عشر طرق عشان تعكنن على مراتك

[lonly in cold night]

1

الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان 00 اشمعنى انت ؟ ولو حاولت ترجع تنام تانى قلها مادام صحيتى حضري الفطار بقى :blink:

-2-

اذا كنت بتتفرج على التلفزيون وهى عايزة تغير القناة 00 قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كله 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب

( ملاحظة : اغلب النساء ذو ثقافة كروية ضعيفة ) :blink:

-3-

اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة

طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض :wub:

-4-

فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة :wub:

-5-

لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يرعى التجول وانت مستمتع بأكل الجاتوة امامها

-6-

متنساش رأيك فى طبيخها لو عاملة لحمة قالها حلو اوووى الفراخ دى 00ولو طبخة بامية 00 جميلة اوى الملوخية دي ياحياتي حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !! :blink:

-7-

لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك ! :blink:

-8-

لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية :wub:

-9-

لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟ :wub:

-10-

وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى :

[Diab]

-8-

لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية

:)

[بنت النيل]

كل ده عشان تحاول تعكنن على واحدة ست

والله انتم غلابه اوى مع ان ممكن كل اللى قولته ده يكون عادى ولا يعكنن عليها ولا حاجة :blush:

وممكن بكل بساطة وبحاجة واحدة بس هى اللى تعكنن عليكم وتخليك تنتحر :) :)

ان كيدهن عظيم :blink:

[lonly in cold night]

شكرا يا دياب على مرورك الكريم

الا بالحق انت ما كملتش عنتر و عبله ليه؟

انا خفت انك تكون اتمسكت في قسم العتبة

حاكم انا عارف الصول عبد المتعال وايده الطرشششششش......

قصدى و قلبه الطيب اللى زي البفته السوووو....

قصدي قلبه الرهيف

الاخت بنت النيل

انا عارف ان الستات عندها مجلدات كامله فى طرق العكننة على الراجل

تقربا ده بتكتسبوه بالفطره زى ما البنات من صغرها بتحب تلعب دور الام مع عروستها لان ده بدافع الغريزه

و اكبر دليل على كده بناتي الاتنين

بعد ما الواحد يسرق ساعتين علشان يخرجهم و يعشيهم بره و نقضي يوم ظريف تلاقى البنت من دول ضربت بوز تمام نكدت على الواحد عيشته و حسسته انه مش اب مثالى ولا قادر يسعد ولاده

عموما انا بتنبا لهم بمستقبل هايل في العكننه على اجوازهم في المستقبل

بلغوا تحياتي

[نانو]

يا سيدي و الله انتوا تستاهلوا كل خير..... :)

[عبده بيه]

ماشاء الله انت واضح انك متخصص في المجال ده وكيفية حرق دم الحريم علي العموم انا تحت مراتي ولاعنديش اي استعداد ان امشي علي طريقتك اللي ضحكتني موت

[lonly in cold night]

شكرا يا نانو بس والله ده ما يجيش من بعد خيركم

بعتني عند اول محطه يا عبده بيه؟

هو عموما واضح ان الرجاله كلهم باعوا يا ريس مش انت لوحدك