للناس الحلوين وحبين يقضوا وقت مفيد فى الكويت فقط

[متمردة]

السلام من عند ربى

ازيكم يا محاورين يا مصرين الموجودين فى الكويت

انا رحت معرض الكتاب الثلاثين فى الكويت فى ارض المعارض بمشرف

المعرض جميل وفيه كميه مهوله من الكتب طبعا مش هيكون زى مهرجان القاهرة الدولى للكتاب

وفيه كمية كبيرة جدا جدا من الدول حاضرة بمندوبيها

لو فعلا انت مهتم بالقراءة او حتى مش مهتم هتروح هناك بجد تستمع وتغير جو خصوصا للفاضين اللى عايزين يتجوزا علشان يملوا فراغ حياتهم :o

وفكرة :excl: اما تخدها :ph34r: او متخدهاش :sad:

روح حاول تشترى كتاب واحد بس على الاقل اقرا فيه ايه هو اسلوبك فى الحياه وازاى ممكن تطوره تطور ايجابى

وازاى تستغل الطاقه المخزنة جواك للناس

وساعتها ادخل المنتدى وفيدنا كلنا بموضوع مفيد

على فكرة انا مش معقدة لكن حاول وانت مش خسران حاجة :wub:

ويا جماعه الخير سيبكم من الزواج علشان تملوا فراغ حياتكم ده :o

[مصري في الكويت]

ايوة طيب مش تقولي لنا علي الكتاب اللي اشتريته علشان تفيدينا احنا كمان

واضح انك عندك انطباع ان اللي عايزين يتجوزوا في الكويت مخهم عطلان

[رمضان]

مرسي يا تمرد

[نانو]

ايوه كده يا متمرده تالقي....نوري....اظهري و باني....علشان يعرفوا ان الكويت مليانه محاوراتيين

قوليلي انا سمعت ان ميعاد المعرض ده خلص يوم الاربع ده صحيح ولا لسه شغال

لاني كان نفسي اروح بس ما عرفتش علشان وسط الاسبوع

[الحاج فوزى]

المعرض ده من الساعة كام للساعة كام ، وايام ايه ؟ يا رب يكون شغال النهارده علشان مراتى منكده عليا بقلها كام يوم علشان الخروج .. اهو نخرج نروح المعرض نشترى كتابين و نغير جو :P

ويا ريت كل ما حد ابن حلال كده يعرف مكان جديد او حلو يلحق يدل اخواته الغلابه عليه ، علشان الملل وصل للركب :blink:

تم تعديل 30 نوفمبر 2006 بواسطة Huss.

[النسر المصري]

Huss ومتمردة

انتو جايين اجتماع المحاوارات النهارد في قهوة ليالي الحلمية ولا لأ

والنبي ماتكسفونا وتيجوا!!!!

[متمردة]

مرسى لكل اللى رد عليه

عموما بيقولوا ان المعرض هيخلص يوم الجمعه ده الموافق1/12/2006

ومواعيد منالساعه 8 الى 1 ضهرا ومن 4 الى 11 مساءا

اما بالنسبة لى الكتب اللى انا اشتريها فكانت

1- الالغاز المسيلة من دار الاسرة والنشر والتوزيع

182 وصفة طبيعية لجمال وجهك وشعرك ( وده جميل فعلا )

نائح للمرأه الفيحة

تفسير الاحلام لابن سيرين

واسئل والكل يجيب فى بنك المعلومات

واخيرا واخيرا الزواج السعيد تاليف محمد القرنى هدية منى لاختى اللى هتتجوز قريب

وشكرا فعلا يا نسر رمضان فعلا عزمنى بس صادف انى عندى شغل كتير اليوم ده

وخيرها فى غيرها انشاءالله

باى

[رمضان]

طبعا هتشتري ايه غير الكتب دي

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

واراهن ان لو كل الجنس اللطيف في المنتدى راح المعرض هيشتري نفس الكتب دي

[alhazem12004]

السلام عليكم

ازيك يا متمرده واخبارك ايه مع الكتب والمعارض انشاء الله تكونى بخير انتى وهما .

انا اول مره اشارك بالمنتدى ده وصدقت مالقيته بصراحه لازنى زهقان من الغربة ومش عارف اعمل ايه وعلى فكره كنت هاوى قراءه وكتابه خواطر ولكن بعد ماجيت هنا بطلت كل حاجه والحمد لله وايه السبب مش عارف .

المهم اتمنى انى اكون صديق ليكم وامركم لله وربنا كريم وهايفرجها انشاء الله

مع اجمل امنياتى ليكم جميعا

فااااااااااااااااااااااااصل وسنعوووووووووووود

مصرى^بالكويت

[رمضان]

الاخ صاحب اخر تعليق اعتقد لا المكان ولا الزمان المناسبين للكلام ده

ممكن تروح شات مش منتدى ثقافي

[alhazem12004]

الاخ اللى مافيش داعى لذكر اسمه

على مااعتقد ان كلامى كان فى منتهى الاحترام والزوق وماعتقدتش انه من الزوق لما ترد على انسان باسلوبك اللى خالى من الزوق ده

مصرى^بالكويت