عايز اتجوز

[إسلام طلعت]

عايز اتجوز

عايز اتجوز

عايز اتجوز

ازااااااااااااااااااااااااااااااااي هتجوز في مصر ؟؟

انا مغترب ورافض تماما فكرة اتجوز واسيب مراتي حبيبتي (اللي هتكون لسا) في مكان وانا في مكان تاني

طيب يبقة الحل اني اعيش معاها في مصر

طيب هعيش ازاي في مصر ؟؟؟؟ اشتغل ايه ؟؟؟ اسرق يعني !!!

والحل التاني - اجيبها تعيش معايا في الغربة

طب مهو لازم برده يكون عندنا شقة في مصر - هجيب الشقة دي ا زاي

وبرده الحل ده مش واقعي عشان مش عارف ظروف الكفيل ايه وبعدين السكن عندي هنا غالي جدا جدا

معادلة صعبة حطتنا فيها الحكومة المصرية خلتني كرهت مصر من كل قلبي (ومش معنى كرهتها يعني كرهت اللي فيها) -

البلد اللي انا فيها مرة واحدة كده زوددو كل الموظفين العاملين بالحكومة 40% على مرتباتهم والاسعار زي مهي مزادتش -

البلد اللي انا فيها المواطن له قيمة يشعر بها ويفخر بها -

يارب اللهم لك الحمد على كل ما قضيت (جعلتني مصري الجنسية) - اللهم اني لا اسألك رد القضاء ولكني اسألك اللطف فيه

[nash]

أهلا ومرحبا بك أخي الكريم

...............................

طيب بالنسبه لسؤالك..عندي لك إقتراح..أوكيه

ما المانع أت تخطب فتاة.. او تتزوجها وتعيش معك في الغربه..وتبنوا حياتكم سوا؟؟

ياسيدي تزوج الأول ..وهات زوجتك معك وبعدين إن شاء الله كل شيء يأتي في وقته.

[رمضان]

خد الحل مني

خد لك واحدة فلبينية ومشي حالك اهي حاجة تقضي الغرض وخلاص ومتعقدش الامور ولما تنزل مصر فلسعها وخلصت الحكاية

[nash]

خد لك واحدة فلبينية ومشي حالك اهي حاجة تقضي الغرض وخلاص ومتعقدش الامور ولما تنزل مصر فلسعها وخلصت الحكاية<<<<<<< تصدق..أخي رمضان!!! لم أتوقع هذه النصيحه منك.. ;) :o

[Modest]

خد الحل مني

خد لك واحدة فلبينية ومشي حالك اهي حاجة تقضي الغرض وخلاص ومتعقدش الامور ولما تنزل مصر فلسعها وخلصت الحكاية

[عبده بيه]

انزل واتجوز وبعدين ربك هيسهل وتجيب المدام وتبدءوا مع بعض حياة سعيدة ان شاء الله بالتوفيق ان شاء الله

[Lembic]

خد لك واحدة فلبينية ومشي حالك اهي حاجة تقضي الغرض وخلاص ومتعقدش الامور ولما تنزل مصر فلسعها وخلصت الحكاية<<<<<<< تصدق..أخي رمضان!!! لم أتوقع هذه النصيحه منك.. :o mfb:

ده كلام! "تقضى الغرض"؟ أى غرض؟ الزنا؟ يعنى بتقول للراجل يا عم روح إزنى ومتعقدش الامور؟ ;)

[lonly in cold night]

صديقي العزيز ........

مش عارف اذا كان الشباب اللى شافوا رسالتك مفيش ولا واحد منهم متجوز ولا ايه النظام ؟؟؟؟

لان اللى عاوز اقوله انك لما بتخلص نيتك لله في انك تكون اسره - والله العظيم وانت يجب ان توقن من كده كويس - حق على الله ان يساعدك

مفيش حد من اللى عرفتهم اخلص النيه الا و وجد ان الامور اتسهلت له على الاخر

اما بزيادة فى الراتب من حيث لا يدري

و اما بسعة فى الرزق و بركة فيما بين يديه من اموال

واخد بالك من البركه دى؟

لان من غيرها ولا حيكفيك عشرتاشر الف جنيه فى الاسبوع

يبقى لو اخلصت نيتك فى الجواز لتكوين اسره ربنا حييسر لك الامر

mfb: B) بس نصيحة متزوج ابعد عن الجواز و غنيله ههههههه و اسال مجرب ولا تسال طبيب :o

;) وش واحد بيتصبح بخناقه كل يوم

لا بجد الجواز حينقلك فعلا لعالم تاني من الاستقرار

انوى انت وربنا يوفقك

[سهيلة]

الفاضل الاستاذ اسلام طلعت

عندى ليك حل ممكن يحل مشكلتك

لية مثلا

ما تدفعش الفلوس اللى معاك مقدم شقة والباقى تقسطة

وتتجوز وتاخد زوجتك معاك ف البلد اللى انت عايش فيها

وتبنى حياتك خطوة خطوة

وربنا هيسرها ان شاء اللة ما دمت تسعى للعفة وتكوين اسرة

ويا رب نبارك لك قريب

[عبده بيه]

يا راجل انت لسه ما اتجوزتش

[nora]

انا مع سهيله في رايها لان في كتير بيعملو كده واصبح ده شيء عادي جدا ونصحتي عليك بالصبر وادعو ربنا يفرجها عليك وحاول انك تحوش ومتسرفش اني عرفه الدول العربيه وازاي بتغري الواحد وخصوصا اني شكه في البلد الي انت فيها واوعى تسمع كلام رمضان لان انا شفت الكلام ده كتييييييييييييييير في الكويت وكنت بشوف معاهم اطفال والله قلبي كان بيتقطع لان الاطفال ميمتوش للمصريين بشيء وعنيهم فلبيني وهيكونو جيل ميعلم بيه الا ربنا

[نانو]

صديقي العزيز ........

لان اللى عاوز اقوله انك لما بتخلص نيتك لله في انك تكون اسره - والله العظيم وانت يجب ان توقن من كده كويس - حق على الله ان يساعدك

مفيش حد من اللى عرفتهم اخلص النيه الا و وجد ان الامور اتسهلت له على الاخر

اما بزيادة فى الراتب من حيث لا يدري

و اما بسعة فى الرزق و بركة فيما بين يديه من اموال

واخد بالك من البركه دى؟

لان من غيرها ولا حيكفيك عشرتاشر الف جنيه فى الاسبوع

يبقى لو اخلصت نيتك فى الجواز لتكوين اسره ربنا حييسر لك الامر

احييك بشده علي الكلمتين الحلوين دول

[lonly in cold night]

شكرا يا نانو على تحيتك دى و ربنا يجعله عامر

[أبو زياد]

طبعا كل الإخوان كلامهم سليم و جميل بما فيه الأخ - رمضان - و أوضح هنا انه كان يقصد الحلال و لا يقصد أى شىء -لا سمح الله

بس يا أخ إسلام إنت أخ عزيز و يهمنى أن أسدى لك النصيحة

عن خبرة 13 سنة فى بلاد الغربة - متزوج و عازب

دور - كويس و بهمة عالية و بجد على أسرة مصرية محترمة مغتربة مثلك - وما أكثر المغتربين

و حتلاقيها - إنت بلدك منفتحة شوية - اكيد حتلاقى بنت الحلال اللى حالتها زيك بالظبط

لأن ربنا ماخلقناش من جنس واحد

بس ربنا يوفقك للكويسة الصالحة - أهم شىء - وعلى فكرة ممكن تكون عارف عيلتها من مصر -

وتشاركك حياتك هنا و تتخلوا و تتنازلوا عن الإعتبارات المادية

المهم صلاح النفس و القلب

ربنا يوفقك وطمنا

[رمضان]

السلام عيكم ورحمة الله وبركاته

بسم الله الرحمن الرحيم والصلاة والسلام على اشرف المرسلين سيدنا محمد النبي الأمين وعلى آله وصحبه أجمعين وتابعيه بإحسان الى يوم الدين وبعد ،،،

السادة المشرفين

الاخوة والاخوات الكرام

لقد اسيء فهم كلامي عن الزواج من غير مصرية

احب فقط ان اوضح اني لم اقصد لا سمح الله ان يزني كما قال بعضكم

ولكن كل ما قصدته الزواج الاقتصادي يعني الفلبينية ملهاش مطالب كتير كل اللي عاوزاه تاكل وتشرب وتنام وبس

اخواني اليست الفلبينية بشر مثلنا ولماذا هذه العنصرية والتكبر

اليس من الممكن ان يتزوج بمصرية وتكون اسوأ من اي جنسية

دعونا لا نعقد الامور ونيسر على انفسنا ايها الاخوان

انا اعرف اصدقاء لي كثيرين ومتجوزين فلبينيات وعايشن مية مية بالصلاة على النبي كده

واعرف كويتيين نفس الشيء

كلنا سواسية ايها الاخوان ولا فرق بين عربي ولا اعجمي الا بالتقوى واتقوا الله

وبالنسبة للاخت اللي بتتكلم عن الولاد

مش شرط يخلفوا ده هيكون جواز عادي جدا بس مفيش اولاد ايه المانع

ولما ربنا يفرجها عليه يتجوز له مصرية ويخلف على راحته

[nash]

أخي رمضان

أنا شخصيا لم أفهم الكلام علي أنه لا سمح الله....

لكن من الذي بدأ بالعنصريه؟؟

عندما تقول...

خد لك واحدة فلبينية ومشي حالك اهي حاجة تقضي الغرض وخلاص ومتعقدش الامور ولما تنزل مصر فلسعها وخلصت الحكاية

............................................................

بالأمانه..هل هذا رد جيد؟؟

هل المرأة أي إمرأة في الدنيا بغض النظر عن جنسيتها..تمثل لك هذا الكلام؟؟؟

هذا مالم أتوقعه أبدا

لا تنسي أخي الكريم أننا مسؤلين عن كل كلمه تخرج من أفواهنا..ولا تنسي أيضا أننا مسلمين

دمت بصحه وعافيه

تم تعديل 2 ديسمبر 2006 بواسطة nash

[darker19]

يا رمضان انا مش عايز أفتي بس حسب معلوماتي الي على أد حالي

ان نية الإستمرارية في الزواج ده من شروط الزواج...

وانه طالما انتفت احدى شروط الزوج, يبقى الزواج باطل...

والله أعلم, والي عنده تصحيح على كلامي يقولي, دي مش فتوى ده كلام سامعه قبل كده بس مش متأكد من مصدره...

وبفرض صحة الكلام ده يبقى الطريقة الي قلتها غلط يا رمضان, بيتهيألي إنه كده بيصنف مع زواج المتعة, ومن الأخر كده يعني الي مارضاهوش على نفسي مارضاهوش على غيري.

[nora]

انا مع داركر انت كده بتشجع جواز المتعه والمسيار ومعتقدش انه من منهج رسول الله وغير كده انت بتقول كتير من صحابك عملين كده انا كنت بشوف فعلا الموضوع ده كتير واحنا مش بنقول لاه تكبر ولا حاجه لو اتنين اتجوزو بعض عن حب وهيستمروا مع بعض طول العمر خلاص لكن سنه ويقولها بيباي ده الي حرام ولا هي مش بني ادمه وعنده احساس برضه ولا ايه انت الي بتناقض نفسك وكلامك منين بتقول دي بني ادم ولا فرق الي اخرة ومنين بتشجع على تحطيم وتدمير مستقبلها وحفوقها كانسانه

بس فجواز الفلبنيات مرفوض اما بخصوص زعل ناش انا معاها لان اللفظ مستفز مشي حالك هي مش بيعه وشروه ولا ركوبه يمشي حاله بيها !!!!!

[lonly in cold night]

يا عزيزي رمضان انت عملت زى اللى جه يكحلها عماها

عموما كفايه كلام ى النقطه دى و الا حنبقى بنزايد على بعض و الاخ رمضان حيدور فينا كلنا الضرب

[اسود وتعالب وارنب]

ايه ازيك ياسهلية فينك من زمان وحشتينا فعلا ووحشتنا معلوماتك الجميلة

بالنسبة للاخ اللي عاوز يجوز صفي نيتك وانوي الجواز بالطريقة الصالحة والغربية مليانه باسر محترمة وبناتها في منتهي الجمال وزيل الفل وفيه كتير بنات ملتزمات لكن فكرة الزواج المؤقت دي فكرة فاشلة واللي بيدا غلط لازم ينتهي بكارثة