مين بيتعب و يشقى أكتر الزوج العامل الشقيان

[MZohairy]

مين مسؤلياته و مشاكله و واجباته و همومه والتزاماته أكتر

الراجل رب الأسره

ولا الزوجه الغير عامله؟

ملحوظه:

استبعدت المرأه العامله من المقارنه

[nash]

بصراحه بصراحه ومن غير زعل

رب الأسرة....وعن تجربه....

قبل الأعتزال بإرادتي الحرة..وبدون أي ضغط..وجدت أن مجرد الخروج للشارع والتعرض لكل أنواع الضغط حتي الوصول لمقر العمل ثم مقابله بشر غريبي الطباع بجانب مشاكل العمل نفسها والعودة ثانيه إلي البيت رحله متواصله من العذاب..لا يتحملها إلا الرجل

رآيي وأنا حرة -_-

[MZohairy]

الله أكبر الله اكبر

كل التحيه للأخت ناش على الحياديه و الموضوعيه

[نانو]

نعم يا سيدي نعم

ها..... خير عايز تشعلعل الحرب تاني....مش كنا طفيناها قبل كده ...ماشي حاضر...بسيطه اوي

سؤال واضح و مش متحاج تفسير

الستات طبعا

و استني 5 دقائق اروح اعمل صلصه المكرونه و اجي اشرحلك ليه -_-

[أبو زياد]

دائما موضوعاتك شيقة و مفيدة أخى الكريم

وشهادة الأخت ناش سوف أعلقها وساما على صدرى

وياريت تكمل جميلها و تقولنا إزاى الواحد يتفادى المشاكل و ارتفاع الضغط اللى بيحصل كل يوم

على الأقل الواحد عمره مايقصرش و لا تترمل شريكة حياته مبكرا -_-

بس هوة إيه هدفك من الموضوع أخى ..... مهدى النفوس؟ :P

خلاص يا أستاذة نانو

والله مش حاعقب قبل ما تكتبى

ولو إنى تقريبا كدة عارف 90 % من اللى حتكتبيه

بس ماتنسيناش فى المكرونة :)

[nancy]

مفيش حد مجهودة اكبر من التانى

الراجل طبعا مسؤلية كبيرة جدا انه يوفر المال للبيت بشكل مستمر وانهم ميحسوش باد اية هو بيتحرق علشان يوفر لهم الحياة بدون عقبات

انما كمان تربية الولاد ورعاية البيت مش حاجة سهلة

و البيت دة يمشى صح دة على الزوجة

وعموما الزوج والزوجة زى البيت الراجل هو السقف الى بيحمى البيت والزوجه هى الاعمدة الخرسانية الى بتتركب من حكمتها وثقافتها وحنانها وحبها

تم تعديل 25 نوفمبر 2006 بواسطة nancy

[Folana]

السلام عليكم ورحمة الله .....

اخى الفاضل امرؤ الزهيرى......ولو انى شاكة فى هدفك وراء فتح هذا الموضوع..وكانك بتشهدنا يعنى ..انما فعلا انا مع رأى ناش...

طبعا الرجل بيتعب اكتر...هو ده سؤال...

ده انا زوجى العزيز بيصعب على جدا والله........ولو اخدنى معاه يوم واحد بس من ايام عمله ....بارجع مش شايفة ومش سامعة ومش طايقة ...ياه ...الله يكون فى عونكم بجد ......

مهما الست بتتعب فى البيت ..برضه عندها وقت ترتاح فيه...انا باتكلم عن نفسى على فكرة....لما باشوف زوجى يا عينى بيتعب كده من اجل توفير مستوى معيشة كريم بادعى له وبادعى لكل الرجال التعبانة دى.....

[MZohairy]

السلام عليكم ورحمة الله .....

اخى الفاضل امرؤ الزهيرى......ولو انى شاكة فى هدفك وراء فتح هذا الموضوع..وكانك بتشهدنا يعنى ..انما فعلا انا مع رأى ناش...

طبعا الرجل بيتعب اكتر...هو ده سؤال...

ده انا زوجى العزيز بيصعب على جدا والله........ولو اخدنى معاه يوم واحد بس من ايام عمله ....بارجع مش شايفة ومش سامعة ومش طايقة ...ياه ...الله يكون فى عونكم بجد ......

مهما الست بتتعب فى البيت ..برضه عندها وقت ترتاح فيه...انا باتكلم عن نفسى على فكرة....لما باشوف زوجى يا عينى بيتعب كده من اجل توفير مستوى معيشة كريم بادعى له وبادعى لكل الرجال التعبانة دى.....

الله أكبر تاني -_-

[مصرية يعني مصرية]

و أنا كمان مع

ناش و فولانة

بس مع نانسي كمان الست بتتعب جدا و عليها حمل كبير أوي

من تربية الولاد و شغل البيت إلي مافيش فيه أجازات ولا راحة

و التعب بيكون شديد لوا الأولاد بيكونو صغار أما لما بيكبرو فالوضع بيتغير و بيسعدوها كمان

و لو نظمت وقتها وبيتها و عرفت تربي أولادها حترتاح خالص

بس الراجل مجرد خروجه برا والمواصلات و تعب الأعصاب و التفكير كل ده بيخليه يتعب اكثر

بس ده على حسب الرجالة فيه إللي بيعمل بإخلاص و بيتفانى في عمله و بيشتغل بدل إشغلانه إتنين و ثلاثة عشان يضمن مستقبل أولاده

و ده إلي أنا باقول عنه بيتعب أكثر من الست.

أما التاني المستهتر إللي راضي بأي شغلانة قدامه و بيجيب منها قرشين يدوب معيشينهم بالعافية

و لا هو هنا و بعد الظهر نايم و لا على القهوة ده طبعا مراته بتتعب جدا .

هه إيه رأيك يا شيخ زهيري

هتقول الله أكبر

و لا.... لأ.... -_-

تم تعديل 25 نوفمبر 2006 بواسطة مصرية يعني مصرية

[se_ Elsyed]

بأمانة شديدة ومن غير إستنحياز

الستات بيتعبوا أكثر من الرجالة بمراحل

من غير ضرب هاقول ليه ؟

خلينا نبدل الأدوار ..

يعني سي السيد يقعد في البيت يرضع العيال ( من الببرونة طبعاً -_- ) ويقمع البامية ويحط المشابك في بؤة ويقعد على طشت الغسيل زي نانسي كده ياخد له فومين ..

وأتفرج عليه بعد يومين تلاتة وتعالى إفتح عليه الشقة .. إن ما قال حقي برقبتي وجاب مازوت مش جاز كمان ..

في حين إن الست لو تفرغت للعمل خارج المنزل تماماً ورجعت لقيت كل حاجه جاهزة .. ديتها كام ساعة تعب وترجع تاخد حمام ظريف وتتفرج على نشرة تسعة وكل سنة وإنت طيب ..

والله يا جماعة ده ما هو رياء ولا حاجة ..

لكن إحنا لما كنا صغيرين زمان .. ما كوناش بنحس بأهمية دور الأم قوي عشان الدلع واللامسئولية وكده

لكن بعد الزواج ومشاهدة دور الام الحقيقي مع الزوجة وكيف انه لا يوجد لديها مواعيد محدده للعمل ( يعني عاملة زي الفلاح شغل 24 ساعة وكل يوم على ودنه )

فأعتقد إن كبير الراجل قوي يضرب له 8 ساعات شغل ويرجع البيت ياكل فاكهة ويتفرج على النشرة أو الماتش وخلاص

أما هي فلا حول ولا قوة إلا باله .. فممكن تكون بتعمل ومع ذلك برضوا مطلوب منها تؤدي شغل البيت الذي لا ينتهي على أكمل وجه ده بالإضافة إلى مذاكرة العيال ودي عايزة لها مُجلدت لوحدها

إتقوا الله أيها الرجال وإكفوا عالخبر ماجور بدل ما يتقلبوا علينا وكل واحد فينا يلاقي نفسه لابس مريلة الطبيخ وماسك غطا حلة في إيده

[الاسكندرنى]

مسيو زهيرى

مون اميى

رائى قد يقلب الطاولة على راسى اولا

الزوجه اكثر تعبا من الزوج -_- لاننى اعتقد مهما كان تعب و جهد الزوج فى عمله يجد الوقت للضحك والهزار مع اصدقاءه و يجد بعض الراحة ايضا

ولكن الزوجه لا تجد ذلك الا عندما ياتى الزوج للمنزل و يبداء بسرد كلمات الحنيه و المودة

وخصوصا اذا وجداطفالا بين الشهور الاولى الى سن الخامسه

[MZohairy]

والله يا جماعة ده ما هو رياء ولا حاجة ..

اطلع من دول انا فاقسك :D

لكن بعد الزواج ومشاهدة دور الام الحقيقي مع الزوجة وكيف انه لا يوجد لديها مواعيد محدده للعمل ( يعني عاملة زي الفلاح شغل 24 ساعة وكل يوم على ودنه )

طب و لو عندها شغاله؟

فأعتقد إن كبير الراجل قوي يضرب له 8 ساعات شغل ويرجع البيت ياكل فاكهة ويتفرج على النشرة أو الماتش وخلاص

طب واذا كان ال 8 ساعات دول بيشوف فيهم المرار و المقالب و الخوازيق و التهديد بالرفد و قطع العيش و......... يبقى ايه رأيك؟

انت مش من الأحرار ياحمد -_-

مسيو زهيرى

مون اميى

رائى قد يقلب الطاولة على راسى اولا

الزوجه اكثر تعبا من الزوج :) لاننى اعتقد مهما كان تعب و جهد الزوج فى عمله يجد الوقت للضحك والهزار مع اصدقاءه و يجد بعض الراحة ايضا

ولكن الزوجه لا تجد ذلك الا عندما ياتى الزوج للمنزل و يبداء بسرد كلمات الحنيه و المودة

وخصوصا اذا وجداطفالا بين الشهور الاولى الى سن الخامسه

مون شير اسكندراني

انت ياعم شغال في باريس وفيه احترام لحقوق الانسان وحقوق العاملين

في ناس شغالين هنا طالع ايمان اللي جابوا ابو جد ابوهم السادس عشر ولا عمرهم شافو الضحك والهزار اللي بتحكي عنه

و بعدين الناس مش لاقيين ياكلوا عيش

طب ما ياكلوا جاتوه :P

[MZohairy]

و أنا كمان مع

ناش و فولانة

بس مع نانسي كمان الست بتتعب جدا و عليها حمل كبير أوي

من تربية الولاد و شغل البيت إلي مافيش فيه أجازات ولا راحة

و التعب بيكون شديد لوا الأولاد بيكونو صغار أما لما بيكبرو فالوضع بيتغير و بيسعدوها كمان

و لو نظمت وقتها وبيتها و عرفت تربي أولادها حترتاح خالص

بس الراجل مجرد خروجه برا والمواصلات و تعب الأعصاب و التفكير كل ده بيخليه يتعب اكثر

بس ده على حسب الرجالة فيه إللي بيعمل بإخلاص و بيتفانى في عمله و بيشتغل بدل إشغلانه إتنين و ثلاثة عشان يضمن مستقبل أولاده

و ده إلي أنا باقول عنه بيتعب أكثر من الست.

أما التاني المستهتر إللي راضي بأي شغلانة قدامه و بيجيب منها قرشين يدوب معيشينهم بالعافية

و لا هو هنا و بعد الظهر نايم و لا على القهوة ده طبعا مراته بتتعب جدا .

هه إيه رأيك يا شيخ زهيري

هتقول الله أكبر

و لا.... لأ.... -_-

الله أكبر 100 مره

و متفق معاكي تماما

انتي من الأحرار يا مصريه :P

[se_ Elsyed]

أيوه

خش لي قافيه بقى

وإذا كان عندها شغالة .. او إذا كانت ما بتطبخش وبياكلوا تيك آوي .. ومش هانخلص في يومنا ..

وحتى لو كان عندها شغالة يا مزهوراتي .. فهل الشغالة هي اللي بتحمل وترضع وتربي برضوا ؟

قولي بقى أنا قريت في مجلة لبنانية إسمها " علمني العوم والنبي يا أحمط " عن حوادث الشغالة فيها كانت بتحمل ............ عشان انط في كرشك قدام الناس دي -_-

يا عزيزي زُهيري .. ده لو الزوجة ما بتطبختش ولا تنضفت البيت والكلام ده .. فكفاية عليها رعايتها للعيال 24 ساعة

يا عزيز زُهيري الولا عمر لما عمل العملية الأخيرة دي - يارب تكون أخر العمليات يا عمر يابن سين سين :P - زوجتي إضطرت تبقى مرافقة ليه لمدة 8 أيام ولم يهنأ لها بال إلا لما أخدت الولا علي الصُغير كمان .. طب يا ست الكل سيبيه مع أولاد خاله أهو يرعى ويمرح ويأكل من خشاش الأرض معهم .. أبداً ده إبني ومش هارتاح إلا لما يبقى جنبي وأكله بإيدي ..

المهم كنت بأروح لهم كل يوم أخر النهار بعد ما أخلص شغل .. اقسم بالله يا مزهوراتي وإنت مش غريب .. كنت باتخنق من الساعتين تلاتة اللي بأقضيها معهم .. بالرغم من ان الساعتين تلاتة دول كنت بأخد الكمبيوتر معايا وباكمل شغل وأنا هناك بالإضافة إلى مكالمات الموبيل ..

لكن الست .. بصراحة لديها قدره على الإحتمال النفسي أكثر من الرجل وإن كان العكس موجود في الإحتمال البدني .. لكن يظل العامل النفسي اهم من البدني ..

فعلى سبيل المثال .. الواحد لو مرتاح ومآنتخ نفسياً ممكن يهد جبل .. في حين إنه لو قرفان والدنيا سودا في وشه فمش هايقدر يحرك ورقه من مكانها ...

فمهما كان تعبنا الجسدي في الـ 8 ساعات شغُل - طبعاً اللهم صلي عالنبي إنت مدير وبتشتغلك ييجي 4 ساعات بس :) - برضوا مش هاييجي زي وجودها في البيت 24/24 ساعة

وكما قال أخونا ابو أسكندر .. كفاية الزوجة اللي عندها عيال في شهورهم الأولى ودول بيبقى نهارهم ليل وليلهم نهار وممكن في ذلك الوقت أعصابه تنهار ... مانت مخلف وعارف يا أخي

أففففففففففففف عليكو مليتو البلد

طبعاً بعد البؤين .. نساء المُنتدى هايتمرعوا علينا ومش هانعرف ندي واحده فيهم إنذار ... لكن ملحوقه .. أنا هافهم زُهيري إننا نشتغل بطريقة " إضرب ولاقي "

[نانو]

الله اكبر

ربنا يكرمك...يا س س يا اخويا ياااااااااااااااااااارب

ايوه كده علي صوتك بالغني......اقصد علي صوتك بالكلام المحترم ده

شوف انا لما لقيت الستات اللي في المنتدي ده كلهم كده....مش عارفه اقول ايه ربنا بقه يهديهم

وقلت خلاص ما نيش قايله رايي

لكن اهوه فيه ناس عندها ....احساس عالي و بتقدر اللي بيحصل

و الله يا جماعه كفايه ان الراجل عنده مواعيد شغل محدده بعدها ....مش مجبر انه يمد ايه في حاجه ان شاء الله يلعب حتي كوره شراب

لكن الست ما عندهاش اوقات عمل رسميه و ممنوعه تماما من الاجازات....الاعتيادي منها و العارضه و الاعياد ....حياتنا كلها شغل في شغل

24 ساعه في الخدمه ...و بصرف النظر هيا تعبانه و لا لا

امبارح مثلا واحده من البنات حرارتها ارتفعت بليل لقيت جوزي طيب القلب ....بيطبطب علي كتفي و يقولي ...سهره سعيده يا حبيبتي

و فعلا كانت سهره في منتهي السعاده

و قيس علي كده كل يوم طارق جديد

و بعدين انا عندي شغاله بتيجلي في البيت تنظف علي طول لكن ده ما يمنعش ان مسئوليه الولاد كامله علي عاتقي و لما يمرضوا مين اللي بيسهر بيهم الشغالع برضوا

و نفس القصه حصلتلي....لما اتحجزت مع بنتي في المستشفي 14 يوم

كان جوزي بيجي بعد الشغل

و اول ما يدخل ينزل يصلي العصر

لغايه قبل المغرب بربع ساعه ....و ياذن العصر يروح يصلي المغرب لغايه العشا...و العشا بقه خد سنه و شفع ووتر

و يادوب يبقي ميعاد المراويح

و في نهايه المده ما كنتش باقدر امشي من الضغط اللي تحملته ما اعرفش ازاي

الستات دول جبل....صدقوني ربنا خلق فيهم قوه وصبر ما يقدرش عليهم 100 راجل

خلي عندكم رحمه بينا وقدروا مجهودنا حتي بالكلمه......يا ساتر -_-

س س اوعدك والله مش هاتمرع بس خليك كده مع الحق

[nancy]

ايوة يا س س ادينى خلصت الفومين الى كان بيقول عليهم س س ونشرتهم وجيت على طول

جميل طبعا ان الراجل يقدر تعب الست فى البيت

وان الست تحط فى دماغها ان اى رفاهية فى حياتها بتكون بسبب شقى الراجل

انما انا لاحظت ان الرجالة لو جالهم شوية برد يناموا يا حرام ويبقوا بيفرفروا

انما الست ممكن تولد وتروح عادى

ومحدش يقول لا لانى فى بنتى التانية دخلت الوادة الساعة 4 الساعة تسعه حسبت المستشفى وروحت كانى كنت فى زيارة عادى

فالم زى الوادة دة اتحدى اى راجل يتحملة

السهر بطفل مولود وبيعيط ( زى عندك يا زهيرى )

السهر جنب طفل سخن

التفكير فى اسباب عنف طفل او تاخرة الدراسى كل دة على الام

حد فيكم بينزل الصبح وبيفكر هو الغداء اية النهاردة مثلا

يبقى الست مسؤليتها صعبة والراجل كمان سعيوا على الرزق مش سهل

[بنت النيل]

والله انا فى راى ان كل واحد فيهم عليه دور لازم يأديه

يعنى هو رب الاسرة ومن بدايه الامر عارف انه هيكون هو رب الاسرة يبقى اكييد عارف ان عليه التزمات لابد ان يعمل من اجلها بدون ان يشتكى او

وفى نفس الوقت ربة المنزل عارفه ان هيكون عليها مسؤليات لابد من ان تعمل على تنفيذها ولكن فى هذه الحالة ربة المنزل بيكون عليها لوحدها عامل اساسى وهو العمل على توفير بيت هادىء وحياة مستقرة حتى تستطيع ان تعوض التعب والحمل على هذا الزوج العامل اللى بيشقى حتى يرجع الى بيته وهو راضى عن ان تعبه هذا لا يضيع هباء ولا يهدر وفى نفس الوقت ايضا لابد ان يقدر الرجل المسؤلية التى تكون على ربة البيت فهى بتكون مسؤلة عن تربيه اولاد ورعايتهم والسهر عليهم وحاجات كتيير بتتحملها ولكن فى اخر الامر الاتنين لابد من يقدرو مسؤلية الاخر نحو التانى

[nash]

انما انا لاحظت ان الرجالة لو جالهم شوية برد يناموا يا حرام ويبقوا بيفرفروا

<<<<<<<<<<<<<<<<<<<<<<<<<<<<<

ضيفي عليها طلباتهم اللي مابتخلصشي..ياختي ده عليهم دلع..... :lol: :P :D :D :D :D

[darker19]

mzohairy وسين سين

شكلكم كده ناويين تخربوا الدنيا لو ركزتم شوية هتلاقوا ان بعد المداخلات بتاعتكم الأراء بدأت تنقلب

و الله يا جماعه كفايه ان الراجل عنده مواعيد شغل محدده بعدها ....مش مجبر انه يمد ايه في حاجه ان شاء الله يلعب حتي كوره شراب

لكن الست ما عندهاش اوقات عمل رسميه و ممنوعه تماما من الاجازات....الاعتيادي منها و العارضه و الاعياد ....حياتنا كلها شغل في شغل

24 ساعه في الخدمه ...و بصرف النظر هيا تعبانه و لا لا

امبارح مثلا واحده من البنات حرارتها ارتفعت بليل لقيت جوزي طيب القلب ....بيطبطب علي كتفي و يقولي ...سهره سعيده يا حبيبتي

و فعلا كانت سهره في منتهي السعاده

و قيس علي كده كل يوم طارق جديد

و بعدين انا عندي شغاله بتيجلي في البيت تنظف علي طول لكن ده ما يمنعش ان مسئوليه الولاد كامله علي عاتقي و لما يمرضوا مين اللي بيسهر بيهم الشغالع برضوا

و نفس القصه حصلتلي....لما اتحجزت مع بنتي في المستشفي 14 يوم

كان جوزي بيجي بعد الشغل

و اول ما يدخل ينزل يصلي العصر

لغايه قبل المغرب بربع ساعه ....و ياذن العصر يروح يصلي المغرب لغايه العشا...و العشا بقه خد سنه و شفع ووتر

و يادوب يبقي ميعاد المراويح

و في نهايه المده ما كنتش باقدر امشي من الضغط اللي تحملته ما اعرفش ازاي

الستات دول جبل....صدقوني ربنا خلق فيهم قوه وصبر ما يقدرش عليهم 100 راجل

خلي عندكم رحمه بينا وقدروا مجهودنا حتي بالكلمه......يا ساتر

انما انا لاحظت ان الرجالة لو جالهم شوية برد يناموا يا حرام ويبقوا بيفرفروا

انما الست ممكن تولد وتروح عادى

ومحدش يقول لا لانى فى بنتى التانية دخلت الوادة الساعة 4 الساعة تسعه حسبت المستشفى وروحت كانى كنت فى زيارة عادى

فالم زى الوادة دة اتحدى اى راجل يتحملة

السهر بطفل مولود وبيعيط ( زى عندك يا زهيرى )

السهر جنب طفل سخن

التفكير فى اسباب عنف طفل او تاخرة الدراسى كل دة على الام

حد فيكم بينزل الصبح وبيفكر هو الغداء اية النهاردة مثلا

يبقى الست مسؤليتها صعبة والراجل كمان سعيوا على الرزق مش سهل

انما انا لاحظت ان الرجالة لو جالهم شوية برد يناموا يا حرام ويبقوا بيفرفروا

<<<<<<<<<<<<<<<<<<<<<<<<<<<<<

ضيفي عليها طلباتهم اللي مابتخلصشي..ياختي ده عليهم دلع....

العملية كده هاتوسع و مش هاتعرفو تلموها, وابقى ورينا هاتعرف تدي إنذارات تاني إزاي

----------------------------------------------------------------------------------------------------------

أنا لسة ماتجوزتش ولسة بدري على الجواز بس عندي رأي في الموضوع ده, بيتهيألي ان الراجل و الست عليهم نفس الدرجة من المسؤلية, فإذا كان الراجل هوا الي بيصرف على البيت, فالست هيا الي بتربي الأولاد, وإذا كان هوا بيتعب في شغله فاهيا كمان بتتعب في شغل البيت.

حتة إن مين فيهم الي بيتعب أكتر, أظن إنه ما ينفعش نعمل المقارنة دي أساسا مش عشان الراجل بيتعب أكتر أو الست بتتعب أكتر, لأ لأن الحياة الزوجية المفروض تكون قائمة على المودة و التفاهم و الحب ولو دول موجودين مابيتهيأليش الراجل هايحس انه مربوط في ساقية علشان يصرف على بيته, ولا مراته هاتحسده على انه ملوش دخل بالغسيل و الطبخ و ما الى ذلك من شغل البيت.

بالعكس الراجل هايكون فرحان بتعبه ده و دايما هايسعى انه يحسن وضعة ماديا علشان يوفر حياة كريمة لأسرته و لو رجع البيت وحس ان مراته تعبانه وهوا لسه فيه صحة هايحاول يساعدها.

و الست نفس الشئ هاتهتم ببيتها وتربية عيالها و ان لما يجي جوزها يلاقي كل حاجة جاهزة و لو بالليل عنده شوية شغل و هيا فاضية وتقدر تساعده هاتساعده.

كل ده هايتم عن طيب خاطر ومن غير لحظة تفكير في مين بيتعب أكتر, لو وجدت المحبة و المودة و التفاهم.

يارب ما يكونش رأيي خيالي, أصلي مش ناقص صدمات . :lol:

[MZohairy]

حقولكم رأيي بكره انشاءالله لما إياد ينام :lol: :P :D :D