مغتربي الإمارات

[roby]

تانى عشان بس منلخبطش الراجل معانا , يا اخ عمرو العرض اللى معاك مناسب لمجال عملك و خبرتك و كمان للامارة اللى انت جاى عليها يعنى لا عالى و لا قليل ,انا شايف ان امكانياتك ما شاء الله كويسة وخبرتك معقولة رأيى الشخصى حاول تزود الف او اتنين فى الاساسى منفعش توكل على الله و تعالى اهوه جرب عجبك الحال كملت هنا انشالله معجبكش ترجع مصر و انشالله رزقك موجود فى كل الحالات .

[amr fahmy]

الاخ Matazakos احب اقولك يعنى الاتصالات و تامين السيارة و الحاجات اللى انت ذكرتها دى حتعمل 3 او 4 الاف درهم شهريا ؟؟؟؟ ياسيدى انا والدى قعد فى السعودية فى الدمام 12 سنة و اهل مراتى بقلهم فى السعودية حوالى 19 سنة الان فانا اعرف معنى الغربة جيدا , وبعدان و هو فى مصر فى غير الشغل و الفسح النمطية ياسيدى لو ركزت فى كلامى السابق هتلقيه كله صح و بعدان الواحد رايح اصلا لهدف الادخار و عشان كده اكيد مش اى حاجة تعجبنى حجيبها ...... انا شايف ان حضرتك متعلق بمصر اوى و لهى انا كنت زمان زيك كده و لكن صدقنى مبقتش مصر اللى يتحزن عليها اوى زى زمان ................

[matzakos]

السعودية يا عزيزي تختلف بالكلية عن الامارات ...(اضرب السعوديه في 3 = الامارات) وأسأل أي حد جرب البلدين.

عموماً يا عزيزي أنا كان يهمني مصلحتك قبل كل شئ .... ربنا اللي عالم أنا أتمني كل الخير لأهل بلدي وربنا يوفقك ان شاء الله.

بالمناسبة أنا موجود في دبي ولما تيجي بالسلامة ان شاء الله أكيد هنكون على اتصال.

ربنا يكرمك و يباركلك.

[لماضة مصرية جدا]

السلام عليكم و رحمة الله و بركاته

إزيكم حبايبي الحلوين

النهاردة تابعت موضوع الأخ عمرو و كمان ردود كل الناس اللي ردت عليه و الحقيقة أنا مع الأستاذ "متزقش....مش عارفة بنطقها صح و لا لأ" Matzoks

إحنا بنفضل في مصر و اللي بيجبرنا للخروج هو إحساس الظلم و الخنقة و قلة الحيلة و خاصة و إنت حاسس إنك مليان طاقة و عندك أفكار كتيرة....بس للأسف واقع الشغل بقي فيه ثقافة تانية الواحد مبقاش قادر يفك طلاسمها

و لما بنيجي في الغربة بنقضي في البداية شهر العسل.....يعني الراحة....الطمأنينة....راحة البال و نبص لنفسنا في المراية و إحنا مبسوطين إن إحنا أخدنا قرار السفر

و بعد بقي شهر العسل يا ولاد

هتلمس بنفسك حاجات كتيرة قالها أخونا "متزقش"....الحياة الاجتماعية.....الونس....الأهل اللي بتسأل علي بعضها.....غتاتة أصحابك القدام....خناقات مع الجزار و البقال و بتاع البطيخ اللي بيغصبك تشتريها مع إن إنت عارف إنها قرعة

بصوا هي حاجات و تفاصيل صغيرة.....مش ممكن نقارنها بفكرة الادخار و إن الواحد يحوش حاجة لزمن متقلب متغير

بس خلي بالك إن في يوم هتحسها..... يبقي تستعد ليها عشان مترجعش تندم

أنا رأيي الشخصي إنك تجرب السنة الأولي.... و الأهم تحط لنفسك هدف هو إنت جاي ليه

عايز شقة....عربية.....عمارة......إن شالله فلوكة....بس لازم هدفك يكون واضح قدامك عشان متلقيش الغربة أخدتك

أنا عايشة في أبو ظبي.... مدينة جميلة....هادية....راقية

فيها مولات....فيها أسواق.... و فيها ناس أشكال و ألوان

بس الحياة مش كلها شرا و بضاعة و هدايا....و إلا هتحول لتاجرة شنطة

أنا فيه حاجة نقصاني مش عارفة إيه

كانت نقصاني و أنا في مصر بس مش وجعني غيابها

هنا ناقصاني ووجعاني

حد فهم حاجة

و لا انا

أتمناك بألف خير

و ربنا ييسر ليك الأمور

و صلي استخارة كويسة و ربنا إن شاء الله هيكون معاك منين ما تكون

لمااااااااااااااااااااااااااضة

وضعوني في إناء و قالوا لي تأقلم

و قد ضاق إنائي بنموي فتحطم

[الرويناء]

انا اشهد ان كلام الاستاذ متزقش( ماليش دعوة لو غلط لماضه هيا اللى قالت وانا معرفتش اقراه بصراحه )

المهم انا اشهد ان كلامه صح كتيرا وطبعا كلام لماضه انا مبتكلمش على عروض واسعار انا بتكلم عن الحياه الحياه ياناس اللى مش اكل واشرب واروح الشغل وان زهقت اروح المول ثم مول اخر ثم مول وثالث ورابع وهكذا

بتكلم عن الدفء والونس وحد يسأل عليك و يتكلم معاك ان شاالله حتى يتحشر ويتدخل فى شؤونك

معلش الاخ بيسأل عن عرض جاله وانا داخله بالعرض بعلق على الكلام سورى تنفيس غربه وقله كلام بعيد عنكم

[الرويناء]

تعليق بسيط

اى حد حينزل مصر او فى مصر حاليا كله الا بياعين البطيخ اوصيكم بيهم خيرا انتوفى نعمه مش حاسين بيها كيلو البطيخ لسه شايفه فى جيان ب10 درهم لقيت نص البطيخه ب48 درهم :happy:

[اشرف جابر]

ياهلا بيك وبمسعداتك ياباشا أخوك محاسب خبرة 11 عاما وعاوز فرصة عندك بالأمارات ماهى نصيحتك

[matzakos]

الأخت الفاضله لماضه و الأخت الفاضله الرويناء

أشكركم لمداخلتكم .... بس اسمي المستعار هو " ماتزاكوس " و ليس ما "تزقش" ... و ماتزاكوس ده راجل يوناني كان المدير بتاعي في يوم من الأيام ( أيام ما كنت باشتغل في أبوظبي)

وده كان أرخم مدير ممكن حد يبتلى بيه .... فسميت نفسي باسمه علشان لما افتكره وافتكر المدير الحالي و رخامته هو كمان أعرف ان انا في نعمه أحسن من الأول.

أما بالنسبة لموضوع البطيخ ...فده مش جديد يا رويناء ... طيب ما تشوفي سعر المشمش كام و سعر الخوخ كام و غيره وغيره من الفواكه

و الله لما باشوف كده بقول يا عيني عليك يا بلدي ...أحسن فواكه و بأرخص الاسعار ...لكن ربنا ينتقم من اللي خلوا العيشه فيها قاسية على أهلها.

[matzakos]

على فكرة ...الناس اللي لسه عندها احساس حب مصر أنصحكم تشوفوا فيلم " دكان شحاته " ...الفيلم موجود في سينمات دبي.

أنا رحته انا ومراتي في الفيستفال سيتي ....لقينا الناس خارجه من الحفله اللي قبلنا وهي بتعيط ...أه و الله شفت بعينيا واحد ومراته بيعيطوا موت .... مراتي قالتلي يمكن كانوا بيتخانقوا هوا ومراته جوه و مقطعين بعض لدرجة العياط.

و لما خرجنا من الفيلم ..... كنت انا ومراتي عاملين زي الراجل و مراته اللي شفناهم دول و قلتلها أكيد اللي هيشوفنا دلوقتي هيقول علينا كنت مقطعين بعض جوه.

مصر بكل ما فيها ....... فيها حاجه بتشدنا ليها .... و العمر بيجري و من غير مصر بنضيييييييع .

[ahmedkamal]

على فكرة ...الناس اللي لسه عندها احساس حب مصر أنصحكم تشوفوا فيلم " دكان شحاته " ...الفيلم موجود في سينمات دبي.

أنا رحته انا ومراتي في الفيستفال سيتي ....لقينا الناس خارجه من الحفله اللي قبلنا وهي بتعيط ...أه و الله شفت بعينيا واحد ومراته بيعيطوا موت .... مراتي قالتلي يمكن كانوا بيتخانقوا هوا ومراته جوه و مقطعين بعض لدرجة العياط.

و لما خرجنا من الفيلم ..... كنت انا ومراتي عاملين زي الراجل و مراته اللي شفناهم دول و قلتلها أكيد اللي هيشوفنا دلوقتي هيقول علينا كنت مقطعين بعض جوه.

مصر بكل ما فيها ....... فيها حاجه بتشدنا ليها .... و العمر بيجري و من غير مصر بنضيييييييع .

لا عادي مش افلام خالد يوسف هي اللي هتعرفنا مصر ياسيدي مصر فيها سلبيات من زمان واللي سافر بره مصر بيقدر يشوفها اكتر لانه باختصار شاف والكلام ده من زمان من الثمانينات ومصر فيها السلبيات ده ومحصلش ثورة جياع ولا حاجه

والخليج من زمان وهو كده وبنشتغل ف الخليج وننزل مصر لا بنرتاح ف الخلييج ولا برنتاح ف مصر

فبقى التوجه الغالب الهجره وده معظم اللي بيلجا له العاملين ف الخليج

[matzakos]

تصدق يا أخ أحمد كمال أن موضوع الهجرة ده فعلاً فكرت فيه كتير ...لولا إني قريت فتوى بتحريم الهجرة لبلاد الكفر الا للضرورة مثل العلاج أو ماشابه .

وقتها بس غيرت رأيي و رجعت عن موضوع الهجرة ده

[tamer nazieh]

أخوتي الاعزاء

اود ان استفسر منكم علي الجمارك علي السيارات عند دخولها مصر...حيث انني كنت في زيارة لاخي بالامارات وذهبت معه لشراء سيارة له من معرض في الفجيرة حيث يعمل...وعندما اوضح لصاحب المعرض انه سوف يعود بها لمصر لاحقا نصحه صاحب المعرض بشراء سيارة 1600س س ..او اقل ولا ياخذ السيارة التي اعجبته(1800س س) لان فرق الضرائب علي الفئات الاعلي من 1600س س اعلي بكثير جدا.......فارجوا منكم توضيح هذا الامر و ما هي فئات الضرائب و هل كلام صاحب المعرض صحيح.........و جزاكم الله كل خير

[roby]

أخوتي الاعزاء

اود ان استفسر منكم علي الجمارك علي السيارات عند دخولها مصر...حيث انني كنت في زيارة لاخي بالامارات وذهبت معه لشراء سيارة له من معرض في الفجيرة حيث يعمل...وعندما اوضح لصاحب المعرض انه سوف يعود بها لمصر لاحقا نصحه صاحب المعرض بشراء سيارة 1600س س ..او اقل ولا ياخذ السيارة التي اعجبته(1800س س) لان فرق الضرائب علي الفئات الاعلي من 1600س س اعلي بكثير جدا.......فارجوا منكم توضيح هذا الامر و ما هي فئات الضرائب و هل كلام صاحب المعرض صحيح.........و جزاكم الله كل خير

معلش اتأخرت عليك فى الرد بس كنت فى عمرة عقبال الجميع و مبسوط ان الناس اتكلمت و اتناقشت فى فترة الغياب دى و قريت كل الردود كمان و متغيبوش عن الموضوع لانى فعلا بحب الموضوع ده جدا

المهم عودة لسؤال الأخ الكريم فعلا اللى قاله البائع فى المعرض صح مية فى المية لحد 1600 سى سى الجمارك بتكون 40% من سعرهاالاساسى اما بعد كدة بتدخل فى شرائح تتعدى النسبة دى بكتير اوى ,انا بس احب انوه على نقطة مهمة ان لو اخوك هيقضى اكتر من خمس سنين مثلا فى الخارج يبقى اوك ساعة العودة تقريبا السيارة بتكون سعرها اقل شوية من مصر انما لو اقل من 5 سنين يبقى حرام لان السعر هيكون عالى يمكن اد سعر مصر لان القيمة الجمركية بتستنزل بنسبة 10% عن اول سنة و بعدين 5% عن كل سنة بعد كدة ده غير طبعا الضرايب انواعها ده لينك بيشرحلك الفئات و القيم الجمركية المستحقة و مفيد جدا

http://www.mfa.gov.eg/missions/uae/abudhab...c/carenterance/

[القرموطى]

السلام عليكم اخوانا المصريين الافاضل ...

انا كنت عضو قديم اوى يجى من سنتين كده واختفيت فى ظروف غماضه وبعد كده رجعت تانى بس سبحان الله ولا واحد من الحرس القديم هنا ... مش عارف هو الناس ليها معندهاش نفس كده عشان تعافر مع المنتدى بتاعها ...

اولا احىى كل الناس الى هنا على الحوار الراقى الجميل الى هنا والى للاسف مش موجود فى كتير من المنتديات العربية ... حياكم الله جميعا

ثانيا هعرفكم بنفسى انا اسمى بدر اسكندرانى حتى النخاع تقدروا تقولوا كده بيجرى فى عروقى رمل وميه مالحه مدير مشاريع اى تى ( تقنيه معلومات يعنى ) وليا هنا فى الامارات تقريبا 4 سنوات ... مقيم فى ابو ظبى ولكن لى علاقة وطيدة بالشارقه ...

ومره تانيه تشرفت بالناس الى هنا جميعا وارجوا ان اقدر اضيف شىء للموضوع الجميل ده وارجو اننا فعلا نقدر نكون تجمع طيب او على الاقل رابطه جيده تشرف المصريين ...

زى ما الزولات كده رفعين راس السودان عاليا بترابطهم الغير طبيعى ....

وزى ما النفرات والخانات التاكسى دريور عملين برده رابطه قوية جدا ...

وزى ما النفرات بتوع الهند عملين نادى هندى فوق الوصف ..

احنا مش اقل من حد يا جماعه وليه منكنش زيهم ....

[roby]

السلام عليكم اخوانا المصريين الافاضل ...

انا كنت عضو قديم اوى يجى من سنتين كده واختفيت فى ظروف غماضه وبعد كده رجعت تانى بس سبحان الله ولا واحد من الحرس القديم هنا ... مش عارف هو الناس ليها معندهاش نفس كده عشان تعافر مع المنتدى بتاعها ...

اولا احىى كل الناس الى هنا على الحوار الراقى الجميل الى هنا والى للاسف مش موجود فى كتير من المنتديات العربية ... حياكم الله جميعا

ثانيا هعرفكم بنفسى انا اسمى بدر اسكندرانى حتى النخاع تقدروا تقولوا كده بيجرى فى عروقى رمل وميه مالحه مدير مشاريع اى تى ( تقنيه معلومات يعنى ) وليا هنا فى الامارات تقريبا 4 سنوات ... مقيم فى ابو ظبى ولكن لى علاقة وطيدة بالشارقه ...

ومره تانيه تشرفت بالناس الى هنا جميعا وارجوا ان اقدر اضيف شىء للموضوع الجميل ده وارجو اننا فعلا نقدر نكون تجمع طيب او على الاقل رابطه جيده تشرف المصريين ...

زى ما الزولات كده رفعين راس السودان عاليا بترابطهم الغير طبيعى ....

وزى ما النفرات والخانات التاكسى دريور عملين برده رابطه قوية جدا ...

وزى ما النفرات بتوع الهند عملين نادى هندى فوق الوصف ..

احنا مش اقل من حد يا جماعه وليه منكنش زيهم ....

اهلا بيك يا اخ قرموطى بس يا راجل انت منقطعتش من سنتين انا فاكر كان ليك مشاركات بعد كدة ومرحبا بيك تانى و مستنين مشاركاتك القيمة .

[القرموطى]

السلام عليكم ...

ايه يا جماعه هو الناس فين ولا معدش فى متغربين فى الامارات خلاص ....

الوووووو

يا مصرين يالى فى الغربه .... انتم رحتم فين ....

العضو روبى الغالى ... جزاك الله خير على الترحيب ...بس الله يكرمك قولى هو انا جيت ساعة ظهرين والناس كلها نايمه ولا ايه

[roby]

دى حالة عامة يا عم القرموطى فى كل المنتديات اللى فيها مغتربين مصريين بالذات فى الامارات واضح الازمة الاقتصادية شغلت الناس و خلتها اخر حاجة تفكر فيها فتح المنتديات يالا ربنا يوفق الجميع .

[الرويناء]

السلام عليكم

المشاركات والردود قلت كده ليه نزلتوا اجازات ولا ايه؟

على العموم انا لسه مستمره فى مسلسل الازعاج بتاعى ليكم

وكنت حابه اسأل على عياده اسنان فى دبى او دكتور تركيبات اسنان صناعيه كويس يااحسن خلاص قربت اركب طقم كامل

[MZohairy]

معظم التأمين الطبي مبيغطيش تكاليف الأسنان للأسف في الامارات و دبي بصفه خاصه للأسف الا فيما ندر

الله يرحم السعوديه و تأمينها اللي كان بيغطي كل حاجه

[roby]

تقريرى المصور عن العمرة الاخيرة عقبال الجميع ان شاء الله

غرفة الفندق عند الوصول

http://img43./img43/6818/11062009121.jpg

http://img190./img190/5148/11062009123.jpg

مسجد القبلتين المدينة المنورة

http://img38./i/13062009126.jpg/

السبع مساجد ( غزوة الخندق )

http://img30./i/13062009129.jpg/

مشروع تغطية ساحات الحرم النبوى وتظهر الشمسيات العملاقة قبل واثناء رفعها و بعد التثبيت على الاعمدة

http://img44./i/13062009131.jpg/

http://img38./i/13062009134l.jpg/

http://img194./i/13062009135.jpg/

http://img41./i/13062009133.jpg/

طفل باكستانى شقى جدا لا يكف عن الحركة داخل الحرم

http://img43./i/14062009136.jpg/

جزء مكتمل من مشروع التغطية و تظهر المساحة الشاسعة لمضاعفة اماكن الصلاة

http://img7./i/14062009140.jpg/

الساحة الامامية عقب صلاة الفجر و يظهر حمام الحما منتشر بكثرة فى هذه الفترة

http://img7./i/15062009150.jpg/

الصلاة فى الصحن الداخلى بالحرم المكى من اجمل المناظر لو حصلتها من الزحام

http://img7./i/17062009160.jpg/

الصورتين لنفس اليوم نهاية الاسبوع و لكن عقب صلاة الظهر وبعد صلاة العشاء حيث ازدحم الحرم بالمعتمرين الوافدين من انحاء السعودية بالذات لاداء فريضة العمرة فى اجازة اخر الاسبوع

http://img397./i/17062009164.jpg/

http://img269./i/17062009165.jpg/

http://img196./i/18062009166.jpg/

مخيمات منى و جسر الجمرات الجديد اثناء انشاءه

http://img37./i/19062009168w.jpg/

http://img37./i/19062009169.jpg/

أصغر معتمرة فى الرحلة اسمها لبنى من الهند

http://img199./i/20062009178w.jpg/

نسأل الله ألا يحرمنا الزيارة نحن و جميع المسلمين .

تم تعديل 3 يوليو 2009 بواسطة roby