اريد زوجة لي فى الكويت

[اسود وتعالب وارنب]

ياجماعة عيب مايصحش يعني البنات اللي في الغربة ولاد الجارية ما هم ولاد ناس برضة وربنا كتب عليهم الغربة يعملو ايه يعني اللي في مصر ستات واحنا مالناش صلة بالستاته ايه الموضوع واحنا منعرفش نعمر بيوت حسبوا علي كلموكو شوية ميصحش كده حتخلوا الواحد يسيب المنتدي

[وليد صفوت]

أنا بصفتى عضو و مشرف أاسف على هذا التدنى المؤسف فى لغة الحوار بين الأعضاء و بعضهم و كنت احسب و انا امر على هذا الموضوع ان الألفاظ لن تتعدى مواصفات العروس أو ما شابه فإذا بى أجد ما قرأت....

للأسف تعدت العضوة متمرة بالكلام على الأعضاء بشكل مبتذل و بادلها العضو إسلام طلعت الكلام بأشد منه و أسفل...

------------------

تأسف الإدارة لوضع كلا العضوين (متمردة) و (إسلام طلعت) قيد المراقبة الإدارية لمدة اسبوعين و هذا فقط لتعطى الإدارة لهما فرصة كافية لقراءة مداخلات الأفاضل الأعضاء و ما بها من رقى لفظى و ارتقاء بالكلمات و عقلية عالية مثقفة.. حتى يُحددا إذا ما كان هذا المستوى الحوار يناسبهما أم لا...

علماً بأن هذا الإنذار يُعدّ الثانى للعضو (إسلام طلعت) و الأول كان لنفس السبب...

الإدارة

وليد صفوت

[بنت النيل]

ايه يا جماعة فى ايه انتم كبرتو الموضوع كدا ليه الحكاية بسيطة جدا وكل اللى بنكلم فيه واحد عوزة المشوره للزواج او لاختيار العروسة وبتهايئلى ان كل كلامنا مفيش فيه اى عيب ولا غلط فى اى حد

اعتبره ذى موضوع واحد بياخد الرئى فى شراء سيارة مثلا ولا فى شغل ولافى اى شىء ماهو الزواج ايه ماهو يعتبر مشروع برده

ولما بنقول يفضل الزواج من مصر ده مش معناه اننا نقصد سوء النية اللى فى بالكم لاء طبعا احنابنقصد شىء تانى تماما

وعلى العموم انا هوضح وجه نظرى اللى بكلم عليها او نصيحتى اللى بقولها للاخ الفاضل اللى بيطلب العروسة عشان محدش يفتح بوءة تانى بالغلط ايه ده عيب والله

شوفى يا اخى الفاضل الغريب لما قلت لك انك الافضل تاخد عروسة من مصر مش من الكويت كانت وجة نظرى

وهقولك بكل صراحة انامش بخاف من حد ان الفتاة الموجوده او اللى عايشة هنا خلاص متعوده عىل مستوى معين او بمعنى اصح مستوى عالى ذى ما احنا عايشين وذى ماتعودنا حلو الكلام

فبتالى لما تيجى تجوز هيكون طلبها ان يكون مستوها بنفس الطريقة او يمكن كمان اعلى من المستوى اللى عايشة فيه

خلاص بقى متعوده على وجود الخدامه بالبيت ومعتمده عليها فى كل شىء صحيح هتبقى ست بيت بس برده لاء هيكون دى طلبتها ولازم تجيب ولازم تعمل اومال ايه واذاى العيله يقولوا ايه معقول بقى هى دى اللى عايشة طول عمرها بالكويت وكمان جوزها بالكويت وتيجى تبص يابن الحلال تلاقى نفسك اللى تعبت وشقيت بيه فى خمس سنين راح فى يوم وليلة

طبعا الوقت هيحصل عليا هجوم لا يقاوم بس معلش برده مهما يقولوا هى دى الحقيقة المره اللى دايما بتزعل وذى ماقلت انا صريحة

وبعدين كمان بقى اكثر البنات اللى هنا بقول اكثر مش كلهم واخدين بالكم :wub: مش بيكون هدفها من الزواجه دى الاستقرار والمحبه والعشرة ذى الجواز العادى يعنى لاء بيكون لمصلحتها عشان تفضل ضمنه وجودها هنا وضمنه نفس المستوى اللى عايشة فيه

بعكس بقى لما تروح تجوز واحدة من مصر وخصوصا اليومين دول اللى البنات فيها مش لاقيه اللى يقدر يفتح بيت صح كلامى هى دى الحقيقة فى مصر دلوقت وياسلام لماتكون بنت ناس طيبين ذيك كدا لو جبتلها ايه هتسوى عندها الدنيا ومافيها وساعتها تقدر تجبها هنا معاك هتكون بالنسبة لها حياة جديدة هتمشيها على حياتك وعلى قد دخلك مش هتقولك ولا تطلب اللى قولنا عليه فى الاول

فهمت بقى وجة نظرى هو ده اللى نقصده مش سوء النيه اللى دايما على طول يفكرو فيه وبعدين هما زعلنين ليه وتقولك طريقة معرفش ايه هو الراجل قال يالى بالمحاورات عوز اجوزكم :wub: ايه ده

خلوا دايما النيه صافيه والقلب ابيض

وعلى فكره كلامى ده مش من فارغ كلامى ده عن تجارب شفتها هنا من بنات اعرفهم وبنات جرانى وبنات فى العيله هنا يعنى من واقع بيحصل فعلا

طيب يلا ياشباب انا عندى عروسة امورة وحلوه وعسوله واسم على مسمى اسمها بدور وهى بدور

وبنت ناااس اوى اوى يعنى وابوها راجل متدين وحبوب وشباب بس برده هى فى مصر :wub: فى طريقة بقى احسن من كدا يلا والبحر موجود بالكويت

[رمضان]

الو سلامو عليكو

فيه ايه يا شباب

ليه الهجوم ده

ممكن ادلو بدلوي بصراحة مطلقة

اولا من خلال طبيعتي كرجل شرقي واعرف طبيعة الشباب الشرقيين احب اوضح نقطة لكل من فتح موضوع الزواج على المنتدى،الشخص اللي بيفتح الموضوع ده لو قدر ووجد بنت بالمنتدى لا هو ولا أهله هيوافقوا عليها لاسباب كثيرة جدا كلنا نعرفها وطبعا ليس ذما في عضوات المنتدى المحترمين ولكن هذه طبيعة العرب

ابسط حاجة اهله هيقولوا له من على النت ايه الهبل ده وكلام من ده كتير خد عندك .

يعني بصراحة مطلقة كل واحد حاطط الموضوع ده علشان يدردش وخلاص او مش لاقي حاجة يكتبها يعني كلام وبس

طبعا ده باستثنائي انا والنسر احنا ناس جادين والكل يشهد لنا بالالتزام

كلنا هنا اخوات واصدقاء فميش داعي للمواضيع دي وكل واحد عاوز يتجوز عارف كويس قوي طرق الجواز بتكون ازاي يعني بلاش لف ودوران احسن وكل واحد يجيب من الاخر

اعتذر عن صراحتي المطلقة

واعتذر مسبقا اذا اساء احد فهمي

اخوكم رمضان

[اسود وتعالب وارنب]

ايه يا جماعة الكلام الفاضي انا كنت متخيلة ان الناس اللي هنا راقية ومتحتضرة ومستوي التفكير اكبر من كده بالاضافة ان الغربة بتضيف للانسان خبرات بترقي باسلوبه شوية للاسف اولا يابنت النيل البنات اللي هنا مش زي مابتقولي خالص مش متطلعات وعازين يتجوزا امراء فيه بنات بتشغل لما تطلع عينها زي الساقية مش اقل من اي رجل انا شخصيا شقيقتي تزوجت هنا في الغربة ولم يكن لديها حتي غرفة في مصر مع ان زوجها كان اكبر منها 16 سنة ولم تتدلل زي ما بتقولوا ولكن للاسف فيه ناس معتقدة انا الواحدة لازم تتنازل عن اي مستحقات يقدمها لها الشرع عشان تكون متواضعة وعاوزة تتجوز

الاخ رمضان لما انت شايف ان المنتدي عبارة عن مواضيع هبل وتضيع وقت ليه بتدخل وتناقش

يادارة ايه المستوي ده انا كنت متصورة اننا مع مجموعه راقية وبتحدث بعقول متحضرة مش من ايام العبيد او اننا مجموعة من الجهلة بنتحاور مع بعض زوي الافكار المتخلفه يعني مستوي التفكير صعب اوي

[darker19]

أنا مش عارف ليه الحدة في الحوار ظاهرة بالشكل ده....

كل واحد بيقول وجهة نظرة, ويا إما نقبلها أو نرفضها....

وطالما إن وجهة النظر دي مافيهاش إساءة أو تجريح يبقى ليه نرفضها, ممكن نعترض عليا أو نوافق عليها في إطار من الرقي في لغة الحوار.

وصراحة أنا كنت مستغرب من الرأي إلي يدعو إلى عدم الزواج في الكويت بس بعد ما عرفت وجهة نظر بنت النيل اقتنعت بيها ولكن مش 100% يعني من رأيي ان الفكرة صحيحة بس مش للكل, هيا ممكن تنطبق على من ولدت في الكويت أو تربت في الكويت لأن أهلها معاها و دلعوها وبالتالي هيا مش عايزة انها تبتدي السلم من أوله و تكافح مع جوزها عشان تبني حياتهم سوا....

لأ هيا بتكون عايزة تبتدي حياتها الزوجية من نقطة إنتهاء حياتها مع أهلها, يعني عايزة جوزها يوفرلها حياة على الأقل بنفس المستوى الي كانت عايشاه مع أهلها إن لم يكن أفضل....

وهيا وجهة نظر سليمة و بيتهيألي انه في الكثير من البنات هنا بيفكروا بالإسلوب ده, ولكن مش الجميع, في برضه بنات كتير اتجوزوا ونزلوا عاشوا مع اجوازهم في مصر حتى ما كملوش حياتهم هنا و عايشين من غير شغالة و من غير عربية و استغنوا عن حاجات كتير كانت من أساسيات حياتهم في الكويت, لأن عندهم أصل......

وبيتهيألي إن دي كلها حاجات بتبان قبل الجواز, وفي فترة الخطوبة مع الإختبارات الي الشاب ممكن يعملها لخطيبته والي منها يقدر يعرف إلي عايزة تتجوزه عشان تعيش معاه على الحلوة و المرة ولا الي أول ما هايقع أو تقابله مشكلة هاتقله طلقني....

أما الأخت اسود وتعالب وارنب, رمضان لا يقصد إن المواضيع هنا تتصف بالهبل, هوا يقصد إنه رأي الأهل في ان ابنهم يتزوج عن طريق النت أمر خاطئ و أنا الفكرة لن تكون مقبولة, وأن أقل ما سيقال له إيه الهبل ده....

أتمنى اننا نتخلى عن الحساسية الزائدة في محاوراتنا, احنا هنا علشان نتبادل أراء و أفكار و نفيد و نستفيد مش عشان نقف لبعض على الكلمة......

[inas]

هدو بس يا جماعه في ايه دا احنا اخوات وبعدين متزعليش يا اخت اسود وتعالب دي وجهة نظر كل واحد بيعرضها

مش معنا كده اني مايدا للي بيتقال فانا معك لكن نقول راينا باسلوب ارقى من كده

بنت النيل انا وحده من الي بتتكلمي عنهم متربيه في الكويت وعشت في مستوى عالي طول عمري

وكافحة مع زوجي ولم اقارن بحياتي ابدا مع اهلي و لو حبيتي احكي لكي المحن التي مررنا بها فانا تحت امرك والتي قد تعجز عن تحملها اخرى عيشا في مصر لمجرد انها مجوزه واحد عايش في الخليج متريش وهي ملهاش دعوه انا برجع دا لطبيعة الانسان نفسو وطريقة تربيته وليس المكان الذي تربى ونشاء فيه وتجربتي خير برهان لك اتمنى انك تغيري نظرتك للي عاشو واتربو في الخليج لان مش انا بس الي كده فليا صديقات كتير اوي كده ولسه مجبوش شقه ليهم حتى الان في مصر ومر على زواجهم اكثر من 7 سنين وفي اقل

اما انت يارمضان عندك حق ان محدش بيرضى بزواج النت الا القليل بس الله واعلم باه بخبايا القلوب مش جايز الراجل ميقصدش كده خالص والاخوات الي هنا والله محترمين والا كان ايه جبنا هنا كنت هتلاقينا في غرف الشات فمتنظروش من جانب واحد وانا مش زعلانه عموما من نظرة الناس لان مفيش فايده في عقليت الرجل الشرقي وانا عارفه انت الكلام الاخير كتبتو متقصدش بيه صاحب الموضوع لان الراجل بيستشير مش بيعرض نفسو وحتى لو عرض هو حر ملناش دعوه دا يرجع الراي فيه الاول والاخر للاداره اذا توافق على استمرارية الموضوع او وقفه والتدخل في حال التطورات زي محصل

فا الي عندو كلمه حلوه يقولها معندهوش فالسكوت من ذهب عشان منخرجش عن النص ونحتفظ بالطريقه الراقيه في ادب الحوارو المحاورات

وبقول لاخي صاحب الموضوع اتكل على الله واختار الزوجه الي تناسبك سواء من مصر او الكويت المهم تكون من عائله كريمه واظفرو بذات الدين

تم تعديل 15 ديسمبر 2006 بواسطة inas

[متمردة]

قلت اللى انا قلته واضح

**************

وقد قدم قبل كده رمضان نفسه ونسر ويمكن غريب نفس الموضوعات وناقشناها على انها موضوع عام تحت مسمى مميزات وعيوب الزواج فى الغربة . لكن لما توصل الجراه بالتسفيف بالموضوع ووضع العنوانين الالكترنيه وشويه شويه صور فاعتقد ان فى مواقع بتخدم المواضيع ده مثل مواقع الزواج وليس المنتدى هنا

وعموما لو كنت غلطت فانا اسفه على الفاظى فقط، رغم انى وصفت الوضع

وصفتها وصف دقيق مستخدمة الفاظ عربية مش عاميه

اما بقى بالنسبه تعليقات الاخوة بعد كده فطبعا انا مش معاهم واحد فى الميه مع احترامى للجميع

انا مصريه اتولدت فى الكويت وعيشت فى الكويت وكمان اختى وكل واحده ممنا اختارت الحياه اللى تنسبها

فانا عشت فى الكويت وبشتغل هنا على عكس اختى اللى فضلت الحياه فى مصر والارتباط بشخص من هناك

وده شئ لا اعتقد انه نقص ابدا

والخدمات والسيارات وغيره وغيره عمرنا ما سمعنا عنها ابدا الا بعد لما الواحد اشتغل واشترى عربية لنفسه

نرجو من العضوة الكريمة عدم تناول الموضوع مرة أخرى لأنه يُناقش فى الإدارة و لا داعى لتدخل فى الشئون الإدارية.

الإدارة

[بنت النيل]

يا ايناس ياحبيبتى كلامك ذى العسل دى حاجة

الحاجة التانية احنا عارفه كل كلامك وحسه بيه تعرفى ليه لان انا برده واحدة من اللى مرت بنفس ظروفك بظبط

انابقالى 11سنة هنا بالكويت طبعا اول ماجيت كنا نفس كلامك ده وتصدقى اننا فضلنا 4سنين مش قادرين نعمل شىء

ولكن الحمدلله بالصبر والتعاون مع بعضنا قدرنا نحقق كل شىء والحمدلله وبقى عندنا شقة بالقاهرة ذى مابتقولى رغم اننا من بورسعيد :wub:

لكن فى شىء الواحد بيلاحظة بنات اليومين دول حاجة عجيبه عوزين كل حاجة على الجاهز ونرجع ونقول برضه بترجع للاصل والتربيه والاهل

احنا عوزين نقول اننا هنا عشان كل واحد يقول وجه نظره وعلى التانى انه يقبلها اويرفضها مع الاحترام المتبادل لبعضنا البعض

انا لما قولت للغريب لاء لا انصحك اتفهمت وجه نظرنا خطاء وحدث ماحدث من كلام لايصح ان يقال ولكن اوضحت وجهة نظرى حتى لايكون فى سوء للنيه

وفى شىء كمان ياريت الكل ياخد باله منه ان كل كلامنا كان عن البعض وليس الكل يعنى لا يوجد به اى تعميم واذا راجعتو كلامى ستجدون ذلك مش معنى كلامنا ان كل البنات اللى فى مصر كويسين لاء طبعا ولامعناه ان كل البنات اللى فى الكويت مس كويسين طبعا مستحيل كل مكان فيه الحلو والوحش

ونتمنى للجميع التوفيق وزواج سعيد

تم تعديل 15 ديسمبر 2006 بواسطة بنت النيل

[ALGHAREEB]

يعني ياجماعة الواحد عايش في غربة ودخل يطلب مشوره أهل بلده فكانت النتيجة

الفاظ سيئه من متمردة و.. طلعت

والاخ رمضان مطلع على نيتى وبفلسفه كبيره يقول "يعني بصراحة مطلقة كل واحد حاطط الموضوع ده علشان يدردش وخلاص او مش لاقي حاجة يكتبها يعني كلام وبس

طبعا ده باستثنائي انا والنسر احنا ناس جادين والكل يشهد لنا بالالتزام "

يعني هما بس ناس كويسين واحنا نوايانا وحشة

وطبعا بنت النيل قفلتها في وشى

لذا ابناء بلدي احبابي اقدر اقولكم دلوقتي شكرا مش عايز مشورتكم ومش عايز كمان اتجوز اشوف طريق تاني احسن...........................................................................................................

[enghusseinomar]

اعتقد ان المتمردة لها بعض الحق لكن الاسلوب غير موفق وارى ان الافضل فعلا كما تفضل الاخوة الزواج من مصرية من نفس مدينتك لاسباب كتيرة ممكن تؤثر على العلاقة مستقبلا وشكرا

[وليد صفوت]

يعني ياجماعة الواحد عايش في غربة ودخل يطلب مشوره أهل بلده فكانت النتيجة

الفاظ سيئه من متمردة و.. طلعت

والاخ رمضان مطلع على نيتى وبفلسفه كبيره يقول "يعني بصراحة مطلقة كل واحد حاطط الموضوع ده علشان يدردش وخلاص او مش لاقي حاجة يكتبها يعني كلام وبس

طبعا ده باستثنائي انا والنسر احنا ناس جادين والكل يشهد لنا بالالتزام "

يعني هما بس ناس كويسين واحنا نوايانا وحشة

وطبعا بنت النيل قفلتها في وشى

لذا ابناء بلدي احبابي اقدر اقولكم دلوقتي شكرا مش عايز مشورتكم ومش عايز كمان اتجوز اشوف طريق تاني احسن...........................................................................................................

السيد الفاضل...

بما أنك اشرت فى مداخلتك السابقة انك لا ترغب فى النصيحة...

و بما أن الأعضاء - من ناحيتهم - قد قاموا بالواجب نحوك بالنصيحة و تعددت الآراء فيمكنك أن تنتخب أقربها إليك أما عن هذا الموضوع فسيتم إغلاقه منعاً للتشتت و تشعب الحوار الى مشاكل جانبية قد تنتج عن مداخلتك هذة و ما قبلها...

يمكنك أن تبحث فى مواقع الزواج و هى كثيرة على الشبكة....

وفقك الله تعالى و بارك لك فى شريكة حياتك القادمة و نتمنى لك التوفيق من قلوبنا...

تحيات الإدارة

وليد صفوت