاعهم...... :)

للآن لما بشوف طيارة أو مضيفه ..بحس بحقد عليهم... :D

<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<

نانسي وخضر أتفضلوا دي هديه مني

[bentmasria]

نانسى

موضوع جامد جدااااااااااااااااااااا

ومتوقعة ردود مرعبة جدا كمان

بس ماظنش حد منكم بيفكر بطريقتى انا اصلى لاسعة بجد بس وشى :) جد جدااااااااااااااا

احيانا كنت بتمنى اكون ولد بس وانا عمرى 12 سنة (اصلهم كانوا مستقويين علينا) واتغلبت على الحلم ده بطريقة عملية اصبحت عايشة حياتهم تقريبا...(علمناهم الادب).........مفيش داعى للتفاصيل

المهم انا فعلا قدمت فى معهد طيران امبابه يا ناش بس طلع عندى مشكله مسكرة ما نفعش ابقى طيارة بس ما منعش فرقة مظلات يعنى لما ما سقتش الطيارة قررت انط منها

ممنوع الضحك لو سمحتم

انا حسكت مؤقتا بس حرجع تانى

موضوع رااااااائع مستنية المفاجآت

:D :o :huh: :o :)

[مصرية يعني مصرية]

نانسي

عارفة أنا و إنتي بتشدنا نفس الأفلام :)

مش معقول... تخيلي أنا كمان شفت الفلم و هو بتاع ريتشارد جيير صح؟؟

و عجبني أوي و خصوصا تمسكه مراته و حبه ليها

و جاني نفس إحساسك والله و أنا بشوفه بيرقص

و كان نفسي أعمل نفس إللي بيعمله و فعلا زي ماقلتي (الحلم المجنون)

بس إييييييييييييييييه

مش ممكن ...بل مستحيل....في بلادنا العربية

و على فكرة

يسرى و هاله صدقي مثلو فلم زيه بالزبط ربما خادو الفكرة منه أنا شفت لقطات من الفلم بس

بس باين إنه جميل

إسمه ( يلا نرقص )

[نانو]

نانسي انت اللي قولتي اللا معقول صح؟

يبقي تستحملي....بصي انا بصراحه فيا عيب وحش اوي....ممكن مستكينه و جميله و مستمتعه جدا بحياتي.....و في لحظه واحده ابقي مش انا

و نفسي اخرج من كل حاجه واي حاجه حواليا ....بمعني اني كتير اوي احلم اني ممكن في لحظه اطير او بمعني اوضح اتحول لطائر

اختفي من شكلي و صورتي و هيئتي و من كل اللي حواليا و اطير فوق في السما الف العالم اروح في اللي المكان اللي نفسي ازوره .....اشوف الناس اللي عايزاهم في اللحظه ديه .....و افضل الف و الف لغايه ما اتعب...... وبعدها ارجع تاني نفس مكاني و زي ما كنت

بنت مصريه ايه ده واضح ان فيه حاجات كتير مستخبيه علينا :)

لو سمحتي روحي موضوع ذكريات حلم الطفوله البريئه و امضي حضور هناك.....اوكي :)

[nancy]

عزيزى خضر كل دى احلام لا معقولة

تعرف انا ديما بحس ان جواك كتير بس كلة مستخبى

انت بجد جميل اوى وطيب اوى

ناش حلو حلم المضيفة دة

بس انت عارفة انا كان عندى صديقات مضيفات لما سالتهم هل شغلكم ممتع قالولى فى الاول اول سنة

لانك كل يوم بتشوفى بلد مختلفة

بعد كدة بيبقى مجرد شغل واول ما بتنزلى من الطائره بيبقى حلمك تنامى وتستريحى من التعب

بنت مصرية

انا كمان كان نفسى اطلع ولد لانى ايامها زهقت انى بنت من كتر الممنوعات

سهام انا شفت التيتر عن الفيلم بس ايناس الدغيدى اكيد مخلياه اخر رقص حابقى اشوفة لما انزل مصر فى الصيف واقولك راى علية فى رسالة

نانو

انا كمان كتير كنت باحلم وانا نايمة ووانا صاحية بانى طايرة اعلى من الارض ب 3 متر وشيفاة الناس تحت وانا الى بجرى فى الهوا

وللهِ بجد لو بطلنا نحلم نموت ... بحبك يا منير -_-

[واحد تاني]

-_-

[shawshank]

الموضوع ده فظييييع جدا

شكرا جدا عليه يا نانسي

انا برضه ساعات بيكون نفسي أطير ... و اتفرج كده على الناس من فوق و على البيوت و كده

الأحلى بقه ، ساعات بيكون نفسي اسيب المكان اللي انا فيه و اروح حتة بعيد ... حتة مش في الدنيا خالص ، مفيهاش حد غيري . أقعد هناك أ relax -_- ... و أروق دماغي خالص ، و بعد ما أروق ، يكون عندي وقت بدون حساب ... فممكن أقرا كتير أوي أوي و أتعلم حاجات كتير جدا ... و أرجع بعد كده لنفس المكان اللي كنت فيه ، الاقي الوقت هوه هوه متحركش .

ايه رأيكم في الجنان ده؟

[Diab]

مشاركة بتاريخ اليوم, 01:51 AM nash

أهلا يا نانسي

أنا كان نفسي........أطلع......طيارة

مفيش مشكلة -_-

[nancy]

تانى

كنت متخيلة انك مستحيل يكون عندك مستحيل ( مش عرفة ليه)

بس الحمد لله طلعت زى باقى الناس

-_-

shawshank

تعرف عندك حق دى اجن فكرة

بس تعرف كان عندى كمان فكرة مجنونة انى احب اشوف الى جوة الناس واعرف بيفكروا فى اية

فعوضت دة بانى قريت كتب عن تحليلل حركات الانسان والالوان والفراسة

Diab

مكتبتش حلمك يعنى عوزة افكارك الا معقولة

[Diab]

بجد ده حلمي الا معقول

كان نفسي أروح في جزيرة بعيدة ملاينة فاكهة أشي رمان علي موز علي فخفخينة علي كمثري وأقعد آكل أنا لوحدي وخصوصا أني خسيت 9 كيلو في شهر

ملحوظة

القصب يمتنعون -_-

ده كش حلم دي فكرة

أحب أتفرج علي الناس الصبح وهي ماشية بتمارس رياضة التجديف

هه

متستغربش هفهمك

لو أخدت بالك من حركة يد الناس وهي ماشية

رايح جاي رايح جاي

رايح جاي

زي اللي بيجدفوا بالظبط

هههههه

تم تعديل 25 نوفمبر 2006 بواسطة Diab

[se_ Elsyed]

الحكيكة يا ولاد لما بأقرأ مواضيعكو المطرقعة دي .. بأحس إني شخصية مُعقدة أو بعيد كل البُعد عن الرومانسية الحالمة

أصل ما بيقعدش يحلم ويفتكس كده غير الشخصية الرومانسية ..

اما أنا فطول عُمري واقعي وعقلاني جداً .. وبالتالي ما بيبقاش عندي وقت أحلم

تخيلو حتى الأحلام في فترة النوم .. يعني الإنسان ما بيبقاش عنده إرداة يحلم النهاردة ولا لأ .. ما بيحصلش معايا .. دي حقيقة

وممكن مثلاً أقعد شهور طويلة زي ما أنام زي ما أقوم ... يعني كافي خيري شري .. لا بأحلم بقطط بتجري ورايا ( زي الولا علي لما جه يقولي الإسبوع اللي فات : يا بابا أنا شوفت القطة وأنا نايم بتجري ورايا وبعدين روحت متخانق معاها ) ولا حتى أحلام يقظة إني أبقى طيارة ولا صاروخ سكود حتى ...

أنا عتبان قوي وحاسس إني عيان نفسياً

[مصرية يعني مصرية]

الحكيكة يا ولاد لما بأقرأ مواضيعكو المطرقعة دي .. بأحس إني شخصية مُعقدة أو بعيد كل البُعد عن الرومانسية الحالمة

أصل ما بيقعدش يحلم ويفتكس كده غير الشخصية الرومانسية ..

اما أنا فطول عُمري واقعي وعقلاني جداً .. وبالتالي ما بيبقاش عندي وقت أحلم

تخيلو حتى الأحلام في فترة النوم .. يعني الإنسان ما بيبقاش عنده إرداة يحلم النهاردة ولا لأ .. ما بيحصلش معايا .. دي حقيقة

وممكن مثلاً أقعد شهور طويلة زي ما أنام زي ما أقوم ... يعني كافي خيري شري .. لا بأحلم بقطط بتجري ورايا ( زي الولا علي لما جه يقولي الإسبوع اللي فات : يا بابا أنا شوفت القطة وأنا نايم بتجري ورايا وبعدين روحت متخانق معاها ) ولا حتى أحلام يقظة إني أبقى طيارة ولا صاروخ سكود حتى ...

أنا عتبان قوي وحاسس إني عيان نفسياً

يا ضنايا يا أحمد -_-

كده إنت مش طبيعي خالص

أنصحك تشوف أفلام هندية شوية زي (kuch kuch ho ta hai....أو ...dilwali dulhan ligangé)

واحد كل ليلة قبل النوم

و السبت والحد تشوف أفلام الخيال علمي زي (ماتريكس و حرب النجوم...)

الصبح و قبل النوم و بعد الأكل

و حتبقى كويس ماتخفش :P

تم تعديل 25 نوفمبر 2006 بواسطة مصرية يعني مصرية

[نانو]

يعني يا س س...ما فيش امر من الواقع و احلي من الاحلام

طيب لما الدنيا بتضيق اوي معاك بتعمل ايه....بجد نفسي اعرف؟؟؟؟

الانسان اللي بيقدر يحلم ......بيغمض عينيه و بيحقق كل اللي نفسه فيه و بعدين يرجع تاني مكانه من غير ما يخسر اي حاجه الا شويه دقايق

انت بقه حلك انك تروح لدكتور نفساني يعلمك ازاي تحلم احسن انت كده حالتك صعبه اوي

منير قالها .....لو بطلنا نحلم نموت

[واحد تاني]

منير قالها .....لو بطلنا نحلم نموت

اصله لسه زبون جديد فى صفحة منير ... -_-

روح يا س س ذاكر منير ... :P

[نانو]

أنا عتبان قوي وحاسس إني عيان نفسياً

بس انت بقه ما قولتليش

انت عتبان كده علي مين ...... -_-

[مصرية يعني مصرية]

أنا عتبان قوي وحاسس إني عيان نفسياً

بس انت بقه ما قولتليش

انت عتبان كده علي مين ...... -_-

نانو

:P :) :D

[واحد تاني]

نفسي يبقى وقتى فاضي

ومفيش ورايا مليون حاجة

ويبقى كل اللى شاغل بالي اني اطلع من اللوفر الحق فرساي

وارتب دماغي عشان رحلة اسبانيا عشان ازور جوجنهايم بيلباو

واعدي على روما ازور الفورام والكوليسيون ومتحف الفاتيكان

وبعدين فينسيا وميدان سان بيتر وجسر التنهدات

واطلع من جوجنهايم نيويورك وانا بسال على عنوان ميتروبوليتان

واخر الاسبوع احضر كل الفعاليات اللى في اوبرا سيدني

تفتكري يا نانسي ده حلم لامعقول؟؟؟ :lol:

[nancy]

ادة دة اولا حلم قابل للتحقيق حتى لو صعب شوية بس يعتبر ممكن

وبعدين دة مش حلمك وحدك دة حلمنا كلنا ياتانى انا طول عمرى نفسى اروح رحلة ايطايا واسبانيا وفرنسا وانجلترا

واشوف المسارح والمتاحف

دة حلم جميل بس ممكن تحققة على مراحل

انا عوزة حلم لا معقول حلم مستحيل :lol: