مغتربي الإمارات

[engmido]

الاخ روبى ...ايه ده هو محدش بيخش غيرك هنا واللا ايه .........اللهم اجزك عنا خير الجزاء

على كده لو انت مدخلتش محدش هيرد علينا :) ...هى الناس راحت فين ;)

[alaashabana]

انا عندى حرمان وشغال فى المنطقة الحرة

[خالد شحاته]

سؤال للاخوه في الامارات

لو انا مقيم في الامارت والشركه صفت ونزلت الناس نهائي هل ممكن انقل كفاله في شركه تانيه وسمعت ان في الامارات اشهر حرمان اتمني لو حد يعرف يفيدني واشكركم

ايوة فى حالة استغناء الشركة عن الموظف بيكون له الحق الانتقال لاى شركة تانية و مبيكونش فى اى حرمان او غرامات

الاخز العزيز وكم تكلفه نقل الكفاله في حاله استغناء الشركه عن الشخص

[roby]

سؤال للاخوه في الامارات

لو انا مقيم في الامارت والشركه صفت ونزلت الناس نهائي هل ممكن انقل كفاله في شركه تانيه وسمعت ان في الامارات اشهر حرمان اتمني لو حد يعرف يفيدني واشكركم

ايوة فى حالة استغناء الشركة عن الموظف بيكون له الحق الانتقال لاى شركة تانية و مبيكونش فى اى حرمان او غرامات

الاخز العزيز وكم تكلفه نقل الكفاله في حاله استغناء الشركه عن الشخص

لن تكون هناك اى تكلفة اضافية على الموظف او الشركة الا تكلفة استخراج فيزا العمل الطبيعية عند استقدام اى موظف جديد للشركة

[mohandes madany]

اهلا بيكم, انا مصري ساكن في الامارات من 12 سنة, بشتغل مهندس في بلدية أبوظبي, لو عندكم استفسار خشوا على موضوعي بعنوان"العمل و الحياة في الامارات" و انا مستعد اجاوب على استفساراتكم عشان هنا الصفحات كتيرة .

[engmido]

الاخ روبى - السلام عليكم بما انك الوحيد اللى بتخش تسال علينا ارجو الرد على استفسارى

شركة ديوا ارسلوا لى ميعاد المقابلة وطالبين :

صورة من جواز السفر

4 صور شخصية خلفية بيضاء

شهادة التخرج

بيان بالمرتب اللى هنا (مش عارف ايه ده - مش عارف ارد اقول ايه بصراحة)

المهم لاستخراج الجواز انا لسه معايا بطاقة قديمة فيها بيانات منزل والدى - المهنة طالب بكلية الهندسة

والمقابلة خلاص مافيش وقت هل فيه مشكلة لاستخراج الباسبور كده مع العلم انى معايا صورة من شهادة الجيش ( معاف مؤقت لس ال 30 )

معلش انا مستغرب من حاجة انه لسه مفيش مقابلة ولا حاجة ولا مثلا نجحت وطالبين الورق ده معناه ايه؟؟؟؟؟؟؟؟؟؟؟؟؟؟؟؟؟؟؟؟

وشكرا يارياسة

[roby]

الاخ روبى - السلام عليكم بما انك الوحيد اللى بتخش تسال علينا ارجو الرد على استفسارى

شركة ديوا ارسلوا لى ميعاد المقابلة وطالبين :

صورة من جواز السفر

4 صور شخصية خلفية بيضاء

شهادة التخرج

بيان بالمرتب اللى هنا (مش عارف ايه ده - مش عارف ارد اقول ايه بصراحة)

المهم لاستخراج الجواز انا لسه معايا بطاقة قديمة فيها بيانات منزل والدى - المهنة طالب بكلية الهندسة

والمقابلة خلاص مافيش وقت هل فيه مشكلة لاستخراج الباسبور كده مع العلم انى معايا صورة من شهادة الجيش ( معاف مؤقت لس ال 30 )

معلش انا مستغرب من حاجة انه لسه مفيش مقابلة ولا حاجة ولا مثلا نجحت وطالبين الورق ده معناه ايه؟؟؟؟؟؟؟؟؟؟؟؟؟؟؟؟؟؟؟؟

وشكرا يارياسة

بالنسبة لجزئية الجواز فمقدرش بصراحة اقولك هل وجود طالب فى خانة الوظيفة هتأثر فى شئ و لا لا وإن كنت افضل انك مدام كدة كدة هتطلع لسه باسبور فطلع بطاقة رقم قومى بتعديل الوظيفة و العنوان بالمرة وده هيدعم موقفك قدامهم بالنسبة للتجنيد لانك قولت اعفاء مؤقت لسن 30 و ممكن الربط بين الوظيفة فى الجواز كطالب و بين الموقف التجنيدى على انه اعفاء لمدة حتى انتهاءالدراسة و برضه دى تكهنات مش قول فصل .

اما فيما يخص المرتب فممكن يكون مطلوب المرتب الحالى و المتوقع من جانبك لتقاضيه منهم فى الحالة دى اكتب الرواتب اللى انا قولتهالك و بالنسة للمرتب الحالى اذكره مش هتفرق ده سؤل تقليدى فى دول الخليج كلهاو هدفه بس ان الشخص اللى هيعملك المقابلة يبقى فاهم ممكن يضغط عليك فى المرتب اد ايه و خد بالك الزيادة بشكل مبالغ فيه مثلا فى المرتب الحالى بتلفت انتباهم لان غالب بيكون فى دراسات لمرتبات السوق الداخلى او الخارجى فنصيحتى هنا لو انت هتقدم كل ده فى المقابلة خلى جزئية المرتب الحالى ده للمناقشة فى المقابلة و اكتفى بذكر المرتب المتوقع لو هما طالبينه دلوقتى.

بالنسبة لانهم طلبوا الورقيات دى كلها وبعدين المقابلة هتم فده عادى ممكن ناس بتوظف برضه منغير حتى مقابلة و يجيلك اوفر مثلا بالايميل بناءا على السى فى بتاعك بس و على ما فهمت منك انك شغال فى وزارة الكهرباء فى مصر يعنى نفس الشغل تيبيكال بتاع ديوا فطبيعى لاتقلق وابقى طمنى بالتوفيق باذن الله.

[samooo]

السلام عليكم

بخصوص شركة ديوا للمياة ...هيا كانت طالبة تخصصات اية ...وهل فية منقابلات اتعملت ولا لاء ..وياريت لو تكرمت حد يجيب ليا ايميل شركة ديوا

ممكن ..اكون شاكر ليكم

[الرويناء]

السلام عليكم جميعا يامغتربى الامارات

انا وصلت الحمدالله من يوم 3 فى الشهر ونسكن فى ديسكفرى جاردنز ياريت لو عيله ساكنه معانا او قريب منا نتواصل معاهم

ياحسن فعلا الواحد هيبتدى يزهق

اغلب العماره هنود والوحيده اللى شوفتها شكلها مصرى قولتها سلام عليكم مرضتش

وللاسف جوزى معندوش اصحاب هنا واللى يعرفهم مش متجوزين

وحتى الاولاد مش واخدين على كده بنتى سنتين ونص بتسأل على جيرانا فى مصر

رحوا فين؟ مشيوا ليه؟

وابنى بيشوف الاولاد تحت بس اغلبهم هنود والتواصل صعب حتى بالانجليزى بيقولى مافيش حد بيعرف عربى شويه

وجوزى شغله فى ابوظبى بيرجع طبعا تعبان وخلاص اليوم تقريبا خلص

انا حاولت انزل الجنينه يمكن نشوف حد نتعرف عليه بس تقريبا المصريين مبيحبوش الجنينه شوفت اغلب الجنسيات الا مصريين

وشكرا

تم تعديل 19 مايو 2009 بواسطة الرويناء

[samooo]

السلام عليكم

بخصوص شركة ديوا للمياة ...هيا كانت طالبة تخصصات اية ...وهل فية منقابلات اتعملت ولا لاء ..وياريت لو تكرمت حد يجيب ليا ايميل شركة ديوا

ممكن ..اكون شاكر ليكم

محد شمن الاخوة الكرام رد على سؤالى ممكن اعرف اقدم فين وشكرا ليكوا ....انا كنت فى الامارات قبل كدة

[زعلان]

اهلا بالروبناء في دبي احنا كنا ساكنين في الجاردنز و بعدين نقلنا على بر دبي

[الرويناء]

السلام عليكم

اهلا بيك ليه بس انتقلتوا يلا بالتوفيق

عاوزه أسال احنا اقامتنا تبع ابوظبى وعاوزه اقدم على رخصه (معنديش رخصه مصرى)ممكن اقدم فى المدرسه هنا فى دبى وافتح ملف هنا ولا لازم ابوظبى

[زعلان]

لا ابدا احنا نقلنا بر دبي علشان اقرب لوالدة زوجتي بس انا بحب بصراحة الجاردنز و شايفها منطقة جميلة ومناسبة انتوا ساكنين في الديسكفري جاردنز البنايات الدورين ولا في بنايات اعمار الطويلة ولا في البنايات الصغيرة الاربع طوابق (الجاردنز) الجديدة

موضوع الرخصة ده ممكن يفيدك فيه السندباد خليني اتصل بيه و أتأكد منه

هو زوج حضرتك بيشتغل ايه

[الرويناء]

العمارت القصيرة 4 ادوار ديسكفرى جاردنز اسمها الزين تقريبا

وجوزى بيشتغل اوركل فايننشل

والف شكر لحضرتك

[زعلان]

اتصلت بمركز بالحصا لتعليم قيادة السيارات بيقولوا لازم تاخدي موافقه من ابوظبي الاول و تيجي بيها تعبي الفورم عندهم ومفيش مشاكل

ده موقع حكومة دبي شروط استخراج الرخصة و فيه وصلات للمدارس المعتمده للتعليم

http://www.dubai.ae/ar.portal?topic,drivli..._pageLabel=home

[زعلان]

هو اوركل فينانشيل يعني بيشتغل في المالية على برامج اوركل ولا هو مطور برامج محاسبية ومالية - معلش اصلي جاهل بالموضوع ده اول مره اسمعه وربنا يكون في عونه بيروح ابو ظبي كل يوم

[الرويناء]

اللى انا فاهمه برضه انهم بينزل برامج الحسابات ويدربوا المحاسبين عليها ويعدلوا فيها على حسب طبيعه الشركه

[roby]

السلام عليكم جميعا يامغتربى الامارات

انا وصلت الحمدالله من يوم 3 فى الشهر ونسكن فى ديسكفرى جاردنز ياريت لو عيله ساكنه معانا او قريب منا نتواصل معاهم

ياحسن فعلا الواحد هيبتدى يزهق

اغلب العماره هنود والوحيده اللى شوفتها شكلها مصرى قولتها سلام عليكم مرضتش

وللاسف جوزى معندوش اصحاب هنا واللى يعرفهم مش متجوزين

وحتى الاولاد مش واخدين على كده بنتى سنتين ونص بتسأل على جيرانا فى مصر

رحوا فين؟ مشيوا ليه؟

وابنى بيشوف الاولاد تحت بس اغلبهم هنود والتواصل صعب حتى بالانجليزى بيقولى مافيش حد بيعرف عربى شويه

وجوزى شغله فى ابوظبى بيرجع طبعا تعبان وخلاص اليوم تقريبا خلص

انا حاولت انزل الجنينه يمكن نشوف حد نتعرف عليه بس تقريبا المصريين مبيحبوش الجنينه شوفت اغلب الجنسيات الا مصريين

وشكرا

حمد لله على السلامة و انشالله اقامة سعيدة , بالنسبة للجناين مش هتلاقى عرب كتير فى الوقت ده لان الصيف دخل خلاص انما فى الشتا ممكن تلاقى ناس تتعرفى عليهم و الاولاد يلعبوا مع بعض قدامكم انا ارشح حديقة الصفا دى تانى تقاطع فى الشيخ زايد و ممكن توصللها برضه من شارع الوصل انما برضه ده فى الشتا ,بالنسبة للصيف حاولى تتشتركى فى اى جيم حواليكى هتلاقى اكيد لو انى معرفش الديسكفرى اوى انما ده مكان تجمع و ممكن تكونى فى صداقات بالذات سيدات البيوت فى الصبح و بالتوفيق.

[المر]

السلام عليكم

انا عندى سؤال بالنسبة لمستشفى العين هل هى مستشفى كويسة. لانى جالى عرض عمل بها و مش عارف أقبله و لا أرفضه .

يا ريت اللى عنده فكره عن مستشفى العين بمدينة العين يتفضل و يقولها.

جزاكم الله كل خير

:ninja: wst::

[كرم احمد]

الاخوة المصريين فى الامارات السلام عليكم

لو فية مغسلة فى الشارقة - تحديدا البطينة وفى شارع كويس وبها ماكينة غسيل 10 كيلوا ودراى كلين 15 كيلوا و2 مكبس منهم واحد لم يستخدم بالاضافة الى ترخيص للمحل بميزانين ولكن لم ينفذ وبها 2 عمال هنود منهم عامل على كفالة المغسلة وجارى استخراج عدد 2 فيزة عامل ولديها تعاقد مع 4 محلات كوى + فندقين

ممكن سعرها يوصل لكام

وشكرا