لقاء محاوارتيين المصريين بالكويت تتصدر أخبار وكالات الأنباء العالميه (النسر المصري-رويترز)

[النسر المصري]

تناقلت وكالات الأنباء العالمية حدث لقاء محاورات المصريين بحفاوة بالغة ليس لها مثيل...وتصدرت عناوين أهم الأحداث ..... فقد نقلت البي بي سي العربيه اخبار لقاءنا الأول..وابرزت في اهتمام شعوب العالم بهذا الخبر...اليكم الرابط مع التفاصيل

العناوين

-في وصفه باللقاء التاريخي والعالمي .....محاورات المصريين بالكـــــويت .....تحظى بترحيب عالمي على نطاق واسع

-الأمم المتحدة تكرم محاوراتيين المصريين بالكويت

-شعوب العالم تبتهج فرحا بلقائهم التاريخي

-عمرو موسى يوافق على مطالب الدول العربيه بجعل يوم الثلاثون من نوفمبر من كل عام عيدا عربيا محاورتيا تخليدا لمحاورتين المصريين بالكويت.

-نانو وبنت النيل ورمضان وasmg7 وكامبس و darkar ومانو والنسر المصري ...هم أصحاب السبق ...فهل من ملاحق؟!

-أنباء تفيد بإصابة 1753 محاوراتي مصري بالسعودية بأزمة نفسية حادة نقلوا على اثرها لمستشفيات المملكة .

-الأطباء ييصفون المرض بالحدث الغريب والأول من نوعه!!

-المحاورتيون المصريون بالكويت يتمنون لأشقاءهم بالسعودية بالشفاء العاجل..ويشددون على أهمية ظبط النفس.

التفاصيل

... في وصفة باللقاء التاريخي والعالمي ...ابرزت وكالات الأنباء العالمية الحدث العظيم بلقاء محاورات المصريين بالكويت في أهم الأحداث العالمية...

وقد نقلت مصادر مطلعة من الكويت بأن المحاورتين المصريين يحظون باهتمام بالغ من قبل شعب الكويت وشعوب العالم أجمع، وأن الشعوب العربيه تفخر بهذا الحدث الجلل على أراضيها العربيه....

وكان قد استقبل جمهور المواطنين والمقيمين بالكويت ذلك الحدث بفرح عارم...وقامت بمسيرات تعتبر هي الأضخم من نوعها في تاريخ الكويت تعبيرا عن فرحتهم بهذا الحدث الجلل.

وفي مفاجأة ثقيلة قامت الدول العربية بعقد مؤتمر طاريء للتصويت على قرار يعتبر الأول من نوعه ، بجعل يوم الثلاثون من نوفمبر من كل عام عيدا محاوراتيا مصرياً لكل شعوب العالم.. لتقوم شعوب العالم بعقد لقاءات مماثلة تعبيرا عن الحب والوصال على غرار لقاء محاورات المصريين بالكويت.

كما أعلنت الأمم المتحدة بانها ستكرم محاوراتيين المصريين بالكويت ..وذلك لمساهمتهم التاريخية في تقريب شعوب العالم من بعضها البعض، كما أكدت على تأيدها الكامل لمطالب الدول العربيه بجعل ذلك اليوم عيدا عربيا عالميا، وانها تستعد لحفل تكريم تاريخي يليق باصحاب المقامات الرفيعة..نانو ..بنت النيل ...رمضان ..asmg7..مانو... كامبس. داركر..والنسر المصري.

على جانب آخر ، أكدت أنباء واردة من السعوديه تفيد بنقل 1753 محاوراتي مصاب بأزمة نفسية حادة نقلوا على أثرها إلى مستشفيات المملكة في ظاهرة غريبة من نوعها.. وقد أكدت نانو المتحدثة الرسمية بمحاورات مصريين الكويت. بأنهم يتمنون لأشقاءهم بالسعودية بالشفاء العاجل .. ويناشدونهم بظبط النفس

.هذا وسنوافيكم بالتفاصيل أولا بأول

ده الرابط لبتوع السعوديه الغلابه اللي مابيشوفش الصور ههههه ;)

http://www.BLOCKED77/file/6862982/a82465f0/BBCArabic.html

تم تعديل 4 ديسمبر 2006 بواسطة النسر المصري

[الاسكندرنى]

صايع اوى اوى اوى

بجد والله العظيم رجاله الصورة بجد حتتكلم ماشاء الله عليكم

ربنا يجعلكم سند وعون لبعض

يا نسر يابوا دماغ غاليه و كراسى من العاليه اسلوبك حلو حلو جدا

رجعتنى اكتب تانى

ولا عزاء للسعوديه و محاورن السعوديه

[النسر المصري]

ههههههههههههههههههههه

حبيبي انت ياسكندراني ياواحشني موووووووووت

انت عارف اني نازل مصر الشهر ده!!!

المفاجأه بقى اني هنزل على الاسكندرية مش القاهرة...ياريت اشوفك هناك ونعمل لقاء محاوراتي هناك كمان...ويبقى لا عزاء بقى بجد للمحاوراتيين في السعوديه!!

نياااهاهاهاهاهاهاهاه

[nash]

ايه ده

غريييييبه

ولا خطأ واحد مطبعي؟؟؟؟

يا مفتري

[النسر المصري]

ايه ده

غريييييبه

ولا خطأ واحد مطبعي؟؟؟؟

يا مفتري

طبيعي ياناش....مش الخبر كاتبينة صحفيين عالمين....لازم ماتلقيش ولا خطأ مطبعي ;) :blink:

[أبو حميد]

يا صباح دماغه العالية أوي ;)

أيوه يا نسر يا أبهه أيه العظمة دي كلها

رد مفحم فعلا أصلهم ميعرفوش هما بيتعاملوا مع مين.

[أبو محمد]

عالى .. عالى عالى (صورة شادية)

عالى قوى يانسر .. دماغ كبيرة .. فنان تقيل بدم خفيف :blink:

كان نفسى زر البحث مايكونش زر هيكلى لأنى كنت عاوز أدور على نص فرنك وقع منى فى الكويت .. أصل مفيش حاجة تانية أبحث عنها هناك .. جبتها من الدوحة للنويصيب ولقيت فيها كووووووووول شئ .. بس مالقيتش النص فرنك ;)

على فكرة بصفتى اشتغلت فى الكويت والسعودية .. ومقيم الآن بالخارج (فى الاسكندرية) .. فإننى على استعداد للقيام بدور الوساطة بينكم وبين اخواتنا فى السعودية حقنا للدماء وحفاظا على وحدة الصف (محافظة الجيزة) :blink:

[النسر المصري]

يا صباح دماغه العالية أوي ;)

أيوه يا نسر يا أبهه أيه العظمة دي كلها

رد مفحم فعلا أصلهم ميعرفوش هما بيتعاملوا مع مين.

شوفت ازاي اخبارنا مالية كل مكان يا أحمد....يااااه...شوفت ازاي الناس فرحانه بينا........شوفت صورنا ازاي منورة الأخبار..........اقول ايه ولا ايه بس...انا الفرحة مش سايعاني :blink: :blink:

انتظرو بقي المفجأه الجاية..... هتكون قنبلة مدويه تصم لها آذان اخوانا الغلابه في السعودية!!!

[أبو محمد]

ايه ده

غريييييبه

ولا خطأ واحد مطبعي؟؟؟؟

يا مفتري

فعلا مفترى ومجرم كمان ..

إيه رأيك يا nash فى موضوع الوساطة ده ؟ .. لو وافقتم ، أنا على استعداد أكلم سفير النوايا الحسنة فى كندا (طبعا عارفينه) .. ونيجى نهدى النفوس ;)

[Simba]

ايه ده

هي دي صور الناس اللي في الكويت اللي بتكتب هنا

لا لا

انا هاروح للناس التانية

مع اني موجود في الكويت

بس كنت دايما احلم اني ابقي عميل

بس تفتكروا بعد كده هيقدروني ويعملوا لي مسلسل زي رأفت الهجان كده ;)

[عبده بيه]

ماشاء الله الله يجعلكم باستمرار متحابين يا رب فعلا نعم الرجال

[النسر المصري]

ايه ده

غريييييبه

ولا خطأ واحد مطبعي؟؟؟؟

يا مفتري

فعلا مفترى ومجرم كمان ..

إيه رأيك يا nash فى موضوع الوساطة ده ؟ .. لو وافقتم ، أنا على استعداد أكلم سفير النوايا الحسنة فى كندا (طبعا عارفينه) .. ونيجى نهدى النفوس :blink:

حبيبي يابو محمد ياكبير يابوقلب ابيض ودهب ملعلع انت

اولا حمدالله على سلامة بانك المصون..وانشالله ينجح في المقابله ويتعين وتبقى فرحتك فرحتين

فرحة عودة ابنك الغالي (والنبي توصله سلامي الخاص)

وفرحتك بلقاء محاوراتيين المصريين بالكويت.......والفرحة التالته هتكون مفجأه ليك بقى ....بس انتظرونا بعد الفاصل

سامبا ياحبيبي.......الموضوع بقى على ارض الواقع.... شعوب العالم كلها بتتكلم باسمنا.... مش عاوزك بس تعيش في الوهم....عمك النسر هيعملك احلى توضيبة ...انت فاهمني!! :blink:

الله يخليك ياعبده بيه...والله كان نفسنا تشرفنا بجد ...مع كال احترامي وتقديري ;)

[Simba]

لا يا عم النسر

انا خلاص قررت اروح انضم للجبهة المعادية اللي عاملين تجيبوا في سيرتهم م الصبح وكمان لقيتهم عاملين

موضوع ما سر حقد المقيمين بالكويت علي المقيمين عليهم أهو الواحد يلقط رزقه وخلاص

[nash]

إيه رأيك يا nash فى موضوع الوساطة ده ؟ .. لو وافقتم ، أنا على استعداد أكلم سفير النوايا الحسنة فى كندا (طبعا عارفينه) .. ونيجى نهدى النفوس :blink:

>>>>>>>>>>>>>>>>>>>>>>>>>>>>>>>>>>>>>>>>>>>>>>>

شوف يابو محمد ياخويا..أنت راجل كومل..وبصراحه ماقدرش أتنيلك كلمه...أة برضه إذا العمده أتدخل في الموضوع ..يبقي وجب علينا السمع والطاعه...

;) أنا موافقه رغم غلاستهم وثقل دمهم :blink: ...بس مش مشكله المسامح كريم

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

تم تعديل 3 ديسمبر 2006 بواسطة nash

[inas]

ده حديث الساعه عشت وشوفتك يا داركر مفضوح في الصحف و صورتك جمب كوفي عنان

متتلمو في بيوتكم وروحو ارتاحو بعد الشغل و عملوا سندوتشات جبنه وقشرو فزدق ادام التلفزين احسنلكم من الاعده على القهاوي ;)

[nora]

لا حول الله يارب اغيب 24 ساعه ارجع الاقي كل ده حصل

بس والله تصدق جمده جمده افحمتنا :D

عقلي الباطن غطيني وسوطي يا ناش منظرنا شرابا مبلولو معفن لازم نلملم نفسينا لاننا اتبعترنا في المنتديات اه يانا ياما :)

وانا من هنا اقبل الوسطاء :huh:

بس بشروطي:P

اه اصل كرامتي بتنقح عليا -_-

[أبو محمد]

إيه رأيك يا nash فى موضوع الوساطة ده ؟ .. لو وافقتم ، أنا على استعداد أكلم سفير النوايا الحسنة فى كندا (طبعا عارفينه) .. ونيجى نهدى النفوس :huh:

>>>>>>>>>>>>>>>>>>>>>>>>>>>>>>>>>>>>>>>>>>>>>>>

شوف يابو محمد ياخويا..أنت راجل كومل..وبصراحه ماقدرش أتنيلك كلمه...أة برضه إذا العمده أتدخل في الموضوع ..يبقي وجب علينا السمع والطاعه...

:) أنا موافقه رغم غلاستهم وثقل دمهم :D ...بس مش مشكله المسامح كريم

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

مسيو زهيرى .. أختنا nash جنحت للسم قصدى للسلم على الرغم من إنها ما بتقدرش تسوق عربية فى السعودية .. أناديك لنبدأ مهمة تهدئة النفوس .. لأن فى الحقيقة الجماعة بتوع الكويت أخبارهم وصلت لل BBC وبتوع السعودية لأ .. وانا خايف لأن ده ممكن يزود نار الغيرة فى قلوب إخوانا بتوع السعودية .. وأديك شايف .. حتى الفريكيكو بتاع الكويت اللى هو "النسر المصرى" ما خدش باله لما nash إتريقت عليه وقالتله :

ايه ده

غريييييبه

ولا خطأ واحد مطبعي؟؟؟؟

يا مفتري

المسكين فاكر إن ده مدح .. ودلوقت يمكن أصحابه فى الكويت يفهموه إنها كانت تريقة .. وانت عارف إنه عصبى

ما تتأخرش .. الساحة أصبحت ممهدة -_-

[نانو]

يا جمالوا يا جمالوا

نسر يا نسر يا اوبهه لعب و فن و هندسه

بصراحه يا نسر و الله ما فيش كلام يوفيك حقك....انت سكر و الله

دايما كده رافع راسنا .....روح يا شيخ ربنا يرزقك بواحده بنت حلال تستاهلك :huh:

ها..... كنا بنقول ايه.... مع اخواننا الاعداء.....انا سمعت كلمه هدنه كده تتردد بين اختنا العزيزه ناش ... و اختنا العزيزه نورا....و اخونا العزيز ابو محمد

علي فكره حاجه زي كده عايزه وقت طويل ....و اجتماعات مطوله بين مجلس اداره محاورات الكويت...اه يعني حاجه مش بالساهل

ايه ده انتوا اخدتوا علينا اوي

اه.... بالمناسبه سمبا ده لازم نتاويه :) .....ده بيعلن الانفصال عننا مباشره.... :D

[رمضان]

السلام عليكم ورحمة الله

والله يا نسر باشا لا يسعني امام ما أرى الا ان اشيد بهذا العمل العظيم

وأمرت لك انا رمضان حفظني الله بمكافأة قدرها 5 الاف دينار كويتي

[nora]

ها..... كنا بنقول ايه.... مع اخواننا الاعداء.....انا سمعت كلمه هدنه كده تتردد بين اختنا العزيزه ناش ... و اختنا العزيزه نورا....و اخونا العزيز ابو محمد

علي فكره حاجه زي كده عايزه وقت طويل ....و اجتماعات مطوله بين مجلس اداره محاورات الكويت...اه يعني حاجه مش بالساهل

ايه ده انتوا اخدتوا علينا اوي

يا نانو خليكي محضر خير مش كده والله اخطفك:)مش كده يعني هو ايه لا كده نافع ولا كده نافع