والعمل...إيه العمل؟

[حشيش]

قرأت كل ما كتبه الأخوة بالمنتدى عن مدى سخطنا وغضبنا جميعاً مما يجرى فى مصر من فساد وإفساد...من توريث للحكم على مرأى ومسمع من الجميع...من إنهيار للإقتصاد والأخلاق والقيم...من تحكم عصبة من المنافقين فى شئون البلاد والعباد...وكل يوم أسئل نفسى هل يمكن أن نفعل شئ؟...أم أنه لا مفر من الكلام (فقط) للتنفيس عن النفس قبل الإنفجار غيظاً وكمداً... طيب والعمل إيه العمل؟...أنا لا أعرف الإجابة على هذا السؤال لذلك فأنا أطرحه عليكم لعل أحدكم يجد لنا جوابأً شافياً...عندى بعض المقترحات:

1- نمتنع نحن المغتربين عن تحويل أى مبالغ جديدة لمصر تعبيراً عن سخطنا عما يحدث لعل هذا يؤثر سلباً على الإقتصاد المصرى مما يتسبب فى إحراج الحكومة .

2- نتوقف فى الداخل والخارج عن شراء الصحف المصرية التى تهلل لمبارك وعصبته

3- حد منكم بقه يكمل   :xmas:  :xmas:  :xmas:

[حشيش]

جتلى فكرة...ليه ما نعملش لجمال عمل...نربطه فى ديل سمكة قرموط ونرميها فى النيل... :xmas:  :xmas:  :xmas:

[White heart]

حشيش كتب:

لعل هذا يؤثر سلباً على الإقتصاد المصرى مما يتسبب فى إحراج الحكومة .

مع الأسف اقتصادنا Already تعبان !!!

و اعتقد ان دة هيعود بنتيجه سلبيه صحيح بس مش على الحكومه!!!!

[الأفوكاتو]

يا أخ حشيش:

هى السمكة ذنبها إيه حرام عليك؟؟؟

( وجه حزبن على السمكة)

[achnaton]

أخ حشيش ..

الأول حمدا لله على سلامة عودتك ..

ثانيا .. خليتنى أضحك الى حد أنى مش عارف أكتب المداخلة دى .. وانا مش بأضحك على اللى انت كتبته أو اللى كتبه اخونا أفوكاتو المنتدى لكن على فكرة نطت فى دماغى ..زيك كده .. فقد ذكرتنى المداخلة بحكاية هذا الرجل اللى حب يغيظ من مرته ( زوجته ) راح لجراح محترم وحول نفسه الى الجنس الآخر ..

المتضرر الوحيد من الفكرة هم أهلنا الغلابا اللى مش لاقيين المش ولا الحعضيض .. وحكاية القرموط دى متنفعش لأنهم عاملين لنا عمل على ديل حوت .. يجى ينهب ويلهف ويغطس .. والحل هو الزن الدائم وبكل اللغات .. والتضرع الى الله أن الصورة الحقيقية لمصر لعيم وأذن رئيس الدولة هل رأيتموه اليوم وحوله عشرات من الحرس .. عيشة السجناء حتى ولو كان فى الجنة .. وممكن يجيله فى المنام .. برضه ممكن .. يوضح له الصورة .. وطول ما شلة الفساد حواليه .. ليس أمامنا الا أن نقول يارب .. على أوهن الأسباب .. تتغير الدنيا .. وتبقى عيشتهم هباب ..

تحياتى

اخناتون

[مصرى]

نتوقف فى الداخل والخارج عن شراء الصحف المصرية التى تهلل لمبارك وعصبته 

أؤيد حشيش فى هذه الفكرة .. وليكن موقف شعبى عام ضد أى صوت يخون أمانة الكلمة والمسئولية

[White heart]

حشيش كتب:

نتوقف فى الداخل والخارج عن شراء الصحف المصرية التى تهلل لمبارك وعصبته

فى السابق كان من الممكن هنا شراء "الأهرام" او "اخبار الحوادث" او "مجله اكتوبر" او "اخر ساعه" فقط من محطه قطار فى بلد قريب !!

اما اليوم فقد اقتصرت على جريدة "الحياة" و "الشرق الأوسط" مع عدد ضئيل من الصحف و المجلات العربيه و ليست منتظمه...

و هذا ان دل على شئ فهو يدل على ضئاله التوزيع لأسباب عدة الأنترنت بالطبع احداها، ثم ماشاء الله أى حكومه تلك التى ستشعر بالحرج؟ اعتقد ان "العمل" فى ديل السمكه فى هذة الحاله سيكون تاثيرة أفضل...

[se_ Elsyed]

طبعاً فكرة الأمتناع عن تحويل العملات الصعبة إلى مصر أو مقاطعة الصحف المصرية .. غير مقبولة تماماً لأنه سيضر بأهلنا وأخواتنا البسطاء اللى عايشين فى مصر .. أما حكام مصر فلن يشعروا بذلك لأنهم يعيشون فى أبراجهم العاجية ويأتيهم الأكل من مطعم مكسيم الفرنسي ...

يبقى الحل هو أن حشيش يكلم لنا الشخة / صباح العمشة اللى سرها باتع وتعمل لهم عمل يمكن يتدهوا ويبطلوا ظلم وجبروت ، وإمعاناً فى التشاءم أظن أن العمل برضوا مش هاينفع مع دالناس دي لأنهم عاملين عمل للشعب كله بما فيهم الشيخة صباح .

[الطفشان]

طبعاً فكرة الأمتناع عن تحويل العملات الصعبة إلى مصر أو مقاطعة الصحف المصرية .. غير مقبولة تماماً لأنه سيضر بأهلنا وأخواتنا البسطاء اللى عايشين فى مصر .. أما حكام مصر فلن يشعروا بذلك لأنهم يعيشون فى أبراجهم العاجية ويأتيهم الأكل من مطعم مكسيم الفرنسي ...

ما هو لازم حد حينضر لا محالة

مثلا مقاطعة المنتجات الامريكية او المصنعة او المطاعم

العاملين المصريين في المصانع و المطاعم حينضروا جامد

بس نقاطع و الا لأ؟

القرار يجب ان يكون مبني على مجموع الفوائد و مجموع العيوب

زائد امكانية عمله، و مدى تأثيره

مثلا معونات الدول الغربية مثلا لمصر

هي احد خطوط الاكسجين للنظام ايضا

صحيح بتفيد البلد، لكن بتخلي النظام باقي في مكانه

و من هذا المنطلق كان الحظر المفروض على العراق من 12 سنة من الامم المتحدة

على افتراض انه سيسقط النظام

و لم يفلح

و انضر الشعب

كل حالة بحالتها و يجب ان تدرس جيدا

و لا نهرع اليها لسبب حماسي واحد

و لا نلغيها لسبب عاطفي واحد

[ragab2]

كتب الطفشان

مثلا مقاطعة المنتجات الامريكية او المصنعة او المطاعم 

العاملين المصريين في المصانع و المطاعم حينضروا جامد

قبل

مقاطعة المنتجات الأمريكية يجب مقاطعة المنتجات الحكومية مثل الجرائد والقنوات المصرية

ماعدا جريدة الجمهورية الجريدة الوحيدة التى استشف منها الصدق

لأنى أقرأ فيها الأكاذيب لأعرف أن العكس هو الصحيح وهكذا أعرف الحقائق منها بطريقة كيميائية معقدة

[maksoof]

وقف تحويل الأموال مش حيضر غير المصريين الغلابة اللى محتاجين لها لكن الإمتناع عن شراء الصحف مش حيئذيهم فى حاجة ولكن ممكن يؤثر على المنافقين اللى ما وراهمش شغلانة غير مسح الجوخ للسلطة (بضم السين).

و بعدين هى الصحف المصرية فيها إيه غير إن مبارك قال و مبارك راح و مبارك قابل ؟ أخبار ما تهمش أى بنى آدم و مقالات إبراهيم نافع اللى تسبب تخلف عقلى !

متهيألى إن دى فكرة كويسة و يا حبذا لو لما ييجي وقت الإستفتاء على الرياسة لو كل اللى مش موافقين يطفوا الأنوار في بيوتهم فى وقت محدد لمدة عشرة أو 15 دقيقة عشان العالم يعرف بصحيح كام واحد قالوا "نعم"