جمال عبد الناصر أم السادات

[bassem_2009]

السلام عليكم ورحمة الله و بركاته

أولا أحب أعرفكم بنفسي أنا باسم زكريا طالب بكلية الهندسة جامعة عين شمس قسم الهندسة المدنية بحثت كثيرا على منتدى جاد اطرح فيه هذا الموضوع

ألا وهو

جمال عبد الناصر أم السادات

فلكم سمعنا من لغط حول الشخصيتين وبالأخص جمال عبد الناصر فقد انتابته ايدي الاغتيال الأدبي بعد أن نجا من الاغتيال العسكري يوم المنشية ملتمسين في ذلك رضا الباب العالي مستغلين أن أغلب الشباب لا يقرأوا ولا يبحثوا عن الحقيقة

وعندما أطرح هذا الموضوع فإني ما أطرحه إلا إيضاحا للحقيقة الكاملة

و شكرا

[drhouba]

لو كان عبد الناصر ملاك من السماء و لا خطيئه له إلا هزيمة 5 يونيو فهو بالنسبه لى بلا حسنات و مازلنا نعانى بسببه و بسبب سياساته إلى الآن على جميع المستويات إجتماعيا و سياسيا و إقتصاديا و حتى نفسيا بسبب دولته البوليسيه و نزعته الأنانيه للزعامه و إعتماده على أهل الثقه و إهانة كرامة الشعب و الجيش المصرى داخليا و عسكريا و كفايه كده مع إن فيه مجلدات ممكن تتكتب فى الموضوعات دى و كل اللى ممكن نقوله ربنا يسامحه على اللى عمله فى أجيال كامله تتلاطمها أمواج الحياه حتى الآن و أعتقد أن كوارثه سيمتد أثرها لأجيال و أجيال قادمه زى واحد صاحبنا مفيش داعى لذكر إسمه .

أما السادات فلو له كل ذنوب الأرض فحرب أكتوبر كفايه عليه علشان نقول الله يرحمه و كفايه إنه عملنا كرامه و ضحك على اليهود بورقه و لم يرضخ لإبتزاز العرب عشان كان زمانهم بيبيعوا و يشتروا فينا لغاية النهارده و للحديث بقيه

سؤال اليوم : من هو صاحبنا اللى لا داعى لذكر إسمه ؟

[bassem_2009]

السلام عليكم ورحمة الله

أما حكاية إن عبد الناصر ملاك فهو ليس ملاكا وتجربته كأي تجربة إنسانية بها نجاحات و إخفاقات ولتقييم التجربة تقييما موضوعيا يجب مقارنة النجاحات مع الإخفاقات

أما حكاية إننا بنعاني لحد دلوقتي من تداعيات حكم جمال عبد الناصر فده كلام غيرمنطقي لأننا دلوقتي ومن سنة 1971 ماشيين على خط جمال عبد الناصر بأستيكة فأي مصيبة هنقع فيها أكيد علشان ماشيين عكس خطه

وأنا في رأيي المتواضع أن هزيمة 67 قادت الأمة لحرب الاستنزاف التي يعتبرها المحللون اليهود الجولة الرابعة بين العرب وإسرائيل واحنا اللي بنقلل منها

أما حرب أكتوبر فقادت إلى الورقة اللي حضرتك بتقول إن السادات ضحك بيها على (ولا مؤاخذة ) اليهود.........هو فعلا ضحك عليهم لما وافق على إن سيناء ما يبقاش فيها جيش مصري وكل اللي هناك قوات شرطة أو جيش لابسين لبس شرطة.......ضحك عليهم لما فتح لهم سينا بوابة يدخلوا منها على الاقتصاد المصري

ورأيي إنك تروح أي حتة في سينا علشان تعرف إننا لسه محتلين

ولعلمك ممنوع في فنادق شرم الشيخ يشغلوا قرآن (رمز الدين)

او أغاني عبد الحليم وأم كلثوم (رمز البلد)

وسلم لي على السيادة المصرية على سيناء

أما حديث الاقتصاد فهذا قصة أخرى

تم تعديل 29 نوفمبر 2006 بواسطة bassem_2009

[Siwa]

اولا، انا احب اشكر المشاركين في الموضوع دة. لكن انا عندي سؤال عاوزة اطرحة. هو احنا لية دايما بنقترض إن انه اللي مع توجهات عبد الناصر يبقى بيكرة السادات واللي مع السادات لية لازم يكون بيكرة عبد الناصر؟ ياجماعة احنا لية مانقولش إن الاتنين كان ليهم انجازات فادت بلدنا اللي هما اكيد كانوا بيحبوها. وفي نفس الوقت كان ليهم اخطاء او خطايا. والله الاتنين دول كانوا بشر زينا. يعني ليهم الحق انهم يغلطوا. مع الاسف احنا ورثنا فكرة الحاكم الاله عن اجدادنا ولسه بنحاسب بعض على اساسها. يا جماعه ماحناش ايام سيدناعمر بن الخطاب اللي كان بيقول إن ربنا سبحانه وتعالى هيحسبة لو تعثرت دابة عشان ممهدليهاش الطريق. انا واحدة من الناس باعشق شخصية الزعيم الراحل عبد الناصر، بس مابكرهش السادات وشايفة انه عمل حاجات كويسة للبلد اهمها قرار العبور وخطة الخداع الاستراتيجي من قبله. نقطة كمان احنا بنضحك على بعض لما نقول ان إخطاء عبد الناصر او اخطاء السادات هي سبب البلاوي اللي احنا فيها دلوقتي. احنا كدة نبقى بنضحك على بعض وبنعلق همومنا على شماعة واحد مات من 36 سنة والتاني من 25 سنة. ولو فرضنا جدلا انة دة صحيح احنا عملنا اية عشان نغيرة.

لكن في النهاية هقول زي ما الإمام الشافعي قال:

وعين الرضا عـن كـل عيـب كليلـة ولكن عين السخط تبدي المساويا

[bassem_2009]

المشكلة يا سيوة إن جمال عبد الناصر كان ماشي بمنهجية معينة السادات جه على عكس المنهجية دي تماما فأكيد اللي هيبقى مع ده مش هيحب ده والعكس

[محمد عبدالعزيز]

اولا، انا احب اشكر المشاركين في الموضوع دة. لكن انا عندي سؤال عاوزة اطرحة. هو احنا لية دايما بنقترض إن انه اللي مع توجهات عبد الناصر يبقى بيكرة السادات واللي مع السادات لية لازم يكون بيكرة عبد الناصر؟ ياجماعة احنا لية مانقولش إن الاتنين كان ليهم انجازات فادت بلدنا اللي هما اكيد كانوا بيحبوها. وفي نفس الوقت كان ليهم اخطاء او خطايا. والله الاتنين دول كانوا بشر زينا. يعني ليهم الحق انهم يغلطوا. مع الاسف احنا ورثنا فكرة الحاكم الاله عن اجدادنا ولسه بنحاسب بعض على اساسها. يا جماعه ماحناش ايام سيدناعمر بن الخطاب اللي كان بيقول إن ربنا سبحانه وتعالى هيحسبة لو تعثرت دابة عشان ممهدليهاش الطريق. انا واحدة من الناس باعشق شخصية الزعيم الراحل عبد الناصر، بس مابكرهش السادات وشايفة انه عمل حاجات كويسة للبلد اهمها قرار العبور وخطة الخداع الاستراتيجي من قبله. نقطة كمان احنا بنضحك على بعض لما نقول ان إخطاء عبد الناصر او اخطاء السادات هي سبب البلاوي اللي احنا فيها دلوقتي. احنا كدة نبقى بنضحك على بعض وبنعلق همومنا على شماعة واحد مات من 36 سنة والتاني من 25 سنة. ولو فرضنا جدلا انة دة صحيح احنا عملنا اية عشان نغيرة.

لكن في النهاية هقول زي ما الإمام الشافعي قال:

وعين الرضا عـن كـل عيـب كليلـة ولكن عين السخط تبدي المساويا

أتفق مع كل كلمة فى هذا الرأى وأدعو الجميع أن يأخذوا من الماضى ما يعينهم على صنع مستقبل أفضل, بدلاً من الاستغراق فيه والانفصال عن الواقع وإلقاء كل اللوم على أناس هم فى ذمة الله وهو القادر وحده أن يحسابهم ويجازيهم بعدله وحكمته.

[bassem_2009]

من فات قديمه تاه يا أخ محمد ولكي نبحر في المستقبل فلابد من أن نذهب له مستندين على ماضينا وتاريخنا وخاصة أنا أمة لها تاريخ يعطينا الحق في أن نتكاعليه أما أن نطمسه ونتلاشاه فهذا أول أسباب ضياع الهوية وشكرا

[Siwa]

معاك يااستاذ باسم. السادات مشي عكس خط عبد الناصر تماما. بس انا مابطلبش منك او من الناصريين انهم يحبوه. لإن ده مش من حقي. وزي ماقلت قبل كدة انا مابكهرهوش، بس في نفس الوقت انا مش متيمة بفكرة. بس اللي انا بطلبة إننا مانجردهوش من إنجازاته لمجرد اننا مختلفين تماما مع فكرة وتوجهاتة. ونفس الكلام للساداتيين او انصار الملكية اللي مش شايفين غير إن عبدالناصر كان صفحة سوداء في تاريخ مصر. دا مرة كنت بتناقش مع بعضهم، كان ناقص يقولولي إن عبد الناصر هو السبب في إنفلونزا الطيور و إرتفاع سعر العسلية في البلد. وزي ماقال استاذ محمد، الناس ديه بين ايدينا ربنا سبحانه و تعالى دلوقتي هو اللي هيحسابهم لو كانوا عملوا خير ولا شر. وانا معاك يااستاذ باسم إن فهمنا لماضينا هو اساس لبناء مستقبل على اسس صحيحة. انا اللي قصدتة واعتقد استاذ محمد كمان قصدة، إننا ماناخدش اللي حصل في الماضي كذريعة عشان نوقف محلك سر ومانغيرش حاضرنا. يعني ماقولش عبد الناصر، الله يسامحه والسادات الله يسامحه هما السبب في كل اللي احنا فيه واسكت على كدة.

[bassem_2009]

طيب يا ريت نتكلم شوية عن إنجازات السادات أنا عايز أعرفها

و أنا على فكرة مش بكره السادات إنما بكره سياسته اللي ودتنا في داهية واللي خلتنا نفقد دورنا الفاعل في كل أنحاء دول العالم الثالث

وأنا مش ناصري ولا متيم بالفكرة الناصرية إنما بالاطلاع توصلت لإن الحقبة الناصرية كانت أزهي حقبة في تاريخ مصر المعاصر والتفاتي للفترة دي لكي استمد منها رؤية للمستقبل وده ليس معناه أننا لابد أن نسير على خط عبد الناصر بالمسطرة الT -معلش تعبيرات المهنة- إنما التجربة محتاجة لتنقيح ولكنها تظل الأفضل

والناس دي حسابهم عند ربنا دلوقتي فعلا بس الكلام ده للغلابة اللي زيينا أما الرؤساء والزعماء فيظل من حق شعوبهم أن تحاسبهم حتى في قبورهم لأن الكلمة منهم لها تداعيات على مر عشرات السنين

وعلى فكرة انا متشكر جدا لتفاعل حضرتك ولتفاعل الأستاذ محمد مع الموضوع

ملحوظة(بلاش أستاذ باسم )

أنا بس عايز انوه على إن الغرض الأساسي في الموضوع إن الناس تقول وجهات نظرها في شخصية وسياسة الزعيم جمال عبد الناصر والداهية محمد أنور السادات و ما لهما وما عليهما

[محمد عبدالعزيز]

فى الحقيقة ياباشمهندس باسم, إن سؤالك تم طرحه منذ زمن بعيد وأعتقد أنه قتل بحثاً, ولا أرى جدوى من تكرار الكلام إلا إذا كان لديك جديد تقوله لنا.

أما أن نستغرق الوقت الطويل ونبذل الجهد الكثير فى مثل هذه المحاكمات التى لن تسمن ولن تغنى من جوع, هذا ما لا أرضاه لنا.

إذا أردت أن تحمل أحدهما المسئولية عن الوضع الذى نعيشه الآن, فلابد ألا ننسى أن نحاكم أباءنا وأجدادنا أيضاً لأن أحدهم أو كلهم يتحمل جزء من المسئولية لأنه لم يفعل شيئاً ولم يكن له دور فعال وآثر أن يمشى بجانب الحائط وأحياناً داخل الحائط لكى يربينا أو يضمن لنا مستقبلنا كما يقال.

كما ترى يا عزيزى, الأمور نسبية بعض الشئ لأن الزمن تغير, وأشياء كثيرة تغيرت, فما كان بالأمس ضمان لمستقبل الأولاد وحماية لهم وحرص على تربيتهم أصبح الآن سلبية مذمومة والحقائق كل يوم تتبدل ويظهر الجديد منها ما يؤكد القديم ومنها ما ينفيه, فما فائدة الحكم المطلق الآن وقد يتغير بعد ساعة, لأننا باختصار لا نملك الحقيقة الكاملة, وكل منا له رأيه المختلف بناءًا على المعلومات التى يعرفها وبناءًا على طريقة تفكيره وقناعاته الشخصية, هذا بالنسبة للتاريخ.

أما بالنسبة للواقع فنحن نعايشه لحظة بلحظة, بل نحن جزء منه نستطيع أن نشكله كما نريد ونحكم عليه ونتحمل المسئولية عنه, هذا الواقع هو ما يستحق منا العناء والجهد الكثير الكثير لكى لا يأتى أولادنا من بعدنا ويحملونا مسئولية ما يعانونه.

لك أن تأخذ من التاريخ العبرة والعظة كما تشاء, ولكن بدون أن تنسلخ من واقعك, وبدون أن تخلى مسئوليتك عنه وتلقيها على غيرك, لأنه فى الحقيقة لا يشاركك فيه.

هل تستطيع أن تؤكد ماذا كان سيفعل الرئيس جمال عبدالناصر, أو الرئيس السادات فى أيامنا هذه؟

بالتأكيد لن تستطيع لأنهم تصرفوا على أساس معطيات زمانهم والظروف المحيطة بهم آنذاك وبالتالى هم مسئولون عما فعلوه, أما تصرفاتنا وأفعالنا فنحن المسئولون عنها.

تقبل تحياتى

[abaomar]

السلام عليكم

الاخ باسم و الاخوه المشاركون جزاكم الله خيرا

بالتاكيد دراسه التاريخ مهمه للمستقبل كاهميه مرايا الجنب فى السياره كى تتحرك للامام بامان .

عبد الناصر و السادات لم يكونوا ابائنا او اقربائنا لندافع عنهم بحميه الدم و لقد اصبحوا فى ذمه الله و كل ما نقدر فعله الان هو نقد قراراتهم طوال فتره حكهم و نرى اثار ذلك على هذا الشعب المباشره و غير المباشره و على المديين القصير و الطويل.

باسم انت بدأت بالسؤال الحيادى و بعد ذلك و فى اول رد ظهر انحيازك الشديد لعبد الناصر و هذا غير عملى ابعد الصوره قليلا عن عينيك لتراها جيدا بحياديه و تجرد ماشى .

سابدا بعمل سرد حسب ما تسعفنى ذاكرتى باعمال عبد الناصر(و هذا ليس تعرضا لعبد الناصر الانسان الذى مات و حسابه عند ربه و ليس طعنا فيه اتقاء للنميمه و البهتان ) منذ الاستيلاء على الحكم و حتى وفاته ثم السادات(ايضا كما كتبت عن عبد الناصر) بعد ذلك و نرى ايهما كان اكثر ضررا لمصر و للمصريين و ما هو الحال الذى كانت عليه مصر قبل هذا الانقلاب على الحكم ثم يوم موت عبد الناصر ثم حال مصر يوم موت السادات و هل ما نعيشه اليوم له علاقه بهذه الفتره ام لا .

22 يوليو1952

مصر دوله ملكيه تحت حكم ملكى له عيوب كثيره (كما يحكى التاريخ ) و بالتاكيد لها محاسن اكثر

دوله واقعه تحت الاحتلال البريطانى و لذلك ابعاد اخرى .

المهم انه رغم ذلك كانت مصر دوله متميزه على مستوى العرب و الشرق الاوسط و الدول الاسلاميه

و كان اقتصادها يفى باحتياجاتها و كانت انجلترا مدينه لمصر و كان الجنيه الذهب ب97 قرش مصرى و كان القطن المصرى هو ال standard . و بدا الاقتصاد المصرى ياخذ طابعه الوطنى مع طلعت حرب و بدات المؤسسات الوطنيه فى الظهور . كان الحراك الثقافى رائعا و الاشد من ذلك الحراك الدينى لدرجه انه لم يستطع الملك استصدار فتوى من شيخ الازهر بمنع زواج طليقه للملك

و كان شيخ الازهر قويا لا يخشى فى الله لومه لائم و النماذج كثيره و الجيش المصرى ذهب لحرب اليهود فى فلسطين و لولا ( افتراض )الاخطاء لتغير وجه التاريخ .

23 يوليو

انقلب الاحرار على مليكهم الذى كانوا بالامس يؤدون له يمين الولاء

اعلن الاحرار المبادئ الست للثوره و اهمها اقامه حياه ديمقراطيه سليمه

1953 بدات الثوره فى الانقلاب على المبدا السابق ذكره و لم تتاح الفرصه لا للاحزاب و لا للديمقراطيه نفسها

1954 اكلت الثوره اول رئيس للجمهوريه و حدد (سجن )عبد الناصر اقامه نجيب فى فيلا زينب الوكيل زوجه النحاس باشا فى المرج حتى موت عبد الناصر . و تصاعد مد المواجهه للديمقراطيه و الحريات العامه و اخذ رجال الثوره فى التوحش و بدات بوادر المشاكل فى السودان .

1955 الانقلاب الاكبر ليس على الحريات و الاخوان و الشعب بل و على الدين نفسه فمنذ هذه السنه و الحرب اعلنت على الاسلام فى مصر ممثلا بالاخوان و بدات حمله الاستئصال .

و للحديث بقيه إن شاء الله

[drhouba]

طيب يا ريت نتكلم شوية عن إنجازات السادات أنا عايز أعرفها

و أنا على فكرة مش بكره السادات إنما بكره سياسته اللي ودتنا في داهية واللي خلتنا نفقد دورنا الفاعل في كل أنحاء دول العالم الثالث

وأنا مش ناصري ولا متيم بالفكرة الناصرية إنما بالاطلاع توصلت لإن الحقبة الناصرية كانت أزهي حقبة في تاريخ مصر المعاصر والتفاتي للفترة دي لكي استمد منها رؤية للمستقبل

للأسف إحنا بنطلق الأحكام على عمومها و دى مشكلة شعب بحاله .... المهم طبعا عمرنا ما حنتفق على رأى واحد بس ممكن نسأل أهلنا اللى عاشوا الزمنين و هم يحكموا الخوف كان فى عهد مين ؟ زوار الفجر كانوا إمتى ؟ الإعتقالات كانت مع مين أكتر ؟ الهزااااااااااااااااااائم كانت فى أى عهد ؟ الإنهيار الإقتصادى بدأ مع مين و سببه إيه ؟ رصيدنا الإستراتيجى من الذهب اللى كانت إنجلترا مديونه لنا بيه راح فين ؟ و إزاى وصلنا للحضيض كده ؟ و إيه دورنا فى العالم التالت و عاد على شعبنا بإيه ؟ و هل لو عملت إستفتاء ( جايه من الفته ) على الزعيمين و خاصه بطل الحرب و السلام الشعب حيكون حكمه إيه ؟

و بعدين سيناء اللى دلوقتى بنتكلم عنها و قاعدين فاتحين عليها موضوع دلوقتى مين اللى وداها فى ستين داهيه أساسا و إزاى رجعت و يا ترى كان فيه طريقه تانيه ممكن ترجع بيها لأن لولا السادات كان زمان لا أنا و لا إنت قاعدين هنا نتكلم دلوقتى عن أى حاجه لأننا كنا حنكون مغروزين دلوقتى فى خندق بنحارب لوحدنا كالعاده لأن العاااااااااااااااالم التالت اللى بتتكلم عنه حيكون بيستنكر بشده الحرب بالأسلحه المحرمه و العاااااااااااااالم العربى حيكون بيشدد هجومه فى الفضائيات و بيجتمع من 30 سنه عشان يقرر حيدعمنا إقتصاديا و اللا كفايه يدعو لنا إن ربنا يوفقنا و فى وجهة نظرى المتواضعه إن غلطة السادات اللى مش قادر أسامحه عليها هو إنه كان السبب إن واحد صاحبنا قاعد مونسنا من أجيال فاتت و يا ترى كام جيل كمان حيدوبوا معاه فى عرق العافيه و حسبى الله و نعم الوكيل

[otaka]

انا عاوز الناس تفتكر حاجه واحده و هى مصر

جمال ابن مصر

السادات ابن المنوفيه

مبارك ابن ناس طيبيين

سامحنى يا رب :blink:

افتكروا مصر و انسوا الرؤساء دول

غلطة السادات اللى مش قادر أسامحه عليها هو إنه كان السبب إن واحد صاحبنا قاعد مونسنا من أجيال فاتت و يا ترى كام جيل كمان حيدوبوا معاه فى عرق العافيه و حسبى الله و نعم الوكيل

قصدك مين

الحاج ابو علاء :P

[bassem_2009]

السلام عليكم

الاخ باسم و الاخوه المشاركون جزاكم الله خيرا

بالتاكيد دراسه التاريخ مهمه للمستقبل كاهميه مرايا الجنب فى السياره كى تتحرك للامام بامان .

عبد الناصر و السادات لم يكونوا ابائنا او اقربائنا لندافع عنهم بحميه الدم و لقد اصبحوا فى ذمه الله و كل ما نقدر فعله الان هو نقد قراراتهم طوال فتره حكهم و نرى اثار ذلك على هذا الشعب المباشره و غير المباشره و على المديين القصير و الطويل.

باسم انت بدأت بالسؤال الحيادى و بعد ذلك و فى اول رد ظهر انحيازك الشديد لعبد الناصر و هذا غير عملى ابعد الصوره قليلا عن عينيك لتراها جيدا بحياديه و تجرد ماشى .

سابدا بعمل سرد حسب ما تسعفنى ذاكرتى باعمال عبد الناصر(و هذا ليس تعرضا لعبد الناصر الانسان الذى مات و حسابه عند ربه و ليس طعنا فيه اتقاء للنميمه و البهتان ) منذ الاستيلاء على الحكم و حتى وفاته ثم السادات(ايضا كما كتبت عن عبد الناصر) بعد ذلك و نرى ايهما كان اكثر ضررا لمصر و للمصريين و ما هو الحال الذى كانت عليه مصر قبل هذا الانقلاب على الحكم ثم يوم موت عبد الناصر ثم حال مصر يوم موت السادات و هل ما نعيشه اليوم له علاقه بهذه الفتره ام لا .

22 يوليو1952

مصر دوله ملكيه تحت حكم ملكى له عيوب كثيره (كما يحكى التاريخ ) و بالتاكيد لها محاسن اكثر

دوله واقعه تحت الاحتلال البريطانى و لذلك ابعاد اخرى .

المهم انه رغم ذلك كانت مصر دوله متميزه على مستوى العرب و الشرق الاوسط و الدول الاسلاميه

و كان اقتصادها يفى باحتياجاتها و كانت انجلترا مدينه لمصر و كان الجنيه الذهب ب97 قرش مصرى و كان القطن المصرى هو ال standard . و بدا الاقتصاد المصرى ياخذ طابعه الوطنى مع طلعت حرب و بدات المؤسسات الوطنيه فى الظهور . كان الحراك الثقافى رائعا و الاشد من ذلك الحراك الدينى لدرجه انه لم يستطع الملك استصدار فتوى من شيخ الازهر بمنع زواج طليقه للملك

و كان شيخ الازهر قويا لا يخشى فى الله لومه لائم و النماذج كثيره و الجيش المصرى ذهب لحرب اليهود فى فلسطين و لولا ( افتراض )الاخطاء لتغير وجه التاريخ .

23 يوليو

انقلب الاحرار على مليكهم الذى كانوا بالامس يؤدون له يمين الولاء

اعلن الاحرار المبادئ الست للثوره و اهمها اقامه حياه ديمقراطيه سليمه

1953 بدات الثوره فى الانقلاب على المبدا السابق ذكره و لم تتاح الفرصه لا للاحزاب و لا للديمقراطيه نفسها

1954 اكلت الثوره اول رئيس للجمهوريه و حدد (سجن )عبد الناصر اقامه نجيب فى فيلا زينب الوكيل زوجه النحاس باشا فى المرج حتى موت عبد الناصر . و تصاعد مد المواجهه للديمقراطيه و الحريات العامه و اخذ رجال الثوره فى التوحش و بدات بوادر المشاكل فى السودان .

1955 الانقلاب الاكبر ليس على الحريات و الاخوان و الشعب بل و على الدين نفسه فمنذ هذه السنه و الحرب اعلنت على الاسلام فى مصر ممثلا بالاخوان و بدات حمله الاستئصال .

و للحديث بقيه إن شاء الله

الحياد اللي أنا اتكلمت عنه إني مش أكون محايد إنما إننا كلنا نقول آراءنا بدون حكر أو وصاية وأنا مش هاتكلم عن أي كلمة هتقولها غير لما تخلص كلامك وأحب احييك لأن كلامك موضوعي شوية وأذكرك بإن الاختلاف في الرأي لا يفسد للود القضية فأخيرا لقيت حد يقول كلام غير ربنا ينتقم منه و ربنا يحرقه والكلام ده

[abaomar]

السلام عليكم

1955 كما اسلفت بدات الحرب المباشره على الاسلام و كان من اهم مظاهر ذلك بالاضافه لما سبق هو الاتجاه بقوه و الارتماء فى احضان الشيوعيه الملحده تحت مسمى الاشتراكيه و اتصور ان كل المتداعيات بعد ذلك ما هو الا نتيجه طبيعيه و اعتبره عقابا الهيا .

1956 كارثه العدوان الثلاثى و رغم ان الله سترنا بان اوقعهم فى بعضهم الا ان الزعيم لم يتعلم من التجربه و حاسب المسئولين داخل الجيش الا انه تركهم بل و رفع بعضهم اكثر و تدريجيا ابتدا اللوبى الموازى لناصر يتكون حول المشير .

1961 الهبوط التدريجى الغير محسوس فى الثروه القوميه تحت مسميات عديده اخرها الوحده الغير معد لها و النهايه المذله لناصر و رفاقه بعد القبض على المشير الذى عاث فسادا فى سوريا و ارساله الى ناصر مع رساله رفض له و لوحدته ايضا فى هذا العام صدور قرارات التاميم الجائره و التى بمقتضاها تم سرقه اموال اناس كثيرون شرفاء بواسطه الدوله و ليس العكس

زياده مطرده فى تردى علاقات ناصر مع بعض الدول كالسعوديه بسبب الكبر الناصرى و سعيه المتواصل للقب الزعيم الملهم مما ادى بعد ذلك لمشاكل كبيره

1962 كارثه حرب اليمن و التى فقدت فيها مصر خير رجالها المقاتلين فى حرب غير مبرره و ليس لها هدف و كانت نتيجتها من الاسباب المباشره للضعف الشديد الذى كانت عليه القوات المصريه اثناء حرب يونيو تخيلوا كم تكلفت حرب اليمن وقتها 4 مليار جنيه فكم تكلف باسعار اليوم.

1965 اعدام سيد قطب و رفاقه

1967 النتيجه الطبيعيه لمسلسل الاخطاء المتوالى للزعيم الملهم و زمرته و التى اوصلتنا لاحتلال سيناء ووجود اسرائيل على الجانب الاخر من القناه داخل الحدود المصريه و رجوع مصر الى مئات السنين من التخلف و الضعف .

1970 مصر دوله مهزومه محتله مره اخرى ضعيفه اقتصاديا تعانى اشد المعاناه فى اعاده تاهيل الجيش و حرب الاستنزاف تؤتى بعض ثمارها . وهذه حال مصر يوم موت الزعيم الملهم

[bassem_2009]

طيب يا ريت نتكلم شوية عن إنجازات السادات أنا عايز أعرفها

و أنا على فكرة مش بكره السادات إنما بكره سياسته اللي ودتنا في داهية واللي خلتنا نفقد دورنا الفاعل في كل أنحاء دول العالم الثالث

وأنا مش ناصري ولا متيم بالفكرة الناصرية إنما بالاطلاع توصلت لإن الحقبة الناصرية كانت أزهي حقبة في تاريخ مصر المعاصر والتفاتي للفترة دي لكي استمد منها رؤية للمستقبل

للأسف إحنا بنطلق الأحكام على عمومها و دى مشكلة شعب بحاله .... المهم طبعا عمرنا ما حنتفق على رأى واحد بس ممكن نسأل أهلنا اللى عاشوا الزمنين و هم يحكموا الخوف كان فى عهد مين ؟ زوار الفجر كانوا إمتى ؟ الإعتقالات كانت مع مين أكتر ؟ الهزااااااااااااااااااائم كانت فى أى عهد ؟ الإنهيار الإقتصادى بدأ مع مين و سببه إيه ؟ رصيدنا الإستراتيجى من الذهب اللى كانت إنجلترا مديونه لنا بيه راح فين ؟ و إزاى وصلنا للحضيض كده ؟ و إيه دورنا فى العالم التالت و عاد على شعبنا بإيه ؟ و هل لو عملت إستفتاء ( جايه من الفته ) على الزعيمين و خاصه بطل الحرب و السلام الشعب حيكون حكمه إيه ؟

و بعدين سيناء اللى دلوقتى بنتكلم عنها و قاعدين فاتحين عليها موضوع دلوقتى مين اللى وداها فى ستين داهيه أساسا و إزاى رجعت و يا ترى كان فيه طريقه تانيه ممكن ترجع بيها لأن لولا السادات كان زمان لا أنا و لا إنت قاعدين هنا نتكلم دلوقتى عن أى حاجه لأننا كنا حنكون مغروزين دلوقتى فى خندق بنحارب لوحدنا كالعاده لأن العاااااااااااااااالم التالت اللى بتتكلم عنه حيكون بيستنكر بشده الحرب بالأسلحه المحرمه و العاااااااااااااالم العربى حيكون بيشدد هجومه فى الفضائيات و بيجتمع من 30 سنه عشان يقرر حيدعمنا إقتصاديا و اللا كفايه يدعو لنا إن ربنا يوفقنا و فى وجهة نظرى المتواضعه إن غلطة السادات اللى مش قادر أسامحه عليها هو إنه كان السبب إن واحد صاحبنا قاعد مونسنا من أجيال فاتت و يا ترى كام جيل كمان حيدوبوا معاه فى عرق العافيه و حسبى الله و نعم الوكيل

أما حكاية الخوف اللي كان في عهد جمال و زوار الفجر فده من مساوئ تجربة نجحت في جوانب وفشلت في أخرى

أما عن الهزائم فتعال

1- معركة الثورة والجلاء

2- معركة أعوان الاستعمار وفول النظام

3-معركة الأحلاف (حلف بغداد)

4- معركة التأميم وما تبعها من عدوان ثلاثي

5-معركة الإصلاح الزراعي

6- معركة تأسيس دول عدم الانحياز

7-معركة 67

8-معركة الاستنزاف

9-معركة الديمقراطية

قل لي كم معركة اتهزم فيها

حكاية بطل الحرب والسلااااااااااااااااام (وعليكم السلام ورحمة الله)فدي يسأل عنها العسكريين

أما موضوع الاقتصاد فاسمع أرقام البنك المركزي المصري للمقارنة بين عام 70 وعام 75

الديون:

1970 مجموع الديون هي 4 آلاف مليون دولار وكان معظمها للاتحاد السوفييتي على أقساط ممتدة بفائدة قدرها 2.5 بالمئة

وكان الدين المرهق هو الدين قصير الأجل وكان حجمه 104 مليون جنيه

الدين الرئيسي كان يوازي ربع الدين الإسرائيلي مع التباين الهائل في عدد السكان( 36 مليون مصري مقابل 3 مليون إسرائيلي)

وجدير بالذكر أن أغلب الديون كانت لتمويل مشروعات إنتاجية

1975 (قسم وسمعني) في شهر يناير أصبحت الديون (المرهقة ) قصيرة الأجل 1004 مليون جنيه (معاك آلة حاسبة)

الادخار:

70 الاستهلاك العام والخاص 90% وكانت المدخرات 10%

75 الاستهلاك 101.5% وكانت المدخرات(حد يعد على صوابعه)

التضخم:

70 التضخم كان 5% سنويا

75 التضخم ما بين 20 إلى 25%

الدعم العربي لمصر:

70 لم يكن غير اتفاقية الخرطوم

75 قدمت الدول العربية علاوة على اتفاقية الخرطوم وما يزيد عليها ألفي مليون دولار (عايزين نبقى ندور عليهم)

[otaka]

على كل العيوب لفت نظرى كلام الاستاذ ابوعمر على عداء عبد الناصر للسعوديه

دى بالذات نقطه مضيئه و ليست سبه فى حقه

[abaomar]

السلام عليكم

1970 تولى السادات حكم مصر وهو بالتاكيد يتحمل جزء من المسئوليه عن كل ما سبق ذكره او ليس كان من المقربين لناصر و شاهد على قراراته حتى لو كان (كما قيل ) بشكل سلبى

1971 انقلب السادات (كحال من سبقه ) على العهد البائد و رجاله اقطاب مراكز القوى بل و على الفكره نفسها بمحاصره رجال هذا الفكر ثم بالسماح لتيار اخر(التيار الاسلامى ) ابتدا فى الظهور و كانت ارهاصات ذلك هزيمه67 و احساس الناس التدريجى ان ما حدث وقتها ما هو الا نتيجه طبيعيه للبعد عن الدين و سنوات من القهر و محاربه الدين و اهله سواء كانوا اخوانا او غيرهم و بدا تدشين عصر الارتماء فى احضان الغرب ممثلا فى امريكا بعد ان ذقنا ما ذقنا من نار الشيوعيه و الاشتراكيه .

1973 نصر عزيز من الله وهبه الله للمخلصين من ابناء هذا الشعب بعد ان اعلنوا الله اكبر بصوت عال و ظهر الاخلاص فيهم و اعدوا ما استطاعوا من قوه و لكن لان بعض القلوب كانت ما زالت فى غيها ضاع النصر الكبير بعد ايام قلائل و رجعنا الى المربع الاول و هذه المره اصبحت الخيوط كلها فى يد امريكا .

1975 بدايه عصر الانفتاح و الخراب الاقتصادى للبقيه الباقيه من امكانيات مصر

1977 تنامى النزعه الفرعونيه و الكبر فى نفس النظام المصرى على غرار (ما علمت لكم من زعيم غيرى ) و عادت نغمه الزعيم الملهم و لكن هذه المره الزعيم المؤمن و بطل الحرب و السلام و كبير العيله و كان ختام ذلك هو تمام الانبطاح امام امريكا و من ورائها اسرائيل بزياره القدس ثم بتوقيع كامب ديفيد و التى كانت بدايه الانهيار للعرب و المسلمين و الذى نشهد نتائجه اليوم ووصل السادات لحاله عجيبه من الكبر و الغرور و اراد انشاء مجمع اديان فى سيناء و امسك عصا الصولجان الخاصه بفرعون بل و لبس البدله الهتلريه حتى وصلنا لنقطه اللاعوده .

1980 التاريخ يعيد نفسه فالزعيم عاد لنفس السيناريو و اعلن حرب شعواء على الاسلام و المسلمين فى مصر و كانت نهايته كما يعرف الجميع .

ترك مصر فى حاله اقتصاديه مزريه و الفساد ينخر فيها (عصمت السادات -توفيق عبد الحى .. )

مصر فى حاله مقاطعه من جميع الدول العربيه باستثناء دوله او اثنين و تم تحييد مصر تماما من القضايا الاقليميه و بدات اسرائيل تفعل ما بدا لها فى المنطقه و بدا الجيل الذى تم تربيته فى احضان الاشتراكيه الناصريه و التنظيم الطليعى يتولى مقدرات هذا البلد . و للحديث بقيه

[أبو محمد]

تسجيل متابعة وامتناع عن إبداء الرأى .. ولكن سأتدخل فقط عندالخطأ فى الأرقام التى أعرفها .....

أنا متأكد أن هناك ثلاثة من الأعضاء عايشوا الحكم الملكى وحكم 23 يوليو وحكم مبارك والإثنان اللذان أعرف من مداخلاتهما أنهما حضرا الحكم الملكى هما الأستاذ يحيى الشاعر .. والأستاذ عادل أبو زيد .. والثالث هو أنا .. وقد يكون هناك آخرون لا أعرف سنهم

أول رقم أود تصحيحه هو .. أن بداية المواجهة بين عبد الناصر والأخوان المسلمين كانت سنة 1954 وليس 1955 وإذا لاحظت شيئا مثل هذا فساتدخل للتصحيح

تحياتى إلى الشباب مع خالص دعواتى لهم

[abaomar]

السلام عليكم

الاخ الاستاذ ابو محمد جزاك الله خيرا

1955 حسب علمى هو وصول المواجهه لقمتها على الاقل من جهه الزعيم و الذى دبر حادث المنشيه( كما ادعى البعض ) لتبدا مرحله الاستئصال والا فالمواجهه بدات قبل 54 حينما بدات مماطله الاخوان من قبل الاحرار فى وضعهم فى ما كانوا ياملونه بعد نجاح الانقلاب .

ارجوك يا ابو محمد بصفتك شاهد عيان لتلك الفتره ان لا تحرمنا من رايك بحكم معاصرتك للاحداث و ان تصحح لى ما اكون قد اخطأت فيه .