حلم الا معقول

[عبده بيه]

الاخت العزيزة نانسي

ماشاء الله جبتي الجميع من جوه عرفتي تطلعي المستخبي عندهم

فالعبد لله والفقير اليه عشت طفولة بسيطة احلامي كلها كانت في المتناول العادي والبسيط في كل شيء

ولما كبرت بدات افكر اعمل ايه لدرجة ان المدام عندي بتقولي انت عايز تعمل ايه نفسك في ايه تعمله ده في اول الامر وكنت بقولها انا عايش حلمي اليوم بيومه وفعلا اليوم عندي ما بيخلصشي معايا مليان في الضغل او في البيت او النشاط الشخصي حتي مراتي اليوم كل يوم بتعيش نفس الاسلوب وعندنا اجندة كبيييييييييييييييييرة اوي لكن كل يوم وتحياتي

[inas]

طول عمري كنت بتمنى اطلع سباحه ، راقصة باليه ، لاعبة جمباز ، طائره ، كرة يد ، مضيفة طيران ، ظابطة شرطه، مهندسة ديكور ، مطربه ، مذيعه المهم ولا حاجه من دول عملتها الا لعبت طايره و كنت في فريق الكورال و المرشدات :blush:

دلوقتي باه نفسي اهاجر لبلد محدش يعرفني ولا اعرف حد وسيب كل الي ورايا والي قدامي وشتغل وبني حياتي محدش يعد احلامي اللامعقوله :)

على فكره دي بعض الحجات الي كنت بحلم بيها

اما الشيء الي بحلم بيه لما بتخنق اخد عربيه وسوقها لحد البحر او طريق صحراوي وفضل مشيا بسرعه ويريت لو الدنيا بتمطر والطريق فاضي :)

موضوع جميل فتحتي لينا مجال نبوح بما يدور في داخلنا :)

[nancy]

alhazem12004

يعنى كتبت رايك فى احلام الناس ونسيت تكتب حلمك فى انتظار حلمك

عبده بيه

برضة حتى لو بتحقق احلامك اليومية ديما فى حاجة مستحيل تعملها بس كان نفسك تعملها

الانسان عمرة ما بيحقق كل الى عوزة

حتى لو انت عندك كل حاجة برضة يما بيكون عندك حاجة جواك اوى صعبة اوى

دور حتلاقى

inas

ايه دة يا ايناس كل دى احلام لية كدة يابنتى انت واضح انك فى مرحلة صعبة شوية <_<

ومانتش راضيا عن اى حاجة

انا كمان زيك نفسى اسوق بسرعة واجرى فى المطر على البحر

بس المشكلة ان هنا ممنوع الستات تسوق وان سقتى مفيش بحر ولو لاقيتى بركة صناعى مفيش مطر <_<

[inas]

لا يا نانسي انا بس بحب احلم كتير

بس بجد صعبتي عليا مقفله وشك جامد يعني لو ده حصل بعد دا كلوا مفيش مطر :sad: