بجد انا اسفه

[memo2007]

السلام عليكم ورحمه الله وبركاته انا اسفه جدا انا مشاركاتى مش كتير لانى لسه بدرس ومش بقعد كتير على النت وبصراحه انا حبيييييييييييييت المنتدى ده بطريقه مش عاديه اعتبرتكو اهلى واتمنيت انكو تحبونى زى ما بحبكوا المشكله بقى انى هاقعد شهر واكتر ما دخلش على النت بسبب الامتحانات وبجد هاتوحشووووووووووووووونى أوييييييييييييييي ادعولى وماتزعلوش منى

:)

[رمضان]

ربنا يوفقك يا بنتي

[النسر المصري]

خلاص ياميمو يابنتي

ماترعليش نفسك اوي كده

يابنتي خلاص بطلي عياط بقى!!!

طب خلاص هنعملك مساكن شعبية!!!...خلاص خلاص اهدي كه وخلصي امتحاناتك واحنا مستنينك!!!

[nash]

ربنا يوفقك يا ميمو..ويارب ترفعي راسنا في الإمتحانات

إن شاءالله لما تظهر النتيجه ..تدبحي خروووووووووووووف وتعزمينا

[مصرية يعني مصرية]

ميمو

إحنا طبعا أهلك و بنحبك و مستنين كل إلي حتكتبيه :wub:

بس عشان بنحبك عايزينك تزاكري و تنجحي بأعلى مجموع

و احنا هنا مستنينك يا حبيبتي على أحر من الجمر

وربنا يوفقك و ينجح مقاصدك ياقمر

إبقي طمنينا عليكي :)

و مستنين خبر نجاحك بإذن الله

[عبده بيه]

الف مبروك مقدما وان شاء الله تكوني من المتفوقين وفرحتنا بيكي اكتر يوم نجاحك وده يفرح كل الاعضاء بيكي ربنا معاكي

[memo2007]

بجد بحبكو كله وادعولى بضميييييييييييير بحبك يا مصريه يعنى مصريه انتى وناش وبحترمك قوى يا نسر وبحب قرايه موضوعاتك انت ورمضان ادعولى ومتشكرة انكو اعتبرتونى من العيله الذيذه دى :D eey:: :ph34r:

وانت يا عبده بيه اتمنى انك تقولها بحيقيقي وتكون فى محلها

[متمردة]

بجد يا نانو انت عملت حاجة جديدة

بتعتذرى من الناس الىى فى المنتدى علشان تروحى تذاكرى

صحيح من الحب ما قتل

[حرفوش]

تمنياتى لنانو بالنجاح, و بستقبل سعيد

[Diab]

انا اسفه جدا انا مشاركاتى مش كتير

خلاص سماح المرة دي ومتعمليهاش بعد كدة :blink:

أن شاء الله حتنجحي وبعديها نرقيكي

[عبده بيه]

والله يا ميمو بدعي لكي من قلبي وان شاء الله هتفتكرني لما تنجحي اني دعيت لك من قلبي وبالتوفيق هذه احلي ايام عمرك ايام المذاكرة استمتعي بها واجتهدي والله معاكي ان شاء الله

[lonly in cold night]

إن شاءالله لما تظهر النتيجه ..تدبحي خروووووووووووووف وتعزمينا

معقول كده يا ناش ؟؟؟ :)

البنت تقول علينا ايه دلوقتى طمعانين فيها وفى الخروف ؟

ربنا يوفقك يا ميمو و تنجحى النجاح الباهر و ترجعيلنا كده بالدرجات اللى تشرح القلب :)

[memo2007]

السلام عليكم ورحمه الله وبركاته بجد وحشتوووووووووووووووووووونى قوىىىىىىىىىىىىىىىىى انا خلصت نص الامتحانات قبل العيد ولسه النص التانى ادعولى فيه لان المواد اللى جايه صعبه قوي :rolleyes: انما اللى عدوا كانوا كويسين وحليت كويس :blink: والحمد لله نحمده ونشكره على كل شئ بس بجد وحشتونى جدا جدا وبحبكوا كلكم :ninja: وادعولى

وكل عيد وانتو كويسييييين وكلو لحمه على قد ما تقدروا :blink: :blink: