شيش طاووق

[nora]

دي اول مرة اكتب لحد بس انا جربتها وطلعت حلوة اوي

تكفي شخصين

المكونات:

نصف كيلو دجاج مخلي (يفضل الافخاد)

علبتين زبادي متوصة الحجم

بصلتين مفرومه

كاري (ده الاساس) ملعقه صغيرة

بهارات فراخ - ملح وفلفل وشطه كله حب الرغبه

اسياخ خشبيه

زيت

الخضار الذي يوضع في السيخ :-

فلفل - طماطم ( بس تكون نشفه علشان تدخل في السيخ ) - بصل - جزر

الطريقه :-

1- نقطع الفراخ والخضار على شكل مربعات ونحاول على قد منقدر يكونو تقريبا في نفس الحجم علشان يستو مع بعض و المنظر يكون جميل

2- ناخد البصله المفرومه ونحط عليها الزبادي والبهارات والكاري ونخلطهم في صنيه كبيرة

3- نبدا نضع الخضار والفراخ في الاسياخ ونبدا بجزرة او بصله علشان تمسك محتويات السيخ ونحط بين كل قطعة فرخه والتنيه خضار ونختم السيخ برضو يا ببصل او جزر

4- ناخد الاسياخ بعد تجهيزها ونروح نمرمغها في التتبيله الي حطينها ونتاكد ان كل قطعه وصلها التتبيله

5- نضيف قليل من الزيت ونغطيها ونحطها في التلاجه لتاني يوم او على الاقل سعتين تتبل

6- ممكن تطبخ بطريقتين :-

1- نشوي الاسياخ على الفحم اذا كان متوفر

2- ناخد الصنيه زي ما هي ونحطها على نار هديه ونغطيها بالالمونيوم ونسبها تنزل ميتها لحد لما تنشف لو لسه مستوتش ممكن نضيف شويت ميه لحد لما يستوي الفراخ وهو غالبا مش بياخد اكتر من ساعه اول ماتستوي حوشي الالمونيوم وحطيه في الفرن وبالهنا والشفا

يتاكل جمب مكرونه باللحمه المفرومه او ساده

[Lembic]

4- ناخد الاسياخ بعد تجهيزها ونروح نمرمغها في التتبيله الي حطينها ونتاكد ان كل قطعه وصلها التتبيله

أكتر حاجة حبيتها فى الوصفة دى حكاية المرمغة فى التتبيلة :) عموما الف شكر والوصفة بجد خللتنى أجوع :angry2:

[nora]

4- ناخد الاسياخ بعد تجهيزها ونروح نمرمغها في التتبيله الي حطينها ونتاكد ان كل قطعه وصلها التتبيله

أكتر حاجة حبيتها فى الوصفة دى حكاية المرمغة فى التتبيلة :angry2: عموما الف شكر والوصفة بجد خللتنى أجوع :angry2:

اصل ملقتش لا اعجز ولا ابلغ من الكلمه دي:) حاولت ادور في كل القواميس ملقتش غيرها بجد يارب بس لما تجربوها تعجبكم

[darker19]

بمناسبة إن نورا دخلت قسم المطبخ في المنتدى أطلب من إدارة المنتدى إضافة باب جديد ويسموه ضحايا نورا.

واسأل مجرب على رأي إعلان عسل البردقوش الي في دريم...

تم تعديل 29 نوفمبر 2006 بواسطة darker19

[nash]

ايه يا نورا؟؟ تكفي شخصين !!! ده كان ولادي أكلوني

تسلم أيديكي يارب...بس كمان ممكن لو مافيش وقت...ومن غير الخضار..تتحمر في الزيت...لكن لازم تكون الأسياخ من الخشب

يعطيكي العافيه يا عمري