مغتربي الإمارات

[لماضة مصرية جدا]

ربنا يوفقكم

بس بالنسبة للمصريين في الغربة على الكلام اللي قاله كتير قابلي في المحاورات

أنا مرة سألت نفسي سؤال وبعدين سالته لكام شخص من اللي حوليا وكانت الإجابة واحدة

والسؤال هوه هل الناس اللي بتيجي من مصر هي فعلا عينة سيئة وبتسيء للمصريين في الغربة؟؟ ولا المصريين اللي بييجوا للغربة دول أصلا عينة كويسة بس هي اللي بتتغير لمجرد إن الهدف الوحيد لهم من أول ما يحطوا رجلهم بره مصر هو الفلوس بس وبينسوا أي حاجة تانية واي أخلاق كويسة زي المجدعة وشهامة إبن البلد؟؟

طبعا كان الاختيار لجميع من وجهت السؤال ليهم هو الاختيار الثاني

السلام عليكم و رحمة الله و بركاته

حبايبي الحلوين...اللي في الغربة متشحتفين

يمكن أنا أول مرة بالنسبة ليا إني أخش ع الموقع و أشوف الموضوع اللي إنتو فتحتوه

الحقيقة أنا بؤيدكم جدا جدا في إن إحنا نتجمع....خلينا نحدد يوم مثلا و يكون علي حسب الإمارات المختلفة

أنا فعلا هنا حاسة بوحدة شديدة

آه الشوارع حلوة و المولات مكيفة....بس مافيش ناس تكلمها...تهزر معاها و تفهم الإيفيه من أول مرة من غير ما ترزع جملتين تفسير بعده

و ع العموم بالنسبة لبعض الناس اللي بنقابلهم و بيكونوا مش كويسين..... خلاص يا جدعان سيبوهم لربنا

لو عايزين نعمل حاجة حلوة ليه نقعد نقلب ع نفسنا المواجع

ع فكرة أنا أول ما جيت هنا أخدت شلوت محترم من مواطن مصري...يعني م اللي خير جواااااااااه و النيل روااااااااااه

بس ببساطة جدا بعد ما حطيت مرهم بعد آثار الشلوت....خلاص حذفته من قاموس غربتي

في كل حتة ناس كويسة و ناس بندعيلها تبقي كويسة

ممكن بقي نتفق ع ميعاد نتجمع فيه

لماضة- أبو ظبي

لو حددتم معاد معلش قولولي ع الإيميل ده

eye_can_see@yahoo.ca

في النتظاركم يا وحووووووووووووووووووووووووووش

[samooo]

هو اوركل فينانشيل يعني بيشتغل في المالية على برامج اوركل ولا هو مطور برامج محاسبية ومالية - معلش اصلي جاهل بالموضوع ده اول مره اسمعه وربنا يكون في عونه بيروح ابو ظبي كل يوم

بص ياباشا اوراك فايناشال دة عبارة عن ..يندرح تحت حاجة اسمها erpودة يتم شراءة من شركة اوراكل يعنى مثلا لو فى الامارات يبقى من شركة اوراكل الى هيا عند الانترنت سيتى ....طيب دلوقتى البرنامج جاى ابيضمحتاجين ناس تقسمى وتزبطة على حسب طبيعة الحاجة ..فدة شغل بقى Oracle Financial Consultantودة بيجى يقعد مثلا مع رئيس الحسابات رئيس الحسابات يقلة مثلا انا عاوز الموازنة كذا وتعملى مثلا Chart Of Account كذا حاجات خاصة بلبرنامج ..وبعد كدة يقعد يعمل حاجة اسمها امبليمنت ..وبعد كدة يعملها تيست ويدرب المحاسبين علية ودة شغلة جامد جداااا...اتمنى تكون فهمت وانا تحت امرك يا استاذ يامن

[roka]

ممكن لو سمحتوا للسه عاملين إقامات عايزة أعرف بقوا بيعملوا تحليل لفيرس سى ولا لأ أو لو ممكن حد يقدملى خدمة ويتصل ويسأل

جزاكم الله خير

[زعلان]

الي عرفته انهم بيعملوا تحليل لفيرس سي و للايدز كمان هي ولو شغال في قطاع الصحة او المطاعم او مصانع الاكل او الادوية بيعملوا فحص للصدر للسل و الدرن

[matzakos]

ربنا يوفقكم

بس بالنسبة للمصريين في الغربة على الكلام اللي قاله كتير قابلي في المحاورات

أنا مرة سألت نفسي سؤال وبعدين سالته لكام شخص من اللي حوليا وكانت الإجابة واحدة

والسؤال هوه هل الناس اللي بتيجي من مصر هي فعلا عينة سيئة وبتسيء للمصريين في الغربة؟؟ ولا المصريين اللي بييجوا للغربة دول أصلا عينة كويسة بس هي اللي بتتغير لمجرد إن الهدف الوحيد لهم من أول ما يحطوا رجلهم بره مصر هو الفلوس بس وبينسوا أي حاجة تانية واي أخلاق كويسة زي المجدعة وشهامة إبن البلد؟؟

طبعا كان الاختيار لجميع من وجهت السؤال ليهم هو الاختيار الثاني

السلام عليكم و رحمة الله و بركاته

حبايبي الحلوين...اللي في الغربة متشحتفين

يمكن أنا أول مرة بالنسبة ليا إني أخش ع الموقع و أشوف الموضوع اللي إنتو فتحتوه

الحقيقة أنا بؤيدكم جدا جدا في إن إحنا نتجمع....خلينا نحدد يوم مثلا و يكون علي حسب الإمارات المختلفة

أنا فعلا هنا حاسة بوحدة شديدة

آه الشوارع حلوة و المولات مكيفة....بس مافيش ناس تكلمها...تهزر معاها و تفهم الإيفيه من أول مرة من غير ما ترزع جملتين تفسير بعده

و ع العموم بالنسبة لبعض الناس اللي بنقابلهم و بيكونوا مش كويسين..... خلاص يا جدعان سيبوهم لربنا

لو عايزين نعمل حاجة حلوة ليه نقعد نقلب ع نفسنا المواجع

ع فكرة أنا أول ما جيت هنا أخدت شلوت محترم من مواطن مصري...يعني م اللي خير جواااااااااه و النيل روااااااااااه

بس ببساطة جدا بعد ما حطيت مرهم بعد آثار الشلوت....خلاص حذفته من قاموس غربتي

في كل حتة ناس كويسة و ناس بندعيلها تبقي كويسة

ممكن بقي نتفق ع ميعاد نتجمع فيه

لماضة- أبو ظبي

لو حددتم معاد معلش قولولي ع الإيميل ده

eye_can_see@yahoo.ca

في النتظاركم يا وحووووووووووووووووووووووووووش

ههههه دمك خفيف قوي يا لماضة .... ضحكت من قلبي بعد ما كنت قربت أنسى الضحك في البلد دي ....

كل كلامك سليم وموافقك عليه 100 في ال 100 . ...

موضوع نتجمع ده ... نتجمع فين وازاي ؟؟

[roka]

أستاذ زعلان جزاك الله خير انا برضه كنت عرفت كده وانا أصلى زوجى كان هناك فى شهر 8وعمل الأقامة ولكنه رجع فى شهر واحد

أنا كنت بتأكد لأنى كنت سمعت أنه من أول السنة القادمة هيطبق وهو ناوى يرجع إن شاء الله

[الرويناء]

أنا فعلا هنا حاسة بوحدة شديدة

آه الشوارع حلوة و المولات مكيفة....بس مافيش ناس تكلمها...تهزر معاها و تفهم الإيفيه من أول مرة من غير ما ترزع جملتين تفسير بعده

بالضبط ده يالماضه اللى انا حاسه بيه الواحد مخنوق جدا وبيحسد الهنود اللى تلاقيهم متجمعين مع بعض وعملين جروبات

ربنا يرزقنا الصحبه الصالحه

[roby]

أنا فعلا هنا حاسة بوحدة شديدة

آه الشوارع حلوة و المولات مكيفة....بس مافيش ناس تكلمها...تهزر معاها و تفهم الإيفيه من أول مرة من غير ما ترزع جملتين تفسير بعده

بالضبط ده يالماضه اللى انا حاسه بيه الواحد مخنوق جدا وبيحسد الهنود اللى تلاقيهم متجمعين مع بعض وعملين جروبات

ربنا يرزقنا الصحبه الصالحه

اكتر جالية بحسدها على تجمعاتها الفليبنين مش ممكن كمية الترابط ده والاجتماعية اللى هما فيها مش بس كدة دول بياخدوا من بعض السى فى ويقدموها فى شركاتهم حتى لو المعرفة كانت زمالة شغل قديم بس او جيران فى اى مكان ,انا بحس ان المشكلة فى الكسل المسيطر علينا كعرب ده فى المقام الاول و عدم الاختلاط كمصريين .

انا مثلا زوجتى مش معاية لسه انما زمايلى المصريين فى الشركة جابوا زوجاتهم وقاعدين فى نفس العمارة اللى انا فيها و من نفس المرحلة السنية و مع ذلك مشوفتش اى نوع من الاختلاط بينهم و بالرغم من انى متاكد ان نفس الشعور اللى بتحكوا عنه ده اكيد هما حسينه .

انا تخيلى ان الشخصية المصرية اصبحت منطوية و منعزلة جدا و نافرة اجتماعيا مش بس فى الغربة لكن فى ارض الوطن معتقدش ان الجيران بتسأل على بعضها او حتى الترابط العائلى اللى كان زمان لسه موجود الا من رحم ربى طبعا .

[mouna]

اختي الرويناء حاسة فيك تمام لانه هيك صاير معي تركنا مدينة الخبر واجينا دبي البلد حلوة بس لايوجد فيها حياة اجتماعية ابدا ابدا شوفي حتى بيوتها لايوجد بها الا غرفة صغيرة للجلوس بالسعودية البيت فيه صالون مجلس هون ابدا كأنه ببلد غربي حتى المولات اغلبية الموجود الاجانب والهنود , نصحونا بالسكن بالشارقة لانه حنحس برمضان وفي عرب وسوريين والبيوت واسعة وهيك عملنا وكانت السكنة بالشارقة كارثة ايه نعم البيت كبير بس لايوجد احد يأتي لعندك لانه الطرق دائما زحمة .

اخذت شهادة السواقة واحيانا بذهب مع قريبتي على المول اوالسينما او نفسح الاطفال بس افتقد بشدة الحياة الاجتماعية بالسعودية وصاحباتي

إن شاء الله إذا بقينا في هالبلد حنقل بالصيف على المارينا او البرشا لاني نقلت الاولاد وسجلتهم بالشويفات

وإن شاء منتعود وممكن كمان نرجع سعودية الله يختارلنا الخير

ايه استفسار عن البلد اسأليني وإذا بعرف بجاوبك إن شاء الله

[الرويناء]

انا مثلا زوجتى مش معاية لسه انما زمايلى المصريين فى الشركة جابوا زوجاتهم وقاعدين فى نفس العمارة اللى انا فيها و من نفس المرحلة السنية و مع ذلك مشوفتش اى نوع من الاختلاط بينهم و بالرغم من انى متاكد ان نفس الشعور اللى بتحكوا عنه ده اكيد هما حسينه .

انا تخيلى ان الشخصية المصرية اصبحت منطوية و منعزلة جدا و نافرة اجتماعيا مش بس فى الغربة لكن فى ارض الوطن معتقدش ان الجيران بتسأل على بعضها او حتى الترابط العائلى اللى كان زمان لسه موجود الا من رحم ربى طبعا

والله انا مش معاك روبى انا عشت فى السعوديه كنت فى مكان فيه تجمع مصريين كتير كنا 3 ابرج متصلين اغلبهم مصريين اتعرفنا على ناس كتير جدا وعملنا صداقات مع ناس نحسبهم على خير كانت عشره حلوة جدا منتهى الترابط ولو يوم حد تعب ولا واحده حملت ولا ولاده الناس كلها بتسأل عليها وتزورها وتعرض خدماتها والله واحده معانا صادفاتها الولاده وجوزها كان مسافر مؤتمر ومقدرش يرجع واحد وجوزها ودوها المستشفى وواحده اقامت معاها وواحده خدت عيالها وكل يوم واحده تقضى معاها اليوم

واحلى مافى الموضوع كان فيه كل يوم دورس حفظ قران وتفسير ومحاضرات دينيه وبعض السيدات اللى دراسه من معاهد اعداد دعاه كانوا بيدوا دروس

كانا نتصل ببعض بكره فيه درس كذا فى المكان الفلانى او البيت الفلانى ولو واحده غابت فتره عن الدروس ولا مكان التجمعات تلاقى تليفونات كتير فينك لعل المانع خيرا

وانا كان جوزى ليه مشاكل مع الشركه من عدم الممانعه وكده والمدير كان ساكن معانا برضه ومراته صحبتنا كل يوم واحده تتصل عملتوا ايه وايه الاخبار طب احنا ممكن نقدم ايه ممكن نكلم فلانه وجوزها (بس طبعا المشكله مع الكفيل السعودى والمدير مالوش دخل) ولغايه دلوقتى لما نزلت مصر ولما جيت الامارات بيكلمونى ويبعتوا رسايل ايه اخباركم وفى المناسبات

ومش بتكلم هنا على واحده ولا اتنبن انا بتكلم فيما مالا يقل على عشره او اكتر ده غيرسلامات بتوصلنى من ناس كتير

وفى مصر والله ناس كتير كويسه ولسه بتعرف حق الجار احنا جيرانا فى مصر شققنا كلها مفتوحه على بعض وهما اقرب لينا من اهلنا حتى فى اغلب الاوقات

يعنى مثلا لما كنت قاعده فى مصر لوحدى كله بيعرض خدمات واى حاجه تحتاجيها ولما اجى اسافر كله بيساعد اللى بيلم شنط واللى بيفضى الدولايب واللى هياخد باله من العفش ويلمه والله بسيب شقتى مفتوحه وهما يلموها كلها ويقفلوها

ديه مش حاله نادره شفت ناس كتير بس طبعا بدرجات

فعلشان كده احنا حاسيين بالوحده جامد جدا واكتر من الناس كلها ابنى لما بينزل يلعب بيقولى كلهم هندين وبيتكلموا وانا مش بفهم هما بيقولوا ايه وفرح جداااااا لما شوفنا واحدمصريه ولعب مع ابنها شويه وكان بيقولى انا متحمس والنهارده يوم سعيد(متأثر بالكارتون) بس للاسف نازله مصركمان كام يوم ومش هترجع وايه كان المفروض ابنها هيكون مع ابنى فى نفس الفصل

بس برضه الكلام اللى قولته كله ده لايمنع ان الواحد بياخد كل فتره شلوت من واحد مصرى وده انا شايفه انه طبيعى لان مش كل اللى بيسافروا ملائكه ولا برضه كلهم شياطين برضه لان ناس كتير بتفكر انا مسافر ومتغرب وسايب اهلى علشان الفلوس يبقى هيا فى المرتبه الاولى الباقى مش مهم

يلا انا طولت عليكم بس الواحد افتكر الايام الجميله والعشره الطيبه وربنا يرزقنا جميعا الصحبه الصالحه

[mouna]

اختي الرويناء قرأتي ردي السابق قبل اخر رد لك

[الرويناء]

اه قريته وشكرا ليكى كتير

انا برضه بقول بالكتير لو الواحدخرج يدخل الولاد ملاهى ويفسحهم وبس

وكده انا شاءا الله ولادك هيكونوا مع ابنى هما فى سنه كام ?انا ابنى فى G1

ويمكن تسكنى قريب منا ونتعرف على بعض ان شاء الله

[BONOFREEZ]

السلام عليكم انا من مشجعين المنتدى ده وكنت متابعه من ايام مكنت فى مصر وكانت الناس بصراحة بتمدنى بالمعلومات اللى انا محتاجها جزاهم الله خير الجزاء

بس بصراحة شوفت دعوات كتير لمحاولات انا احنا نتجمع ونساعد بعض بس مشوفتش اى نتيجة يمكن كل واحد مشغول فى حياته والناس نسيت الجو بتاع مصر السؤال عن بعض والترابط اللى موجود حتى لو الواحد فاضى زى حالاتى بس ملوش دماغ يعمل اى حاجة

وخصوصا انى ربنا كتبلى ان اجى اشتغل فى العين حيث الناس نايم ومحدش صاحى غيرى ومشفتش حد من ساعه ما جيت

وليا سؤال للاخوة اللى معاناا فى المنتدى بالنسبه لموضوع الحرمان 6 شهور لو فى اى تفاصيل عنه واتفاديه ازاى عشان انقل شغل تانى

و ربنا يوفقك جميع المسلمين ان شاء الله

[زعلان]

على فكرة عن طريق المنتديات في ناس كتيرة اتعرفت سواء عن طريق منتدى الهايد بارك سابقا او عن طريق المحاورات او عن طريق شؤن مصرية او الواحة وانا شخصيا عملت صدقات طيبة من خلال هذه المنتديات يمكن بعد ما الصيف يخلص نعمل لقاء لبعض اعضاء المحاورات في المنتدى في الامارات الي عايز يقدم السي في بتاعه

[الرويناء]

السلام عليكم

بس عايزه اسأل كذا سؤال

اولا حملات عمره وحج اذا حدجربهم من هنا وياريت فكره عنهم يعنى كام يوم؟ وبكام؟

ثانيا هو هنا مافيش محلات جزاره او جزارين بس اللحوم الموجوده فى تلاجه السوبر ماركت لان انت وحظك اللى بتلقيه يعنى ماينفعش مثلا تطلب قطع معينه ؟

ثالثا برضه محلات حلوانى غربى وشرقى مش حلوى عمانيه وكده الحلويات الشرقيه بتاعتنا وتورت وجاتوه

وسوال تانى خاص بالمنتدى ازاى بنعمل اقتباس من رد سابق

وشكرا ليكم

تم تعديل 28 مايو 2009 بواسطة الرويناء

[زعلان]

طبعا في جزارين في الجمعيات الاستهلاكية زي كارفور و جمعية الاتحاد ممكن تطلبي من الجزار القطعة الي انت عايزها و بقطعهالك زي ما انت عايزه او روحي جزارين الشارقة في محلات جزاره هناك وفي اظن في منطقة ديرة بعد نفق الشندغه اكثر من جزار بس تأكدي انه جزار عربي مصري او سوري

بالنسبة للحلويات في محلات حلويات شرقي كثير منها الحلاب وده موجود قبل النفق الي بيودي على سيتي سنتر ديره اذا استخدمتي جسر القرهود وله فروع تانيه وحاجته كويسه

بالنسبة للاقتباس بتضغطي على ايقونة اقتباس و بعدين بتروحي لاضافةتعليق بيبقى الي اقتبستيه موجود في صندوق اضافة التعليق

تم تعديل 28 مايو 2009 بواسطة زعلان

[roby]

السلام عليكم انا من مشجعين المنتدى ده وكنت متابعه من ايام مكنت فى مصر وكانت الناس بصراحة بتمدنى بالمعلومات اللى انا محتاجها جزاهم الله خير الجزاء

بس بصراحة شوفت دعوات كتير لمحاولات انا احنا نتجمع ونساعد بعض بس مشوفتش اى نتيجة يمكن كل واحد مشغول فى حياته والناس نسيت الجو بتاع مصر السؤال عن بعض والترابط اللى موجود حتى لو الواحد فاضى زى حالاتى بس ملوش دماغ يعمل اى حاجة

وخصوصا انى ربنا كتبلى ان اجى اشتغل فى العين حيث الناس نايم ومحدش صاحى غيرى ومشفتش حد من ساعه ما جيت

وليا سؤال للاخوة اللى معاناا فى المنتدى بالنسبه لموضوع الحرمان 6 شهور لو فى اى تفاصيل عنه واتفاديه ازاى عشان انقل شغل تانى

و ربنا يوفقك جميع المسلمين ان شاء الله

اخى الكريم ارجعى لمشاركتى رقم 224 فى المنتدى وسوف تجد اجابة كاملة بخصوص خطاب عدم الممانعة و نقل الكفالة بالتوفيق.

[ahmed el hady]

السلام عليكم

بس عايزه اسأل كذا سؤال

اولا حملات عمره وحج اذا حدجربهم من هنا وياريت فكره عنهم يعنى كام يوم؟ وبكام؟

ثانيا هو هنا مافيش محلات جزاره او جزارين بس اللحوم الموجوده فى تلاجه السوبر ماركت لان انت وحظك اللى بتلقيه يعنى ماينفعش مثلا تطلب قطع معينه ؟

ثالثا برضه محلات حلوانى غربى وشرقى مش حلوى عمانيه وكده الحلويات الشرقيه بتاعتنا وتورت وجاتوه

وسوال تانى خاص بالمنتدى ازاى بنعمل اقتباس من رد سابق

وشكرا ليكم

اختى الفاضلة انتى بتقولى انك فى ديسكفرى جاردن وجنبك جيان فى ابن بطوطة فيه قسم اللحوم هتلاقى الى انتى عايزاه

[roby]

السلام عليكم

بس عايزه اسأل كذا سؤال

اولا حملات عمره وحج اذا حدجربهم من هنا وياريت فكره عنهم يعنى كام يوم؟ وبكام؟

ثانيا هو هنا مافيش محلات جزاره او جزارين بس اللحوم الموجوده فى تلاجه السوبر ماركت لان انت وحظك اللى بتلقيه يعنى ماينفعش مثلا تطلب قطع معينه ؟

ثالثا برضه محلات حلوانى غربى وشرقى مش حلوى عمانيه وكده الحلويات الشرقيه بتاعتنا وتورت وجاتوه

وسوال تانى خاص بالمنتدى ازاى بنعمل اقتباس من رد سابق

وشكرا ليكم

-بالنسبة للحج و العمرة انا بعد بحث اكتر من سنتين زميل لى فى العمل ذكر لى حملة اسمها الضيافة للحج و العمرة هوه كان طلع معاهم السنة اللى فاتت عمرة رجب و الحقيقة انا كلمتهم و حسيت انهم مريحين و انشالله يكتبلى معاهم عمرة السنة دى ده موقعهم بس الاسعار اللى فىه اسعار السنة اللى فاتت انما مبدأيا هما افضل اسعار انا شفتها لحد دلوقتى مقارنة بالاماكن اللى بياخدوها www.aldeyafa.ae

-بالنسبة للحوم كما ذكر الاخ الكريم سوق ديرة بالشندغة للحوم و السمك كمان لكن الازمة الوحيدة فى الركن هناك يعنى هتوصلوا فى النهاية لحل واحد زوج حضرتك هيقعد يلف بالعربية لحد اما انتى تشترى و تركبى معاه وللامانة برضه انا اشتريت سمك و جمبرى من هناك اكتر من مرة و حلو فعلا و ارخص من الهايبر ماركتس لكن اللحمة مجربتهاش من هناك.

-الحل بقى السحرى اللى انا اتبعته للحمة لانى طباخ ماهر( 3 سنين من الكوارث المطبوخة للوصول للحلول دى) بشترى من كارفور ديرة سيتى سنتر ريش ضأن نيوزلاندى او استرالى و اتبلها و اشويها تانى يوم فى شواية الفرن , او فخدة ضأن او زند برضه استرالى او نيوزلاندى بتبقى حوالى 3 كيلو و محطوطة فى طبق و صابحة برضه اخيرا و ليس اخرا بقى مكعبات استرالى لليخنة Aust. stew دى بقى للخضار تبقى هايلة .

-طبعا فى محلى و فى مصرى كمان فى كارفور بس عايزة تقفى مع اللى بيقطع و تقوليله من هنا و هنا و انا مليش فى الكلام ده بس ابعدى عن البرازيلى خالص لحمة ناشفة و مش حلوة برضه الباكستانى و الهندى ليهم ريحة مش حلوة.

-الحلويات الشرقية مش هفيدك فيها لانى مليش فيها اوى انما انا الغربية تورت و جاتوهات من اللولو او كارفور عادة بجيب بيكونوا صابحين و كويسين .

[لماضة مصرية جدا]

السلام عليكم و رحمة الله و بركاته

حبايبي برضه الحلوين

مبسوطة طبعا بردودكم و اللي حسستني إن اللي بحس بيه ده حاجة بيمر بيها كل اللي زيي.... الحمد لله علي كل حال

الحقيقة اللي لفت نظري في كل الحوار اللي كان بينا ..... إن إحنا في مراحل كتير من حياتنا مش بنسيب النموذج السيء يطغي علينا و دي حاجة مهمة جدا

الحاجة بقي الأهم هي المبادرة....يعني الواحد يبتدي بنفسه

يعني ممكنيتواجد مع ناس مختصرين و في حالهم بس يبدأ نكش بسيط معاهم.... و حبة بحبة قطرة الماء المتواصلة هتكسر الحجر

الأخت الرويناء.....جميل إنك عندك رصيد من الذكريات لعشرة طيبة....بس الجميل اللي فيها برضه إنك فكرتيني بحبة الفوشار عارفة ليه؟؟؟

لأنها مع الحرارة (أي موقف صعب أو فيه تحديات) بتطلع احلي ما فيها و بعدين بتنط بره الحلة..... معلش سامحي تشبيههي بس أنا عايزة أقولك نطي برة الحلة

يمكن يا خد وقت بس أنا قريت إن متعة خطواتنا ع الطريق أكبر من متعة الوصول نفسه

و إنتي عند مفاتيح كتيرة من ذكرياتك اللي قبل كده

يعني ممكن تسألي علي حلقة تحفيظ قرآن في مكان قريب منك

و تكون دي بداية رحلتك خارج الحلة

ع فكرة......أنا لسه بتقلب في الزيت السخن.....بس مصممة إني أنط بره الحلة

لمااااااااااااااااااااااااااضة