كان يا ما كان

[Simba]

كان يا مكان .......... كان زمان

عيل زي عيال الحارة الكتير

بس عيل مش زي العيال

كان في بيتهم تقدروا تقولوا اسير

عايش وسط مجلاته وكام كتاب

لسه عينيه بتتفتح علي الدنيا

مكانش له كتير صحاب

ووقته بيقضيه في احلامه .... او التفكير

تمر الايام ويكبر

احلامه معاه بتكبر

يحلم انه يلاقيها

يغني معاها ويغني ليها

يلاقي بنت الجيران

يكتب كلام خايب

مضمونه عاشق ولهان

بس القصة فعلا

قصة بجد خايبة

وفضل هو

كام سنة متعلق باحبال الهوي الدايبة

ويروح مدرسته

مدرسته الثانوي ولاد وبنات

قال جوه نفسه

هلاقيها هناك

وهتدواي جرح الذكريات

وقابلها

بنت ولا كل البنات

خفة وروح ودلع

نسي اللي كان في قلبه

ونسي طعم الوجع

وحب البنت

بس البنت

كان لها كل يوم قصة

وهو كان قصة م القصص

شاف الايام عليه بتقسي

قرر انه شوية ينسي

أتخرج م المدرسة واشتغل

نسي قصص الحب والهبل

قال اعيش الحياة

لو طعمها مر أو طعمها عسل

[bentmasria]

اهلا بيك ياسامبا

مشاعرك جميلة وحزينة وحساسة

مراحب يا سيدى على ساحة المحاورات وركن الادب والشعر نتمنى ان نقرأ لك اكثر ونتعرف اليك اكثر

يسعد صباحك يارب :wub:

البنت المصرية

[Simba]

اسف بنت مصري كنت عايز اسئلك

ينفع اغير اسم الدخول من سامبا ... الي سمبا

انا مش غيره

وياريت ان كنتي تعرفي حد من المشرفين له الصلاحيات دي يغير لي الاسم اكون شاكر

انا خايف اشارك في المواضيع الناس تفتكرني رقصة السامبا

[lonly in cold night]

قال اعيش الحياة

لو طعمها مر أو طعمها عسل

حكمه جميله متغلفه في باقه اجمل

نتمنى دوام الكتابه يا بطل