مغتربي الإمارات

[Professional Engineer]

اريد ان أسال سوال واسفه مقدما لو كان مكرر

زوجى كان يعمل فى شركه خاصه وبعدين ومع الركود ابتدت الامور الماليه تتغير المهم جاله عرض من شركه حكوميه فى ابوظبى

مع التأكيد ان مافيش اى مشكله فى تغيير الفيزا ولن يحتاج الى حتى مغادره البلاد

وبعد ان قدم استقالته وجدان شركته القديمه عملتله ممانعه 6شهور برضه الشركه الحكوميه بتقول مافيش مشكله وميقدروش يعملوا حاجه

هل هذا الكلام صحيح

يعنى فعلا عدم الممانعه متأثرش لو كان رايح لشركه حكومه؟؟ وانه فعلا غير مضطر لمغدره البلد؟

انا حصل معايا نفس الموضوع فتركت شركه خاصه والتحقت بشركه حكوميه فى ابوظبى وماكنش فى مشكلة بس المهم ان يتم الغاء الفيزا الاولى بطريقة طبيعية

[ahlawy]

السلام عليكم

يا جماعه اى حد يعرف حاجه عن شركه صحه ابوظبى يقولنا

زى مثلا المرتبات للمصرين هناك بالنسبه للمراقبين الصحين هناك بتيبقى غالبا قد ايه ؟؟

وكمان لان احنا بقلنا حوالى شهر ونص ولسه العقود مجتش بس الحمدلله احنا نجحنا

ارجو الرد للضروره

[محمد عيسى]

السلام عليكم

يا جماعه اى حد يعرف حاجه عن شركه صحه ابوظبى يقولنا

زى مثلا المرتبات للمصرين هناك بالنسبه للمراقبين الصحين هناك بتيبقى غالبا قد ايه ؟؟

وكمان لان احنا بقلنا حوالى شهر ونص ولسه العقود مجتش بس الحمدلله احنا نجحنا

ارجو الرد للضروره

دي حاجه محدش يقدر يجاوبك عليها دلوقتي لان فيه تفاوت في المرتبات ليس له اي تبرير و ممكن تكون بتاخد مرتب 6 آلاف و معاك واحد تاني زيك بالضبط بياخد 11 الف فميش منطق او حاجه معينه تحكم الموضوع ده

الافضل لما تجيلكم نسخة من العقود تقوللنا على تفاصيله و احنا نوضحلك ده ممكن يعمل ايه و التكاليف اللي بيغطيها، لإنه من المواضح و من سؤالكم المتكرر من مده طويله ان محدش عارف إجابه للموضوع ده و خاصة شركة صحة هي شركة مستحدثة (و يترتب على كونها جديده تغير كامل في الهيكل التنظيمي و سلم المرتبات) و كانت قبل كده هيئة الصحة لمدة سنتين و قبلها الهيئه العامة للخدمات الصحية فمحدش يقدر يعرف بالضبط

تمنياتي لكم بالتوفيق

[EGYPTDNRD]

مساء الخير ياجماعه الخير اهل مصر الحلوين اللي ف الامارات مقيمين وف الغلا عايشين ولمصر سايبين .. ياتري محوشين ولا مفلسين .. مبسوطين ولا حزنانين.. كلكوا ع الامارات قايلين .. كلام حلو ومتين.. بس ياتري شايفين .. الامارات واخدانا لفين؟؟

حبايبي المصريين المقيمين ف دوله الامارات .. بجد بحييكوا علي التجمع الهائل دا ومبسوط اني اكون واحد ضمن المجموعه دي ..

انا قريت شويه تعليقات للاخوه الاعضاء .. وبما اني مقيم في دبي وبحكم وظيفتي في اداره الجنسيه والاقامه في دبي .. اقدر اقول لكوا ان البلد بتفضي كتير عن الاول والناس كتير بتتكنسل وبتروح والشركات بقت بتقفل زي الدكاكين انتظروا دبي في الصيف هتكون فاضيه والهنود هيخفوا كتير والفلابنه كمان ...

انا تحت امركوا ف اي اسئله خاصه بدبي وجوزات دبي لو في حد عنده اي استفسار ممكن يكتب لي وانا حاضر

اتمني ليكوا ايام سعيده ف دبي مدينه الفرقعه وناطحات السحاب .. سلام عليكم

[EGYPTDNRD]

اريد ان أسال سوال واسفه مقدما لو كان مكرر

زوجى كان يعمل فى شركه خاصه وبعدين ومع الركود ابتدت الامور الماليه تتغير المهم جاله عرض من شركه حكوميه فى ابوظبى

مع التأكيد ان مافيش اى مشكله فى تغيير الفيزا ولن يحتاج الى حتى مغادره البلاد

وبعد ان قدم استقالته وجدان شركته القديمه عملتله ممانعه 6شهور برضه الشركه الحكوميه بتقول مافيش مشكله وميقدروش يعملوا حاجه

هل هذا الكلام صحيح

يعنى فعلا عدم الممانعه متأثرش لو كان رايح لشركه حكومه؟؟ وانه فعلا غير مضطر لمغدره البلد؟

اختي .. الحرمان 6 شهور هو حرمان من وزاره العمل والعمال للموظفين في الشركات الخاصه .. اما اذا بينقل علي جهه حكوميه فالجهات الحكوميه والمناطق الحره لا تخضع لاشراف وزاره العمل والعمال وبالتالي الحرمان لايؤثر عليهم .. فلو جاله عرض من جهه حكوميه لازم يكنسل اقامته من الشركه الاولي وبعدين الشركه الجديده تعدل له وضعه وتصدرله فيزا داخل الدوله بدون مايغادر .. وربنا يوفقه ويكرمه ف الشغل الجديد.. حاضرينEGYPTDNRD

[ornatepeacock]

اني مقيم في دبي وبحكم وظيفتي في اداره الجنسيه والاقامه في دبي ..

الاستاذ EGYPTDNRD

بعد التحية

كنت أعمل في أبوظبي ، ثم جئت إلى مصر في اجازة ، ثم ولظروف خاصة قررت عدم العودة

و الأن قد مر أكتر من ستة اشهر و انا خارج الامارات

و هذا يعني أن اقامتى لم تعد صالحة

ما اريد أن اسألك عنه

ما هو موقفي الان

هل استطيع العودة الى الامارات بفيزا عمل جديدة أو بفيزا زيارة

ومتى يمكن هذا

ماذا اذا كان الكفيل قد قام بعمل تعميم

هل يعني هذا عدم امكان العودة الى الامارات نهائيا أم لمدة محددة فقط

هل يؤثر التعميم على امكانية السفر الى دول الخليج الاخرى خاصة للسعودية سواء للعمل او للحج

علما انه تم اخذ بصمة العين عند حضوري الى الامارات في بداية التعاقد

و كيف يمكنني معرفة اذا كان الكفيل قد كام بالتعميم ام لا .. علما انه لن يخبرني

وأنني كنت على كفالتة لمدة تزيد عن ثلاث سنوات و هذه كانت الاقامة الثانية لي معة والمهنة هي مهندس

ولك خالص الشكر مقدماً..

[EGYPTDNRD]

اخوي العزيز

اذا كانت اقامتك صادره من ابو ظبي.. ولم تعد بعد مرور سته شهور هذا لا يعني انه قد تم الغاء الفيزا ولاكن بيكون عليها block

موقفك اذا لم يتم الغاء الفيزا الحاليه لا تستطيع تقديم فيزا جديده سواء في ابوظبي او في اي اماره اخري لازم كفيلك يكنسل تلك الاقامه لان مافي اقامه تلغي بروحها لازم الكفيل يلغيها

اما بالنسبه لموضوع التعميم لو كفيلك عمل عليك تعميم فهذا معناه انك محروم من دخول الدوله طوال ماالتعميم موجود اما اذا رفع التعميم من عليك والغي اقامتك في هذه الحاله تقدر تدخل مره تانيه الدوله علي اي فيزا عادي

التعميم لا يؤثر علي دول الخليج الاخري الا اذا كان بحكم قضائي او ان في كان قضيه كبيره ضدك وتم الحكم عليك بالابعاد القضائي دا ممكن ياثر في دخولك دول الخيلج

بالنسبه لمعرفه اذا كان عليك تعميم او لا فاذا كانت اقامتك من ابو ظبي ممكن اي احد من اصدقائك او معارفك يحضر صوره من جواز سفرك ويراجع اداره الجنسيه والاقامه في ابو ظبي ويعمل تشيك علي اسمك في السيستم اذا كان عليك تعميم او لا

اتمني اني اكون ساعدتك باجاباتي بس لو اقامتك من ابوظبي شويه اجرائتهم تختلف عننا في دبي بس دي حاجات عامه موجوده في كل الامارات... لو في اي استفسار اخر حاضرين

EGYPT DNRD

[ornatepeacock]

اخوي العزيز

اذا كانت اقامتك صادره من ابو ظبي.. ولم تعد بعد مرور سته شهور هذا لا يعني انه قد تم الغاء الفيزا ولاكن بيكون عليها block

موقفك اذا لم يتم الغاء الفيزا الحاليه لا تستطيع تقديم فيزا جديده سواء في ابوظبي او في اي اماره اخري لازم كفيلك يكنسل تلك الاقامه لان مافي اقامه تلغي بروحها لازم الكفيل يلغيها

اما بالنسبه لموضوع التعميم لو كفيلك عمل عليك تعميم فهذا معناه انك محروم من دخول الدوله طوال ماالتعميم موجود اما اذا رفع التعميم من عليك والغي اقامتك في هذه الحاله تقدر تدخل مره تانيه الدوله علي اي فيزا عادي

التعميم لا يؤثر علي دول الخليج الاخري الا اذا كان بحكم قضائي او ان في كان قضيه كبيره ضدك وتم الحكم عليك بالابعاد القضائي دا ممكن ياثر في دخولك دول الخيلج

بالنسبه لمعرفه اذا كان عليك تعميم او لا فاذا كانت اقامتك من ابو ظبي ممكن اي احد من اصدقائك او معارفك يحضر صوره من جواز سفرك ويراجع اداره الجنسيه والاقامه في ابو ظبي ويعمل تشيك علي اسمك في السيستم اذا كان عليك تعميم او لا

اتمني اني اكون ساعدتك باجاباتي بس لو اقامتك من ابوظبي شويه اجرائتهم تختلف عننا في دبي بس دي حاجات عامه موجوده في كل الامارات... لو في اي استفسار اخر حاضرين

EGYPT DNRD

الف الف شكر ليك استاذ EGYPT DNRD ..

أنا كان اكثر شئ يهمني هو تاثير التعميم على السفر لدول الخليج الاخرى

و الحمد لله انك طمنتني

لك خالص الشكر و التحية :rolleyes:

تم تعديل 4 أبريل 2009 بواسطة ornatepeacock

[EGYPTDNRD]

العفو اخويا الكريم واتمني اكون افدتك وياريت بس تتاكد من موضوع التعميم عشان ميحصلش مشكله لو فكرت تيجي تاني الدوله

الله يوفقك.. واي استفسار اخر حاضرين .. EGYPT DNRD

[Clinical chemist]

تأشيرة ابوظبى

السيد EGYPT DNRD

انا فى انتظار عقد عمل بشركة ابوظبى للخدمات الصحية واريد ان اسأل عن مدة استخراج تأشيرة العمل فى ابوظبى.

واذا كنت ساصطحب زوجتى وابنائى معى منذ البداية كيف يتم استخراج تاشيرة لهم وكذلك كم تستغرق من الوقت.

ولكم جزيل الشكر مقدما

[dongol]

عندي سؤال يا أخ Egypt DNRD لو سمحت

أنا عقدي محدد المده و سوف ينتهي في شهر اكتوبر 2010 و الشركه بتاعتي عند كتابة العقد اصرت علي كتابه شرط اني لا استطيع العمل في اي مكان في الامارات خلال سنه من انتهاء تعاقدي معها و انا وافقت لاني ما كنتش اعرف القوانين صح اول ما جيت

المهم انا عايز اعرف ايه هيكون الموقف لو حبيت اسيب الشركه و هل هيكون في مكافئه نهايه خدمه عند نهايه العقد مع العلم ان العقد محدد المده وصادر من ابوظبي

شكرا مقدما

[EGYPTDNRD]

اخوي العزيز

شوف في بعض الشركات هنا بتعمل كده عشان تحفظ حقوقها في انها بتجيب موظفين وافدين من بلادهم وبيصرفوا عليهم فيطلب منك انك مش تفكر تقدم استقالتك قبل سنه والا هتكون مطالب برد المبالغ اللي هو صرفها عليك ودا حقه بصراحه

اما من جهه الحرمان اذا انت بتشتغل في شركه خاصه فلما تسيب الشركه بيكنسلوا بطاقه العمل بتاعتك وبالتالي الاقامه طبعا ولما بتكنسل بطاقه العمل بيكون عليك حرمان اتوماتيكي من العمل والعمال لمده 6 شهور . لو الكفيل بيديك رساله عدم ممانعه تقدر ترفع الحرمان دا لو مش هيديك الخطاب دا مش هتقدر ترفع الحرمان وبالتالي مش هتقدر تشتغل ف اي شركه خاصه في الامارات كلها لمده 6 شهور وساعات الكفيل يطلب سنه

بالنسبه لجزئيه مكافئه نهايه الخدمه فدي بتكون حسب ماهو موجود ف العقد بينك وبينك الكفيل اذا كان في مكافاءات او لا واذا لاقدر الله وفي خلاف بينك وبين شركتك تقدر تعمل شكوي في وزاره العمل عن طريق رقم التليفون بتاعهم المجاني 800665 او انك تروح لهم ف الوزاره ولو ليك حق اكيد بيجيلك لان وزاره العمل بتحمي الموظفين جامد

معرفش اذا كنت بردي دا افدتك او لا .. لو في عندك اي استفسار تاني انا تحت امرك .. حاضرين...EGYPTDNRD

[dongol]

أخي العزيز Egypt DNRD

شكرا جزيلا علي رد حضرتك ولكن سؤالي كان يتعلق بعد انتهاء مده العقد بعد 3 سنين لاني انوي اكمال التعاقد الي نهايته حتي لا يكون للكفيل حجه في عمل حرمان عليه

و سؤالي هو هل سيتم عمل حرمان عليه حتي لو اكملت التعاقد الي نهايته ولا بعد نهايه العقد سيكون ليه الحق في الانتقال الي شركه اخري بدون مشاكل مع الاخذ في الاعتبار ان هناك شرط في العقد بيقول اني لا اعمل في اي شركه اخري لمده سنه من تاريخ انتهاء التعاقد مع شركتي الحاليه

اما الجزء الثاني فهناك اقاويل بان العقد محدد المده ليس له مكافئه نهايه خدمه الا اذا اتم الموظف خمس سنين في الشركه التي يعمل بها و انا مش عارف هل الكلام ده صحيح ولا لا

شكرا لحضرتك مرة تانيه

[محمد عيسى]

أخي العزيز Egypt DNRD

شكرا جزيلا علي رد حضرتك ولكن سؤالي كان يتعلق بعد انتهاء مده العقد بعد 3 سنين لاني انوي اكمال التعاقد الي نهايته حتي لا يكون للكفيل حجه في عمل حرمان عليه

و سؤالي هو هل سيتم عمل حرمان عليه حتي لو اكملت التعاقد الي نهايته ولا بعد نهايه العقد سيكون ليه الحق في الانتقال الي شركه اخري بدون مشاكل مع الاخذ في الاعتبار ان هناك شرط في العقد بيقول اني لا اعمل في اي شركه اخري لمده سنه من تاريخ انتهاء التعاقد مع شركتي الحاليه

اما الجزء الثاني فهناك اقاويل بان العقد محدد المده ليس له مكافئه نهايه خدمه الا اذا اتم الموظف خمس سنين في الشركه التي يعمل بها و انا مش عارف هل الكلام ده صحيح ولا لا

شكرا لحضرتك مرة تانيه

النقطه الأولى بعد تلات سنين تروح تشتغل مكان ما نت عايز و لو الكفيل حب يعمللك حرمان لو معاك مؤهل عالي بتروح تدفع غرامة حوالي 5000 درهم و يترفع خلاص بدون ما تغادر

بالنسبة لمكافأة نهاية الخدمة هي حقك أيا كان نوع العقد و تحتسب انها تلت مرتب شهر لكل سنة اذا كانت الخدمة اقل من تلات سنين، و من تلات لخمس سنين تلتين مرتب شهر لكل سنة، و اكتر من خمس سنين مرتب شهر عن كل سنة

و يمكنك سؤال وزارة العمل عبر التلفون لإن الموقع بتاعهم قانون العمل مبقاش موجود عليه

[Clinical chemist]

يا جماعة انا كنت بسأل عن الوقت المستغرق لاصدار تأشيرة العمل بجهة حكومية بابوظبى وكذلك بالنسبة للزوجة والاولاد فى حال سفرهم معى منذ البداية.

هل السؤال صعب لهذة الدرجة :rolleyes:

[زعلان]

عزيزي اصدار التأشيرة قد يتم في بضعة ايام وقد ياخذ بضعة اسابيع حسب نشاط وهمة من يقوم بالاجراءات وحسب اهتمامهم بالموضوع لكن بصورة عامة التأشيرة ممكن تاخذ من 3 ايام لأسبوع بالكثير

طيب بالنسبة لزوجتك وابنائك بمجرد ما تأخذ الاقامة ممكن تعملهم تجيبهم وتعملهم اقامات بسهولة جدا وبنفسك و لو جهة العمل متكفلة بده المفوض تعمله حسب الاتقاف يعني سواء قبل او بعد وصولك

[Clinical chemist]

استاذ زعلان اشكرك لأهتمامك

لقد استفدت من ردك ولكن اذا ارسلت لى الجهة المعنية التاشيرة الخاصة بى فقط هل استطيع انا استخراج تاشيرات لعائلتى من سفارة الامارات فى مصر حتى يسافروا معى منذ البداية ام ان استخراجها يجب ان يتم الامارات بمعرفة جهة العمل.

ولك الشكر مقدما :rolleyes:

[زعلان]

الموضويع في الامارات سهلة واظن ان ده يعتمد على نوع التأشيرة و المهنة المذكورة فيها و المرتب المذكور في العقد و لو استفسرت في السفارة حيفيدوك ويساعدوك

لكن الي اعرفه ان طالما انت حصلت على الاقامة فانك بسهولة شديدة وبنفسك تقدر تجيبهم و تعملهم اقامات في فترة وجيزة جدا

[Clinical chemist]

استاذ زعلان اشكرك لأهتمامك

لقد استفدت من ردك ولكن اذا ارسلت لى الجهة المعنية التاشيرة الخاصة بى فقط هل استطيع انا استخراج تاشيرات لعائلتى من سفارة الامارات فى مصر حتى يسافروا معى منذ البداية ام ان استخراجها يجب ان يتم الامارات بمعرفة جهة العمل.

ولك الشكر مقدما :rolleyes:

[زعلان]

خد الموقع ده حيفدك عن دبي و المعاملات الحكومية

http://www.dubai.ae/

وده ابو ظبي

http://www.abudhabi.ae/