ما الذي تعرفه عن اتفاقية الجات

[مصري في الكويت]

من زمان وانا اسمع عن اتفاقية الجات

وقالوا لما تتطبق السلع كلها هتبقي رخيصة

والاجهزة الكهربائية

وكل شئ مستورد هيكون في متناول الجميع

وقالوا هيضر اقتصاد البلد

واحنا حزب الغلابة كنا دايما نستني سنة ورا سنة لتطبيق الاتفاقية

بغص النظر بقي عن الاقتصاد

احنا نسيب الاقتصاد لأهل الاقتصاد ......... بس لحد دلوقتي مش عارف اي حاجة عن الاتفاقية دي

ياتري هي اتطبقت .... ولا انتهت ........ ولا العتاولة عندنا صمدوا وطلعوا قوانين وحاجات كده زي السحر علشان يخلوا الوضع كما هو عليه ....... اللي شايف ان الاسعار بتزيد في مصر ......... وحلم السيارة مش بقي مجرد حلم رفاهية ....... ده اكتر بكتير ......... مع ان في دول تانية بيعتبروا السيارة وسيلة انتقال مش وسيلة رفاهية

حد يقدر يفيدني ويفهمني كده براحة ايه اتفاقية الجات دي ووصلوا فيها لحد فين

[otaka]

هو مبدئيا اتفاقيه الجات خلاص لا وجود لها و حلت محلها منظمه التجاره العالميه

للاسف الدول القائمه على المنظمه كل همها استنزاف ثروات ده اذا فضل منها حاجه الدول الناميه ده فى رائى المتواضع

فى حين تفرض الدول الكبيره فى كل جوله محادثات شروطها و يمكن اولها الغاء دعم الزراعه مقابل تسهيل حركه التجاره الى اسواقها تبتلع الدول الصغيره الطعم غصبا عنها لانها اصلا مديونه فى حين تتفتا اذهان الدول الكبرى عن نظم حمايه جديده لا تظهر فى الاتفاقيات و يمكن مصر اترفض لها بطاطس كذا مره فى احداهم ان نسبه الملوحه فى البطاطس عاليه

المهم التخفيض فى التعريفات للدول اللى زينا 26 فى الميه بالاضافه لعشره الميه على 9 سنين الكلام ده ابتدا فى 1995

صراحه انا بطلت اتابع لانى خلاص مفيش فى شغلى اقتصاد و لا تمويل دولى بس لو الناس تحب ممكن نحاول نعمل موضوع عنها

شكرا