فرص عمل بأفغانستان

[الحازم حسن]

أعلن موقع وزارة القوى العاملة والهجرة على موقعه الاليكتروني عن توفر فرص عمل في أفغانستان

بياناتها كالآتي

الكود P.O Box 3196

المسمي الوظيفي مشغلون في مجال حركة الأرض و ما يتعلق بالنبات

التخصص المهني مشغل آلة تمهيد التربة الكهربائي

بلد العمل افغانستان

مدينة العمل ..........

عدد الوظائف 4534

الدرجه العلميه دكتوراه

مدة الخبرة بالشهور .........

نوع التعاقد نوع العقد : عقد مستقل مع شركة معنية

الأجر للشهر من 1000 حتى 1500 العملة: دولار امريكى

السن المطلوب من: ...............

النوع ذكر

صالح إلي 02 Feb. 2007

مجال الوظيفة و مهاراتها

- الأجهزة المستخدمة في اعمال الحفر الهندسي

. اللودر

. الجرافة.

. المكشطة.

http://www.emigration.gov.eg/index.aspx

[se_ Elsyed]

يا نهار مش فايت

والله العظيم بأحيب الموضوع تهريج أتاريه طلع جد

أهي دي بقى اللي بيسموها ... سِكك ون واي .. يعني اللي يروح ما يرجعش

[Eldisel]

افغــــانـــــســــتـــان ........ انت مش عايش في الدنيا ولا اية ...... واللهي ولو 10000 دولاار في اليوم ........... هو العمر بعزقة

معندكش شغلانة في العراق (:

[وليد صفوت]

هناك اثنين من معارفى يعملون فى افغانستان :blush:

و فعلاً مستوى الرواتب هناك عالى جدا... و الحياة هناك اشبه كثيراً بمهندسى محطات البترول و الغاز ... الحياة فى كومباوندز و خيَِم مُكيّفة و أعتقد هناك اجازات و لكنى لم اسأل مدتها...

انا فعلاً استغربت فى البداية كما حدث ما ابيه ثين ثين ...بس الدولارات فوقتنى :closedeyes:

[الحازم حسن]

يا جماعة ايه الخظة اللي انتوا فيها دي

العمل في كابول وضواحيها والجبال اللي حواليها

وعلى السادة الراغبين بتفجير أنفسهم مراعاة فروق التوقيت

[khedr]

هو العنوان

فرص عمل

واللا

فرص موت

.......................

.................

.......................

[shawshank]

http://www.emigration.gov.eg/index.aspx

هم قصدهم immigration ؟

[وليد صفوت]

http://www.emigration.gov.eg/index.aspx

هم قصدهم immigration ؟

طب ما هو الإثنين نفس المعنى بإختلاف ان الكلمة الأولى "emigration" قد تعنى جلاء او نزوح او انتقال نهائى من مكان لأخر.

[shawshank]

تمام .

أعتقد immigration تعني الهجرة إلى البلد ، و emigration تعني الهجرة من البلد . :wub:

عشان كده الشائع في حكومات العالم الأولى مش التانية . عشان أكيد بيكون فيه قوانين تنظم الهجرة للبلد من بلاد أخرى . عمري ما شفت حكومة بتستخدم emigration خالص .

معلش خرجنا عن الموضوع شوية بعد إذن الفاضل الحازم حسن .

[الحازم حسن]

تمام .

أعتقد immigration تعني الهجرة إلى البلد ، و emigration تعني الهجرة من البلد . :wub:

عشان كده الشائع في حكومات العالم الأولى مش التانية . عشان أكيد بيكون فيه قوانين تنظم الهجرة للبلد من بلاد أخرى . عمري ما شفت حكومة بتستخدم emigration خالص .

معلش خرجنا عن الموضوع شوية بعد إذن الفاضل الحازم حسن .

يا حبيب قلبي يشرفني تعليقك على موضوع ليه ... اخرج من الموضوع وادخل فيه تاني زيما انت عاوز

ومعلومة مفيدة جداً أول مرة آخد بالي منها.

[Diab]

المسمي الوظيفي مشغلون في مجال حركة الأرض و ما يتعلق بالنبات

التخصص المهني مشغل آلة تمهيد التربة الكهربائي

بلد العمل افغانستان

يعني أروح أشتغل في أفغنستان أقص النجيل ده ولا أيه.. أصل اللي بيمهد التربة حاجة من أنتين

يا بقص نجيلة يا سواق وابور زلط و لا هه .... هه :wub:

[الحازم حسن]

المسمي الوظيفي مشغلون في مجال حركة الأرض و ما يتعلق بالنبات

التخصص المهني مشغل آلة تمهيد التربة الكهربائي

بلد العمل افغانستان

يعني أروح أشتغل في أفغنستان أقص النجيل ده ولا أيه.. أصل اللي بيمهد التربة حاجة من أنتين

يا بقص نجيلة يا سواق وابور زلط و لا هه .... هه :wub:

حقيقي مش عارف مع ان المؤهل المطلوب زي ما بيقول الاعلان دكتوراه !!!!

هو العنوان

فرص عمل

واللا

فرص موت

.......................

.................

.......................

يا جماعة اللي يسمعكوا كده يقول ان مصر دولة عظمى والمواطنين هناك مش ناقصهم حاجة في مصريين كتير شغالين في أفغانستان وفي العراق وفي أوغندا وفي اسرائيل كمان ..... مين يزود

[abdulmuttaleb]

سؤال صغنطط:

ما هي قيمة بدل الحياة الذي سيمنح للمتقدمين لهذه الوظيفة؟؟

[الحازم حسن]

سؤال صغنطط ازاي دا مكتوب بفونت رقم7

[وليد صفوت]

دكتور شاواشنك ... الظاهر اننا موعودين بالمداخلات بتاعت النحو :) (فاكر موضوع "مغتربين مصريين" :unsure:) ...

عندك حق تماماً هو احنا الإثنين متفقين على المعنى بس انا مجاش فى بالى خالص ان الفرق البسيط ده ممكن يأثر فى المعنى بالشكل ده :unsure:

--------------

الأخ الفاضل عبد المُطلب....

مافيش خوف ان شاء الله العمل فى افغانستان بيكون فى مناطق ابعد ما تكون عن مناطق الصراع و مؤمّنة تماماً و اكرر هناك بعض من معارفى يعملون هناك مهندسين و لكن لم يتسنّى لى معرفة التخصص الذى يعملون فيه...

يا جماعة افغانستان ليست بلد صغير و إنما مساحات شاسعة أى ان مناطق الصراع بعيييييدة تماماً عن مناطق العمل و إعادة الإعمار....

يعنى اللى يجد فى نفسه المؤهل و القدرة ألا يتردد فى العمل ...المرتبات خيالية فعلاً :P

تحياتى ...