كلام عيال

[esso]

أعازئى الاباء و الامهات فى المنتدى

كلنا لما بنعرف ان جايلنا مولود جديد بنبتدى نحضر هدوم و سرير و عربيه و شوية حاجات كده علشان لما يشرف المولود يلاقى كل حاجه فى انتظاره

بس ايه رأيكم لو كمان نحضر حنقوله ايه و حنربيه ازاى و حنغنيله ايه و حنعلمه ايه

و ايه رأيكم لو كل ده قولناه بالشعر

مش بذمتكم تبقى حلوه

عموما انا ابتديت اجهز لولى العهد شويه حاجات كده و اتمنى انها تعجبكم و انكم تشاركونى ... و اهوه كله علشان الاولاد

أحلموا

أحلموا بالعصفور النونو لما يرفرف بالجناحين

و ببلياتشو واسعه عيونه بيحركها شمال و يمين

احلموا بالعصفوره و طيروا فوق وياها

العبوا واجروا وسط الخضرا و غنوا معاها

قولوا بحب اصحابى و قرايبى و كتابى

و بحبك يا مامى و بحبك يا بابى

و البلياتشو اللى عيونه كتير واسعين

حلوه عيونه و بيحركها شمال و يمين

اضحكوا من حركاته و اسمعوا بيقول ايه

قال بيحب اخواته و شايلهم فى عنيه

و العصفور النونو رفرف بالجناحين

و البلياتشو عيونه حلوه قوى و واسعين

تم تعديل 26 نوفمبر 2006 بواسطة esso

[bentmasria]

أحلموا

أحلموا بالعصفور النونو لما يرفرف بالجناحين

و ببلياتشو واسعه عيونه بيحركها شمال و يمين

احلموا بالعصفوره و طيروا فوق وياها

العبوا واجروا وسط الخضرا و غنوا معاها

قولوا بحب اصحابى و قرايبى و كتابى

و بحبك يا مامى و بحبك يا بابى

:closedeyes: :blush: :blush:

جميلة جدا يا ايسو والفكرة مدهشة انا شخصيا كنت بالف لمحمد اغانى والحنها سماعى طبعا ونغنيها وكل اغنية بيعمل اثناءها حاجة يعنى بياكل بغنوة عن الاكل طبعا وياعب ويضحك بغنوة وينام بغنوة وكتير قوى ممتع وسبحان الله لسه ما بينامش لحد دلوقتى (عقبال ولى العهد عنده 3 سنين) الا بنفس الغنوة

ربنا يتملكم بخير ويفرحكم بيه ان شاء الله واسمحلى ارجع لكلامك الحلو واقول

احلم يا عصفورى يانونو انك حترفرف وتطير

وسط الدنيا الحلوة الجاية جوه عيونك ..فرح وخير

خذ من قلبى واحمد ربى ....انه رزقنى بكره فيك

نرسمه صورة وفرحة كبيرة ...........لما ينور عمرنا فيك

ربنا يسعدكم يارب :ninja: :angry:

[nash]

أهلا بأختنا أيسو

ماشاءالله روعه...بس يا خسارة..ولادي كبروا...

ربنا يوفقك..ويتمم عليكم بالخير يارب

[esso]

عزيزتى bentmasreia ربنا يخليلك محمد و شكرا على تعليقك

بس مادام عندك اغانى كنتى بتغنيهاله اكتبيها و خلينا نستفيد احنا كمان

ده الهدف الاساسى من الموضوع ده

ان اى حد فينا عنده حاجه هو كاتبها لاولاده يحطها هنا علشان كلنا ناخد الافكار اللى تفيد اولادنا

nash

شكرا لتعليقك بس انا اخوكم ايسو مش اختكم

معلش مافيش حاجه بس مش انا اكتب و اتعب و فى الاخر الفضل يروح للأم

حتى دى عاوزين تاخدوها من الرجاله

[nash]

أوبس........ :P :sad:

سوري والله العتب علي النظر

أختي بنوته .....والله قلبي كان حاسس :P بس قلت أنتي تعرفي أكثر مني.. .

[khedr]

أوبس........ :P :P

سوري والله العتب علي النظر

معلهش بتحصل كتير

وفي أحسن العائلات

[khedr]

و البلياتشو عيونه حلوه قوى و واسعين

هي الاطفال بس اللي بتحب الأغاني دي

مين مايحبش ماما زمانها جايه

طيب ايه رأيكم انا كل ما اسمعها لحد دلوقتي

احس بالحنان والامان والطمأنينه

........................

.......................

ماما زمانها جايه

جايه بعد شويه

معاها لعب وحاجات

واو واو واو

أيام

[esso]

طيب بما ان لسه ماحدش ابتدى يقول معايا اساعدكم انا و اقول تانى

شوف

شوف يا حبيبى لما احكيلك علشان عقلك يبقى كبير

لجل ما تعرف لجل ما تفهم ليه فى الدنيا فى شر و خير

ليه ناس تاخد ليه ناس تدى ليه فى الدنيا غنى و فقير

اصل الدنيا ربى خلقها فيها من كل الالوان

ابيض ناصع بيروقها اسود داكن كله جنان

لولا الاسود جنب الابيض مايبان للابيض لمعان

علشان كده فيه شر و خير

علشان كده فيه غنى و فقير

علشان نختار لون لحياتنا بين الطيب و الشرير

شوف يا حبيبى