مغتربي الإمارات

[roka]

الأول أحب أقول أن كل الجنسيات وكل مكان فى الوحش والحلو لكن أنتم بس فى الغربة بيكون كل واحد مركز مع أهل بلده

ثانيا كان عندى إستفسار يا ترى حد يعرف شركة أسمها الإبداع موجودة فى أبو ظبى وصاحبها دكتور مصرى أرجوكم الموضوع ده مهم كده لأنى جايلى عرض عمل منهم وعايزة أتأكد من مصدقية الشركة

[DUDU]

المسألة مش شخصية خالص بس اصل كل المصريين الي بيذموا في المصريين التانيين الوحشيين بيقولوا نفس كلامك

علشان كده لما اسمع حد بيقول المصريين و حشيين مع بعض بعرف ان عنده مشكلة

يبقى الصح اننا نحط راسنا فى الرمل ونقول المشكلة فى اللى بيذم فى المصريين وهوه منهم ؟

ولا نشوف ايه المشكلة واسبابه ومحاولات علاجها وعلاج اللى بيتكلم نفسه لو عنده مشكلة فعلا زى مابتقول ؟

ونرجع من تانى ونقول ... ليه معاملات المصريين فى الغربة اسوأ منها فى بلدنا ؟

هل فعلا عشان احنا طالعين نعمل فلوس و مش فايقين للعلاقات الانسانية...؟؟؟

بس فيها ايه لو خوفنا على مصلحة بعض ؟ دا هايأثر على عملية جمع الفلوس ف ايه ؟

مع العلم ان الفئة اللى باتكلم عليها للأسف مش فئة العمال و المؤهلات المتوسطة

لأ .. دا اطباء و اساتذة جامعة :coffeenews: !!

[DUDU]

الأول أحب أقول أن كل الجنسيات وكل مكان فى الوحش والحلو لكن أنتم بس فى الغربة بيكون كل واحد مركز مع أهل بلده

ثانيا كان عندى إستفسار يا ترى حد يعرف شركة أسمها الإبداع موجودة فى أبو ظبى وصاحبها دكتور مصرى أرجوكم الموضوع ده مهم كده لأنى جايلى عرض عمل منهم وعايزة أتأكد من مصدقية الشركة

هيه نظرية بردو يا ROKA بس مش دا التفسير فى رأيي لأن انا شوفت مجتمع مكون من مجموعات من عدة جنسيات

و المجموعة المصرية هيه الاسوأ .....

الشركة تخصصها ايه ؟؟؟ طبية ؟؟

[الرويناء]

السلام عليكم

ايه اللى حصل فجاءه كنا كويسين ومختفيين وتانى يوم الصبح موجودين ومتخانقين

الموضوع ده طرح من قبل وانا راى ان الغربه يعنى مش هتخلى الشيطان ملاك ولا الملاك شيطان ومش بيعملولك للناس تحليل ويعرفوا الطيبين من الاشرار يعنى هنا زى هناك مجتمع فيه الحلو وفيه الوحش بس انا لاحظت نقطتين

الاولى اننا بنحس بالغربه و بنتلاهف على اى حد من بلادنا ولما بتلاقيه بنتوقع حاجات كتير وعلاقات متينه مهو احنا ملناش غير بعض بأه فى الغربه

و ولما مش بنتلاقيها بنتصدم فى الناس ونحس انها مش كويسه

والتانيه ان فى اى مكان ناس بتاعه مصلحتها وبس حتى ولو على حساب غيرها وزى مذكر من قبل هما جايين يعملوا فلوس سايبن اهلهم وبلدهم علشان يعملوا فلوس فده هدفهم الاول حتى لو على حساب اللى قدامهم وانهم حاطين هدف ييقعدلهم كام سنه يلملهم قرشين وينزلوا فمستعدين يعملوا اى حاجه علشان يختصروا الكام سنه دول ويذودا الفلوس برضه فى نفس الوقت

يمكن الناس ديه مش ظاهره هنا فى الامارات كتير لارتفاع مستوى المعيشه والغلا لكن النماذج ديه انا شوفتها بكتره فى السعوديه ناس اساسا لو تقدر متكلش ولا تشرب وبتعيش فى مستوى تعبان جدا مهما كان مستواها كويس بس يحوشوا اكتر ويذودوا الفلوس فما بالكم لو عرفوا يستغلوا حد قدامهم ويكسبوا من وراه مش لازم فلوس اى حاجه ان شاالله حته يشيلوه شنط وحاجات وهو نازل وحاجات مش مستعجله علشان بس يخففوا شنطهم وحاجتهم وميخدوش وزن وهما نازلين

وهنروح بعيد ليه مهو فى ناس فى مصر مبتبعتلكش رسايل ولا تسأل عنك ولا تعرفك الا قبل متنزل علشان توصيك على طلبات وحاجات وتفتكرهم فى الهدايا

بس ده لايمنع ان الواحد قابل فى السعوديه ناس (لسه متعررفتش على حد هنا) فى منتهى الادب وا لاخلاق وقمه فى الذوق والواحد مش زعلان الا على انه مقدرش يقضى معاهم وقت اطول من كده

واكيد برضه هنا فيه ناس كويسه وعلى خلق وابسط مثال الاخ زعلان مثلا كل محد يسأل سؤال تلاقيه بيهتم بالرد والاجابه واحيانا بيتصل ويدور على المعلومه فى سبيل انه يقدم خدمه لحد من اولاد بلده

بس ياستاذ زعلان دودو ليها حق تزعل من الصبح عماله تقول( عارفه وشايفه) وانت مصمم على انت وشايف وعارف هى مش هو يازعلان

[الرويناء]

شركه التأمين هى ضمان

واسم الدكتور فى مستشفى سليمان الحبيب هو طارق صالح وفيه دكتور سعيد الشيخ وهما تخصص جهاز هضمى وجراحه مناظير

[محمد عيسى]

موضوع المصريين كويسين مع بعض و لا لأ ده موضوع لا يمكن التعميم فيه اطلاقا و باختصار الكويس جوه كويس بره و العكس

عندي في الشركة زي الفل مع بعض و شايلين بعض كويس، ماعدا فئة العمال هما اللي بتوع مشاكل، و كذلك مع الجيران محترمين جدا و متواصلين بدرجه ممتازه

الواقع ان فيه سلبيات .. و هذا شيء طبيعي و متوقع .. و الكويس يدور على الكويس و ينفض ايده من الوحش و ميشيلش هم و ييجي يشتكي و يقول احنا مش كويسين مع بعض

مع ملاحظة ان هذا الكلام يحمل جانب من الحقيقه لم اراها على المستوى الشخصي و لكن رايتها في المحكمه حيث ذهبت لقضاء مصلحة لعدة أيام و وجدت هناك الكثير من المنازعات بين مصرييين و بعضهم بنسبة لافته

[roby]

تابعوا يا جماعة قناة ناشونال جيوجرافيك ابوظبى قناة طبيعة مفتوحة و معربة دلوقتى بترددات :

عرب سات BADR06 11804 GHz ترددأفقى

نيل سات ترددأفقى N102 12.226 GHz

[الرويناء]

السلام عليكم

انا بس حابه اذكر موقف اتعرضتله يوم الخميس كنت رايحه ابن بطوطه وهو قريب جدا بس طبعا مع الحر والرطوبه لازم تاكسى والاولاد مع زوجى واحنا قدامنا موقف تاكسيات فنزلت بكل ثقه ملقتش ولا تاكسى قولت مش مشكله اوقف واحد من الشارع وقفت تقريبا ربع ساعه والجو لايطاق الساعه 7 مساء ولا تاكسى فاضى ولا واحد دخل الموقف بعد شويه الاقى عربيه مرت وبعدين عدتنى بشويه بتاع 30متر وهدت ووقفت وقعدت تزمر طبعا انا معرفش اى حد هنا فمهتمتش خالص مش ليا :rolleyes:

استمرت كلاكسات وتحاول ترجع بس طبعا الشارع سريع وبنتين صغار بيشاور وانا عماله ابص حواليا بيشوروا لمين دول مافيش حد الا انا وبرضه اللى بتسوق قاعدت تشاورى انا بصراحه قلقت معرفش حد ولو حتسالنى مكان ولا حاجه انا اعرف بيتنا بالعافيه

المهم حتى الشارع كله بص والشرطه وقفت وكلمتها وبعدين لغايه موصلت لى لقيتها واحد مصريه ومعاه 3 اطفال وبتقولى تعبتينى ياشيخه شكلك مصريه وشايفكى عماله تشاورى للتاكسيات والجو صعب قوليلى راحه فين اوصلك انا طبعا اعتذرتلها وشكرتها بس اصرت

وقالتلى انا ساكنه جانبك هنا والمهم ركبت معاها واتعرفنا ادتنى نمرتها وعنوانها وانها معاها 4 اطفال ولما عرفت انا جديده قالتلى اى خدمه عايزها واى سؤال ونخلي الاولاد يلعبوا سوا

اهى مصريه ومتعرفنيشى وحده غيرها هى دقيقه وكانت مشيت مش ترجعلى مسافه وتستنى كل ده

بس طبعا انا مركبتش الا لانها مصريه ومعاها اطفال و شوفت الشرطه شافت الرخصه وكده

تم تعديل 8 يوليو 2009 بواسطة الرويناء

[زعلان]

الروينء يا ريت تشوفي رسائلك في المنتدى ارسلت رسالة لك

[مصرى انا]

السلام عليكم

انا شاب مهندس شبكات حاسب الى mcse

قدامى فيزا زياره للامارات ب 5200 جنيه بتذكره الطياره فيزا زياره لمده شهر

ايه راى حضراتكم انا عارف انها مجازفه انى مش ليا حد فى الامارات وبفكر اطلع زياره

معلش انا عارف انكو ان شاء الله شايفين الوضع هناك بس انا بجد محتار انا ان شاء الله ناوى اطلع بعد رمضان على طول فايه راى حضراتكم

يعنى اذا طلعت ممكن الاقى شغل ولا هرجع مصر تانى ولا ايه بيكون النظام

وبكان هسكن هناك وكده شكرا ليكم انا مستنى الرد

[زعلان]

اظن ده سعر الفيزا زائد سعر التذكر لو كانت طيران الامارات او الاتحاد فالسعر تقريبا مضبوط والزيادة بسيطة ممكن تحصل على فيزا سياحية للامارات من شركات الطيران الامراتية مع تذكرة ذهاب وعودة لمدة شهر ارخصهم طيران العربية على الشارقة اظن ان الفيزا وصلت الف درهم حاليا زائد تذكرة طيران حسب السيزون في حدود 2500-3000 درهم (يعني 3750-4500 جنيه مصري ) زائد (1500 جنيه ثمن الفيزا) الاسعار تقريبية وليست اكيدة

[مصرى انا]

طيب جميل ده بالنسبه لسعر الفيزا وتذاكر الطيران

كيب ايه راى حضرتك هل شهر كفايه انى الاقى ان شاء الله وظيفه فى مجال هندسه شبكات الحاسب ولا هيكون ايه الموقف

وانزل على ابو ظبى ولا دبى ولا الشارقه افضل يعنى اى المدن دى بيكون فيها شغل اكتر على اساس انزل ادور

واخبار سعر السكن والمواصلات هناك فى الامارات ايه

وشكرا ليك

[roby]

السلام عليكم

انا شاب مهندس شبكات حاسب الى mcse

قدامى فيزا زياره للامارات ب 5200 جنيه بتذكره الطياره فيزا زياره لمده شهر

ايه راى حضراتكم انا عارف انها مجازفه انى مش ليا حد فى الامارات وبفكر اطلع زياره

معلش انا عارف انكو ان شاء الله شايفين الوضع هناك بس انا بجد محتار انا ان شاء الله ناوى اطلع بعد رمضان على طول فايه راى حضراتكم

يعنى اذا طلعت ممكن الاقى شغل ولا هرجع مصر تانى ولا ايه بيكون النظام

وبكان هسكن هناك وكده شكرا ليكم انا مستنى الرد

انا مش معاك خالص فى اللى هتعمله ده ,بصرف النظر حتى لو سعر التذكرة و الفيزا مش مبالغ فى سعرهم انما السكن و الانتقالات كمان هيكلفوك ونادرا ما هتلاقى حد يأجرلك شهر واحد حتى استوديو اقل حاجة 3 شهور و مقدم و كمان تامين الا بقى لو هتنزل فى فندق ودى تكلفة تانية او تأجر فى غرفة مشتركة و ده برضه محتاج بحث ,الانتقالات نفسها مش رخيصة غالية بالذات انك متعرفش البلد فالتاكسى هيكون هوه المواصلة الوحيدة و ده مش ميزانية ده هلاك ,من سنة كنت بنصح الناس اللى تيجى فيزا زيارة و له حد هنا انه يتأنه شوية عشان ممكن يلاقى شغل فعلا لكن صاحب العمل يستغل انه على فيزا زيارة و عايز يشتغل باى ثمن فيضغط عليه فى المرتب انما انهاردة انا بقولك حرام هتصرف ما لا يقل عن 10 او 15 الف جنيه واحتمالية انك تلاقى شغل ضعيفة جدا دلوقتى ,عارف ان الظروف صعبة فى مصر وكل اللى هتقوله انما حرام تضيع المبلغ ده فى مجازفة بالشكل ده انا هكتبلك هنا مواقع وظائف مهمة فى الامارات راجعها و ابعت فى اللى يناسبك و صدقنى لو نصيبك فى شغل هيجيلك لحد عندك

http://www.gnads4u.com/search.html?t=jobs

http://www.naukrigulf.com/

http://my.monstergulf.com/create_account.html

http://www.bayt.com/

http://dubai.dubizzle.com

http://www.khaleejtimes.com/appointment/index.asp

ده فى قطر

http://www.gulf-times.com/site/topics/inde...mp;temp_type=42

بالتوفيق ان شاء الله

تم تعديل 11 يوليو 2009 بواسطة roby

[زعلان]

لو انت مسألة الفلوس عندك متوفرة ومفيش مشاكل يعني ماديا مرتاح وحابب تدور على فرصة شغل خد الموضوع على انه فسحة يعني ممكن النتيجة تكون سفر وفسحة تشوف بلد جديد ممكن تعمل انترفيو للشغل ممكن تتوفق وممكن لأ انما لو الفلوس تفرق معاك والرلة مكلفة ليك احسبها كويس

طبعا التقديم للشغل الافضل انك تيجي على اخر او نص شهر عشرة مابين عشرة و 11 و 12 ده فترة نزول الوظائف عادة

أبو ظبي هي المدينة صاحبة الوظائف الاكثر طبعا

يفضل ان تبحث عن موضوع السكن قبل نزولك

السكن في ابو ظبي استديو مفروش قد يكلفك على الاقل 5- 7 الاف درهم

في دبي حيكلفك من 4000 -6000 درهم

في الشارقة من 3000 - 4000 درهم

المواصلات ستكون مكلفة لو بالتاكسي 100 درهم باليوم في دبي ستبدأ خدمة المترو حسب ما هو متوقع شهر تسعه وهو منخفض التكاليف ورخيص

ابو ظبي لا يوجد الا التاكسي وكذلك الشارقة

طبعا توجد مواصلات عامة في كل من دبي و الشارقة و ابوظبي

ايجار سيارة لمدة شهر سيكلفك في حدود 1500 درهم سيارة صغيرة اقل فئة حاول تبحث على الانترنت عن وائف وتقدم عن طريق شركات التوظيف قبل قدومك

اتمنى ان تبحث اكثر قبل الاقادام على السفر لأنه اذا كنت تظن ان هاك نتيجة مؤكده خاصة في ظل الازمة الامور صعبة

[ABO ADAM]

اخوانى مغتربى الامارات ، محتا اَخد رأيكم فى موضوع مؤرقنى wst::

انا بقالى فى الامارات خمس سنين و جاتلى فرصة شغل فى جدة بمرتب اعلى مع العلم ان جدة ارخص من الامارات انا كنت ساكن و بشتغل فى الشارقة ،بصراحة انا كنت متردد بس اول ما حصلت الازمة و لقيت كل الناس فى الامارات بتتسرح قلت انفد بجلدى و امشى باحترامى احسن ،خصوصاً ان انا مهندس يعنى فى وسط الطوفان .....

انا دلوقتى موجود فى جدة بقالى 45 يوم ،بس عندى صدمة حضارية شديدة و الامارات و احشانى جدا ،جدة جميلة بس فى فرق كبير قوى فى كل حاجة بصراحة انا بفكر ارجع لكن المرتبات بقت قليلة فى الامارات فهل الحياة و السكن بقوا فعلا ارخص و هل فعلا الامور(مش بتاع الكشرى :blink: ) استقرت ولا لسة الازمة مستمرة .......ارجو النصيحة من الناس الموجودة فى الامارات دلوقتى....

و شكرا مقدماً ......

[roby]

اخوانى مغتربى الامارات ، محتا اَخد رأيكم فى موضوع مؤرقنى wst::

انا بقالى فى الامارات خمس سنين و جاتلى فرصة شغل فى جدة بمرتب اعلى مع العلم ان جدة ارخص من الامارات انا كنت ساكن و بشتغل فى الشارقة ،بصراحة انا كنت متردد بس اول ما حصلت الازمة و لقيت كل الناس فى الامارات بتتسرح قلت انفد بجلدى و امشى باحترامى احسن ،خصوصاً ان انا مهندس يعنى فى وسط الطوفان .....

انا دلوقتى موجود فى جدة بقالى 45 يوم ،بس عندى صدمة حضارية شديدة و الامارات و احشانى جدا ،جدة جميلة بس فى فرق كبير قوى فى كل حاجة بصراحة انا بفكر ارجع لكن المرتبات بقت قليلة فى الامارات فهل الحياة و السكن بقوا فعلا ارخص و هل فعلا الامور(مش بتاع الكشرى :blink: ) استقرت ولا لسة الازمة مستمرة .......ارجو النصيحة من الناس الموجودة فى الامارات دلوقتى....

و شكرا مقدماً ......

الحاجات اللى نزلت هيه الايجار نزل حوالى 20% فى المتوسط انا بكلم على دبى خاصة و الشارقة لا اعلم باقى الامارات مثلا ابوظبى اسمع ان الايجار منزلش و لا حاجة انما مقدرش اكد المعلومة او انفيها ,اسعار العربيات الجديدة و المستعملة نزلت برضه بشكل ملحوظ , و باقى زى مهوه باستثناء طبعا عروض الهايبر ماركتس اللى بقت كل يوم دلوقتى وطبعا حاجة عليها خصم و التانية زى مهيه يعنى كدة الطبيعى بالنسبة للاكل و الشرب .

[dongol]

باقى الامارات مثلا ابوظبى اسمع ان الايجار منزلش و لا حاجة انما مقدرش اكد المعلومة او انفيها

اسعار الايجارات في ابوظبي لم تتأثر بالازمه بل علي العكس الشوارع ازدحمت اكثر لان كل الناس اللي شغالين في دبي و اصابتهم الازمه جاءوا علي ابوظبي للبحث عن عمل

[زعلان]

وفق ما نعيشه الاسعار لم تتغير ان لم ترتفع بالنسبة للمواد الغذائية و الطبية اما الايجارات فقد انخفضت بنسبة قد تصل الى 30 %في بعض مناطق دبي (ضواحي دبي ) و بالنسبة للفلل يعني الجاردنز جبل علي الانترناشونال سيتي مارينا بينما مازالت الاسعار تراوح مكانها في بر دبي

وابو ظبي مازالت اسعار السكن تراوح مكانها حسب ما نسمع

طبعا اسعار المخالفات المرورية زادت جدا كما زاد توزيعها على الناس زي البونبون بيتم افتعال ازدحمات معينة في شوارع جانبية حتى يظطر البعض الى التجاوز او الالتفاف للهروب من ازدحام غير مبرر كمائن عجيبة تقوم بافتعال المخالفات ودفع الناس للمخالفة قسرا في اطار جباية المزيد من الاموال

[roby]

طبعا اسعار المخالفات المرورية زادت جدا كما زاد توزيعها على الناس زي البونبون بيتم افتعال ازدحمات معينة في شوارع جانبية حتى يظطر البعض الى التجاوز او الالتفاف للهروب من ازدحام غير مبرر كمائن عجيبة تقوم بافتعال المخالفات ودفع الناس للمخالفة قسرا في اطار جباية المزيد من الاموال

لا يا راجل معقولة دى , انا عارف ان فى تلاكيك مثلا حملة الاطارات دى بيوقفوا ناس كتير لكن معتقدش لدرجة الكماين وافتعال ازدحمات ولا ايه؟

[زعلان]

لأ بيحصل فعلا وده حقيقي - اي شرطي مرور مطلوب منه يخلص دفتر مخالفات كل يوم قابلت شرطي مرور قالي زمان الدفتر كان يفضل معانا لأكثر من شهر وما يخلص دلوقتي الدفتر بيتغير كل يوم بواحد جديد