خبير أجنبي لمرور الإسكندرية !

[se_ Elsyed]

خبير أجنبي لمرور الإسكندرية !

الإسكندرية دينا زكي:

يبدو أن مشكلة المرور في الإسكندرية أصبحت مستعصية. الأمر الذي دفع اللواء عادل لبيب محافظ الثغر إلي الإعلان عن نية المحافظة الاستعانة بخبير أجنبي لتنظيم المرور.

قال لبيب خلال لقائه بأعضاء نادي أنرويل الإسكندرية: إن هذه الخطوة تأتي بعد تصاعد نسبة الحوادث والوفيات. وبصفة خاصة علي طريق الكورنيش. مشيراً إلي أنه سيتم تطبيق فكرة الموجة المرورية وإشارات التوقف علي الكورنيش. وهو نظام معمول به في الخارج ولا يوجد متخصصون في مصر لتنفيذه

وإيه المانع

والله فكرة يا رداله

ما تيجو نناقشها

موضوع على طريقة شريف عبد الوهاب ( إضرب وإجري )

[واحد تاني]

سيتم تطبيق فكرة الموجة المرورية وإشارات التوقف علي الكورنيش.

هي اسكندرية ناقصة كمان اشارات توقف على الكورنيش ...

هي مش برضه اشارات التوقف دي عشان نوقف الفلو في طريق ما للسماح للفلو القادم من اتجاه عمودي عليه ليقطعه

طيب اذا كانت كل العموديات اللى على الكورنيش بتنتهي اليه وبتصب فيه ولا تقطعه

وحتى القادم من عمودي على الكورنيش ويريد الجهة الاخري كل ما عليه هو الذهاب لاول يو تيرن (ودي هدوا الدنيا وبنوها تاني عشان يعملوها)

يبقى فايدة الاشارات ايه ؟؟؟

[نانو]

يا ناس يا هوووووو

هو احنا كل شويه نعمل حاجه و نبوظها و نرجع نعملها و نعكها

هما اصلا دفعوا الناس دم قلبهم علشان يعملوا الكورنيش بالطريقه الجميله ديه

و كان من اهم اهدافها الغاء الاشارات و تسهيل السيوله المروريه

لان احنا كنا بيطلع عينينا علشان نمشي 5 دقايق علي البحر و خصوصا في الصيف....و اتحلت المشكله ديه من يوم ما عملوا الطريق الجديد و اليو تيرن

بدل الاشارات...انا رايي انهم يكتروا كباري عبور المشاه اوالانفاق و يزودوا اللا ئحات الارشاديه للعبور عبر الكباري او الانفاق علي حسب المتاح

[محمد عبدالعزيز]

فى الحقيقة أنا لا أرى أن الإسكندرية بها مشاكل مرورية, خصوصاً طريق الكورنيش.

المشاكل المرورية الحقيقية فى شارع أبو قير ﻷن الشارع ضيق جداً فى أماكين كثيرة منه, باﻹضافة إلى أنه بمثابة العمود الفقرى للإسكندرية لذلك كثافته المرورية عالية خصوصاً فى أوقات الذروة.

ورغم ذلك فلا يحتاج من وجهة نظرى لخبير أجنبى, ولا أى منطقة فى اﻹسكندرية تحتاج لخبير أجنبى ﻷنه لا توجد أزمة مرورية حقيقية مثل القاهرة وبشهادة القاهريين أنفسهم, بمعنى أنك لن تجد فى اﻹسكندرية إشارة تقف فيها الوقت الطويل الذى قد يمتد لساعة مثلاً, أما شارع أبو قير فهو يحتاج لبعض التنظيم فقط ليس إلا.

أعتقد أن هذا إسراف يجب أن يتم إيقافه

[يحى الشاعر]

خبير أجنبي لمرور الإسكندرية !

الإسكندرية دينا زكي:

يبدو أن مشكلة المرور في الإسكندرية أصبحت مستعصية. الأمر الذي دفع اللواء عادل لبيب محافظ الثغر إلي الإعلان عن نية المحافظة الاستعانة بخبير أجنبي لتنظيم المرور.

قال لبيب خلال لقائه بأعضاء نادي أنرويل الإسكندرية: إن هذه الخطوة تأتي بعد تصاعد نسبة الحوادث والوفيات. وبصفة خاصة علي طريق الكورنيش. مشيراً إلي أنه سيتم تطبيق فكرة الموجة المرورية وإشارات التوقف علي الكورنيش. وهو نظام معمول به في الخارج ولا يوجد متخصصون في مصر لتنفيذه

وهو نظام معمول به في الخارج ولا يوجد متخصصون في مصر لتنفيذه

مــــبروك يا جمهورية مصر العربية ...مبروك يامصريين عشان تتعلموا النظام .... إحنا بقينا بلد متأخرة زى قبائل زنوج "الغابات" فى وسط أفريقيا ..

تعليق بسيط قوى

1 - لا يوجد بين عشرات الملايين من المواطنين المتعلمين ... وخبراء المرور وضباط الشرطة "المرور" وخبراء تخطيط المدن وأساتذة الجامعة ، وأساتذة نخطيط المدن ، وطلبة الجامعات ، والمهندسين ، و جنود الشرطة "البسطاء" ما يملك "العلم والقدرة" على تنظيم المرور فى إسكندرية

2 - شهادة أخرى على إفلاسنا "الفكرى"

3 - إذن ... الدراسة فى مصر المتعلقة بتخطيط المدن ... غلط .. أو ناقصة .. أو لا تنتسب الى متطلبات القرن "العشرون" ...

4 - يعنى ... الأجنبى أحسن ... وأفضل ... وإحنا كمصاروة ... عقلنا ... لسه مش فى مستواهم ...

أيها المسئولون ... تطلعوا الى "خبرائكم فى القوات المسلحة" مهندسين تغلبوا دون مشاكل على تحريك عشرات الآلاف من الجنود والمعدات والسيارات

والدبابات و الحاملات والأتوبيسات والجنود .. والأوناش والمدافه المجرورة والمدافع ذاتية الحركة ومحطات الرادار المتنقلة .. وسيارات الذخيرة وسيارات الأسعاف وسيارات الخدمة الطبية وسيارات الأمداد ..و الصواريخ.. والكبارى.. و ازوارق.. والعبارات ....والخزانات .. و .. و .. و .. و ....

دون مشاكل .. وبشكل نظامى .. ولم تتمكن من إكتشاف ذلك ...إسرائيل أو أمريكا أو روسيا جميعا بطائراتهم التجسسية وأقمارهم الصناعية

السؤال البسيط .. ليه ... وإزاى ..؟؟؟؟

والجواب الأبسط ...!!!!

لأن اللى خططها ونفذها مصريين ...

مازال عندنا فى مصر أذكياء ... علماء ذرة .. علماء كيميا .. علماء طبيعة ..

يا ناس عندنا دكتور أستاذ كبير أعترف به العالم وأعطاه جائزة نوبل ...

يعنى ... ما ينفعش لكم الا الأجنبى ...؟؟؟؟

طيب والأستاذ المصرى اللى خطط لألمانيا مواصلات أكبر محطة القطارت "سكة حديد " وأعطوله وسام إعترافا به .. مش كويس ..

والسادة المصريين ، ... الأساتذة والطلبة والمهندسين والخبراء فى تخطيط المدن ... مش قيمتكم ... ؟؟؟؟؟

طيب ...

إذا كانت هكذا العقلية وطريقة تفكيركم ...

يبقى جيبوه ... فهذا يدل على عقلية ..... لا تعليق على طريقتها فى تفكيرها ... أكيد .... على أربعة أرجل ... وأذن طويلة ... وصوت يتكرر بندائه "للماء" ... أو بشكى من الألم فى جوفه ... ؟؟؟

يا ناس ... من فضلكم ... إعطوا أهل الوطن وشبابه الفرصة ... قبل ما يزهقوا ويطفشوا

مصر كان ولسه فيها خير ....

معلهـــــش

بس شوفوا فى الموقع التالى ... ما قامت به مصر ... .... منذ "خمسون عــــاما" ...

...صنعنا فى المصانع العسكرية فى حــــلوان أول طائرة مقاتلة نفاثة فى العالم تزيد سرعنها على ضعف سرعة الصوت ....

http://www.egyptiantalks.org/invb/index.php?showtopic=23846

أعيد مرة أخرى .... منذ "خمسون عــــاما" ...

إسلمى يا مصر ... من هذه العقلية فى التفكير ...

يحى الشاعر

تم تعديل 26 نوفمبر 2006 بواسطة يحى الشاعر