عادل إمام مع هالة سرحان .. لماذا كل هذه المبالغة؟؟؟

[abofasad]

هل شاهدتم برنامج هالة هالة سرحان اليوم مع عادل امام

ممكن حد يقوللي ليه المبالغة دي

ايه رأيكم؟؟؟؟؟؟؟؟؟؟؟

[واحد تاني]

وبالمرة وانتوا بتردوا على السيد "ابوفصاد" ياريت حد يصحح لي المعلومة دي

هل هو صحيح اخد خمسة مليون جنية مقابل تصوير الحلقة دي؟

[nash]

طيب ممكن نعرف الحلقه كانت عن أيه؟؟ :lol: :P :D

[الحازم حسن]

باختصار هوه ده اسلوب هالة سرحان

المبالغة الزائدة والانفعال الزائد والمبالغة في تقديم الضيوف هذا بالاضافة إلى تفاهة المواضيع

وده سبب خلافها مع محمود سعد لانه قال لها انتي بتبالغي في تقديم ضيوفك رغم ان معظمهم ناس تافهة

www.no4hala.com

[نانو]

طبعا ده اسلوب هاله سرحان و مش جديد عليها

اذاكانت لما بتستضيف هاني رمزي ولا محمد هنيدي بتقعد تقول فيهم شعر ساعه

يبقي اكيد هتعمل كده لعادل امام

و بعدين كميه الاعلانات في الحلقه كانت غير طبيعيه ....و لو عادل امام اخد 5 مليون جنيه في الحلقه ديه يبقي كمان شويه عليه

لان الاعلانات مش هاتقل عن 20 مليون جنيه ده الراجل ما اتكلمش كلمتين علي بعض و كل الحلقه اعلانات....ربنا يوعدنا :lol:

الحلقه يا ناش زي كل حلقات برنامجها...بستضيف ممثل و تكلمه عن مشواره الفني كله و جديد اعماله و اشغاله

[رمضان]

طيب لو استضافتني هتدفع كام وهتقعد تقدم فيه قد ايه بقى

دي محتاجة ولا 100 حلقة

[darker19]

المبالغة ده إسلوب هالة سرحان من زمان, بصراحة لما بشوفها ضغطي بيعلى.....

ماعلينا الي حارق دمي بجد, إن عادل إمام كان بيقول كلمة في الإعلانات بتاعت البرنامج الي كانت بتتعاد تقريبا كل تلت ساعة من حوالي اسبوعين قبل العرض, طالع يقول شوفوا أفلامي كويس هتلاقوها بتأرخ كل حاجة في تاريخ مصر (تقريبا قالها كده) المشكلة اني مش شايف في أفلام حاجة بتتكلم عن السياسة بالشكل ده.

أخر أفلامه كانت عبارة عن هلس في هلس....

[nash]

والله كل من هب ودب بيطلع ويقول رأيه في كل حاجه واي حاجه....

أنا شخصيا لما بشوف برامج مثل هذه بقلب القناة وأجيب أسبيس تون....مش ده اللي هاقعد أسمع رأيه ..في القضايا والتنظيرات والتاريخ....

[جيهان]

انا كمان غاظتنى كلمتة لما قال شوفى افلامى هتلاقيها بتارخ تاريخ مصر كلها

يااااا سلام

سبحان الله فلم زى التجربة الدنماركية دة بيأرخ اية بالظبط ولا عريس فى جهة امنية

عادى بقى .

[الحازم حسن]

ماعلينا الي حارق دمي بجد, إن عادل إمام كان بيقول كلمة في الإعلانات بتاعت البرنامج الي كانت بتتعاد تقريبا كل تلت ساعة من حوالي اسبوعين قبل العرض, طالع يقول شوفوا أفلامي كويس هتلاقوها بتأرخ كل حاجة في تاريخ مصر (تقريبا قالها كده) المشكلة اني مش شايف في أفلام حاجة بتتكلم عن السياسة بالشكل ده.

أخر أفلامه كانت عبارة عن هلس في هلس....

لا إزاي أومال فيلم التجربة الدنماركية بيعمل ايه ، مش ده بيهتم بمشاكل شعب مصر وكمان انت نسيت فيلم السفارة في العمارة بيعبر عن كل هموم المصريين الغريب في الراجل ده ان تجاعيد وشه خلاص عمليات الشد مش قادرة تلمها وبرده مصر يطلع في دور الواد الروش بتاع البنات ومفيش فيلم واحد ليه يخلومن عنصر نسائي مثير نفسي أشوفه بيمثل لوحدةمن غير ستات ويبقى يورينا شطارته

[فولان بن علان]

لم أتشرف برؤية البرنامج

مقاطع الإعلان عن البرنامج فيها نرجسية عالية منه

مثل مقاطع الإعلان عن البرنامج مع حنان ترك بعد الحجاب فيه حاجة مش مظبوطة أو تقريبا كل حاجة

مشكلة عادل إمام إنه صدق نفسه زعيم ومفكر وموجه تربوي ..و...و...

عادل إمام ممثل كويس طبعا

كومديان محترف متمكن بالقطع

مع بعض التجاوزات المتكررة مثل تركيزه بإلحاح على إشارات جنسية أحيانا تصل إلى درجة الابتذال الرخيص

منذ قيامه بدور المتحدي للإرهاب وعرضه لمسرحية الواد سيد الشغال في أسيوط

وكما نقول بالعامية عاش الدور وصدق نفسه وأصبح مفكر ومنظر وصاحب رأي وفكر

والجديد هو اعتباره لنفسه مؤرخا من خلال أفلامه

نحتاج فعلا لوضع كل شخص في حجمه الحقيقي دون تضخيم

فالممثل ممثل وفقط

وليس لأنه أجاد في تمثيله أحيانا يصبح من الضخامة بمكان حتى أنه بات لا يرى نفسه على حقيقتها

[abofasad]

فولان ابن علان

رأيك اعجبني جدا

[khedr]

عادل امام وهاله سرحان وجهان لعمله واحده

عملة الابتزال والايحاءات والجنسيه والاسقاطات في الحديث والموضوع

لا بد من ان يلتقيا في هذه الايام وهذا الزمن الردئ

ليؤرخا لتاريخ مصر لأنهما هما رموز المرحله والزمن الحالي

خلينا مع ناش

لما بشوف برامج مثل هذه بقلب القناة وأجيب أسبيس تون

وهذ افضل

ومريح للضغط والسكر والأعصاب

والعقول ان كانت لاتزال تعمل

[أبو عزب]

هذا هو زمنهم... أصبح لأنصاف الرجال هامات ولنساء يعف اللسان عن ذكر تاريخهم هالات.. ولذا من حق عادل ان يؤرخ لتاريخ مصر.... ((( القوالب نامت والأنصاص قامت )))

[النسر المصري]

والله من كتر مانا قرفان من خلقهم العكرة مش قادر ارد

جتهم القرف..اعوذ بالله من الشيطان الرجيم!!!!

[مريوم المصرية]

والله من كتر مانا قرفان من خلقهم العكرة مش قادر ارد

جتهم القرف..اعوذ بالله من الشيطان الرجيم!!!!

مظبوط الكلام،فعلا حاجة تقرف :wub:

[الحازم حسن]

المتخلف دخل في الدين النهارده وهاجم عمرو خالد وقال خليك في الدين بتاعك وكان الدين مش بتاعه هوه كمان

المتخلف هاجم عمرو خالد في دعوته لتحرير القدس وقال انت مالك ابعد عن السياسة

المتخلف هاجم المحجبات ووصفهم بانهم واقفين على كورنيش النيل يوزعوا القبلات على الشباب

وبعدين لقطة من فيلم طيور الظلام ورياض الخولي بيقول الشهداء لهم الجنة وبعدين صورة للزعيم وهوه بيضحك

ارحمنا يا رب برحمتك

[مـي]

فعلا تفخيم و مبالغة و ده ان دل على شئ لا يدل الا عن التفاهه و السطحية .... يعني مين عادل امام ده ....... اخترع الذرة يعني ...و لا عالم ولا مخترع ولا اضاف ايه للبشرية تستفيد منه علشان يعملوا كل الهلــليلة دي ..بصراحة حاجة تغيييييييظ و ربنا يهدي

مــي (^_^)

[النسر المصري]

قمة القذارة والسفالة وقلة الأدب

والله ماشفت اقذر من هذا شيء!!!

والله ان لساني يتأذى اذا ذكر اسم احدهم او ماشابه!!!

اعوذ بالله من الشيطان الرجيم

[صبح]

برجاء مراعاة الألفاظ يا إخواني

وتذكرو قول الرسول صلى الله عليه وسلم

ليس المؤمن بالفاحش البذيء

ولا أعتقد أن أحدا منا يرغب في التبرع بحسناته لأحدهم

جزاكم الله خيرا

الإدارة