حلم الا معقول

[nash]

:lol: :P :D

نفسي يبقى وقتى فاضي

ومفيش ورايا مليون حاجة

ويبقى كل اللى شاغل بالي اني اطلع من اللوفر الحق فرساي

وارتب دماغي عشان رحلة اسبانيا عشان ازور جوجنهايم بيلباو

واعدي على روما ازور الفورام والكوليسيون ومتحف الفاتيكان

وبعدين فينسيا وميدان سان بيتر وجسر التنهدات

واطلع من جوجنهايم نيويورك وانا بسال على عنوان ميتروبوليتان

واخر الاسبوع احضر كل الفعاليات اللى في اوبرا سيدني

تفتكري يا نانسي ده حلم لامعقول؟؟؟

:D :D :o ده حلم يجيبلنا أحنا الإكتئاب

حرام عليك قهرتني

:D شوكرن حققتلي حلمي....

ربنا يخليك

[واحد تاني]

انا عوزة حلم لا معقول حلم مستحيل :D

طيب خدي عندك يا ستي ... :D

وانا صغير كان شاغلني اوي موضوع الة الزمن

مكنتش لسه شفت افلام (باك تو فيوتشر) وكنت بقعد اسال اللى اكبر مني هو مش احنا بنروح من اسكندرية للقاهرة بالعربية فى 3 ساعات...

وبالطيارة فى نص ساعة ... وممكن بالصاروخ في 3 دقايق ... يعني لو اخترعنا حاجة اسرع من الصاروخ ممكن نوصل القاهرة قبل ما نطلع من اسكندرية اصلا :lol: ونبقى كسرنا حاجز الزمن ...

ساعتها ممكن نظبط الجهاز ده على السرعة اللى احنا عايزنها ونروح التاريخ اللى احنا عايزينه ...

كمان لما كانوا يدرسوا لنا ان الطاقة لا تفنى ...

كنت بقعد افكر طيب مش اصواتنا دي طاقة بتطلع فى الفراغ ... المفروض انها لا تتلاشي ... هى موجات كده بتنتشر فى الفراغ المحيط بينا

بس ممكن نجمعها تاني ... طيب ليه منقدرش نجيب اصوات كل الكلام اللى اتقال فى الدنيا قبلنا ... نسمع الامم اللى سبقونا على الارض كانوا بيتكلموا ازاي وبيقولوا ايه ... نسمع كلام الانبياء باصواتهم ... نسمع التاريخ وهو لسه بيحصل ... ونعرف الخفايا والامور اللى اتبدلت مع الزمن ... :P

ناش ... معلش والنبي مكنش قصدي :D

[se_ Elsyed]

الانسان اللي بيقدر يحلم ......بيغمض عينيه و

يا دكتوره نانو ياختشي حاولت كتير والله

لكن كل ما أغمض عيني ما بأشوفش أي حاجه قدامي

طب قوليلي إنتو بتعملو إيه ؟

يعني عاملين خرم في إيديكو فمهما غمضتوا وحطيتوا إيدكو على عينكو بتشوفو برضوا ومش فارقه معاكو ؟

ولا بتاكلو سمك وبيض كتير فعشان كده الآيونات الفسفورية عاليه عندكو ؟

دليني الله لا يسيئك أنا حالتي بقت عيضه خالص

--------------------

أنصحك تشوف أفلام هندية شوية

سهام

لو جيبتي سيرة الهنود تاني قدامي .. هاخسرك للأبد

يا سهام يا أختشي .. ده أنا قرفان من كترهم هنا في السعودية لدرجة إني بقيت أتكلم هندي وأشرب تمر هندي وأكل مانجا هندي وأركب فيل هندي

----------------

(se_ Elsyed @ Nov 25 2006, 05:31 PM)

أنا عتبان قوي وحاسس إني عيان نفسياً

بس انت بقه ما قولتليش

انت عتبان كده علي مين

عتبان عليكي

عشان المفروض إنتي دكتور مناخير وأذن وحناجر وسايباني اعاني وأتألم

------------------

واحد تاني كتب

ويبقى كل اللى شاغل بالي اني اطلع من اللوفر الحق فرساي

وارتب دماغي عشان رحلة اسبانيا عشان ازور جوجنهايم بيلباو

واعدي على روما ازور الفورام والكوليسيون ومتحف الفاتيكان

وبعدين فينسيا وميدان سان بيتر وجسر التنهدات

واطلع من جوجنهايم نيويورك وانا بسال على عنوان ميتروبوليتان

واخر الاسبوع احضر كل الفعاليات اللى في اوبرا سيدني

تفتكري يا نانسي ده حلم لامعقول؟؟؟

بس دي حقيقي مش حلم

ده إذا كنت انا ومسيو زهيري بنعمل كده كل ويك إند ..بس ما بقناش نروح الفاتيكان عشان مأيرين من الراجل اللي بيهطرش هناك دلوقت ..

-----------

[نانو]

عويناتي يا س س يا اخويا ا لكبير

انت تقعد حضرتك في اوضه ضلمه و تسترخي و تبدا تستحضر موقف عيشته و كان سعيد و انت مثلا خارج مع اصحابك في مكان ما

و بتسمعوا موسيقي او اغنيه معينه...و اد ايه كنتوا فرحانين و بتضحكوا...هتلاقي ابتسامه ارتسمت علي وجهك دون ان تشعر

تبدا تتغلل في الموقف اكثر و تستعيد الكلمات و المواقف اللي حصلت بالتفصيل...و تبدا تدندن بالاغنيه اللي كنت بتسمعها

شويه شويه هتلاقي نفسك....عشت الموقف نفسه و حسيت بنفس السعاده اللي حستها وقتها

و هو ده بقه حضرتك الحلم و انت صاحي :closedeyes:

س س انا بتجيلي زيك حساسيه من سيره الهنود وبلاقي راسي بتتهز يمينا و يسارا في هدوء مستفز و تقول زين ماما زين

[Eldisel]

متسمعش كلام نانو يا س س ...... اسمع كلامي انا عندي وصفة تمام :angry: :closedeyes:

انت تقعد في غرفة مظلمة ويكون معاك 1000 شمعة ترسهم في الغرفة وتولعهم كلهم وتجلس في وسطهم .... واي شمعة تنطفي تولعها تاني

تعد في الغرفة دي ليلة كاملة محدش يدخل عليك ولا تخرج انت من الغرفة وتخلي الشمع كلة منقاد :ninja:

هتخرج ان شاء الله عشتك كلها احلام ومفيش واقع خالص

:blush: وابقى ادعيلي :blush:

[Tafshan]

اممم :closedeyes:

انا بقى احياناً بأحلم بحلم مجنــــــــــــــــــــــــون جداً :

انى ابقى رئيس جمهوريه :ninja:

اه و الله ..

و اقعد اقول ممكن نصلج كذا و نصلح كذا :blush:

مش عايز تعليق خالص ...

و لعلمكم ...

باتغطى كويس قوى و انا نايم :blush:

[nancy]

تانى كدة معقول دة حلم لا معقول بس هو دة الى كنت حطيتلة سمايل فى الاول .. تعتقد كدة :ninja:

العزيز س س

متزعلش نفسك انت عارف المشكلة عندك انك شخص شديد الواقعة ومحدد جدا لدرجة انك مش سايب جواك جزء للحلم

بس حاول حتشوف ابعاد فى الدنيا وفى نفسك جديدة اكتشف نفسك يا س س

Eldisel

بدل ما تخلى الراجل طول الليل سهران يولع فى الشمع اكتب انت حلمك الا معقول ولا انت لسة متابع شمعك انت :blush:

Tafshan

اكيد لازم تتغطى كويس لان لو الحكومة عرفة باحلامك دى حيبقى مش كويس عليك :blush:

ياجماعة باقى الناس فين عوزة احلام تعمل صدمات كلنا فينا متناقضات واكيد تلافيف المخ دى فيها بلاوى

انا فى انتظار المزيد من الاحلام الا معقولة :closedeyes:

[محمود الشاعر]

ماشي يا نانسي تفتحي موضوع عن الجنان أقصد الاحلام المستحيلة ومتقولليش ماشي

وانا صغير كان نفسي ابقى سوبر مان او بات مان المهم اي حاجة ليها ملاية على ضهرها و السلام علشان اعرف اطير فى السما واعمل حاجات خارقة

بعد كدة كان فى مسلسل اسمه الرجل الاخضر وبقى نفسي اكون الراجل الازرق ( محدش يتريق هو كدة ازرق معرفش ليه يمكن علشان اكون مختلف )

بعد كدة كبر التخريف شوية و بقيت احاول اتصل بعالم الجن يمكن تطلع لي جنية

اجوزها زي فيلم فريد الاطرش وسامية جمال

المهم مطولش عليكم اخر حاجة هى مش اخر حاجة قوي يعني كان نفسي اصاحب حد من المخلوقات الفضائية

دلوقتى الحلم المستحيل اللي بيراودني ازاي انام بالليل من العيال

[nancy]

محمود فينك من زمان

انا سعيدة ان الموضوع دة خلاك تكتب

عموما حلمك انك تنام دة عادى وكل الاهالى الى عندهم اطفال بيحلموا بكدة

بس انت شاعر يعنى اكيد تملك احلام لا معقولة لان حلمك الحالى دة حلم معقول جدا جدا

:closedeyes:

[أبو زياد]

لأ ماتحاولش يا س س ولا تتعب نفسك

أنا زيك بالظبط

والظاهر إن فيه شخصيات فعلا حالمة و طايرة فوق الأرض

وشخصيات أخرى .... :blush:

شكرا أخت نانسى على الموضوع :closedeyes:

[واحد تاني]

تانى كدة معقول دة حلم لا معقول بس هو دة الى كنت حطيتلة سمايل فى الاول .. تعتقد كدة :blush:

لأ معتقدش ... مش هو ... :blush:

حلم تاني كمان بس ده كان بيراودني ايام الكلية ...

اني اقدر اعدل في قوى الجاذبية الارضية ...

ليه ؟

عشان اقدر استغل الفراغ اللى بصممه بصورة اكبر ...

ازاي ؟

تخيلوا سعادتكم كده لما تكون الشركة اللى انتم فيها مثلا مساحتها 500 متر مربع ...

وفيها كده ييجي 150 او 200 مكتب لعدد 100 او 150 من الموظفين ...

وطبعا لان الموظفين دول مينفعش غير انهم يمشوا على الارض ...

احنا مش بنستغل من جوانب الشركة الستة (4 جدران وارضية وسقف) غير جنب واحد فقط اللى هو الارض ...

تخيل بقى لو قدرنا نرص مكاتب تانية فى السقف ...

وقدرنا نخلي الناس تمشي على السقف ...

مش ممكن نضاعف عدد الموظفين ؟

او نوفر نص المساحة ؟ :closedeyes:

[nash]

تخيل بقى لو قدرنا نرص مكاتب تانية فى السقف ...

وقدرنا نخلي الناس تمشي على السقف ...

:P :P تخيل أنت بقي أنا مش قادرة أتخيل....

[nancy]

موتنى من الضحك يا تانى

عاوز تفرغ المبنى من الجازبية الارضية

علشان الناس تمشى على الحائط

انت كنت بتشرب شاى اخضر كتير اوى ايام الكلية

فبتشوف ابعاد وهمية اوى

:P

[مصرية يعني مصرية]

أنا بقا يا نانسي

كنت بحلم و لحد دلوقتي لسه بحلم إني أمشي في كل الأسواق

و أخد كل إلي أنا عايزاه من غير أدفع حاجة

كل حاجة تكون ببلاش كده ...تخيلي .. :sad:

و كمان كنت بحلم بأمير وسيم لابس أبيض و راكب حصان أبيض و شايل بوكيه ورد وردي

و يجي نحيتي ...لا و إيه....ويخطفني و يجري :) (و محدش يضحك عليا ) على فين بقا...

على قصر أبيض جمييييييييييل .....و نعيش في سعادة والحياة تكون وردية جميلة ومن غير مشاكل خالص

حتي الأولاد كان نفسي يبقالي أولاد بس مش أنا إلي أحمل و أولد ...لا ...دي حجات متعبة أوي.... :P

إيه رأيك في حلمي ده؟

هه؟

مش حلم إلا عقل خالص :P

تم تعديل 26 نوفمبر 2006 بواسطة مصرية يعني مصرية

[Diab]

مصرية يعني مصرية كتبت

و يجي نحيتي ...لا و إيه....ويخطفني و يجري

وبعد كده يطلب فدية عشان يسيبك :)

تم تعديل 27 نوفمبر 2006 بواسطة Diab

[Folana]

السلام عليكم ورحمة الله ....

موضوعك جميل يا نانسى زيك بالظبط....ماهى الناس الجميلة هى بس اللى بتعرف تقول كلام اجمل....بصى بقى يا ستى ...انا احلامى متواضعة جدا....

بتنحصر فى تلات احلام.....

اول حلم...نفسى اعرف أتنفس تحت الماء.....يعنى اعيش تحت المية..واعرف اتنفس...واتفرج بقى على عالم البحار واعيش بين الاسماك والشعب المرجانية...بس برضه اتنفس فوق المية عادى....

تقدرى تقولى نفسى ابقى عروسة البحر..بلاش سمكة احسن السمك يلتهمنى....

تانى حلم....نفسى صوتى يبقى حلو واغنى...:ph34r:..مش اغنى فى الافراح لا سمح الله ولا الاذاعة ولا الكلام ده..لا خالص ..كل طموحى انى اغنى فى البيت ..فى المكتب ...فى السيارة....ممكن فى الحمام برضه...وافضل اغنى واغنى من غير زوجى العزيز ما يزعق ويقولى خلى يومك يعدى يافلانة .....مش ناقصين وجع ودان ....

تالت حلم....طول عمرى كان نفسى اعيش ايام الفراعنة...بس مش من عامة الشعب لأ طبعا...أكون ملكة فرعونية...

ويبقى اسمى مثلا ...فو - لا - نة - ي - ا ع....على وزن رع كده..بس لازم اكون مختلفة....

والناس تقول فو-لا- نة - ي - ا - ع ..راحت ...فو - لا - نة - يا - ع جت وكده يعنى...

بس مش عارفة احقق اى حلم الاول...احسن حاجة الجأ لجوز ام محمد صبحى فى تخاريف...العفريت ..واقوله..

الحقنى..الحقنى ..يا بن الجنى ..... :D

[nancy]

سهام حلمك رومانسى اوى

بس بالاش الخطف ونبى

فلانة

مرسى على كلامك الجميل

حلمك الاول جميل انك تبقى عروسة بحر بر مائية

تعرفى وانا صغيرة لما شفت عروسة البحر الحقيقية فى المتحف زعلت اوى لانى بشوف انها لازم تكون نص انسان ونص سمكة

حلم الغناء برضة ظريف بس غنى وجوزك مش موجود صدقينى الولاد حتستحمل

انا كمان كان عندى حلم قريب من حلمك

كان نفسى ابقى مرات اخناتون واحاول اعمل معاه المدينة الفاضلة يعنى اميرة مؤثرة

او انى اتجوز شادى عبد السلام لانى بحبة جدا ويكون صحبى لانتيم صلاح جاهين يعنى اتخرج من فنون جميلة سنة 1962

يلا يا جماعة عوزين احلام مستحيلة

ولو مفيش ... طيب نص مستحيلة :D

[النسر المصري]

الصديقة الغالية والأنتيمة نانسي

شوفي بقى يافنانة....أنا سيبتكم تتكلمو عن احلامكم براحتكم.....لكن النوعية اللي زي وزيك يانانسي فنانين...يعني اصحاب خيال واسع ومطرطأ عالآخر

انا بقى كنت بحلم شخصية كارتون واعيش مع بطوط وميكي -_-

وابدأ بقى افكر اتجوز ميمي....واغيظ ميكي بيها.....واروح حفلات وارقص واهيص :D

وبعدين اعمل بطولات تاريخية وميمي لسة ميتانه في دباديبي.....والاقي كل الشخصيات الكارتونيه معايا في الحلم

بس للأسف دي كانت احلام طفولة بس :wub:

لان بعد كده بقت كلها احلام حرقة دم وغل

اصلي كنت بحلم ابقى بطل....بس بقى على ارض الواقع......بس ده موضوع كبير.......

ومش عاوز الناس تتقهر من الكلام بتاعي هنا

خصوصا ان كل احلامنا هنا هي ذات تخص الخيال الشاطح

يعني مرة قعدت ادعي ربنا انه يطلعلي العفريت بتاع علاء الدين...وادعي بجد مش هزار..قال عشان اطلب منه الحاجات اللي نفسي فيها..هبل والله :ph34r:

ومرات كنت بحلم ابقى مكان المدرس بتاعي....عشان ادي المدرسة كلها اجازات..ونلعب بقى براحتنا :) :)

بس دي بالذات اثرت عليا فترة طيله من الزمن...لاني بقيت افكر كتير جدا اني لو عندي القدرة اني ابقى مكان اي بني آدم بنفس هيئته وملامحة...وابدأ بقى اتصرف زي مانا عايز.....

لقيت الموضوع كبر وبقى خطير....يعني انا ممكن ابقى مكان اللافاشكيري بتاعنا مثلا او مكان بوش وشوف بقى هعمل ايه

يالهوي :excl: ...دي لو القدر دي عندي ...ده يبقى موضوع خطير جداااا :wub:

[nancy]

كل احلامك طفولية اوى يا عمرو

انت عارف انا كمان كتير كنت اتخيل حيحصل اية لوقمت ضربت المدرس دة قلم

كانت بامسك اوى من انى اعمل الحركة المجنونة دى مش غل لا جنان :blink:

[alhazem12004]

السلام عليكم

بنت مصريه . عجبتنى قوى جمله انه كان نفسك تكونى ولد :) بس ليا سؤال ...

ياترى هو فيه فرق حاليا بين الولد والبنت ؟؟ مااعتقدتش لانى بشوف بنات وبسمع بنات فيهم 60 % على الاقل من علامات الرجوله فى اللبس فى الاسلوب فى حاجاااااات كتيره قوى واعتقد انك معايا فى الرأى ده ... وبكده على مااعتقد ان حلمك انك تكونى ولد . هو متحقق قعلا ومابقاش حلم لاى بنت . :blush:

مصرى^بالكويت

السلام عليكم

واحد تانى .... مش ناقص غير اننا نمشى على الحيط زى حاجات تانيه ...... :)

حلمك تحفه لان اسعار الشقق هاترخص وااقدرى اشتريلى كام شقه تانى :) :P

مصر^بالكويت

مصرى يعنى مصريه

ده انتى مش بتحلمى حلم واحد بس . دانتى عباره عن مجموعه احلام مش هاتخلص ولا هاتخلص .

فارس وحصان وورد ابيض وقصر ابيض .... يعنى بزمتك هو الشباب لاقى تمن شقه ايجار علشان يشترى حصان :) وكمان هايأكله من فين .

كل مواصفات تنطبق على جورج بووووووووش والبيت الابيض .اتكلى على الله واعملى هجره لاميريكا . جايز ربنا يسهلهالك

الانسه فلانه . عروسه البحور

سيبك من اغانى عبدالحليم حافظ ...

فضل طول عمره يقول انى اتنفس تحت الماء وانى اغرق اغرق ........

وللاسف مات ومعرفشى يتنفس على الارض .