مغتربي الإمارات

[bobozoro]

سلام عليكم أسف على قلت مشاركتي بس المشغل أنا نزلت مصر زيارة أريب أول إجازة لية وحثت إحساس غريب و متعارض الدنيا بات زحمة أوي في مصر و مكنتش زي من كنت متخيل الناس بأت فحلها بس برضه أحسن من هنا لا؛إن مابقوش زي الأول .

اه صح كنت عايز كل واحد فك يكتب كان إيه احساسه في أول إجازة لمصر و الإحساس إختلف المرات إلي تانية ولا لأ

ثانياً إيه رأيكم في إلي عيش هنا و عايز يتجوز بتباه مشكلة أنا صدفتها أبسطها مفش وقت

[bobozoro]

اه نسيت اقولكم اني نقلت قريب جميرة ليكس تاور لو حد عايز أي معلومة أو خدمة يقول

[matzakos]

السلام عليكم

كل عام وأنتم بخير ..... فين مغتربي الامارات .... و اللا لسه ما رجعوش من مصر ؟

[المر]

السلام عليكم و رحمه الله و بركاته

انا عندى استفسار ارجو من الاخوه اللى عندهم خبره يفيدونى.

انا جالى عقد عمل فى مستشفى العين فى ابو ظبى و هى مستشفى تابعة لهيئة الصحة بمهنه مشرفة تمريض .

هل مسموح لى ان احضر زوجى و ابنائى للاقامة معى؟ و فى حالة الموافقة هل سوف يستغرق وقت كثير؟

جزاكم الله كل خير

:blink: :) :) :)

[المر]

السلام عليكم

فين الاخوة الافاضل

ارجو منكم الافادة لانها مهمة جدا بالنسبة لى.

انا عندى استفسار ارجو من الاخوه اللى عندهم خبره يفيدونى.

انا جالى عقد عمل فى مستشفى العين فى ابو ظبى و هى مستشفى تابعة لهيئة الصحة بمهنه مشرفة تمريض .

هل مسموح لى ان احضر زوجى و ابنائى للاقامة معى؟ و فى حالة الموافقة هل سوف يستغرق وقت كثير؟

جزاكم الله كل خير

:lol: :P

[roby]

كل سنة و انتم بخير انا لسه راجع من مصر امبارح و توقعت بقى اما ادخل المنتدى هلاقى كمية ردود فاتتنى اقراها لكن الظاهر الكل لسه فى الاجازة عايزين مشاركاتكم الغالية تانى

[alshater]

السلام عليكم أجمعييييييين.....

أنا محمد الشاطر صاحب الموضوع و دا اللي أنا إكتشفته بالصدفه هههههههههههه

تصدقو إني كنت نسيت خالص؟؟

نرجع و نقول يا ريت نتواصل تاني حتى لو من خلال الموقع

و أنا شخصيا تحت امر أي مصري موجود في الإمارات و ربنا يهون غربتنا أجمعين

[alshater]

أشكر كل من حافظ على إستمرارية الموضوع من 2006 و بأمر الله ححاول أكون موجود بصورة يومية تاني..

و لو حد عنده إستفسار سريع تليفوني في أول مشاركة لا زال زي ماهوه أصل أنا بصون العشرة هههههه

[bobozoro]

سلام عليكم يا جماعة للأسف الشركة بتاعتي قفلت و بدور دلوأتي دعواتكم

لو أي حد يعرف شركة عايزة java developer يقول ، وشكراً

[لماضة مصرية جدا]

السلام عليكم و رحمة الله و بركاته

حبايبي الحلوين....اللي م الغربة متشحتفين....و عن الرابطة متكلمين

هي فكرة الرابطة جميلة جدا.....مع انها بتفكرني بعبد السميع البواب و هو قاعد علي السطوح....؟؟؟

أنا لسه راجعة من اجازة من مصر....بعد مضي حوالي 9 اشهر هنا في ابو ظبي....مش عايزة اقول مصر بتوحشني أد إيه بكل ما فيها....بحبها كده علي بعضها

طبعا برضه مش عايزة اوصفلكوا احساسي لما بسمع حد بيتكلم مصري.....يمكن عشان انا بشتغل مع جنسيات مختلفة ....فمتتخيلوش اني اسمع كلمة "عايز جاجة" ....بدل إيش تبي؟؟؟" بتعمل فيا ايه

باذن الله فكرة التجمع تكون فكرة موفقة....بس الحقيقة أنا كامر أة....و لو اني بشك كتير في الموضوع ده....ههههه......لازم يكون فيه شكل معين للتجمع

يعني اقترح ان العائلات أو السيدات مثلا تتفق مع بعضها يوم مرة ع الكورنيش....نقعد نقرطف فيه في فروة اي حد قاعد برضه معانا عشان متبقاش غيبة؟؟؟ فكاكة بقي

ا

نا كنت بدور علي مجموعة لتحفيظ القرآن زي ما كنا في مصر بس حواليا ملقتش؟؟؟

آه....نسيت اقولكم....أنا لماضة....اسما و صفة و موضوعا....بشتغل محاضر لغة انجليزية...يعني بوقي معوووووج و عايشة في ابو ظبي

أنا قربت اكمل سنة دلوقتي.....خبرتي في ابو ظبي....انها عبارة عن مربع سكني كل ما الف ألاقي نفسي برجع لنفس نقطة البداية....بس الحقيقة هما الاخوة الهنود في الشارع لطيفين جدا..........أصل اختكم بتحب المشي جدا و بعتبره وسيلة اكتشاف البلد و طبيعة الناس.

نقول سلام مؤقت

خلي بالكم من نفسكم

و لو حد سقاكم حاجة صفرا...........اشربوها ده عصير اناناس......أصل الحمد لله ابو ظبي امان

في امان الله

"من اشتاق إلي الله.......اشتاق اليه كل شيء"

[roby]

حمد لله على السلامة يا لماضة عقبال باقى الناس المختفية اما تظهر انشالله و يكون فى حرركة تانى فى الردود

[alshater]

حمدالله على السلامة يا لماضة متأخرة شوية بس عادي بقى....

أنا مش عارف أمال أنا ليه بتوووه كل ما أروح أبوظبي :lol: بجد مش عارف أحفظ فيها شارع بس برجع أقول يمكن عشان ممشيتش فيها كتير..

بصي يا لماضة..إحنا كسكان دبي لما بنحب نريح عنينا من الهنود بنروح أبو ظبي يا بنتي دبي دي بومباي أو كيرلا أو راجستان حاجة زي كدا

و لا انا غلطان يا سكان دبي؟؟ :lol:

[سهيلة]

مش عارف أمال أنا ليه بتوووه كل ما أروح أبوظبي بجد مش عارف أحفظ فيها شارع بس برجع أقول يمكن عشان ممشيتش فيها كتير

الاستا1 الفاضل الشاطر

معقول بتتوه ف ابو ظبى

دى بلد سهله جدا وكل شوارعها متوازيه وعموديه على الكورنيش

يعنى يها شبه من اسكندريه

وكل مسافه صغيرة اشارة ويوتيرن عشان ترجع

موش زى دبى لو الواحد غلط غلطه يقعد ساعه يلف حوالين نفسه عشان يرجع تانى

انت بس لماتيجى هنا قول ونبعت لك الخريطه

[المر]

السلام عليكم

انا عندى استفسار من حضراتكم

انا سوف ارسل التأشيرة لزوجى و اولادى خلال اسبوعين للأقامة معى . سؤالى هو هل يستطيع زوجى العمل بعد وصوله بهذه التأشيرة؟

شكرا على هذا المنتدى الرائع.

B) :hearts: :Exclam: :ph34r:

[محمد عيسى]

حد ممكن يدلني على محامي في دبي يكون ثقه و حنين في الأتعاب؟ على فكره مش مهم يكون كبير أو شاطر قوي الموضوع بسيط و انا فاهم كويس جدا مطلوب منه يعمل ايه و الاجراءات بس ظروف الوقت و العمل لا تسمح بالتحرك

[لماضة مصرية جدا]

السلام عليكم و رحمة الله و بركاته

حبايبي الحلوين...اللي في أبو ظبي مترستأيين.......أو في دبي ساكنين

يعني المنتدي بيهوي..........ما فيش حوارات..........ما فيش خناقات....؟؟؟ طب ايه؟؟

أنا معرفش عنكم كده خالص

طب نفسي اطمن علي اختنا الرويناء........يا تري اول سنة دبي شكلها معاكي ايه يا حبة الفوشار؟؟؟ نطيتي بره الحلة و لا ايه؟؟؟

يا رب تكونوا بخير......

انا عايزة احكي علي حاجة ضايقتني

انا بدرس لطلبة و طالبات معظمهم اماراتيين...

و طبعا عشان بوقي معوووج......بتكلم انجليزي خبط لزق كده........اول محاضراتي كانت الطلبة فاتحة بوقها و مبهورة و بيخمنوا هو شكلي طبعا عربي بس اللهجة ملخبطاهم....و لقيت منهم احترام شديد

الترم ده.........معرفش ايه اللي هفني في دماغي و ابتديت اتكلم عربي في المحاضرة.........و هما يسمعوا اللهجة المصرية من هنا و يموتوا م الضحك........مع اني لا بقول نكت و لا بكتب زغازيغ ع البورد

هو طبعا بيحصل استظراف كتير..........بس انا عندي مشكلة بتضايق لما بيتكلموا مصري....؟؟؟ بحس بغيمة رخامة كده وقفت فوق راسي

سؤالي بقي........هي اللهجة المصرية بتاعتنا تضحك...؟؟؟

بس خلاص

[mustafa]

بسم اللة الرحمن الرحيم

ياجماعة انا عندى مشكلة مع الكفيل مش عايز يدينى مستحقات نهاية الخدمة على الرغم من انى قدمت استقالتى واديتة شهر انذار ودلوقتى انا اشتكيت فى العمل والعمال

وحددو لى جلسة اية السيناريو المتوقع وهل يحسم الموضوع سريعا خاصة انى عندى فرصة بببلد اخرى وعايز اكنسل االاقامة والفيزا قبل ماامشى مع الشكر

[roby]

السلام عليكم

انا عندى استفسار من حضراتكم

انا سوف ارسل التأشيرة لزوجى و اولادى خلال اسبوعين للأقامة معى . سؤالى هو هل يستطيع زوجى العمل بعد وصوله بهذه التأشيرة؟

شكرا على هذا المنتدى الرائع.

:wub: :blink: :blink: :cry1:

لو الفيزا فيزا اقامة يمكن العمل عليها بدون مشاكل اما لو فيزا زيارة فهيبقى صعب العمل عليها لحد اما الفيزا الاقامة تطلع

[roby]

بسم اللة الرحمن الرحيم

ياجماعة انا عندى مشكلة مع الكفيل مش عايز يدينى مستحقات نهاية الخدمة على الرغم من انى قدمت استقالتى واديتة شهر انذار ودلوقتى انا اشتكيت فى العمل والعمال

وحددو لى جلسة اية السيناريو المتوقع وهل يحسم الموضوع سريعا خاصة انى عندى فرصة بببلد اخرى وعايز اكنسل االاقامة والفيزا قبل ماامشى مع الشكر

مش عارف اقولك ايه بصراحة هوه اللى انا متاكد منه ان حقك هتاخده هتاخده لانهم بيتعملوا بالعدل و طبقا للقانون اللى ليك و اللى عليك انما الوقت ده معرفش نصيحتى لو تقدر تواصل لحد اول جلسة طبعا بدون ما الشغل الجديد بتاعك يتضرر يبقى استنى لحد اول جلسة و اكيد هيبان فيها يعنى لو تم التأجيل لمدة بعيدة و لا فعلا تم الفصل فيها لصالحك و ساعتها تقدر تقرر بنفسك و ربنا معاك انشالله .

[herohero]

السلام عليكم و رحمة الله و بركاته

حبايبي الحلوين...اللي في أبو ظبي مترستأيين.......أو في دبي ساكنين

يعني المنتدي بيهوي..........ما فيش حوارات..........ما فيش خناقات....؟؟؟ طب ايه؟؟

أنا معرفش عنكم كده خالص

طب نفسي اطمن علي اختنا الرويناء........يا تري اول سنة دبي شكلها معاكي ايه يا حبة الفوشار؟؟؟ نطيتي بره الحلة و لا ايه؟؟؟

يا رب تكونوا بخير......

انا عايزة احكي علي حاجة ضايقتني

انا بدرس لطلبة و طالبات معظمهم اماراتيين...

و طبعا عشان بوقي معوووج......بتكلم انجليزي خبط لزق كده........اول محاضراتي كانت الطلبة فاتحة بوقها و مبهورة و بيخمنوا هو شكلي طبعا عربي بس اللهجة ملخبطاهم....و لقيت منهم احترام شديد

الترم ده.........معرفش ايه اللي هفني في دماغي و ابتديت اتكلم عربي في المحاضرة.........و هما يسمعوا اللهجة المصرية من هنا و يموتوا م الضحك........مع اني لا بقول نكت و لا بكتب زغازيغ ع البورد

هو طبعا بيحصل استظراف كتير..........بس انا عندي مشكلة بتضايق لما بيتكلموا مصري....؟؟؟ بحس بغيمة رخامة كده وقفت فوق راسي

سؤالي بقي........هي اللهجة المصرية بتاعتنا تضحك...؟؟؟

بس خلاص

ولا تضحك ولا حاجه والدليل كل الخليجيين بيعرفوها كويس لكن ده من زمان طبع موجود ف الخليجيين معرفش ايه مشكلتهم مع اللهجة المصرية مع انها اقرب بكتير من اللغة العربية من اللكنات الشامية بس ماتعرفيش هي عقدة نقص ولا ايه ولكن من الافضل بما ان انت بتدرسي باللغة الاجنبية فاستخدمي هذه اللغه معاهم وده افضل ومهنيا احسن