تصاريح العمل؟؟؟؟؟؟؟؟!!!! مالفائدة منها

[hashish2000]

:D غير قانونية

وعبارة عن إتاوه تأخذ عنوه من العاملين بالخارج

وفيه كلام على زيادتها العام القادم

[إسلام طلعت]

فايدته معروفة جدا

الحكومة المصرية تضغط على المواطن المصري ليل نهار وبتقرفه في كل حاجة من ناحية الروتين وضيق المعيشة وبتخلي حياته ضنك ...

فتصريح العمل ... هو بمثابة نوع من القرف اللي بتقرفك بيه الحكومة وهيه ده اللي قدرت عليه ولو قدرت مثلا تعمل تصريح عمل وتصريح سفر وتصريح اجازة هتعمل عشان تقرفك لانك مصري ابن مصري

[أسد]

هذا بالإضافة إلى هدف هام جداً ..

وهو .. الحصر ...

حصر المصريين العاملين بالخارج ومعرفة أخبارهم وتحركاتهم أولاً بأول وعناوينهم وأماكن عملهم

[abo 3ali]

اتفق مع اسد فى ان فايدته للحكومه هى اولا الحصر و ثانيا جبايه الاموال فرده او اتاوه من العاملين بالخارج على اساس انها شايفهم بيهبيشوا فلوس بالعبيط و عايشين متنغنغين ( و خصوصا بتوع الخليج )

انا اخد منى تلات تيام علشان اعمله ضايعين من اجازتى ووقتى و فى المطار محدش سال عليه اصلا

بس انا خلاص عرفت ان البنى ادام فى مصر عباره عن ورق . فلازم اول حاجه اعملها اول مانزل اظبط ورقى علشان اعرف استمتع باجازتى بعد كده و محدش يكلمنى او يعطلنى فى المطار

ديه فايدتاها الوحيده بالنسبه لى و طز فى الفلوس بس وقتى اهم من اللى هما بيحكوا و عايشين فى .. بصراحه انا مكبر دماغى و باكون كول و هادى و انا باعمل الاوراق ديه كلها لانها فعلا بتشيل صداع من دماغك ( تجديد رخصه - تصريح عمل - تصريح جيش - تجديد باسبور )

[hashish2000]

شكرا للأخوة على الردود

فعلا تخليص الأوراق فى مصر المحروسة مأساة

والعجب إنك بتلاقى معظم الورق يرجع لقوانين من سنة 1958 من أيام عبد الناصر

موضوع تصريح العمل والسفر

ولو كان فيه اجازة بدون مرتب

والتأمينات

وشهادات ميلاد الاولاد

وفيه ملحوظه!!!!!!!!!!!!!!!!!

لو عملت الاوراق ديه فى السفارات المصرية بالخارج هتدفع مبالغ خيالية

حراااااااااااااااااااااااامية

[المهاجر2070]

تصاريح العمل ولا المرور ولا السجلات المدنيه ولا الوظايف

ياراجل لحد المستشفيات بلدنا خلتنا ارخس شيئ فى الدنيا

صدقت لما قلت حراااااااااااميه

[MZohairy]

رحت أطلع باسبور في السفاره المصريه بالرياض لإياد ابني الصغير

قالولي مولود فين؟

قلتلهم في السعوديه

قالولي عنده شهادة ميلاد؟

قلتلهم شهاده سعوديه

قالولي مينفعش نطلعله باسبور مصري على شهاده سعوديه

قلتلهم و بعدين؟؟؟

قالولي نضيفه الأول على باسبورك المصري

قلتلهم و بعدين؟؟

قالولي بناء على اضافته على باسبورك نقدر نفصله عنك بعد كده و نطلعله باسبور منفصل

قلتلهم والإضافه و الفصل دول في نفس الوقت

قالولي آه

بس أغمن عليا على طول و سورقت كما قال المطرب شعبان عبد الرحيم!!!!!!!

[عصام أبوالفتح]

تصريح العمل سألونى عنه فى المطار الاجازة اللى قبل اللى فاتت

الأجازة اللى فاتت .. محدش جابلى سيرته رغم انه كان فى جيبى .. وفى اخ هنا قال انهم مبيسألوش

عليه المصريين العاملين فى امريكا واوروبا .. بيسألوا المغتربين فى الدول العربية فقط .. وده محصلش معايا المرة اللى فاتت

ايه رأيكم مطلعوش المرة الجاية واشوف ايه اللى هايحصل ؟

[deemuck]

تصريح العمل سألونى عنه فى المطار الاجازة اللى قبل اللى فاتت

الأجازة اللى فاتت .. محدش جابلى سيرته رغم انه كان فى جيبى .. وفى اخ هنا قال انهم مبيسألوش

عليه المصريين العاملين فى امريكا واوروبا .. بيسألوا المغتربين فى الدول العربية فقط .. وده محصلش معايا المرة اللى فاتت

ايه رأيكم مطلعوش المرة الجاية واشوف ايه اللى هايحصل ؟

أذا مطلعتش تصريح العمل في المطار هتكتب تعهد على نفسك انك تعمله اذا لم يكن معاك والمرة اللي بعدها هيكون في غرامة؟

ودي طبعا ضريبة بتدفعها للحكومة عشان سيباك تهبش من برة

[نورت مصر!!!]

ياجماعه الفلوس في الجزمه بس المهم محدش يعكر عليك الاجازه والافظع لو قالوا للك الجواز محجوز في امن الدوله روح راجعهم ؟؟؟

هنا تكمن المشكله يوم عصيب انت مش عارف جوازك محجوز ليه وعلشان ايه وايه الي انت عامله ومش عارفه مهما الحكومه وعارفين كل حاجه ؟؟

تدخل مكان غريب وناس غريبه تحس انهم مش مصرين ناس لبسين لبس مدني مش عارف بيشتغلو ايه واحد منهم بيسألك انت عاوز ايه وبعد كده يقولك انتظر في الغرفه دي .... والغرفه دي عباره عن مطبخ في شقه مساكن شعبيه والبالكونه عليها حديد وفيها كنبه خشب صغيره وفيها ناس كتير وواقف علي الباب عسكري يعني انت محجوز ليه معرفش ؟؟؟؟؟؟؟

وتنتظر وتنتظر وتنتظر وبعدين يقولك روح وتعال تاني بكره ليه معرفش؟؟؟؟؟؟

وبعدين بكره تاني نفس المسلسل وبعدين يتفضل واحد مشكور ينادي عليك ويسألك عن بياناتك وامتي خلصت الجيش وسافرت امتي و اسأله كلها موجود عنده في الورق وبعدين يسالك انت بتصلي ؟؟؟وفين ؟؟؟ ليك نشاط في اتحاد الطلاب ايام الجامعه ؟؟؟ وبعدين يقولك روح وروح خد التصريح بعد كام يوم ليه كل ده الله اعلم ماهما الحكومه وعارفه كل حاجه حتي الي انت متعرفوش عن نفسك

وذي الشاعر مابيقول *

كلب الوالي

كلب والينا المعظم عظني اليوم ومات ،

فدعاني حارس الأمن لأعدم ،

بعدما أثبت تقرير الوفاة

.أن كلب السيد الوالي تسمم

[autoscriptor]

قضيت في مصر أسبوع العيد. وانا داخل كنت دايمًا اتلطع جنب كشك الجوازات لغاية البشوات ما يخلصوا تحريات عني. المرة دي الباشا ختملي الجواز علطول وخرجت بسرعة. وانا خارج ما حدش جاب سيرة التصريح بالمرة. بس انا عارف انه لو مش معايا أو مش متجدد باكتب تعهد.

[نورت مصر!!!]

ياجماعه الفلوس في الجزمه بس المهم محدش يعكر عليك الاجازه والافظع لو قالوا للك الجواز محجوز في امن الدوله روح راجعهم ؟؟؟

هنا تكمن المشكله يوم عصيب انت مش عارف جوازك محجوز ليه وعلشان ايه وايه الي انت عامله ومش عارفه مهما الحكومه وعارفين كل حاجه ؟؟

تدخل مكان غريب وناس غريبه تحس انهم مش مصرين ناس لبسين لبس مدني مش عارف بيشتغلو ايه واحد منهم بيسألك انت عاوز ايه وبعد كده يقولك انتظر في الغرفه دي .... والغرفه دي عباره عن مطبخ في شقه مساكن شعبيه والبالكونه عليها حديد وفيها كنبه خشب صغيره وفيها ناس كتير وواقف علي الباب عسكري يعني انت محجوز ليه معرفش ؟؟؟؟؟؟؟

وتنتظر وتنتظر وتنتظر وبعدين يقولك روح وتعال تاني بكره ليه معرفش؟؟؟؟؟؟

وبعدين بكره تاني نفس المسلسل وبعدين يتفضل واحد مشكور ينادي عليك ويسألك عن بياناتك وامتي خلصت الجيش وسافرت امتي و اسأله كلها موجود عنده في الورق وبعدين يسالك انت بتصلي ؟؟؟وفين ؟؟؟ ليك نشاط في اتحاد الطلاب ايام الجامعه ؟؟؟ وبعدين يقولك روح وروح خد التصريح بعد كام يوم ليه كل ده الله اعلم ماهما الحكومه وعارفه كل حاجه حتي الي انت متعرفوش عن نفسك

وذي الشاعر مابيقول *

كلب الوالي

كلب والينا المعظم عظني اليوم ومات ،

فدعاني حارس الأمن لأعدم ،

بعدما أثبت تقرير الوفاة

.أن كلب السيد الوالي تسمم

[hamadh]

عادى جدا

طب وليه بياخدو دمغات وضريبة مبيعات وكل انواع الضرائب والرسوم ده حتى لما بنموت مابيسيبوناش فى حالنا وبياخدو ضريبة تركات

كلة شغل بلطجه وسرقة وده شىء اتعودنا عليه من حكومتنا الرشيده اطال الله عمرها

[ابراهيم العناني]

********************************

تم حذف المداخلة لمخالفتها القاعدة رقم 7 من قواعد الكتابة بالموقع

7. الإلتزام بعدم تغيير مجري الحوار في الموضوعات او محاولة تشتيت الأفكار التي يناقشها كاتب الموضوع أو تحويل الموضوعات إلي مهاترات شخصية أو إضافة مشاركات لا يقصد الإثراء بها أو الأستفادة وانما فقط لزيادة عدد المشاركات وبالأخص إذا كانت في سياق حوارات جادة.

الإدارة

تم تعديل 17 يوليو 2009 بواسطة عصام

[saramath]

هو مش تصريح العمل هو الكشكول الصغنن الاخضر دا ال بنعمله من منطقه الدراسه؟؟

[rewsha]

هوه الواحد علشان يطلع تصريح عمل .

ايهالورق المطلوب منه ؟

يعني طبعا الباسبور وعليه التاْشيره (دي معروفه)

لكن هل بيطلبوا عقد العمل وبيحددوا المبلغ اللي بيندفع على اساس المرتب في العقد وله ايه؟

كمان هل بيطلبوا اي ورق تاني غير الباسبور وعقد العمل؟

[خالد شحاته]

هوه الواحد علشان يطلع تصريح عمل .

ايهالورق المطلوب منه ؟

يعني طبعا الباسبور وعليه التاْشيره (دي معروفه)

لكن هل بيطلبوا عقد العمل وبيحددوا المبلغ اللي بيندفع على اساس المرتب في العقد وله ايه؟

كمان هل بيطلبوا اي ورق تاني غير الباسبور وعقد العمل؟

الاخت الفاضله

السلام عليكم ورحمة الله وبركاته

تصاريح العمل وهو كالاتي

تصوير الجواز من صفحة واحد الي صفحة تسعه صوره التاشيره وطبعا الا موظف في مصر بيقدم صوره من الاجازه والمبلغ 130 جنيه للمؤهلات العليا غير بعض من الدمغات يعني 150 جنيه هيكفو تصاريح ومش لهم دعوه بالعقد نهائيا

[rewsha]

يا استاذ خالد

تخيل بقه انه لما راح النهارده طلبوا منه صوره عقد العمل وقالوا ان الطبيب المهنه الوحيده اللي لازم صورة عقد العمل

[enjisultan]

يا استاذ خالد

تخيل بقه انه لما راح النهارده طلبوا منه صوره عقد العمل وقالوا ان الطبيب المهنه الوحيده اللي لازم صورة عقد العمل

لسة مستلمة دلوقتى حالا

لازم لازم لازم العقد يشوفوة ويكون موثق من القوى العاملة

وتصورية وتديهم الصورة

انا كنت رايحة بصورة التأشيرة ووقفت كل الطوابير ساعة ونص ولما وصلت اخر شباك الست قالتلى فين العقد قالتلى التاشيرة كطبية لأ وقامت قطعت كل الاستمارات اللى عملتها واديتنى ورقى وروحت اعيط لجوزى وقلتلة لازم اوثق العقد من القوى العاملة

قالى هو موثق من القوى العاملة فاخدتة ورجعت تانى بية

مع العلم ان جوزى عملة بالتأشيرة بس من الجيزة عشان بطاقتة جيزة س غالبا كانت هفوة منهم

[خالد شحاته]

انا فعلا اتصلت علي صديق ليا في مصر الان

وقال المهنة الوحيده الا بيطلبو لها عقد العمل كويس انني استفدت منكم هذه المعلومه الله يجزكم خير