مغتربي الإمارات

[BONOFREEZ]

اولا بحب اشكر الاخت لماضه على الرد والاهتمام

ثانيا الجزء بتاع خطاب عدم الممانعه هو عبارة عن ايه وهيشيل منى حرمان 6 شهور لانى لسه مكملتش سنة فى الشغل وهيبىق فى غرامه ولا لا وبرده ايه هيا فيزا منطقه حرة لانى لسه جديد ومعنديش خبرة كافيه يالقوانين بصراحة بس واضح انى اتقرطست

على فكرة انا العقد بتاعى مكتوب فى الجزء بتاع المدة (غير محدد) كنت عاوز اعرف دى فى صالحى ولا ضدى

وجزاكم الله خير الجزاء

[roby]

اولا بحب اشكر الاخت لماضه على الرد والاهتمام

ثانيا الجزء بتاع خطاب عدم الممانعه هو عبارة عن ايه وهيشيل منى حرمان 6 شهور لانى لسه مكملتش سنة فى الشغل وهيبىق فى غرامه ولا لا وبرده ايه هيا فيزا منطقه حرة لانى لسه جديد ومعنديش خبرة كافيه يالقوانين بصراحة بس واضح انى اتقرطست

على فكرة انا العقد بتاعى مكتوب فى الجزء بتاع المدة (غير محدد) كنت عاوز اعرف دى فى صالحى ولا ضدى

وجزاكم الله خير الجزاء

خطاب عدم الممانعة هو خطاب موافقة الكفيل على نقل كفالتك الى كفيل اخر والخطاب يلغى حرمان الستة أشهر الا انه ستطبق عليك غرامة بما انك لم تكمل السنة الاولى

-فيزا منطقة حرة هى فيزا تصدر للشركات التى تعمل بالمناطق الحرة و تستخرج لموظفيها فيزا منطقة حرة و فى حالة الانتقال الى مثل هذه الشركات فان عدم الممانعة غير مطلوب

-عقد غير محدد المدة يعنى عدم مقدرتك تغيير الكفالة الا بعد 3 سنوات من العمل فى حالة تعثر حصولك على خطاب عدم ممانعة

[magedo]

سلام عليكم

انا يا جماعه الحمد لله طلعت عمره من فتره مع شركه اسمها النهده للحج والعمره بس كان ساعتها كنت فى الشارقه قبل ما ربنا يكرمنى و انقل الجاردنز

قعدت حوالى تلت ايام فى المدينه وتلاته فى مكه و كانت تكلفتها حوالى 2250 درهم شامله التذكره و التاشيره والاقامه من غير تكلفة الانتقالات

بس صراحه معرفش رخيصه ولا غاليه اعتقد ليهم فرع فى دبى و ده ارقامهم 0507578830-0553876736 و فعلا اللى اتفقنا عليه لقيته فى السعوديه و الفنادق كانت اربعة نجوم و قريبه جدا من الحرم

[الرويناء]

السلام عليكم جميعا

وشكرا لكل من قام بالرد على اسئلتى وطبعا استفادت منها جدا وجزاكم الله خيرا

[ترافلر مان]

ولله يا أخ أحمد هذه فكرة جديدة ان تعمل جزء للمغتربين في الامارات وجعلتني أدخل علي الموقع بعد فترة انقطاغ دامت سنة و 8 ايام

انا من الناس المهتمين جدا بلم شمل المصريين ليس في الامارات ولاكن في العالم كله, انا بحب بلدي جدا واحترم كل من هو مصري حتي لو كان ايه .

احب اعرف نفسي اسمي محمد واعيش بدبي واعمل في مجال التدريب اشتغلت في عدة اماكن بدبي وانا هنا من 2006 ولكن لعدم الإستقرار الوظيفي كانت هذه الفترة متقطعة نزلت مصر في هذه الفترة سنة ونصف ورجعت من شهر ونصف بظبط واعمل الأن كمدرب مستقل بارت تايم في المنطقة الحرة بقرية المعرفة بجبل علي دبي حتي أجد الوظيفة الثابتة كمدرب في مجال خدمة العملاء والمبيعات والاتصالات

هل عندك معلومات عن الاقامة في المنطقة الحرة بجبل علي انا علي حد علمي بأنها لا تتبع العمل والعمال بل الهجرة والجوازات فقط

وهل اذا جائني عرض افضل

هل من السهل ان اترك هذا العمل

وهل هناك شروط قانوية يضعها كفيلي في المنطقة الحرة حتي لا اتركه بسهولة

للعلم انا ماذال لدي اقامة سارية حتي 2010 ولكن كفيلي اعطاني فرصة في الفترة الأخيرة حتي أجد عمل اخر ويطالبني الأن بنقل الاقامة.وانا طلبت منه ان يتركني شوية وحسب دماغة ممكن يصمم اي وقت اني انقلها

والله المستعان

وشكرا

[roby]

معلش انا مش عارف افيدك اوى لان الفيزا المنطقة الحرة دى ليها قواعد تانية لما تسيب الشغل على الرغم من انها اسهل طريقة فى حالة انك هتتنقل على فيزا حرة الا ان نقل الكفالة منها له قواعد تانية انما نصيحتى انك تتجه لمبنى المنطقة الحرة فى جبل على مكانه فين بالظبط انا معرفش لكن انا متأكد من وجوده لان شغال مطار دبى و جنب المنطقة الحرة فى مطار دبى و فى مبنى فعلا و تخليص اوراق و استفسارات عن الاقامة و ربنا يوفقك

[mustafa]

انا مهندس كهرباء مصرى عايز انقل شغل فى المنطقة ال حرة لو حد عندة دليل للشركات دى زى المقاولات او الاستشاريين ياريت يفدنا

مع الشكر

[amr fahmy]

باجماعة كنت عاوز اعرف معلومات عن امارة راس الخيمة , و ماهى اسعار الايجارات و المعيشة هناك و هل يوجد بها مولات و هل تطل على بحر او شاطى , و ماهو الحد الادنى لقبول عرض عمل هناك علما باننى محاسب اول تكاليف و معايا CMA فضلى فيه بارت 4 و معايا كورسات فى الجامعة الامريكية Advanced Stage at General English و كورسات فى البرامج المحاسبية المتكاملة و خبرة 5 سنوات

[amr fahmy]

ايه ياجماعة فين الردود

[amr fahmy]

ايه ياجماعة فين الردود

[roby]

باجماعة كنت عاوز اعرف معلومات عن امارة راس الخيمة , و ماهى اسعار الايجارات و المعيشة هناك و هل يوجد بها مولات و هل تطل على بحر او شاطى , و ماهو الحد الادنى لقبول عرض عمل هناك علما باننى محاسب اول تكاليف و معايا CMA فضلى فيه بارت 4 و معايا كورسات فى الجامعة الامريكية Advanced Stage at General English و كورسات فى البرامج المحاسبية المتكاملة و خبرة 5 سنوات

امارة رأس الخيمة من الامارات الهادية اوى هنا وهى تطل على البحر فعلا والمعيشة هناك معقولة نسبيا اما السكن فالتكلفة اقل من دبى او ابوظبى يعنى غرفتين و صالة هيكلف 30,000-40,000 درهم سنويا ولو انت عازب ممكن تلاقى استديو او غرفة شيرد و دى ارخص كتير كمان اما المولات او الخروج فدى الازمة لان مفيش غير سبينس و كارفور او اللولو مش متذكر و بس على كدة .

فيما يخص المرتب اذكر العرض اللى معاك ايه الظبط و انا اقولك ينفع ولالا.

[amr fahmy]

بص انا لسه مستلمتش عرض رسمى و لكن انا طلبت 8000 راتب اساسى 3500 بدل سكن و 1500 بدل انتقال و سيارة و انا متزوج و عندى بنت علما بان مرتبى فى مصر حوالى 5000 ج شهريا

[roby]

بص انا لسه مستلمتش عرض رسمى و لكن انا طلبت 8000 راتب اساسى 3500 بدل سكن و 1500 بدل انتقال و سيارة و انا متزوج و عندى بنت علما بان مرتبى فى مصر حوالى 5000 ج شهريا

بص هو كبداية مش وحش بس انا عايزك متنزلش عن الرقم ده وهقولك ليه ,اولا 3500 دول هيروحو فعلا للسكن (2 غرفة و ريسبشن فى رأس الخيمة) وكهرباو ميه قول 500 درهم ,1500 هيجبولك عربية بالتقسيط وهتغطى كمان البنزين والمعيشة هتكلفك حوالى 2000 درهم شهريا لو انت و مراتك و بنتك يعنى كدة الصافى هيكون من 5 الاف الى6 الاف درهم شهريا انشالله ده لو بنتك صغيرة مفيش مدارس انما لو كبيرة فالمدارس العدلة شوية تبتدى من15,000 درهم فى السنة غير باص و لبس يعنى تخصم 1500 كدة شهريا للتعليم , وشوف موقف التأمين ايه لان العلاج هنا غالى جدا جدا

[لماضة مصرية جدا]

السلام عليكم و رحمة الله و بركاته

عزيزتي الرويناء

أولا أنا آسفة جدا مردتش عليكي اللابتوب صحته مش عاجباني آديلها أسبوع دلوقتي..... تقريبا سمع حورانا عن الفوشار و الحلو و ابتدي يعاني من أعراض سخونة مفاجئة

أتمناكي بالف خير

لماضة

هتلاقيني واقفة في أي مول جمب أي صديق بيبيع فوشااااااااااااااااااار

عقدة بقي م الطفولة..........هههههههههههههه

[زعلان]

اظن ان اايجارات في رأس الخيمة رخيصة جدا وفي نزول مستمر مع الازمة كذلك عجمان و حتى الشارقة وبعض مناطق دبي

[matzakos]

الأخ اللي بيسأل على رأس الخيمه.... بلد الحياة فيها منعدمه يعني أنا شايف بصراحة ان دخلك في مصر يعيشك كويس ... صحيح يمكن ما بتشيلس منه حاجه للزمن بس لو أخدت قرار السفر على السعر اللي انت ذكرته ده صدقني هتقع في فخ كبير .... متهيألي هتقدر تشيل في حدود 2000 درهم شهرياً بس هتفقد أمامهم أشياء كثير ... حياة إجتماعية = صفر ... بنتك هتكبر بعيد عن جو مصر وعن الأهل و القرايب ... أنت نفسك هتلاقي نفسك عايش في وحده انت وزوجتك ..... الحياه في الامارات عامة - و خاصة في الامارات الصغيرة _ حياة مميته

القرار لك في النهاية و ربنا يوفقك للأصلح

[amr fahmy]

الاخ Matzakos احب اعلق على ردك فى بعض النقاط:-

- قصة ان اى شخص ميعملش حساب الزمن و يحوش قرشين ينفعوه هو و ولاده ويقول اصل انا عايش وسط اهلى و ناسى كلام مش مضبوط لان التضخم فى مصر عالى جدا و لازم تعمل حساب الزمن لان الادخارات بعد الله طبعا تمثل للشخص نوعا من الامان

- قصة اصل احنا عايشين فى مصر بين الاهل و الاقارب برده كلام مش منطقى لانك تقدر تعمل زيارات لاهلك و سهلة القصة دى فى الامارات , ثانيا ياعم ده احنا بقنا فى غربة جوه بلدنا انا بنزل من البيت الساعة 7 و شغلى من 8 الى 5 و برجع فى مظم الاحيان 7 البلد بقت زحمة اوى و خنقة و ازداد معدل الجريمة و عدم الامان و اكل شى فيها فى النازل فمن وجهة نظرى مبقتش مصر بتاعة زمان يبقى لو جه العرض المناسب تروح تعملك قرش احسن.

- انا مستغرب من كلام حضرتك ان الواحد يحوش 2000 درهم فقط يعنى لو السكن متامن و كمان بدل السيارة و الانتقالات هل حاصرف انا و اسرتى المكونة من 3 افراد 5000 درهم اكل و شرب؟؟؟؟ اشك فى هذا الكلام و لى اقارب يعيشون فى الخليج محدش قللى هذا الكلام .......

و شكرا لك على ردك و اهتمامك............

[زعلان]

العرض بتاعك يا اخ عمر ممتاز بالنسبة لك وخصوا لأنه في {اس الخيمة وفي ظل الاوضاع الحالية حيث ان العروض تراجعت جدا وأظن والله اعلم ان السكن مش حيكلفك كثير وانك ممكن تحصل سكن جيد بسعر مناسب سواء في امارة رأس الخيمة او عجمان حتى تكون قريب من الشارقة و دبي لقضاء اجازة نهاية الاسبوع بالنسبة للمبلغ الي ممكن يكون زائد عن حاجتك و حاجة اسرتك وتخليه للادخار طبعبا يبفرق من شخص للثاني ولكن برضه لأنك مش في دبي او أبو ظبي ومعندش مشكلة السكن وأزمة المواصلات سيكون الفائض لديك افضل مما لو كان العرض نفسه في دبي او أبو ظبي وطالما ان كل شيء مؤمن مثل ما ذكرت فاتمنى لك التوفيق ان شاء الله وتكون تجربة ناجحة و تستمتع بحياتك اينما كنت

[amr fahmy]

شكرا لك اخى الكريم على ردك و اهتمامك

[matzakos]

أنا نصحتك لوجه الله

الحياة مش بس أكل و شرب ..... تكاليف الاتصالات ، الماء و الكهرباء ، تأمين على السيارة ، مخالفات مرور ، فسح ( و اللا مش ناوي تخرج من البيت )، أكل خارج البيت ، مشريات أجهزةكهربية ، و ألعاب أطفال ( الامارات بلد مغرية جداً في الشراء و مستحيل وبكرر مستحيل تمنع نفسك من الشراء خاصة لما تلاقي كل الناس حواليك بتشتري ) ، مشتريات ملابس ، هدايا وانت نازل ....الخ

أنا كل اللي بقولهلك ده بعد خبرة الغربه ...و أتمني انك تقدر تفاوض على زيادة الراتب شوية علشان ما تجيش هنا وترجع تحس

بالندم

ده من الناحية المادية ...أما من ناحية الاجتماعيات ...ردك ده مش نابع من تجربة ... عموماً جرب ...التجربة خير دليل ....وراجع أقوال الناس المستجدين في البلد - في نفس الموضوع ده يمكن صفحتين للخلف- ...هتعرف معنى انك تعيش في معسكر عمل مع فسح نمطية لا تختلف أبداً يوم عن يوم.

مرة أخرى انا كل اللي عاوز أوصلهولك ...انك هتضحي بحاجات كتير ...يبقى المقابل لازم يكون كبييييييييير

و الله الموفق