سؤال محيرني

[shahd]

هو صحيح سؤال غريب عجيب بس محيرني

لو حد من قرايبك دخل بيتك وبعد كده اكتشفت انه سرق منك حاجة بغض النظر هيا ايه

وما ينفعش تتهمه بالسرقة لأن ده ممكن يسبب مشاكل

غير كده الشخص ده متباهي بالي سرقه منك زي الي بيقلك ( اديني خدتها اهو وريني حتعمل ايه ) :excl:

طيب لو انت لقيت فرصة انك تسترد الحاجة دي و من غير ما هو يشوفك

هل ده يعتبر استرداد حق ولا كمان سرقة :ph34r:

بمعنى انك لو عملت كده هل يعتبر انك صلحت الغلط بغلط ولا اييييييييييه :D

[نانو]

هو سؤال غريب و موقف بجد صعب اوي

لكن اكيد الغلط عمره ما يصلح غلط

الموضوع محتاج منك شجاعه جامده ....في انك تواجهي الشخص اللي عمل كده

بانك تكوني عنده في البيت و تشوفي حاجتك ديه ...و تقولي ان الحاجه ديه بتاعتك و تكوني متاكده جدا انها بتاعتك لانه طبيعي ممكن يشكك انها بتاعتك و تقولي انها كانت ضايعه منك و الحمد لله انك لاقيتيها

بس ازاي وصلت هنا....هل انت اخدتها و نسيت تقولي ....و لا ايه اللي حصل بالضبط؟؟؟

يعني الموضوع لازم يكون فيه جراه شويه زياده منك وشجاعه

[shahd]

:ph34r:

هو سؤال غريب و موقف بجد صعب اوي

لكن اكيد الغلط عمره ما يصلح غلط

الموضوع محتاج منك شجاعه جامده ....في انك تواجهي الشخص اللي عمل كده

بانك تكوني عنده في البيت و تشوفي حاجتك ديه ...و تقولي ان الحاجه ديه بتاعتك و تكوني متاكده جدا انها بتاعتك لانه طبيعي ممكن يشكك انها بتاعتك و تقولي انها كانت ضايعه منك و الحمد لله انك لاقيتيها

بس ازاي وصلت هنا....هل انت اخدتها و نسيت تقولي ....و لا ايه اللي حصل بالضبط؟؟؟

يعني الموضوع لازم يكون فيه جراه شويه زياده منك وشجاعه

رأيك منطقي يا نانو بس نوووو ما ينفعش خالص

ده مجرد ذكر ان الحاجة دي بتاعتك وبأي اسلوب ممكن يعمل حريقة :D

يعني لاينفع جرأة ولا اي حاجة ..

مش قلت للك سؤال غريب عجيب :excl:

[nash]

أهلا يا تيته شهد

أنا شايفه أن أسترداد الحاجه ليست سرقه..بس مش ممكن في كل مرة تسلم الجرة..

والمفروض تضعي بعض القيود في بيتك..علي هذا الشخص..سواء قريب أو بعيد...

لإنه الله أعلم ماذا سيكون تصرفه في المستقبل

[nora]

بصي يا شهد انا مرة الموقف ده حصل معايا وكانت مرات واحد صاحب اخويا الي سرقتني وكانت سلسله دهب وانا كنت حطاها في الدرج ومتاكده اني كنت سيباها في الدرج وكنت قلبت الدرج فوق تحت قبل مفكر اني افاتحها لمهم انا برضو قلت لو قلت ليها انت خدتيها هتبقه مشكله فعملت ايه رحت قلت ليها اسكتى مش سلسلتي ضاعت فقالت ازاي فقلت مش عرفه كانت هنا ومش لقياها فقالت تعالي ندور عليها مع بعض شويه وراحت قالت ليا هاتيلي ميه بس رحت رجعت لقتها بتقولي اهي يا ستي لقتها بس ومن سعتها لما بتجيلي مش بسبها لحظه وشلت فلوسي ودهبي من ادمها وقصرت معاها خالص وطبعا شكي فيها مكنش من فراغ فكان لينا صديقه تنيه جت حذرتني منها وقالت ليا انها اتخانقت فيها لانها سرقت غوايشها وشافتهم في اديها وخدتهم منها وقطعت علاقتها معاها انا مصدقتهاش لحد محصل ده بس فدي ممكن تعمليها لو مكنش وجتلك الفرصه انك تخدي حقك منها خديه وانا شيفه انه مش سرقه المهم خديه ووريها انك خدتيه علشان تعرف انك عرفتي وخليكي حازمه وبارده يعني لو دهب الحاجه البسيها عادي جدا ادمها ولا يهمك منها المهم تعرفيها انك استردتيها وبعد كده تقصري معاها خالص و يكون الكلام يدوب سلام وتحسيسيها انك بتعدي صوبعك من وراها بس دي نصحتي ليكي وقولي حصل ايه معاكي

[khedr]

ولا اييييييييييه :)

الموضوع ده بنتعرض له كتير

ومن التجارب ومن الحياه

اولا....انت حافظي علي حاجاتك وخصوصياتك في البيت وخاصه بعيد عن الاطفال والزوار والعاملين والعاملات

ثانيا....فيه مثل بيقول حرص ولا تخون وياريت يكون قدامك وقدامي زي ما قالت ناش

اما بالنسبه للي حصل....فأنا مع نورا ان اكتشفتي الموضوع في الحال

اما لو اكتشفتيه بعد الرحيل....فهذا الامر يتوقف علي نوعيه العلاقه ونوعيه المسروق

أصل ممكن يكون اللي عمل كده حد قريب..عيل ما يفهمش ما يقصدش ما يعرفش كل المبرررات دي

ده يحتاج لخطه والله خطه مش وبس علشان ميكونش فيها خسائر كبيره زي ما عايزه نانو

علي فكره الموضوع ده بيحصل كتير وخاصه من الاطفال اللي لم يدركوا بعد

ومن بعض المدركييين الوحشششيييين

وقانا اللهشر السرقان والاحراجات

شهد....الدنيا جميله وحلوه...وانت

ورودك تفتح النفس والوان مبهجه

يبارك ربنا فيكي

[Lembic]

علي فكره الموضوع ده بيحصل كتير وخاصه من الاطفال اللي لم يدركوا بعد

للأسف حصللى ومن شخص كبير وقريب ومش عارف أعمل إيه! :angry2: وأحيانا أكون على وشك أن أحرج هذا الشخص ويحدث ما يحدث. :) بس ربنا بيستر!

[رمضان]

انا شايف ان المواجهة بتكون افضل شيء تقولي للحرامي انته حرامي حتى لو كان مين

[Eldisel]

موضوع محير جداً.....

بس انا راي ان الموضع حلة يترطب على نوع المسروق وشخصية السارق ومدى قربة منك ....

ياعني يا ست شهد لو خت الحاجة دي واستخدمتيها عشان تقولى لة اني انا ختدها ممكن يكون الشخص دة بجح وتندب في عينة رصاصة ويقوليك اذاي تاخدي الحاجة دي وهي مش بتاعتك .. ويتهمك هو بسرقتها وسعتها يبقى استوى السارق والمسروق

وممكن يكون اتذنق فيها فعقلة الصغير اوحالة بالفكرة المشينة دي فتبدائي معاه اسلوب الاحراج وتالقيح بالكلام ذي ما الاخت نور عملت

او ممكن يكون شغل عيال ( اطفال ) ودة بيحصل كتير و ديمن يقع الكبار في الاشكال دة ......

بس احذري .. لو كان المشكوك فية قريب للذوج او للاخ مثلاً قبل ما تتاخذي اي اجراء اخبري الزوج او الاخ الاول حتى لا يحدث لة اي احراج وكمان هو ممكن يتصرف احسن منك ويجبلك الحاجة دي بدون مشاكل

[nora]

على فكرة انا اكتشفت السرقه بعد ما مشيت وتاني حاجه كنا اصحاب اوي وكانت بتبات معايا كتير وثالث حاجه دي هي الي سرقتني وهي معندهاش عيال يعني مفيش اي خطا ولا حاجه هي سرقاها بقصد السرقه بس مش عرفه هي كانت جيباها معاها ليه تاني لما جتلي البيت

[nash]

جايز يانورا بما أنها صاحبتك

جالها إحساس بتأنيب الضمير...ليه لا؟

[shahd]

أهلا يا تيته شهد

أنا شايفه أن أسترداد الحاجه ليست سرقه..بس مش ممكن في كل مرة تسلم الجرة..

والمفروض تضعي بعض القيود في بيتك..علي هذا الشخص..سواء قريب أو بعيد...

لإنه الله أعلم ماذا سيكون تصرفه في المستقبل

اختي الفاضلة nash

انا فكرة في كده برضه ان استرداد الحاجة مش سرقة .. بس الموقف ممكن يكون صعب

والله اعلم من الناحية الشريعه ينفع ولا لأ ؟؟؟

لو على الضوابط موجودة بس في نوعيه من الناس بتستغل الفرص وخصوصا لما بتعاملها بحسن نيه لكونك مش متوقع ده منهم !!

[فولان بن علان]

في الحقيقة يا شهد أنا كنت أميل إلى أنه لا يجوز شرعا سرقة من سرقك للحديث الذي سمعته ( أدي الأمانة إلى من ائتمنك ولا تخن من خانك )

ولكني تراجعت وهذه ليست فتوى مني ولست بأهل لقول أي فتوى

وحتى التسمية بالسرقة لما أخذ منك تراجعت فيها ربما الأقرب أن تسمى استرداد الحق

ولا اشجعك على شئ ولكن لك أن تفاضلي بين المفاسد والمصالح وتقديرها لك على حسب ما ترينه من ظروف وملابسات

وهذا في مثل حالتك أما على العموم فلا أعتقد أنه يمكن لأي أحد أن يأخذ حقه بدراعه وإلا لأصبحت فوضى

لابد من الرجوع لمن له القيام باسترداد الحقوق والفصل بين الناس

وتراجعي كان بعد أن قرأت شرح الحديث

وهو حديث في ثبوته مقال من العلماء منهم من ضعفه ومنهم من أخذ به بمجموع طرقه

وأنا أعلم جيدا أن لك باع طويل في العلوم الشرعية لذلك سأورد الحديث بسنده وشرحه والتعليقات عليه وإن كانت بعض المصطلحات تصعب على البعض

حدثنا ‏ ‏أبو كريب ‏ ‏حدثنا ‏ ‏طلق بن غنام ‏ ‏عن ‏ ‏شريك ‏ ‏وقيس ‏ ‏عن ‏ ‏أبي حصين ‏ ‏عن ‏ ‏أبي صالح ‏ ‏عن ‏ ‏أبي هريرة ‏ ‏قال ‏

قال النبي ‏ ‏صلى الله عليه وسلم ‏ ‏أد الأمانة إلى من ائتمنك ولا تخن من خانك ‏

قال ‏ ‏أبو عيسى ‏ ‏هذا ‏ ‏حديث حسن غريب ‏ ‏وقد ذهب بعض أهل العلم إلى هذا الحديث وقالوا إذا كان للرجل على آخر شيء فذهب به فوقع له عنده شيء فليس له أن يحبس عنه بقدر ما ذهب له عليه ‏ ‏ورخص فيه بعض أهل العلم من التابعين ‏ ‏وهو قول ‏ ‏الثوري ‏ ‏وقال ‏ ‏إن كان له عليه دراهم فوقع له عنده دنانير فليس له أن يحبس بمكان دراهمه إلا أن يقع عنده له دراهم فله حينئذ أن يحبس من دراهمه بقدر ما له عليه ‏

تحفة الأحوذي بشرح جامع الترمذي

‏

‏قوله : ( حدثنا طلق بن غنام ) ‏

‏بفتح الغين المعجمة وشدة النون النخعي أبو محمد الكوفي ثقة من كبار العاشرة ‏

‏( عن أبي حصين ) ‏

‏بفتح الحاء المهملة اسمه عثمان بن عاصم ابن حصين الأسدي الكوفي ثقة ثبت . ‏

‏قوله : ( أد الأمانة ) ‏

‏هي كل شيء لزمك أداؤه . والأمر للوجوب . قال الله تعالى { إن الله يأمركم أن تؤدوا الأمانات إلى أهلها } ‏

‏( إلى من ائتمنك ) ‏

‏أي عليها ‏

‏( ولا تخن من خانك ) ‏

‏أي لا تعامله بمعاملته ولا تقابل خيانته بخيانتك . قال في سبل السلام : وفيه دليل على أنه لا يجازى بالإساءة من أساء . وحمله الجمهور على أنه مستحب لدلالة قوله تعالى { وجزاء سيئة سيئة مثلها وإن عاقبتم فعاقبوا بمثل ما عوقبتم به } على الجواز وهذه هي المعروفة بمسألة الظفر . وفيها أقوال للعلماء . هذا القول الأول وهو الأشهر من أقوال الشافعي وسواء كان من جنس ما أخذ عليه أو من غير جنسه . والثاني : يجوز إذا كان من جنس ما أخذ عليه لا من غيره لظاهر قوله : { بمثل ما عوقبتم به } وقوله { مثلها } وهو رأي الحنفية . والثالث : لا يجوز ذلك إلا لحكم الحاكم , لظاهر النهي في الحديث ولقوله تعالى { ولا تأكلوا أموالكم بينكم بالباطل } وأجيب أنه ليس أكلا بالباطل . والحديث يحمل فيه النهي على الندب . الرابع : لابن حزم أنه يجب عليه أن يأخذ بقدر حقه سواء كان من نوع ما هو عليه أو من غيره ويبيع ويستوفي حقه . فإن فضل على ما هو له رده له أو لورثته . وإن نقص بقي في ذمه من عليه الحق . فإن لم يفعل ذلك فهو عاص لله عز وجل إلا أن يحلله أو يبرئه فهو مأجور . فإن كان الحق الذي له لا بينة له عليه وظفر بشيء من مال من عنده له الحق أخذه , فإن طولب أنكر , فإن استحلف حلف وهو مأجور في ذلك . قال وهذا قول الشافعي وأبي سليمان وأصحابهما : وكذلك عندنا كل من ظفر لظالم بمال ففرض عليه أخذه وإنصاف المظلوم منه واستدل بالآيتين وبقوله تعالى { ولمن انتصر بعد ظلمه فأولئك ما عليهم من سبيل } وبقوله تعالى { والحرمات قصاص } وبقوله تعالى { من اعتدى عليكم فاعتدوا عليه بمثل ما اعتدى عليكم } وبقوله صلى الله عليه وسلم لهند امرأة أبي سفيان : " خذي ما يكفيك وولدك بالمعروف " . وبحديث البخاري : إن نزلتم بقوم وأمروا لكم بما ينبغي للضيف فاقبلوا وإن لم يفعلوا فخذوا منهم حق الضيف . واستدل لكونه إذا لم يفعل عاصيا بقوله تعالى { وتعاونوا على البر والتقوى } الآية . وبقول رسول الله صلى الله عليه وسلم : " من رأى منكرا " الحديث . ثم ذكر حديث أبي هريرة فقال : هو من رواية طلق بن غنام عن شريك وقيس بن الربيع وكلهم ضعيف . قال ولئن صح فلا حجة فيه لأنه ليس له انتصاف المرء من حقه خيانة بل هو حق واجب وإنكار منكر انتهى مختصرا . ‏

‏قوله : ( هذا حديث حسن غريب ) ‏

‏وأخرجه أبو داود وسكت عنه . ونقل المنذري تحسين الترمذي وأقره . وقال الزيلعي قال ابن القطان : والمانع من تصحيحه أن شريكا وقيس بن الربيع مختلف فيهما انتهى . وقال الحافظ في بلوغ المرام : وصححه الحاكم واستنكره أبو حاتم الرازي انتهى . وقال الشوكاني في النيل . وفي الباب عن أبي بن كعب عند ابن الجوزي في العلل المتناهية : وفي إسناده من لا يعرف . وأخرجه أيضا الدارقطني . وعن أبي أمامة عند البيهقي والطبراني بسند ضعيف . وعن أنس عند الدارقطني والطبراني والبيهقي . وعن رجل من الصحابة عند أحمد وأبي داود والبيهقي وفي إسناده مجهول آخر غير الصحابي . لأن يوسف بن ماهك رواه عن فلان عن آخر وقد صححه ابن السكن وعن الحسن مرسلا عند البيهقي قال الشافعي : هذا الحديث ليس بثابت . وقال ابن الجوزي : لا يصح من جميع طرقه . وقال أحمد : هذا حديث باطل لا أعرفه من وجه يصح . قال الشوكاني : لا يخفى أن وروده بهذه الطرق المتعددة مع تصحيح إمامين من الأئمة المعتبرين لبعضها وتحسين إمام ثالث منهم مما يصير به الحديث منتهضا للاحتجاج انتهى . ‏

[shahd]

وبعد كده تقصري معاها خالص و يكون الكلام يدوب سلام وتحسيسيها انك بتعدي صوبعك من وراها بس دي نصحتي ليكي وقولي حصل ايه معاكي

هو ده الأصح فعلا بس الموضوع في حد ذاته يقهر لما تثقي في حد ويكون مش قد الثقة دي وكون ان الكلام يكون سلام وبس ده ممكن يحصل مع مجرد صديق عادي اوكي مش مشكلة لكن لما يكون قريب وتشوفي حاجتك معاه ومش قادرة تنطق يبقى الحل ايه ساعتها :P ولو اتكلمتي انت الي حتتلامي وتطلعي غلطانة :blink:

[shahd]

ولا اييييييييييه :unsure:

الموضوع ده بنتعرض له كتير

ومن التجارب ومن الحياه

اولا....انت حافظي علي حاجاتك وخصوصياتك في البيت وخاصه بعيد عن الاطفال والزوار والعاملين والعاملات

ثانيا....فيه مثل بيقول حرص ولا تخون وياريت يكون قدامك وقدامي زي ما قالت ناش

اما بالنسبه للي حصل....فأنا مع نورا ان اكتشفتي الموضوع في الحال

اما لو اكتشفتيه بعد الرحيل....فهذا الامر يتوقف علي نوعيه العلاقه ونوعيه المسروق

أصل ممكن يكون اللي عمل كده حد قريب..عيل ما يفهمش ما يقصدش ما يعرفش كل المبرررات دي

ده يحتاج لخطه والله خطه مش وبس علشان ميكونش فيها خسائر كبيره زي ما عايزه نانو

علي فكره الموضوع ده بيحصل كتير وخاصه من الاطفال اللي لم يدركوا بعد

ومن بعض المدركييين الوحشششيييين

وقانا اللهشر السرقان والاحراجات

شهد....الدنيا جميله وحلوه...وانت

ورودك تفتح النفس والوان مبهجه

يبارك ربنا فيكي

متشكره جدا لرأيك اخي الفاضل خضر ..لو عيل مش مشكلة ممكن تتصرف

بس الوضع مختلف .. لما يكون الي واخد الحاجة عينه تتدب فيها رصاصه

رأي نورا منطقي بس صعب انا عن نفسي ما اعرفش اعمله لأني بيبان عليا لما اتقمص من حد( بالعربي كده خايبة ما عرفش اعمل خطط :unsure: )

اشكرك على ردك ومجاملتك الرقيقه ودمعك المستمر ياابو قلب طيب :)

[shahd]

علي فكره الموضوع ده بيحصل كتير وخاصه من الاطفال اللي لم يدركوا بعد

للأسف حصللى ومن شخص كبير وقريب ومش عارف أعمل إيه! :closedeyes: وأحيانا أكون على وشك أن أحرج هذا الشخص ويحدث ما يحدث. :D بس ربنا بيستر!

المشكلة ايه الي ممكن يترتب على كده؟؟؟ يعني لو احرجت الشخص ده هل حتسترد حقك ....ايه الي ممكن يحصل بعدها؟؟

[shahd]

انا شايف ان المواجهة بتكون افضل شيء تقولي للحرامي انته حرامي حتى لو كان مين

ممكن لو شخص بعيد بس لو قريب اعتقد صعب :D