تصاريح العمل؟؟؟؟؟؟؟؟!!!! مالفائدة منها

[rewsha]

معلومه كمان .بالاضافه لان الطبيب هو المهنه الوحيده اللي بيطلبوا صورة عقد العمل .فلازم العقد يكون موثق من القوى العامله

(زي ما انجي قالت)والختم يكون واضح جدا

لاْن النهارده لما زوجي راح وطلبوا منه عقد العمل. الختم بتاع القوى العامله ماكانش واضح رغم ان العقد موثق من الخارجيه المصريه والقنصليه السعوديه والموظف جاب عدسه مكبره (اه والله) علشان يتاْكد من ختم وزارة القوى العامله

والحمد لله ربنا كرم وشاف الختم بتاع القوى العامله بالعدسه

من هنا بقه انادي واقول كل اللي رايح يخلص ورقه من مكان حكومي يبقى ياخد معاه عدسه مكبره احتياطي .ماحدش ضامن الظروف

يمكن الختم مش واضح .وله الموظف نظره ضعيف :happy: .او نسي النظاره .او الصيام بقه

المهم خلوا بالكوا من عيالكوا :sad: قصدي من الاختام اللي على العقد تكون واضحه جدا

[se_ Elsyed]

نقول كمان

تصريح العمل اتغلى العمل به من زممممممممممممممان

بس ما فيش مانع انهم لا يلعنوا ذلك عشان الناس تدفع

قبل سنة 2004 كنت مستحيل تسافر من غيره وظابط الجوازات اللي بيختم لك الجواز لازم يسألك عنه

انا من 2004 بقى لاحظت انهم بقوا متساهلين في المطار

ومن ساعتها بعون الله ما استخرجتوش واديني اهو صاغ سليم ولازم جاي من يومين وماحدش قالي لا تصريح عمل ولا تصرح دفن

ولو صادفت وحد سألك يا سيدي قوله نسيت ووحياة الاخوه هاطلعه المره الجايه ومستحيل يمنعوك من السفر

ومش انا بس

ده كل زملائي اللي اعرفهم كده وناس جم لأول مر للمملكة وشوفتهم وما طلعهوش برضوا

الكلام ده على ضمانتي

[mezo]

انا بقالى 3 سنين بنزل مصر وارجع محدش كان بيسالنى على تصريح العمل ومن ساعتها مبعملوش بس من شهرين ظابط الجوازات غلس معايا وصمم انه يمضينى على تعهد انى اعمله فى السفارة هنا وبعديا بشهر ليا زميل جه من مصر غلسوا معاه جامد وركنوه فترة بسبب تصريح العمل لحد ماختموله الجواز وانا مش عارف التعهد انا مضيته ده فيه مشكلة ولا لا لانى مش ناوى اعمل التصريح من هنا لان اجرآته رخمة هنا