متي نعفي من الجمارك نحن المغتربون ؟؟؟

[المغترب]

افكر أنا وأسرتي في العودة للوطن بعد سنوات عمل بالخليج ونظرت الي منزلي وانتابتني حسرة 00 وخاصة ان منزلي به كافة الأجهزة المنزليةوالكهربائية والأثاث الجديد وفكرت في أن أصحبه معي للوطن 00 ولكن كم سأدفع للجمارك ؟

مأأ قصد ليس تحديد المبلغ ولكن ألم يأتي الوم الذي نعفي ولو حتي بنصف قيمة الجمارك بعد غربة طويلة أعتقد اننا أعطينا الوطن مايجب أن يعطي 00 ولكن بدأت البحث مع اصدقاء لنا من عدة جنسيات 000

1 - في السودان 00 (( الجمارك رمزية لاتذكر ولك الحق في سيارة خالصة الجمارك طالما مر علي غربتك 4 سنوات )

2 - المغرب 00 خذ ماتشاء ولاتوجد كلمة جمارك لأن ماتعد به خير لك وللوطن

4 - سيرلانكا 00 لاتوجد جمارك لدرجة ان العاملة التي ببيتي 00 سافرت ومعها صناديق محملة (( وتلفزيون واجهزة كهربائية )) لم تدفع روبية واحدة00

5 - سوريا 00 الجمارك تقديرية ولاتذكر قيمتها بمعني لاتقارن بمصر

هذه الدول اظن انها لاتقل فقرا عن مصر 00 الحل الوحيد ان ابيع شقاء عمري في اماكن بيع الأثاث المستعمل (( الحراج )) برخص التراب وأنا اتفرج عليها 00 الم يحن ات تشفق بلدي علي ابنائها وتعفينا ولو بنصف قيمة الجمارك التي يعفي منها كل مغترب في اي بلد 00

[nash]

أخي الكريم

أظن أنا أول واحده قرأت موضوعك...

للأسف هذه همومنا جميعا....

بس أحنا رعايا دوله حكومتها جشعه غير محترمه.....

لن أقول الدوله..لإن الدوله فيها الكثير من الشرفاء...ولكن......!!!

للأسف الشديد ستسدد الجمارك وأنت خاضع للأنظمه الجشعه..وإذا تذمرت..قالوا لك ...مش كفايه الثروة التي كونتها...

بالضبط كما حدث عندما ذهب زوجي ليدفع ضريبه العاملين بالخارج. :) .....قالت له السيده الموظفه..:::: مش كفايه الدوله سمحتلك تشتغل بره

قالها..أة والله شكرا ..بصراحه أنكم سمحتولي.... :)

إن شاءالله رب العالمين سيوفقك..ويفرجها علينا جميعا..

طولة العمر تبلغ الأمل

.........................................................................................................................

فيه إقتراح..هناك شركات نقل..تقوم بتوصيل نقلياتك..حتي البيت في مصر وبأسعار مناسبه

إذا أردت أح هؤلاء أرسلته لك علي الخاص

ولكن حتي أكون أمينه معك...لم أجرب أحد منهم ..ولكن عن طريق المعارف

دمت في رعايه الله وحفظه

[رمضان]

السلام عليكم ورحمة الله

اولا في المشمش ان الحكومة تعطيني اي شيء مميز

تعرفوا ليه ؟ لاننا ما نستحقش اي شيء !!

ليه ما نستحق اي شيء ؟ لاننا ما نعرفش اي شيء وضعفاء وجبناء وعمرنا ما طالبنا بحقوقنا ولو طالبنا يبقى بالهمس بينا وبين بعض ولو اتجرأنا وعملنا مظاهرة خرج فيها 100 واحد واتي اليهم اضعف شرطي سيتفرقون جميعا ويقولوا واحنا مالنا يا عم

صح ولا لا الكلام ده

طول ما بنطبق المثل اللي بيقول " يا بخت من بات مغلوب ولا بات غالب " هنفضل كده طول ما أهلنا بتربينا على الضعف هنفضل كده

على فكرة انا عمري ما ألوم الحكومة ولا الرئيس في اي شيء ولا احملهم اي مسؤولية في اللي بيحصل لنا لاننا ببساطة محتاجين حكومة تيجي "تخمن" احنا عاوزين ايه وتعمله لنا من غير ما نطالب بيه

من الاخر لازم نتعلم ازاي نطالب بحقوقنا

كلنا بنطالب ان الرئيس يمشي هل فينا حد فكر في مين اللي هيخلفه او هنعمل ايه علشان ما يكون نفس اللي قبله ولا ولا كل اللي نعرفه في حياتنا اننا نعترض بس وبدون ما نفكر

من الاخر مفيش فايدة في الشعب ده لانه ببساطة مش عاوز يدفع تمن الحرية وانا عارف ان تمنها غالي قوي

[النسر المصري]

الجزء الأخير من مداخلتك يارمضان انا متفق معاه (آه لو أقدر بس اشوفك واتعرف عليك في الكويت ...مانا جارك يا أخي)

بس الموضوع مش جبن وخوف....ماللي ف مصر ساكتين على حقوقهم في رغيف العيش ...مش في الجمارك!!!!!

شفت المصيبة!!!

واحد مش لاقي يجيب رغيف العيش لولاده!!!! عشان بقى بنص جنيه...!! .وهو ياحصره مرتبه تلتميه ومتين وكلام فاضي!!!!

يارب ارحمنا برحمتك الواسعة!!! وان نصر الله لقريب!!!

[رمضان]

السلام عليكم ورحمة الله وبركاته

(آه لو أقدر بس اشوفك واتعرف عليك في الكويت ...مانا جارك يا أخي)

انا طبعا اخي الكريم يشرفني التعرف عليك

اما بالنسبة لكلامي فأنا اقصد به كل المصريين وليس المغتربين فقط فالمغتربين لا حول لهم ولا قوة

انا بتكلم بالاخص عن اللي شايفين المر وساكتين ولا كأنهم ..... همه ناس طيبين والطيب في الزمن ده

[الحاج فوزى]

-_-

مش عارف والله اقولكم ايه

انتم زعلنين على الجمارك ؟ طيب ايه رايكم فى الاشاعة (القوية جدا) ان الحكومة بتدرس اعادة الضريبة على العاملين بالخارج ؟ الضريبة السابق اصدار حكم قضائى بوقفها - طبعا خبراء القانون عملولها مخرج تانى

المهم - ايه هيكون شعورك وانت راجع كده ورايح تجيب تصريح السفر ، لقيت موظف سمج بيقولك انت بتشتغل فى الكويت - اه العقد بتاعك بكام ؟ بكذا يبقى عليك ضريبه كذا .. ادفع او ماتسافرش

بصراحة انا حسيت بالقهر وانا بسمع الخبر ده

حسين