مين بيتعب و يشقى أكتر الزوج العامل الشقيان

[ahmed77]

أهلا ومرحبا بك أخي الكريم أحمد

.......................................

لا يزال ردك بعيدا تماما عن أصل الموضوع

هلا أعدت قراءته؟؟ لتفهم ماقصدي؟؟

كما أن العزف علي وتر الزوج وطاعته..

ونقص العقل والدين..فأظن أن هذا أيضا ليس محور الموضوع الإساسي

دمت لنا أخا كريما

الاخت nash

كلامي كله بيؤكد ان الزوجة هي الي بتتعب اكتر من الزوج

لو في استطلاع راي هيأكد ذلك

سلامي

[inas]

والله الست يا عالم حتى لو مبتشتغلش فهي بتتعب اكتر

فهي مسئوله عن البيت والاولاد والزوج والمطبخ والغسيل والنظافه الشخصيه لاطفالها من ماكل وملبس و منزل

يعني هي من اول الزرار لحد ....................السقف بتاع البيت لو في عنكبوته تبقى مهمله في نظافة منزلها

ولو حبيتو نبدا من اول متفتح عينها بتعمل ايه

تجهز الفطار وتاكل الزوج والاولاد

تجهيز الملابس وتلبسهم

غسيل الملابس المتسخه

تنضيف الصحون من الفطار

تنضيف المنزل وترتيب الغرف

تنضيف الفرش وتهويتها

تطبيق الغسيل وتوزيعو على الدواليب

لو في زرار مقطوع حاجه تتقصر تعملها

تبدا في تجهيز الغداء

ناهيكم عن المسح والكنس

وغسيل السجاد والبطاطين

يرجعو العيله تكون مجهزا كل حاجه

تغديهم تشيل وراهم

تعمل الواجبات مع الاولاد

تحفظهم دروسهم

تجهزلهم شنطهم لتاني يوم

تلاعبهم

وطبعا تكون موضبه نفسها متقابلش جوزها بهدوم الطبيخ والمسح

اقول ايه ولا ايه

الراجل باه بيروح الشغل ومهمتو ومعاناتو تنتهي بدخوله من باب المنزل

ولازم يرتاح ويجد الوش الحلو بعد العناء الطويل ده والاكل جاهز

يروح ينام ولازم الام تكون موفره الجو الهادي

ولما يصحى يلاقي الشاي وذا بيشيش الحجر يترص كمان

وبعدها العشا

وتنيم الام العيال

وهو ينزل يروح يغير جو مع اصحابو

لسه برضو بتسالو مين بيتعب اكتر

[MZohairy]

الاخت nash

كلامي كله بيؤكد ان الزوجة هي الي بتتعب اكتر من الزوج

لو في استطلاع راي هيأكد ذلك

سلامي

عليكم السلام يا أخ أحمد

أهلا بك اولا

بالرغم من خروج الكلام عن الموضوع

الا اني مش فاهم كلامك

يعني الست بتتعب اكتر من الزوج حسب رأيك و في الآخر لا تشم رائحة الجنه الا برضا زوجها اي كانت وايا كان ؟

ولا لازم نحدد ضوابط شديده لتطبيق الشرط ده؟

ممكن تتفضل علينا و تعرفنا صحة هذا الحديث و سنده؟ لأن اعداء الإسلام وما اكثرهم يتصيدونا من هذا الباب لوضوح الظلم على المرأه اذا كان الأمر مفتوح هكذا

لأن المثال اللي بتحكي عليه ده (لا تشم رائحة الجنه الا برضا زوجها ) له الف حاله واقعيه تنقضه من اساسه و تفقده مصداقيته في حالة عدم وجود الضوابط

اشكرك

غير ان النساء لم يكتمل منهم الا اربع نساء في العقل والدين وهم "اسية بنت مزاحم زوجة فروع-مريم بنت عمران - خديجة بيت خويلد زوجة الرسول صلي الله علية وسلم -فاطمة الزهراء بنت الرسول صلي الله علية وسلم "

وما الدليل هنا ايضا على عدم اكتمال نساء اخريات بعد من ذكرت؟

هذا بالنسبة للنساء ولكن بالنسبة للرجال فاشارات الاحاديث الشريفة الي اكتمالهم خلقا وعقلا ودينا

كل الرجال؟ :wub:

و ما الدليل هنا ايضا؟

والله اعلي واعلم

سامحني ولكنها اكثر جمله اقتنعت بها في المداخله

لك كل التحيه

[ahmed77]

السلام عليكم

mzohairy

في الحقيقية بعد مراجعة الموضوع وجد انيي خرجت عنه جملة وتفصيل والاعتراف بالحق فضيلة

ثانيا:بالنسبة لحديث اكتمال 4 نساء فقد سمعته من الشيخ عبدالحميد كشك في شريط له عن السيدة خديجة رضي الله عنها وزج الرسول صلي الله عليه وسلم وايضا سمعته من اكثر من خطيب وسوف ابحث عن سنده

ثالث: بالنسبة للرجال فاكثرهم مكتمليين وليس علي التعميم

وبمراجعة شريط الشيخ عبدالحميد كشك قال ان كمل من الرجال الكثير ولم يكتمل من النساء الا اربع "اسية بنت مزاحم زوجة فروع-مريم بنت عمران - خديجة بيت خويلد زوجة الرسول صلي الله علية وسلم -فاطمة الزهراء بنت الرسول صلي الله علية وسلم "

وترجيع اكتمال الاربع هنا (حسب فهم لمادة الشريط)انهم يؤدين الفرائط دون اعزار النساء "مثل الحيض وخلافة"

حسب فهم ايضا

ولكن هذا ليس دليل

ساراجع السند مرة اخري واقوم بالرد

واسف لخروجي علي الموضوع

مع الاعتراف بتأييدي لرأي الاخت اناس

والله اعلي واعلم

[nash]

أهلا بك أخر الكريم أحمد

الشيخ كشك...كنت أحب الإستماع له وأنا صغيرة ..رغم أني ماكنتش بفهم الكثير من كلامه لصغر سني

لكن لغه الحماس في كلماته كانت تشدني إليه

ولكن لا أذكر في أي شريط وربي العظيم قال بالنص التالي

لو طلبت من الله أن يحول الغرفه هذه إلي ذهب لحولها <_<

هنا ....وهنا فقط...توقفت عن سماعه

أكرة من يتآلي علي الله

[Folana]

السلام عليكم ورحمة الله ...

عودة الى الموضوع الاصلى علشان انا شايفة انه بدأ يحدف شمال :sad:...اخى العزيز امرؤ..انت لسه ماوصلتش لحل فى موضوعك ولا ايه؟...

بالنسبة لك انت ...طبعا الرجل هو اللى بيتعب ويشقى

بالنسبة لجانب المعارضة بزعامة نانسى الست هى اللى بتتعب طبعا ..

بس انا لفت نظرى مداخلة لذيذة من الاخت العزيزة ايناس بتقول

تجهز الفطار وتاكل الزوج والاولاد

تجهيز الملابس وتلبسهم

غسيل الملابس المتسخه

تنضيف الصحون من الفطار

تنضيف المنزل وترتيب الغرف

تنضيف الفرش وتهويتها

تطبيق الغسيل وتوزيعو على الدواليب

لو في زرار مقطوع حاجه تتقصر تعملها

تبدا في تجهيز الغداء

ناهيكم عن المسح والكنس

وغسيل السجاد والبطاطين

يرجعو العيله تكون مجهزا كل حاجه

تغديهم تشيل وراهم

تعمل الواجبات مع الاولاد

تحفظهم دروسهم

تجهزلهم شنطهم لتاني يوم

تلاعبهم

هى الست بتعمل كل ده ؟....يظهر ان انا مش ستات ..ده انا كده تسعات....معظم الحاجات دى ممكن نختصرها فى حاجتين او تلاتة بس ...العملية مش صعبة كده يا جماعة..هو بس موضوع غسل البطاطين والسجاجيد ده...بتتعبى نفسك ليه ..ماتبعتى على اللوندرى وتريحى نفسك وضميرك..خديها نصيحة...

الخلاصة يا حبايبى الحلوين...ان كل يسر لما خلق له...الست ربنا ادها قوة احتمال لكى تستطيع تأدية واجبها كأنثى...واعطى الرجال قوة احتمال تساعده على انجاز مهامه ..

وانا شايفة بصراحة ان الرجال هنا بيقولوا الست بتتعب اكتر...ومعظم الستات بتقول ان الرجالة هى اللى بتتعب ...وده شىء جميل جدا لو تلاحظوا...ان فعلا كلنا بنلتمس الاعذار للطرف الاخر..

بس ياريت كل طرف يخبر شريك حياته بانه مقدر تعبه ده وعارف انه بيتعب اكتر منه ...

ولو انى لسه مصرة بعناد ان زوجى بيتعب اكتر بكتيررررر.....(مش عايزة ضرب)

[MZohairy]

ولو انى لسه مصرة بعناد ان زوجى بيتعب اكتر بكتيررررر.....(مش عايزة ضرب)

أكثر الله من امثالك يا هانم :sad:

[nash]

زوهيري

عارف أحلي حاجه ;)

فعلا بتجيب الخلاصه :sad:

يعني نفضل أحنا نهري وننكت..بضم وكسر رقبه الحروف ;)

وتيجي أنت بكلمتين تلاته تخلص

روح ياشيخ

يعطيك العافيه :)

[MZohairy]

زوهيري

عارف أحلي حاجه ;)

فعلا بتجيب الخلاصه :sad:

يعني نفضل أحنا نهري وننكت..بضم وكسر رقبه الحروف :wub:

وتيجي أنت بكلمتين تلاته تخلص

روح ياشيخ

يعطيك العافيه :)

أدام الله فضلك واكثر من امثالك انتي كمان يا هانم الهوانم ;)

[nancy]

تجهز الفطار وتاكل الزوج والاولاد

تجهيز الملابس وتلبسهم

غسيل الملابس المتسخه

تنضيف الصحون من الفطار

تنضيف المنزل وترتيب الغرف

تنضيف الفرش وتهويتها

تطبيق الغسيل وتوزيعو على الدواليب

لو في زرار مقطوع حاجه تتقصر تعملها

تبدا في تجهيز الغداء

ناهيكم عن المسح والكنس

وغسيل السجاد والبطاطين

يرجعو العيله تكون مجهزا كل حاجه

تغديهم تشيل وراهم

تعمل الواجبات مع الاولاد

تحفظهم دروسهم

تجهزلهم شنطهم لتاني يوم

تلاعبهم

ادة يا ايناس انا عمرى ما حسبت كل دة

بس انا شيلى من عندى غسيل السجاد والبطاطين دى مش ناقصة تعب

دول يروحى يتنظفوا ويرجعوا

ويلاعبهم كمان

لان عندى بنتى الصغيرة بتسال كتير والكبيرة عوزة تتناقش كتير

وبعدين حطى الشغل كمان

والوقت المخصص للزوج وطلباتة الكتير من العشاء والشاى والطفاية ووفين الريموت وناولينى كذا

وسماع حكايات الشغل كلها وكل الى بيفكر فية

ايوة يا ايناس الستات بتتعزب يا بنتى من كتر المسؤلية :lol:

:lol:

شكرا يا فلانة انك خلتينى زعيمة :sad:

[inas]

نانسي وفولانه

انا بكتكلم بالعموم يعني عن الطبقه الكادحه والي بتمسل ثلاث ارباع مصر على مااظن يعني وحده جوزها طافح الدم بياخد مرتب 150 ولا 250 تقولو اودي السجاده ولا البطانيه للدراي كلين هيرمي عليها اليمين :sad:

والحمد لله جوزي اصلا مبيشيش ولا بيرجع في الظهر زي كل المجوزين فهو حالا استثنائيه والحمد لله بيرجع مره في الشهر ودا لوحدو بحس انو مسئوليه ثانيه فانا المسئول الاول والاخير عن الاولاد وانا الام والاب في غيابو اكيد هو بيتعب في شغلو وهو ضابط بحري لكن لو عيل عي ببقى مش عارفع اتصرف ولو حد اتعور مش هيغم عليا لازم قلبي يكون جامد واطلع اجري بيه والمدرسه والدراسه وووو حجات كتير

بس هو بيتعب اكتر مني بصراحه :lol:

كفايا نظرة الحزن الي بشوفها في عينو وهو مسافر ورعشت صوتو لما بيسمع صوت العيال ولا لما يعرف ان حلا مشيت او نطقت كلمه جديده ولا ان حد تعبان ومش بايدو يعمل حاجه :blink:

بتوجعو قلبي ليه :lol:

[Diab]

يا إيناس

كلامك في الجون

الست لو عاوزة

تهتم بالعيال تجيب دادة

عايزة تغسل ( الغسالة دلوقت ع الكوي )

لو حتكوي في مكوجي

و هكذا دواليب ( أصل الكلمة دواليك تم تحويرها لتناسب الموضوع ) :lol:

الراجل بقي حيبعت مين عشان يجيب فلوس تعمل بيه الست ما سبق . يبقي مين اللي بيتعب :lol:

تم تعديل 8 ديسمبر 2006 بواسطة Diab

[inas]

الراجل بقي حيبعت مين عشان يجيب فلوس تعمل بيه الست ما سبق . يبقي مين اللي بيتعب :huh:

فكرتني بنكته يا دياب بس مش لازم اقولها

فعلا عندك حق

الراجل بيبقى برضو شايل هم المصاريف وهتكفي ولا لا وهيدبرها ازاي

والمدام عيزا تصيف وعيزا تشترك في النادي الفولاني وتجيب التاير العلاني

وتودي العيال احسن مكان ولو بتشتغل ممكن متكنش بتشارك في ميزانية البيت

بس دي برضو بحسها حالات فرديه يعني كل بيت ونظامو

في الزوج بيتعب اكتر في الزوجه بتتعب اكتر خصوصا لو ست عامله

بصراحه

[MZohairy]

يا جماعه

الموضوع على الست الغير عامله :huh:

[MZohairy]

عن أم سلمة رضي الله عنها قالت : قال رسول الله صلى الله عليه وسلم : (( أيما امرأة ماتت وزوجها عنها راض دخلت الجنة ))

أيما امرأة ماتت ، وزوجها عنها راض ، دخلت الجنة

الراوي: أم سلمة - خلاصة الدرجة: ضعيف - المحدث: الألباني - المصدر: ضعيف ابن ماجه - الصفحة أو الرقم: 364

--------------------------------------------------------------------------------

80441 - أيما امرأة ماتت وزوجها عنها راض ؛ دخلت الجنة .

الراوي: أم سلمة هند بنت أبي أمية - خلاصة الدرجة: منكر - المحدث: الألباني - المصدر: ضعيف الترغيب - الصفحة أو الرقم: 1211

--------------------------------------------------------------------------------

101168 - أيما امرأة ماتت وزوجها عنها راض ؛ دخلت الجنة

الراوي: أم سلمة هند بنت أبي أمية - خلاصة الدرجة: منكر - المحدث: الألباني - المصدر: مشكاة المصابيح - الصفحة أو الرقم: 3192

نرجوا من الأخوه توخي الحذر عند نقل الأحاديث الشريفه

شكرا

[زعلان]

الموضوع بيختلف من اسرة لأخرى في اسرة رب البيت فيها مهمل ومطنش وفي اسرة ربة البيت فيها مهملة ومطنشة و في اسرة الاثنين فيها بيتفانوا من اجل الاسرة و كل مجتمع بيختلف من ناحية الاعباء الي بيحملها لكل فرد في الاسرة

فالسعودية مثلا الرجل يختص باعباء لا تستطيع المرأة القيام بها الا ما ندر بسبب خصوصية المجتمع وهكذا سنجد الامر يختلف وفق المجتمع ووفق الظروف الخاصة فمرأة لا تملك رخصة قيادة ليست كامرأة تقود سيارة و امرأة خبرت الحياة العامة و العمل لفترة ليست كمرأة لم تفعل و ستختلف ظروف كل امرأة عن الاخرى و ستتحمل كل منهن قدر من العبىء مساو ولكن بتقسيمه اخرى و حسب شطارتها وكذلك الرجل

فهناك سيدات تعمل خارج المنزل وداخله وهناك رجال يتحملون جزء من اعباء المنزل الدخلية وفقا للظروف فماذا لو الزوجة مريضة ماذا لو الاطفال مريضون امور كثيرة تتداخل و هناك دائما توزيع مختلف للاعباء والمجهود وتقدير وتحمل من جانب كل طرف بما فيه الاطفال فهناك اطفال مهملون وهناك اطفال يتحملون جزء من المسؤلية ويشارطون في اعباء المنزل الداخلية و بعض الامور البسيطة في الخارج في مرحلة عمرية مختلفه

الحياة مشاركة وشعور بالمسؤلية و تعاون وتقدير كل طرف لمجهود الاخر

[Tafshan]

ح احكيلكم قصه مشابهه للقصه دى :wub:

كنت في المكتب ولاقيت زميل سورى و زميل فلسطيني بيحاول كل منهم يثبت ان جنسيته احسن .. يعنى ده بيقول السوريين احسن و ده بيقول الفلسطينين احسن .. المهم .. شهدونى .. قلت لهم الاثنين حلوين -_- .. ردوا عليا : ايوا .. انتم المصريين كده .. تحبوا المجامله و ما نأخذش منكم رأي -_-

بعد كده شهدوا واحد امريكانى .. الاجابه كانت سؤال : احسن منهم في ايه ؟؟؟ طبعاً الاجابه كانت الفرق اللى بين الشعوب دى كلها .. ما علينا ..

استعير رأي الامريكانى في الموضوع ده ...

الرجل بيتعب او الست بتتعب .. ايه المعيار لكلمة تعب ؟؟؟ على اي اساس تقيم مهام الزوجه او الزوج ؟؟