مغتربي الإمارات

[ABO ADAM]

سلام عليكم،

فى استفسار جالى على الخاص بس حبيت ارد هنا عشان تكون الفايدة عامة

عند المقارنة بين السعودية و الامارات من الملاحظ ان الناس فى السعودية عندها هدف يعنى مش جايين يعيشوا حياة حلوة و خلاص زى دبى يعنى محدش هايقعد فى البلد لو الموضوع مش مجزى و دة طبعا باختلاف مستويات المعيشة فى اللى مدلع نفسو اوى و فى ناس جلدة بس كلوا بيحوش شوية و لسة قلبة و تفكيرة متعلق بمصر و بيفكر هايرجع امتى و دة طبعا غير الامارات اللى الناس معتبرها هجرة دايمة و عيشة حلوة دة انطباعى الاولى.........

[DUDU]

السلام عليكم

ايه اللى حصل فجاءه كنا كويسين ومختفيين وتانى يوم الصبح موجودين ومتخانقين

الموضوع ده طرح من قبل وانا راى ان الغربه يعنى مش هتخلى الشيطان ملاك ولا الملاك شيطان ومش بيعملولك للناس تحليل ويعرفوا الطيبين من الاشرار يعنى هنا زى هناك مجتمع فيه الحلو وفيه الوحش بس انا لاحظت نقطتين

الاولى اننا بنحس بالغربه و بنتلاهف على اى حد من بلادنا ولما بتلاقيه بنتوقع حاجات كتير وعلاقات متينه مهو احنا ملناش غير بعض بأه فى الغربه

و ولما مش بنتلاقيها بنتصدم فى الناس ونحس انها مش كويسه

والتانيه ان فى اى مكان ناس بتاعه مصلحتها وبس حتى ولو على حساب غيرها وزى مذكر من قبل هما جايين يعملوا فلوس سايبن اهلهم وبلدهم علشان يعملوا فلوس فده هدفهم الاول حتى لو على حساب اللى قدامهم وانهم حاطين هدف ييقعدلهم كام سنه يلملهم قرشين وينزلوا فمستعدين يعملوا اى حاجه علشان يختصروا الكام سنه دول ويذودا الفلوس برضه فى نفس الوقت

يمكن الناس ديه مش ظاهره هنا فى الامارات كتير لارتفاع مستوى المعيشه والغلا لكن النماذج ديه انا شوفتها بكتره فى السعوديه ناس اساسا لو تقدر متكلش ولا تشرب وبتعيش فى مستوى تعبان جدا مهما كان مستواها كويس بس يحوشوا اكتر ويذودوا الفلوس فما بالكم لو عرفوا يستغلوا حد قدامهم ويكسبوا من وراه مش لازم فلوس اى حاجه ان شاالله حته يشيلوه شنط وحاجات وهو نازل وحاجات مش مستعجله علشان بس يخففوا شنطهم وحاجتهم وميخدوش وزن وهما نازلين

وهنروح بعيد ليه مهو فى ناس فى مصر مبتبعتلكش رسايل ولا تسأل عنك ولا تعرفك الا قبل متنزل علشان توصيك على طلبات وحاجات وتفتكرهم فى الهدايا

بس ده لايمنع ان الواحد قابل فى السعوديه ناس (لسه متعررفتش على حد هنا) فى منتهى الادب وا لاخلاق وقمه فى الذوق والواحد مش زعلان الا على انه مقدرش يقضى معاهم وقت اطول من كده

واكيد برضه هنا فيه ناس كويسه وعلى خلق وابسط مثال الاخ زعلان مثلا كل محد يسأل سؤال تلاقيه بيهتم بالرد والاجابه واحيانا بيتصل ويدور على المعلومه فى سبيل انه يقدم خدمه لحد من اولاد بلده

بس ياستاذ زعلان دودو ليها حق تزعل من الصبح عماله تقول( عارفه وشايفه) وانت مصمم على انت وشايف وعارف هى مش هو يازعلان

هههههههه .. ينصر ديييييينك يا استاذ خليفااااا :bsmal:

لا بجد اهو دا الرأى الحيادى المنسق ماشاء الله عليكى :aslam:

اكيد انا مش باقول ان الكل مش كويسين والا يبقى انا كمان منهم و انتم و ... لا سمح الله

لكن للاسف الأغلبية مشوهة منظرنا خالص...

ودا اللى باقوله.. المشكلة ليه ؟؟؟؟؟

تم تعديل 14 يوليو 2009 بواسطة DUDU

[DUDU]

السلام عليكم

انا بس حابه اذكر موقف اتعرضتله يوم الخميس كنت رايحه ابن بطوطه وهو قريب جدا بس طبعا مع الحر والرطوبه لازم تاكسى والاولاد مع زوجى واحنا قدامنا موقف تاكسيات فنزلت بكل ثقه ملقتش ولا تاكسى قولت مش مشكله اوقف واحد من الشارع وقفت تقريبا ربع ساعه والجو لايطاق الساعه 7 مساء ولا تاكسى فاضى ولا واحد دخل الموقف بعد شويه الاقى عربيه مرت وبعدين عدتنى بشويه بتاع 30متر وهدت ووقفت وقعدت تزمر طبعا انا معرفش اى حد هنا فمهتمتش خالص مش ليا :aslam:

استمرت كلاكسات وتحاول ترجع بس طبعا الشارع سريع وبنتين صغار بيشاور وانا عماله ابص حواليا بيشوروا لمين دول مافيش حد الا انا وبرضه اللى بتسوق قاعدت تشاورى انا بصراحه قلقت معرفش حد ولو حتسالنى مكان ولا حاجه انا اعرف بيتنا بالعافيه

المهم حتى الشارع كله بص والشرطه وقفت وكلمتها وبعدين لغايه موصلت لى لقيتها واحد مصريه ومعاه 3 اطفال وبتقولى تعبتينى ياشيخه شكلك مصريه وشايفكى عماله تشاورى للتاكسيات والجو صعب قوليلى راحه فين اوصلك انا طبعا اعتذرتلها وشكرتها بس اصرت

وقالتلى انا ساكنه جانبك هنا والمهم ركبت معاها واتعرفنا ادتنى نمرتها وعنوانها وانها معاها 4 اطفال ولما عرفت انا جديده قالتلى اى خدمه عايزها واى سؤال ونخلي الاولاد يلعبوا سوا

اهى مصريه ومتعرفنيشى وحده غيرها هى دقيقه وكانت مشيت مش ترجعلى مسافه وتستنى كل ده

بس طبعا انا مركبتش الا لانها مصريه ومعاها اطفال و شوفت الشرطه شافت الرخصه وكده

طيب مانا وقفت انبارح ساعة الا ربع على شارع الوحدة ولا حد عبرنى بعجلة حتى clp:: اللهم الا الشباب المهيصين اللى......لا حول ولا قوة الا بالله :(

لا بس موقف يفرح والله رجعلى شوية ثقة ... gra:- وبردو ارجع واقول الأغلبية مش كويسة ... مع ان فى طبعا طبعا عينة محترمة

اخوانى مغتربى الامارات ، محتا اَخد رأيكم فى موضوع مؤرقنى :waf:

انا بقالى فى الامارات خمس سنين و جاتلى فرصة شغل فى جدة بمرتب اعلى مع العلم ان جدة ارخص من الامارات انا كنت ساكن و بشتغل فى الشارقة ،بصراحة انا كنت متردد بس اول ما حصلت الازمة و لقيت كل الناس فى الامارات بتتسرح قلت انفد بجلدى و امشى باحترامى احسن ،خصوصاً ان انا مهندس يعنى فى وسط الطوفان .....

انا دلوقتى موجود فى جدة بقالى 45 يوم ،بس عندى صدمة حضارية شديدة و الامارات و احشانى جدا ،جدة جميلة بس فى فرق كبير قوى فى كل حاجة بصراحة انا بفكر ارجع لكن المرتبات بقت قليلة فى الامارات فهل الحياة و السكن بقوا فعلا ارخص و هل فعلا الامور(مش بتاع الكشرى :bsmal: ) استقرت ولا لسة الازمة مستمرة .......ارجو النصيحة من الناس الموجودة فى الامارات دلوقتى....

و شكرا مقدماً ......

انا شايفة انك اتسرعت بقرارك انك تسيب البلد ...

اللى سمعته ان الازمة فى طريقها للزوال باذن الله

والكلام دا من ناس شغالة فى مجال المعمار واللى هوه طبعا زى ماحنا عارفين أساس اقتصادى للامارات

لكن بردو مانصحكش بالرجوع بالسرعة دى ..

قيسها كويس .. راتبك اد ايه فى السعودية و السكن بكام و بتقدر توفر اد ايه و اسرتك مرتاحة او لأ

وقيس دا بحياتك فى الامارات فى ال 6 شهور اللى فاتوا .. وربنا يوفقك ان شاء الله

تم تعديل 14 يوليو 2009 بواسطة DUDU

[MZohairy]

يا جماعه كل واحد بيعيش في الغربه على حسب مستواه المعيشي السابق في مصر (يعني على حسب ماتعود)

و على حسب مستواه المادي في الغربه الى حد ما (ولكن مش شرط)

و بالتالي لا لوم على من يبخل او يعيش في مستوى متواضع لأن هذا هو مستواه الأصلي في بلده و دي حاجه ماتزعلش ولا تدعوا للاستغراب

السبب ان الغربه بتجمع ناس مستوياتها المعيشيه مختلفه في بلد المنشأ و ده اللي بيخليهم يلاحظوا الفوارق المعيشيه

[herohero]

انا راي ان الناس اللي بتقول كده يمكن مكنش لها احتكاك ف الشغل ف مصر انا اللي شايفه ان ف مصر كان فيه موارث وشخصيات سيئة جدا والواحد اتخنق منها لحد ماطفش من مصر ونماذج سيئه ف المواصلات العامة والمصالح الحكوميه يعني يا جماعة انا راي ان في حالة تردي عام ف المجتمع المصري وطبعا لما بتطلع النماذج ده بره مصر بتاخد راحتها وتفضحنا وطبعا عشان نبقى واضحين بلد مثلا زي السعودية هيكون فيها مصريين كتيير وبالتالي هنلاقي عدد لا باس به من النماذج السيئة ويمكن لان السعوديه فيها تفاوت كبير ف الدخل فهنلاقي ناس عايشه عيشة سيئة وبتحط القرش ع القرش يمكن ف الامارات لغالاء المعيشة مش بيقدر ياخد راحته

وفي الاخر بترجع للنشأة بتاعت الشخص ، يعني انا لما جيت السعوديه مكنتش حاسس انها املة و وواو حاجه جميلة لان كنت عايش طول عمري ف الكويت فطموحي كان الهجره لكندا وماشي فيها ان شاء الله ، لكن اللي كان جاي من قرية بسيطه في مصر وجه السعوديه وركب عربية وشاف الى حد ما رفاهية هنا بتحصل له صدمة حضارية

وطبعا الصدمة بتزيد لو كان في دبي مثلا ، ومستحيل تلاقيه يفكر في الهجرة مثلا لان اخر طموحه ينزل بعربية او موبايل شيك فالحكاية نسبية وزي ما بيقولوا كل انء بما فيه ينضح، وعلى فكرة عيشتك في مصر ومستواك فيها بيحكم هتعيش ازاي بره مصر وده انا شوفته كويس جدا

فكرتوني زمان باللي نازل من الخليج بالمروحه والريكورد والفيديو

[herohero]

سلام عليكم،

فى استفسار جالى على الخاص بس حبيت ارد هنا عشان تكون الفايدة عامة

عند المقارنة بين السعودية و الامارات من الملاحظ ان الناس فى السعودية عندها هدف يعنى مش جايين يعيشوا حياة حلوة و خلاص زى دبى يعنى محدش هايقعد فى البلد لو الموضوع مش مجزى و دة طبعا باختلاف مستويات المعيشة فى اللى مدلع نفسو اوى و فى ناس جلدة بس كلوا بيحوش شوية و لسة قلبة و تفكيرة متعلق بمصر و بيفكر هايرجع امتى و دة طبعا غير الامارات اللى الناس معتبرها هجرة دايمة و عيشة حلوة دة انطباعى الاولى.........

برده لو عاوز تعيش حياة حلوة ف السعوديه اسكن ف كومباوند ودلع نفسك انا راي ان الدلع ف السعوديه ان توفر فهو مكلف عن دبي

ويمكن الدلع ف دبي بيكون فيه حاجات زياده ماتنفعش العيلة

[DUDU]

انا راي ان الناس اللي بتقول كده يمكن مكنش لها احتكاك ف الشغل ف مصر انا اللي شايفه ان ف مصر كان فيه موارث وشخصيات سيئة جدا والواحد اتخنق منها لحد ماطفش من مصر ونماذج سيئه ف المواصلات العامة والمصالح الحكوميه يعني يا جماعة انا راي ان في حالة تردي عام ف المجتمع المصري وطبعا لما بتطلع النماذج ده بره مصر بتاخد راحتها وتفضحنا

وجهة نظر بردو

[سهيلة]

ا

ABO ADAM

خوانى مغتربى الامارات ، محتا اَخد رأيكم فى موضوع مؤرقنى

انا بقالى فى الامارات خمس سنين و جاتلى فرصة شغل فى جدة بمرتب اعلى مع العلم ان جدة ارخص من الامارات انا كنت ساكن و بشتغل فى الشارقة ،بصراحة انا كنت متردد بس اول ما حصلت الازمة و لقيت كل الناس فى الامارات بتتسرح قلت انفد بجلدى و امشى باحترامى احسن ،خصوصاً ان انا مهندس يعنى فى وسط الطوفان .....

انا دلوقتى موجود فى جدة بقالى 45 يوم ،بس عندى صدمة حضارية شديدة و الامارات و احشانى جدا ،جدة جميلة بس فى فرق كبير قوى فى كل حاجة بصراحة انا بفكر ارجع لكن المرتبات بقت قليلة فى الامارات فهل الحياة و السكن بقوا فعلا ارخص و هل فعلا الامور(مش بتاع الكشرى ) استقرت ولا لسة الازمة مستمرة .......ارجو النصيحة من الناس الموجودة فى الامارات دلوقتى....

يعنى اية صدمة حضارية يا ريت توضح لنا يا ابو ادم

اية الفرق ف المعيشة ف الامارات والسعودية

وعلى فكرة انا هنا ف الامارات ولسة الازمة موجودة بس على وشك التحسن عن قريب احنا بنسمع كدة

ويا ترى المهندسين فرصهم ف الشغل عندك احسن والمرتبات اخبارها اية

تحياتى

[ABO ADAM]

سلام عليكم،

على فكرة بخصوص موضوع كندا ، انا كمان مقدم هجرة يا HERO بس يا جماعة انا قصدى بالصدمة الحضارية ان التدلرج الطبيعى هو السعودية ----الامارات----كندا

و كمان انا لاحظت ان معظم الناس اللى فى دبى بتروح تاخد الجنسية و ترجع ....و اظن ان اللى فى السعودية بيروح كندا و ما يرجعش(لو لقى شغل طبعا)....و يسال الاخ زوهيرى (اظن هو Ex-Dubai زى حلاتى).....

و بغض النظر عن الغيوب و المميزات و الصح و الخطأ فالامارات هى اقرب نموذج للدول الغربية و المتحضرة يعنى فى العرب هى احسن الوحشين (الاعور وسط العميان) بس السعودية فيها فلوس اكثر طبعا عشان كدة الاجانب بييجوا و يستحملوا العيشة هنا......و بردو دة انطباع اول .........و اللة اعلم

[henhel]

انا حبيت اضيف بعض النقط خصوصا لاخواننا المصريين المغتربين عموما و الموجودين بالخليج خصوصا و اهل دبى خصوص الخصوص :lol:

الازمه الاقتصاديه اللى بتمر بالعالم ديه لازم تعلمنا درس مهم جدا و اللى هو ان 90% من الشركات بدأت تعمل اعادة هيكله و صياغة للموظفين اللى بيشتغلو فيها يعنى الموظف لازم يتعامل على انه اصل من اصول الشركة يعنى مش سد خانه و خلاص و عشان ازمه قلل الناس و خلاص لا المفروض المسأله ليها ضوابط.

هحب اذكر الاول بعض الحلول اللى الشركات اخدتها بسبب الازمه على سبيل المثال

1-لو عندك 5 موظفين 4 كويسين وواحد نصنص مشيه (لسه فى ازمه برده) mfb:

2- طيب عندك 4 موظفين كويسين جدا لكن الشغل مش محتاج غير 2 خلاص مشى 2 منهم (لسه برده الازمه) :D

3- طيب تعالى على fat salary و قليلو 15% و اللى تحت شويه 10% و اللى تحت 5% يعنى قسم الرواتب شرايح (لسه فى ازمه) :P

اققفل الشركة و متورنيش وشك تانى :lol:

اللى انا اقصدو ايه ان الواحد عشان يتجنب انه يكون معرض انه يقولولو باى باى فى اى لحظه يحاول دايما يطور من نفسه و يثبت جدارده فى المكان اللى هو فيه يعنى لو مهندس يدرس حاجه مثلا زى ال PMP و لو محاسب ياخد CMA - CFM مثلا و هكذا فى كل مجال ليه حاجات يطور بيها نفسه

عشان منرجعش نحط ايدينا على خدنا لو مشونا و منلقيش حاجه نعملها

[أحمد سيف]

سلام عليكم،

فى استفسار جالى على الخاص بس حبيت ارد هنا عشان تكون الفايدة عامة

عند المقارنة بين السعودية و الامارات من الملاحظ ان الناس فى السعودية عندها هدف يعنى مش جايين يعيشوا حياة حلوة و خلاص زى دبى يعنى محدش هايقعد فى البلد لو الموضوع مش مجزى و دة طبعا باختلاف مستويات المعيشة فى اللى مدلع نفسو اوى و فى ناس جلدة بس كلوا بيحوش شوية و لسة قلبة و تفكيرة متعلق بمصر و بيفكر هايرجع امتى و دة طبعا غير الامارات اللى الناس معتبرها هجرة دايمة و عيشة حلوة دة انطباعى الاولى.........

الإمارات أحلى بلد في الخليج في العيشه ... أنا عشت في البحرين وشفت السعودية والكويت بس مافيش زي الإمارات ... حريه وتحضر ونوعية حياة ممتازة

[المر]

انا جاى ليه عقد عمل فى مستشفى العين فى مدينة العين الاماراتية. لو سمحتم عاوز اعرف اى معلومات عن المدينة و عن المدارس و هل استخراج رخصة القيادة

للسيارة صعبة.

جزاكم الله كل خير.

قال رسول الله صلى الله عليه و سلم ( صنائع المعروف تقى موتة السوء ).

[henhel]

انا جاى ليه عقد عمل فى مستشفى العين فى مدينة العين الاماراتية. لو سمحتم عاوز اعرف اى معلومات عن المدينة و عن المدارس و هل استخراج رخصة القيادة

للسيارة صعبة.

جزاكم الله كل خير.

قال رسول الله صلى الله عليه و سلم ( صنائع المعروف تقى موتة السوء ).

سلام عليكم اخى الكريم العين من اجمل مدن الامارات و هيه مدينه تابعة لامارة ابو ظبى و تتميز ان جوها جاف لبعدها عن البحر يعنى مفيش رطوبه لكن من ناحيه تانيه بتكون حر جدا فى الصيف

مدينه العين تعتبر مدينه سياحيه و فيها مناطق سياحية كتير على سبيل المثال و ليس الحصر فيها جبل حفيت و مبزرة الخضراء و العين الفايضة و حديقة الحيوانات و ممكن تخش على النت و تشوف الاماكن ديه

السكن فى العين غالى حبتين و ده مش فى العين بس ده فى ابو ظبى عموما لكن المدينه تحفه كلها زرع و شجر

العين مفيهاش ابراج كلها بنايات و فلل و يمكن اعلى مبنى فيها 25 دور و ده لسه هيتبنى

بوجه عام العين مدينه جميله جدا و كويسه لو عندك اسرة و اطفال

اااه بالنسبه للرخصة شوف يا سيدى نصيحتى ليك لازم تتعلم السواقة كويس قوى قبل ما تيجى و لو معاك رخصه من مصر مر عليها سنتين يكون افضل عشان تقل عليك تكلفه استخراجها و بالنسبه للصعوبه هيه اكيد مش سهله لكن برده مش صعبه يعنى هيه نصيب بس اهم حاجه تكون بتسوق كويس

و اى استفسار تانى انا تحت امرك

[mastro]

السلام عليكم

اسمحو لي بالتعقيب علي موضوع المعيشة بالخليج عامة

اولا:

انا اشتغلت بالسعودية لمده 8 سنوات وبالتحديد بالدمام (من اجمل مدن المملكة) ثم سافرت الي احدي الدول الاوربية وسأعود ان شاء الله ولكن الي الامارات

ولاحظت ان المصريين المغتربين ينقسموا الي الاتي:

1. مجموعه قليلة منا لديها هدف وتعرف ماذا تريد وهي :

أ) من يهدف الي جمع اكبر قدر من المال في اقل مده والعودة الي مصر للعيش عيشة كريمة وهذا بالتأكيد يؤثر على مستوي معيشتة هفو يحاول التوفير على حساب كل شئ حتي صحتة واكله وفي الغالب يعيشون بدون العائلة لضمان توفير اكبر قدر من الاموال في اقل وقت.

ب) من يهدف الي العيش حياة كريمة بغض النظر عن ما سيتمكن من توفيرة وهو يحرص على وجود اسرتة معه وبالتالي التوفير يكون قليل الا اذا كان يعمل في وظيفة جيدة وذات دخل كبير.

ومع الاسف الشديد قليل جدا من يمكنة الموازنة بين الاثنين نظرا لاختلاف مستوى المعيشة بالخليج. انا كنت اقع في المجموعة ب ولكني اعتقد انه لا يوجد افضل من الوسطية فيجب ان يكون للفرد هدف معين من الناحية المادية يسعي لتأمينة فلا يعلم الغيب الا الله. ولكن اي من هاتين المجموعتين سعيد للغاية بقرارة لانه عنده هدف يسعي لتحقيقة ومع الاسف كل من المجموعتين يستنكر ما يفعلة الاخر.

2. المجموعه الثانية وهي الغالبية تعيش بلا اي هدف فقط تعيش اليوم ولا تقدر الامور بالشكل الصحيح مما يؤدي الي الكثير من المشاكل فتارة يحاول توفير المال وتارة يصرف المال كأنة عندة الملايين وهي اكثر المجموعات تعرضا للمشاكل فهو لا يدري ماذا يريد.

3. مجموعة من المصريين غاية في الذكاء والنظام والحماس والتحدي وهم من يؤسسون مشاريع خاصة بيهم او يديروا مشاريع بشراكة بعض الاخوان الخليجيين وهما في الغالب منظمون ولديهم هدف رئيسي وهو الاستقرار بالسعودية او اي دوله خليجية ولكنهم مجموعه قليلة للغاية.

لذلك كي نلخص ما تم من حوار ونستفيد منه جميعا اخواني:

1. ضع امامك اهداف قصيرة المدي وبعيدة المدي واكتب هذة الاهداف ونا قشها مع زوجتك واهل بيتك.

2. اعرف ماذا تريد خلال هذا العام وماذا ستصبح بعد خمسة اعوام و بعد عشرة اعوام.

3. انظر لما تفعلة كل يوم وكل اسبوع وكل شهر وكل عام واسأل نفسك: هل هذا سيساعدني علي الوصول الي اهدافي وتحقيقها؟ وكن صادقا مع نفسك قأذا كانت الاجابة بنعم فالحمد لله انت في الطريق الصحيح وان كانت لا فعليك ان تعيد تنظيم اوراقك وان تغير مما تفعلة كي يكون خطوة نحو تحقيق ما تريدة لانك اذا ستمريت فيما تفعل فسوف تحصل على نفس النتائج وتدور في حلقة مفرغة. لقد استغرقت 6 سنوات حتي تمكنت من احداث التغيير الذي ساعدني علب الوصول الي احد اهدافي وظلت افعل نفس الشيء لمده 8 سنوات بدون تغيير وانا لا اتحرك نحو هدفي الي ان جلست وفكرت ووجدت اني لم اغير ما افعل خلال 6 سنوات وبالتالي لا يوجد تغيير فيما اصل الية.

واخير استعن بالله في كل شئ وتذكر دوما

ان الله في عون العبد ما دام العبد في عوان اخيه

وافعل الخير في اهله وفي غير اهله فان كان في اهله فهو خير وان كان في غير اهله فأنت اهل له.

ادام عليكم الله نعمة العافية والصحة والامن ورزقكم الله الجنة اخواني الكرام

كل الشكر والتقدير

تم تعديل 16 يوليو 2009 بواسطة mastro

[أحمد سيف]

السلام عليكم

اسمحو لي بالتعقيب علي موضوع المعيشة بالخليج عامة

اولا:

انا اشتغلت بالسعودية لمده 8 سنوات وبالتحديد بالدمام (من اجمل مدن المملكة) ثم سافرت الي احدي الدول الاوربية وسأعود ان شاء الله ولكن الي الامارات

ولاحظت ان المصريين المغتربين ينقسموا الي الاتي:

1. مجموعه قليلة منا لديها هدف وتعرف ماذا تريد وهي :

أ) من يهدف الي جمع اكبر قدر من المال في اقل مده والعودة الي مصر للعيش عيشة كريمة وهذا بالتأكيد يؤثر على مستوي معيشتة هفو يحاول التوفير على حساب كل شئ حتي صحتة واكله وفي الغالب يعيشون بدون العائلة لضمان توفير اكبر قدر من الاموال في اقل وقت.

ب) من يهدف الي العيش حياة كريمة بغض النظر عن ما سيتمكن من توفيرة وهو يحرص على وجود اسرتة معه وبالتالي التوفير يكون قليل الا اذا كان يعمل في وظيفة جيدة وذات دخل كبير.

ومع الاسف الشديد قليل جدا من يمكنة الموازنة بين الاثنين نظرا لاختلاف مستوى المعيشة بالخليج. انا كنت اقع في المجموعة ب ولكني اعتقد انه لا يوجد افضل من الوسطية فيجب ان يكون للفرد هدف معين من الناحية المادية يسعي لتأمينة فلا يعلم الغيب الا الله. ولكن اي من هاتين المجموعتين سعيد للغاية بقرارة لانه عنده هدف يسعي لتحقيقة ومع الاسف كل من المجموعتين يستنكر ما يفعلة الاخر.

2. المجموعه الثانية وهي الغالبية تعيش بلا اي هدف فقط تعيش اليوم ولا تقدر الامور بالشكل الصحيح مما يؤدي الي الكثير من المشاكل فتارة يحاول توفير المال وتارة يصرف المال كأنة عندة الملايين وهي اكثر المجموعات تعرضا للمشاكل فهو لا يدري ماذا يريد.

3. مجموعة من المصريين غاية في الذكاء والنظام والحماس والتحدي وهم من يؤسسون مشاريع خاصة بيهم او يديروا مشاريع بشراكة بعض الاخوان الخليجيين وهما في الغالب منظمون ولديهم هدف رئيسي وهو الاستقرار بالسعودية او اي دوله خليجية ولكنهم مجموعه قليلة للغاية.

لذلك كي نلخص ما تم من حوار ونستفيد منه جميعا اخواني:

1. ضع امامك اهداف قصيرة المدي وبعيدة المدي واكتب هذة الاهداف ونا قشها مع زوجتك واهل بيتك.

2. اعرف ماذا تريد خلال هذا العام وماذا ستصبح بعد خمسة اعوام و بعد عشرة اعوام.

3. انظر لما تفعلة كل يوم وكل اسبوع وكل شهر وكل عام واسأل نفسك: هل هذا سيساعدني علي الوصول الي اهدافي وتحقيقها؟ وكن صادقا مع نفسك قأذا كانت الاجابة بنعم فالحمد لله انت في الطريق الصحيح وان كانت لا فعليك ان تعيد تنظيم اوراقك وان تغير مما تفعلة كي يكون خطوة نحو تحقيق ما تريدة لانك اذا ستمريت فيما تفعل فسوف تحصل على نفس النتائج وتدور في حلقة مفرغة. لقد استغرقت 6 سنوات حتي تمكنت من احداث التغيير الذي ساعدني علب الوصول الي احد اهدافي وظلت افعل نفس الشيء لمده 8 سنوات بدون تغيير وانا لا اتحرك نحو هدفي الي ان جلست وفكرت ووجدت اني لم اغير ما افعل خلال 6 سنوات وبالتالي لا يوجد تغيير فيما اصل الية.

واخير استعن بالله في كل شئ وتذكر دوما

ان الله في عون العبد ما دام العبد في عوان اخيه

وافعل الخير في اهله وفي غير اهله فان كان في اهله فهو خير وان كان في غير اهله فأنت اهل له.

ادام عليكم الله نعمة العافية والصحة والامن ورزقكم الله الجنة اخواني الكرام

كل الشكر والتقدير

أشكرك على هذه المشاركة المتميزة ... كده انت لخصت فعلا واقع المصريين في الخليج وقدمت نصيحة ممتازة لهم ... تمنياتي لك بالتوفيق

[المر]

السلام عليكم اخى henhel

متشكر جدا على ردك. انا عندى استفسار بالنسبة للسكن لعائله من 4 افراد يعنى اثنين حجرة و صالة يكون ايجارها كام فى السنة. و بالنسبة للمدارس الابتدائى بتكون

مصاريفها كام. و لو حضرتك عندك اى معلومات عن مستشفى العين مثل هل هى مستشفى جيدة السمعة او مستشفى سيئة. انا اسف على كثرة الاسئلة.

جزاك الله كل خير

قال رسول الله صلى الله عليه وسلم ( ان الله فى عون العبد ما دام العبد فى عون اخيه).

[henhel]

السلام عليكم اخى henhel

متشكر جدا على ردك. انا عندى استفسار بالنسبة للسكن لعائله من 4 افراد يعنى اثنين حجرة و صالة يكون ايجارها كام فى السنة. و بالنسبة للمدارس الابتدائى بتكون

مصاريفها كام. و لو حضرتك عندك اى معلومات عن مستشفى العين مثل هل هى مستشفى جيدة السمعة او مستشفى سيئة. انا اسف على كثرة الاسئلة.

جزاك الله كل خير

قال رسول الله صلى الله عليه وسلم ( ان الله فى عون العبد ما دام العبد فى عون اخيه).

اخى الكريم

بالنسبة موضوع السكن غرفتين و صاله فى العين 50 الف تقريبا لكن ممكن تحصل ارخص من كده كل ما تبعد شويه يعنى اعتقد فى مكان اسمه الهير قريب العين و الايجارات فيه اقل طبعا انا بتكلم عن المتوسط لكن اكيد انت عارف ان فيه اكتر من كده بكتير

ثانيا اعتقد انك لو هتشتغل فى المستشفى يفضل انك تفاوضهم انهم يوفرولك السكن

بالنسبه لمدارس الاطفال متشلش هم يعنى فى جميع المستويات و ديه بتتوقف انت عاوز تعلم اولادك ازاى يعنى فى منهج اماراتى و فيه امريكى على حسب لكن المصاريف كام بالظبط بتتوقف على المدرسه و مستواها و سن الاولاد و اشتراك الباص حاجات كتير لو حبيت ممكن تبعتلى سن الاولاد و نوع التعليم و انا اسالك حد من المعارف عشان اديك معلومات دقيقة

اما عن مستشفى العين اعتقد ان فى ستاندرد معين فى الامارات عموما يعنى اطمن من الناجيه ديه المستوى الطبى هنا مرتفع الى حد ما بالمقارنه بدول الخليج عموما

و اسال الله العظيم ان يقدر لك الخير حيث كان

[amr fahmy]

جزاك الله خيرا على هذه المشاركة المتميزة

[المر]

السلام عليكم اخى henhel

جزاك الله كل خير على المعلومات المفيدة جدا و التى طمنئنى الى حد كبير.

بالنسبة للاولاد هيكونوا فى سنة اولى و ثانية ابتدائى .

متشكر جدا

سبحان الله و بحمده عدد خلقه و زنه عرشه و مداد كلماته.

بسم الله الرحمن الرحيم و لا حول ولا قوة الا بالله[/color]

[لماضة مصرية جدا]

السلام عليكم و رحمة الله و بركاته

جميلة جميلات المغتربين

الرويناااااااااااااااااااااااااااء

بصي يا رياسة هو فيه مواقف كده بتحصل في حياة الواحدة تديله دفعة للأماااااااااااااااااااااااااااااااااااااااام بس إوعي توقعي

عجبتيني بقي و انت عاملة واعية ......هاهاهاها و مركبتش إلا لما اتأكدت م بطاقة التموين؟؟؟

إوعي الوعي

والله يا بنتي الحمد لله الدنيا بخير....مواقف زي دي كتير الواحد بيحس ان ربنا سبب له م البشر ناس من عبيده عشان يساعدوه

أنا حصل معايا نفس الموقف بس في شركة اتصالات

كان شاب مصري يا رب يخليه لعيلته و للبلد و لا تصالات و أنا و أنت......و اللي بيحبنا ميضربش نار

انا مع "كن جميلا تري الوجود جميلا" المشكلة مش في الناس

المشكلة في العين اللي بتشوف و بتفهم

فيه عين تنقي رجل الكرسي المكسورة..... و فيه عين تقولك طب الحمد لله فيه كرسي ب 3 رجلين ممكن نقلبه مرجيحة....مثلا

حبايبي الحلوين

أنا نازلة مصر الأسبوع الجاي ان شاء الله

حدش نفسه في حاجة

حلة محشي

ملوخية خضرا

طب.....شوية طيور

أنا عزمت أهه

و كمان احب اعزمكم علي فرح جميلة جميلات العائلة المالكة لمنطقة المهندسين و ما حولها......يعني محدش سمعنا زغروتة معلش نضربها في المطار ان شاء الله

دعواتكم

يا تري أنهي قرار اسهل.....الواحد يتجوز و لا يتغرب؟؟؟

كلاهما رحلة حبة فوشار

الهمنا الصبر يا رب