مغتربي الإمارات

[Clinical chemist]

شكرا جزيلا للأهتمام وسرعة الرد جزاك الله خيرا :rolleyes:

[EGYPTDNRD]

اخويا العزيز

لازم تدخل الدوله الاول

وتعمل الفحص الطبي وتثبت الاقامه علي جوازك الاول وبعد كده تقدر تجيب الاسره لاكن من السفاره مينفعش

اي استفتسار اخر .. حاضرين EGYPTDNRD

[Clinical chemist]

هذا يعنى استحالة سفر اسرتى معى منذ البداية بأية حال ولو بتأشيرة سياحية حتى؟؟

[محمد عيسى]

هذا يعنى استحالة سفر اسرتى معى منذ البداية بأية حال ولو بتأشيرة سياحية حتى؟؟

حتى لو ينفع ده يبقى خراب بيوت مستعجل و بهدلة عالآخر لانك هاتسكن في فندق مثلا او شقه فندقية و دي اسعارها في اسبوع حتكون غالبا اكتر من مرتبك كله، و كمان المفروض تيجي الاول تأجر شقة مناسبة (و دي مشكلة كبيرة جدا لندرة المعروض و المغالاه في اسعاره) و تفرشها و ده اثناء اجراءاتك ما بتخلص و تعملهم التاشيرة

و لو عايز النصيحة الصح متجيبش اسرتك غير بعد ما تجيب الشقة و تفرشها و تاخد رخصة و تجيب عربية .. غير كده حتتبهدل و تبهدلهم معاك و يبقى حرام عليك

[EGYPTDNRD]

انا اويد راي الاخ محمد عيسي لازم تيجي وتستقر ف البلد الاول وتلاقي سكن وتعمل الرخصه وتجيب العربيه وتجهز حالك انك تجيب الاسره غير كده هيتبهدلوا اوي والحياه هتبقي صعبه بيهم ف الاول.. اتكل علي الله وتعالي انت الاول وبعدين هما هييجوا..EGYPTDNRD

[Clinical chemist]

جزاكم الله خيرا اخوانى محمد عيسى وEgypt Dender على النصيحة

ولكن بالمناسبة استوقفنى نصيحتكم بان أحصل على رخصة القيادة اولا مع علمى بانها صعععععععععععععععبة جدا :blink: وتستغرق مدة طويلة قد تصل الى اكثر من سنة والحقيقة انى مهتم فعلا باستخراج رخصة القيادة سريعا حيث انى اعتدت على السيارة فى مصر فى كل تحركاتى، فبما تنصحونى للحصول على رخصة القيادة بابوظبى سريعا علما بانى حاضل على الرخصة بمصر منذ 13 سنة وقيادتى بشهادة الجميع متزنة و ملتزمة ونادرا مع احصل على مخالفات.

معلش بقه اتعشمت فيكم خير wst::

[ornatepeacock]

يا ريت تروح انت الاول لحد ما تشوف الاوضاع هناك و ترتب امورك و بعدين تشوف موضوع انك تجيب الاسرة ده

الافضل كمان تكتب تفاصيل عقد العمل علشان الاخوة يقولوا رأيهم اذا كان مناسب و كافي لاستقدام الاسرة أم لا

انت عارف ان ايجار شقة مكونة من غرفة و صالة في ابوظبي يصل الى 120 الف درهم سنويا

وتندفع على دفعتين أو ثلاثة بالكتير

ربنا يوفقك :blink:

[newcomer]

جزاكم الله خيرا اخوانى محمد عيسى وEgypt Dender على النصيحة

ولكن بالمناسبة استوقفنى نصيحتكم بان أحصل على رخصة القيادة اولا مع علمى بانها صعععععععععععععععبة جدا :lol: وتستغرق مدة طويلة قد تصل الى اكثر من سنة والحقيقة انى مهتم فعلا باستخراج رخصة القيادة سريعا حيث انى اعتدت على السيارة فى مصر فى كل تحركاتى، فبما تنصحونى للحصول على رخصة القيادة بابوظبى سريعا علما بانى حاضل على الرخصة بمصر منذ 13 سنة وقيادتى بشهادة الجميع متزنة و ملتزمة ونادرا مع احصل على مخالفات.

معلش بقه اتعشمت فيكم خير :rolleyes:

اطمن حضرتك.....

لو بتسوق باتزان و التزام.....يبقى ان شاء الله

هاتخد الرخصة من أول مرة

الكلام اللى حضرتك بتقوله ده....سمعته فعلا

و لما رحت امتحان الرخصة.....قابلت ناس

جاية تمتحن ل سادس و سابع مرة !!!

لكن ....بفضل الله

انا و جوزى ...خدنا الرخصة من اول مرة

الحمد لله

هو يمكن هم بيركزوا فى الامتحان على جزئية " الدوار"

اللى هوه الميدان فى مصرround about

لأنه منتشر جدا فى كل الأمارات

حد بس هايشرح لحضرتك ... استعمال الاشارات فى الدوار

حضرتك تعمل رخصة قيادة دولية من نادى السيارات فى مصر

قبل ما تيجى .....و بتقدر تستعملها طول ما الأقامة ماطلعتش

و تقدر تتمرن مرة او مرتين مع حد من اصحاب حضرتك

وإن شاء الله سهلة.....بالتوفيق

[Clinical chemist]

ربنا يريح قلبك طمنتينى والله لان موضوع العربية ده كان اكتر حاجة قلقانى.

على فكرة لكل من رد على انا اسف انى معرفتش نفسى لكم، أنا استشارى تحاليل طبية وان شاء الله عقدى سيكون تابع لشركة ابوظبى للخدمات الصحية ولسة معرفتش التفاصيل ولكن مبدئيا السكن فى حدود 180 درهم واعتقد انه يكفى لسكن جيد ، وهناك طبعا بدل تأثيث وبدل تعليم الاولاد، يعنى ده مبدئيا اللى اعرفه وادعولى بالتوفيق ونشوفكم قريبا بالامارات.

[roby]

السلام علكيم الاخ clinical chemist انا هضيف بس على الاخت new comer جزئية بسيطة لانها مشكورة ادتك كل المعلومات, الجزئية الوحيدة ان حضرتك تقدم رخصة اتوماتيك من الاول و تخلص نفسك اولا هنا كل السيارات الجديدة و المستعملة اتوماتيك ثانيا الامتحان فى الرخصة مبيكونش سهل وفى ناس بتسقط كذا مرة علما بأنهم بيسوقوا فى مصر لمدد تزيد عن 10 و 15 سنة مش عشان حاجة الا اننا فى مصر منعرفش اى قواعد مرور معمول بيها فى انحاء العالم .فالتركيز فى القواعد مع نقل السرعات و هما بيركزوا اوى فى حركة الجير و صوت الموتور فى الاخر وجع دماغ على الفاضى و زى مقولتلك حتى الهنود و البتغالة معاهم عربيات اتومامتيك موديلات التمانينات كمان و ربنا يوفقك انشالله لو ان 180 درهم بدل سكن ده مش عارف ممكن يكون فى اليوم و لا اكيد انت كتبت الرقم غلط يا دكتور

[محمد عيسى]

جزاكم الله خيرا اخوانى محمد عيسى وEgypt Dender على النصيحة

ولكن بالمناسبة استوقفنى نصيحتكم بان أحصل على رخصة القيادة اولا مع علمى بانها صعععععععععععععععبة جدا :) وتستغرق مدة طويلة قد تصل الى اكثر من سنة والحقيقة انى مهتم فعلا باستخراج رخصة القيادة سريعا حيث انى اعتدت على السيارة فى مصر فى كل تحركاتى، فبما تنصحونى للحصول على رخصة القيادة بابوظبى سريعا علما بانى حاضل على الرخصة بمصر منذ 13 سنة وقيادتى بشهادة الجميع متزنة و ملتزمة ونادرا مع احصل على مخالفات.

معلش بقه اتعشمت فيكم خير :ninja:

امتحان السواقه ليه كذا مرحلة و لو معاك رخصة مصرية بتمتحن المرحلة الأخيره فقط و هي القيادة في الشارع لكن فيه نظري 8 حصص لازم تاخدهم في مدرسة المرور في مصفح و دي مشكلتها انك تلاقي موعد قريب

اول ما تطلعلك الاقامه بتاخد شهادة من العمل و صورة من جواز السفر و تروح تفتح ملف في المرور يكون صالح لمدة 6 شهور و بعدرين تروح المدرسه تحدد موعد للنظري و انصحك تختار التدريب بالانجليزي علشان تلاقي مواعيد قريبه عن العربي و كمان زي ما قال الأخ الفاضل اختار اوتوماتيك من الأول و ان شاء الله تنجح من أول مرة

يا ريت تروح انت الاول لحد ما تشوف الاوضاع هناك و ترتب امورك و بعدين تشوف موضوع انك تجيب الاسرة ده

الافضل كمان تكتب تفاصيل عقد العمل علشان الاخوة يقولوا رأيهم اذا كان مناسب و كافي لاستقدام الاسرة أم لا

انت عارف ان ايجار شقة مكونة من غرفة و صالة في ابوظبي يصل الى 120 الف درهم سنويا

وتندفع على دفعتين أو ثلاثة بالكتير

ربنا يوفقك :lol:

ده في مصفح لكن في ابوظبي ممكن غرفه و صاله بـ 110 - 120

ربنا يريح قلبك طمنتينى والله لان موضوع العربية ده كان اكتر حاجة قلقانى.

على فكرة لكل من رد على انا اسف انى معرفتش نفسى لكم، أنا استشارى تحاليل طبية وان شاء الله عقدى سيكون تابع لشركة ابوظبى للخدمات الصحية ولسة معرفتش التفاصيل ولكن مبدئيا السكن فى حدود 180 درهم واعتقد انه يكفى لسكن جيد ، وهناك طبعا بدل تأثيث وبدل تعليم الاولاد، يعنى ده مبدئيا اللى اعرفه وادعولى بالتوفيق ونشوفكم قريبا بالامارات.

نشوفك قريب ان شاء الله

المبلغ ده ممكن يجيبلك شقة غرفتين و صالة في ابوظبي و عند البحث عن شقه انصحك انك تشوف في منطقة يتوفر فيها أماكن لركن السيارة تفاديا للمخالفات

[Clinical chemist]

شكرا للاستاذ محمد عيسى و roby

ودعواتكم بسرعة وصول العقد و ان تكون تفاصيله مناسبة ان شاء الله po::

[الرويناء]

حضرتك تعمل رخصة قيادة دولية من نادى السيارات فى مصر

قبل ما تيجى .....و بتقدر تستعملها طول ما الأقامة ماطلعتش

اظن ان الكلام ده مش بيميشى طالما التأشيره طالعه اقامه لا تستطيع استخدام الرخصه الدوليه انما تستخدم فقط فى تأشيره الزياره والله اعلم

[newcomer]

حضرتك تعمل رخصة قيادة دولية من نادى السيارات فى مصر

قبل ما تيجى .....و بتقدر تستعملها طول ما الأقامة ماطلعتش

اظن ان الكلام ده مش بيميشى طالما التأشيره طالعه اقامه لا تستطيع استخدام الرخصه الدوليه انما تستخدم فقط فى تأشيره الزياره والله اعلم

كلام حضرتك مظبوط.......

و هو اللى انا اقصده برضه....

انا افترضت ان التأشيرة بتبقى زيارة الأول

عموما انا كنت بتكلم على تجربتى الشخصية.....

بالتوفيق ان شاء الله فى كل الحالات.... .

تم تعديل 9 أبريل 2009 بواسطة newcomer

[Clinical chemist]

السلام عليكم يا اصدقائى بهذا الموضوع الجميل المفيد

عندى استفسار اخر، فقد صدقت على كل شهاداتى بوزارة الخارجية وانا اعلم انه يجب على الآن التصديق عليها من سفارة الامارات الا انى علمت ان تصديق الورقة تقريبا يفوق ال100 جنيه وانا كأستشارى اوراقى كثيرة وسمعت انه يمكننى التصديق من سفارة مصر بالامارات فهل هذا صحيح ؟ وكم يتكلف من وقت ومال؟؟

جزاكم الله خيرا على ردودكم الودودة السريعة

[محمد عيسى]

سؤال تانى معلش هو انا وثقت كل الاوراق والشهادات بتاعتى من ادارة الجامعه اللى انا تابعه ليها ومن الخارجيه

بس فى ناس بتقول انه لازم تتوثق من سفاره الامارات نفسها والا مابيكونش ليها لزمه

طبعا سفاره الامارات التوثيق فيها الورقه ب175 جنيه لو عادي لو مستعجل250 جنيه

كمان الفيش والتشبيه بيتوثق من الخارجيه ولا اصلا مالوش لزمه لانهم من ضمن الطلبات اللى طالبينها مننا شهاده حسن سير وسلوك فقالوا فيما معناها هو الفيش والتشبيه وووووووو اصلا عملاه من 3 شهر بس هما اللى اتاخروا فى الفيزا فعلشان كدا انتهي

هو فعلا لازم يتوثق من سفارة الإمارات، و الشهادات بتتوثق الأول في المكتب التعليمي التابع للسفاره في شارع شهاب بالمهندسين، بس فيه حل تاني و اسهل من كده طالما اتوثقت من الخارجيه خلاص، و هو انك نيجي بيها الإمارات بدون توثيق و بعدين توثقيها من السفارة المصريه بابوظبي و الخارجية الاماراتيه، و هنا الاجراءات سهله و محترمه مفيهاش الطوابير اللي في الشارع زي مصر و ده اللي عملته

ما اعرفش موضوع الفيش ده بس اعتقد شهادة حسن السير و السلوك دي بتطلع من مكان العمل .. ده تصوري بس مش معلومة مؤكدة

السلام عليكم يا اصدقائى بهذا الموضوع الجميل المفيد :waf:

عندى استفسار اخر، فقد صدقت على كل شهاداتى بوزارة الخارجية وانا اعلم انه يجب على الآن التصديق عليها من سفارة الامارات الا انى علمت ان تصديق الورقة تقريبا يفوق ال100 جنيه وانا كأستشارى اوراقى كثيرة وسمعت انه يمكننى التصديق من سفارة مصر بالامارات فهل هذا صحيح ؟ وكم يتكلف من وقت ومال؟؟

جزاكم الله خيرا على ردودكم الودودة السريعة :aslam:

[Clinical chemist]

اوكى يا استاذمحمد

بس السؤال التصديق من السفارة فى الامارات بيتكلف كام, يمكن يكون اغلى من التصديق فى مصر.

[bobozoro]

السلام عليكم ورحمه الله وربكاته

انا سعيد لوجود مثل هذا المنتدي, حيث اني اشعر بالوحده في دبي, انا مبرمج كمبيوتر اعمل في دبي لاكثر من سنه الان, سعدت بايجاد هذا المنتدي وارجو ان نفيد بعض في الخير انشاء الله

[لماضة مصرية جدا]

بسم الله الرحمن الرحيم

إخواني المغتربين ....بعد ان قرأت ما كتب في هذا الموقع قررت فتح موضوع لمغتربي الإمارات و الهدف منه حاجتين إتنين:

1- إنو نحاول نتلم مع بعض في بلد زي الإمارات يسكنها غالبية غير عربية.

2-تقديم الصورة الواقعية للإمارات و أسلوب المعيشة فيها بدون خيالات و لا تضخيم.....

و طبعا أنا شخصيا عامل الصفحة دي عشان البند التاني لأنو ياااااااما شفنا ناس كانت جاية و جايبه معاها الفاس و الغلق عشان تغرف

المهم :

أنا محاسب / محمد أحمد الشاطر

و تليفوني 00971505046443

و تحت الأمر في أي إستفسار عن الوضع و على كل حال أنا إن شاء الله متابع كل يوم و حزود الصفحة بكامل المعلومات أول بأول و الله ولى التوفيق

أستاذ شاطر

ميرسي كتير ع الفكرة بتاعتك

و الحقيقة هي كانت هتبقي حلوة أوي لو كان الواحد مثلا قاراها قبل ما يسافر

مع إني معرفتش إيه هو الغلق اللي ممكن نستخدمه عشان نغرف لأن آخر معلوماتي هي الكبشة اللي بنغرف بيها الملوخية إلا إني عرفت إن الإمارات متفرقش عن أي بلد خليجي.....الموت البطيء

نفسي حد يتكلم عن البنات و مشاكلهم......بنتعرض لحاجات و حكايات تنفع تتعمل مجلدات

مش عايزة أطول عليك ....و لا أطول مش إنت جناب العمدة بتاع الإمارات...ميرسي مرة تانية....أختك لماضة

[محمد عيسى]

اوكى يا استاذمحمد

بس السؤال التصديق من السفارة فى الامارات بيتكلف كام, يمكن يكون اغلى من التصديق فى مصر.

اغلى حاجه بسيطه لا تذكر المهم السلاسة و السرعه