الحمد لله على السلامه يا دارون

[إبن مصر]

الحمد لله على سلامه العوده الى المحاورات يا دارون باشا ..

وحشتنا والله ويارب تكون أجازه سعيده ( قال يعنى مش عارف )

نورت المحاروات يا باشا..

زى ما نورت بر مصر كله لما نزلت..

أنى أحبك فى الله

[صبح]

يسعدني ويشرفني أن أكون أول من يدخل بعد الفاضل أحمد محمود لأرحب بعودة أخينا دارون

حمد لله على السلامة

[واحد تاني]

يسعدني ويشرفني ويغبطني أن أكون أول من يدخل بعد الفاضل صبح لأرحب بعودة أخينا دارون :blink:

حمد لله على السلامة يا كنج :P

[shahd]

اونكلللللللللللللللل داروين حمدلله على السلامة منووووووووور :P

[النسر المصري]

يسعدني ويشرفني ويغيظني ويقهرني اني اكون اول واحد بعد الأخوة الأفاضل أحمد محمود وصبح وواحد تاني وتيته الصغنونة شهد ......ان أرحب بعودة فخامتكم

حمدالله عالسلامه ياملك ياداروين باشا

تعال خدلك النفسين دول من بتوع زوهيري....نفسين عجب بقى

صباح الروقاااان

[واحد تاني]

ايه ده ... :P هي شهد ليه مش بتقول يسعدني ويشرفني أن أكون أول من يدخل بعد الفاضل واحد تاني .....وكده

اخبار مصر ايه يا دارون بيه :blink:

[bentmasria]

نورت بيتك الكبير يا استاذنا

حمد لله على سلامتك

[النسر المصري]

انا مستغرب ياواحد تاني...حتى أم مادا مش ماشية عالنظام...ياتورى هيا العوبارة في الدوبارة وكلمة السر....الست!!! :P

[واحد تاني]

يسعدني ويشرفني ويغيظني ويقهرني اني اكون اول واحد بعد الأخوة الأفاضل أحمد محمود وصبح وواحد تاني وتيته الصغنونة شهد ......ان أرحب بعودة فخامتكم

حمدالله عالسلامه ياملك ياداروين باشا

عفريت والله يا نسر -_-

يسعدني ويشرفني ويغيظني ويقهرني اني اكون اول واحد بعد الأخوة الأفاضل أحمد محمود وصبح وواحد تاني وتيته الصغنونة شهد ......ان أرحب بعودة فخامتكم

حمدالله عالسلامه ياملك ياداروين باشا

يغيظني ايه يا عم ... اسمها يغبطني

يبسطني يعني ...

شهد وام مادا... امشوا بنظام بقى من فضلكم :blink:

عشان حفلة استقبال دارون تبقى جامدة ... -_-

اللى يجي يهني يدخل فى دوره لو سمحتم :P

[وليد صفوت]

يُسعدنى و يُشرفنى و يغبطنى و يبسطنى و يذهلنى و يُبهمنى أن أكون اول واحد بعد الأفاضل ابيه احمد محمود و صبح و عمرو و واحد تانى و مدام ايمان و تيتا شهد مُهنئاً بسلامة عودتك عمو داروين :unsure:

اللى بعدددددددددددددددددددددديا :unsure:

[nash]

ألف حمدلله علي السلامه

إن شاءالله دايما منورنا

[النسر المصري]

هو حزب الستات حالف ميت يمين مايشاركنا بنظامنا ولا ايه!! :unsure:

انا حاجة تقهرني وتغبطني وتشلني وتغلني وووو........

[Folana]

السلام عليكم ورحمة الله ......

يُسعدنى و يُشرفنى و يغبطنى و يبسطنى و يذهلنى و يُبهمنى ويضحكنى ويبهجنى ويفرفشنى ويعورنى ويطيبنى ويعشينى ويفطرنى ويفرحنى.....انى اكون اول واحدة تكتب بعد كل من :...(اللى يسمع اسمه يقول نعمين..)

- الاستاذ احمد محمود

-واحد افندى تانى بيه (مبروك البهوية يا دفعة)

- تيتا شهد

- رابعا النسر المصرى ...( فاهم قصدى من رابعا طبعا يا نسور ) :unsure:

- حبيبة قلبى ام مادا

- وطبعا مادا

- اخى الصغنن ابيه وليد

- زميلة الكفاح فى ذكريات طفولتنا البريئة ناش

هو كان ايه الموضوع اصلا بقى؟....انا داخلة هنا ليه ؟...

ايوه خلاص..افتكرت...

حمد لله على السلامة يا استاذ داروين نورت المنتدى.............

[lonly in cold night]

يُسعدنى و يُشرفنى و يغبطنى و يبسطنى و يذهلنى و يُبهمنى ويضحكنى ويبهجنى ويفرفشنى ويعورنى ويطيبنى ويعشينى ويفطرنى ويفرحنى..... وانا في غاية السعاده والسكر الزياده والكلمات المعاده ..........انى اكون اول واحد يكتب بعد كل من و يا جماعه اللي ما يسمعش اسمه ممكن ياخد النهارده اجازه و فوت علينا بكره يا سيد ( مع السلامه و شوف مصلحتك )

-الاستاذ احمد محمود

-واحد افندى تانى

- تيتا شهد

- النسر المصرى ( فاهم قصدى من رابعا طبعا يا نسور ) انا مش فاهم فولانه حطاك في دماغها ليه مع انها العشرتاشر ( وش واحد بيهدى النفوس )

- ام مادا

- وليد

- ناش

- فولانه

واضح ان ده شرف ليا اني ارحب بالسيد دارون في اول يوم ليا في المحاورات :unsure: :unsure:

واسمع سلام على طول الكلام وسلام مربع يا جدع

[نانو]

يا خبر يا دي النور اللي نور المحاورات و الدنيا كوووووولها

انا بقه غيرهم خااااااااااااااااااااااالص

لاني

يسعدني

و يشرفني

و يغبطني

و يبسطني و يذهلني

و يبهجني و يفرفشني

وينعنشني

اني اكون اول واحده احتفل برجوعلك لينا بعد

الراجل اللي لوحده في ليله بارده( ربنا يخليك ....و ما يوقعك في ضيقه....غير اسمك ..اوكي)

و فولانه

و ناش

و وليد صفوت

و بنت مصريه

النسر المصري

و شهد

و واحد تاني

و صبح

و احمد محمود

و يارب تفضل بينا منورنا علي طول

[Modest]

الحمد لله .. أخيراً رجع علشان يرد لي عزومة الكابوتشينو :unsure:

ألف حمد الله على السلامة يا عمّنا .. اشتقنا للكابوتشينو .. قصدي اشتقنا لك :unsure:

[إبن مصر]

يالله الحمد لله أهو بدأ يلين وتقريبا ميعرفش حاجه عن هذ التجمع .. الى بيشبه التجمع الخامس..

يالله حصل خير

[DARWEEN]

يا نهار أبيض وأخضر وأصفر وملون بكل ألوان الطيف

يعني أنتم قاعدين هنا عاملين حفله وأنا ولا على بالي والله

أول مره أشوف الموضوع حالا بالا والفضل الأكبر طبعا لأخي الغالي أحمد محمود

طيب كنتم كملتم جميلكم وجيبتوا تورتايه ولا حتى حتة جاتوه ( وش واحد واقع من الجوع )

حبيبي أحمد محمود ... مش حارد عليك دلوقتي ومش حاقولك شكرا على الترحيب ... لكن حأقول بعد كل اللي هملته معايا من ساعة وصولي مصر لحين فراقها ... حأقول أنك أكتر من أخ بكتيررررررررررر قوي قوي .. ربنا يخليك ليا يا رب

أخي صبح ...

شكرا جزيلا .. على الترحيب الحار ... ويسعدني ويشرفني ويفرحني ويبهرني أن تكون أول من يرحب بي بعج أحمد محمود

أخي واحد تاني وتالت ورابع ....

الله يسلمك يارب تعيش وانشاء الله المره الجايه تسبق صبح ... وانشاء الله حاعمل موضوع كامل احكي عن مصر واخبار مصر في الاجازه

الأبنة العزيزه شهد

والله أنتي اللي منوره ومشرفه كل المحاورات والمحاورتيه

عزيزي النسر المصري مساء النعنشه

أنا في غاية الشكر والسعاده ... بس شكرا مش ممكن أخد نفسين بعد اللي حصل لمناخير سعادتك هاهاهاها

الأخت بنت مصريه

خالص شكري وتحياتي وتقديري على ترحيبك العزيز وتحياتي لمادا

وليدددددددددددددددددددد

أنت كنت فين يا بني أنا أتجننت علشان أخلي أحمد محمود يقابلني بيك بس مرضيش وقال لي بلاش ... مش عارف ليه .. أنا باهدي النفوس بس

العزيزه فولانا

يبهرني ويصعقني ويسعدني ويشرفني ويكرمني أن تكوني في حفلة الترحيب بعودتي

لك كل الشكر والتحية والتقدير والأحترام والتبجيل والتفخيم والتعظيم

عزيزي الوحيد في الليل البارد

ربنا يخليك يارب ويسعدك ويدفيك في الليل الدافي وماتكونش وحيد تاني ابدااااااااااااااااا

تحب اشوفلك خاطبه ؟؟

العزيزه نانو

يسرني عظيم السرور .. ويشرفني ... ويكرمني ويبهجني أن أجد سعادتك على باب المهنئين بالعودة من الأجازة التي لم تكن أجازه وأنما كانت أفتقاد لكم هنا جميعا كأخوة أحبهم وأحترمهم وأقدرهم جميعا

عزيزي موديست

بذمتككككككككككككككككك هو الكابتشينو برضه عليا أنا ؟؟؟

بالمناسبه أخبار الكهرباء أيه عندك ؟؟ أظن الدنيا منوره وبتلعلع ... بلاش تفتح على نفسك أبوب

سكرا لكم جميعا أحبائي ودمتم لي جميعا

داروين

[النسر المصري]

عزيزي النسر المصري مساء النعنشه

أنا في غاية الشكر والسعاده ... بس شكرا مش ممكن أخد نفسين بعد اللي حصل لمناخير سعادتك هاهاهاها

مالها مراخيري ياعم دارويين :ph34r:

دي مراخير النسر الدهبية.....

حد السيف لايقطعها...

ونسل الخنجر لا يجرحها....

ستبقى مراخيري صامدة ابية....

تلمع في الليالي مغنيةً شجية...

ولما طاح النسر بها مولولاً....( حلوة مولولا دي...عجباني طحن :wub: )...راح يتغنى بها سجية

فلتعيش المراخير حرة ابية....ولتعيش الأنفاس راقيةً زهورية

ولست انا يافولانه من يقول رابعا .... فانا من هو بحب المحاورات نابعا

فال الكلمات تغدو وتروح ذاهبة...ويبقى الحب في القلب نابعا

والسلام على من اتبع الهدى

(عندي اقتراح بنقل هذه المداخله في باب ادب وشعر وقراءات.....ايه رايك يا إداره :ph34r:

تم تعديل 3 ديسمبر 2006 بواسطة النسر المصري

[Diab]

أحم أحم انا جيت :blink:

بمناسبة هذه المناسبة السعيدة أحب ان ألقي علي سيادتكم تلك القصيدة التي ألفتها مخصصصوص لسيادتم

أحم أحم

50 فول 50 طعيه و كيس عيش

لأ مش دي مش دي ;)

أهي القصيدة

مسيو دارون welcome back :blink:

لأ بجد يا جماعة الأستاذ دارون واضح أنه شخصية محترمة أنا كلمته في التليفون بس لسه متقبلناش

حمد الله ع السلامه