مغتربي الإمارات

[seeem]

ترحيب خاص بالمهندس أحمد وأهلا بيك.

كل سنة وانتم طيبين ورمضان كريم

[seeem]

ايه رأيكم ياجماعة فى الاقتراح بتاع المهندس احمد. تعالوا نبدأ بتبادل الخبرات وكل واحد يحكي تجربته فى الامارات

تم تعديل 11 سبتمبر 2007 بواسطة seeem

[أبو العز]

أخوكم أبو العز محلل اقتصادى وأعيش هنا منذ سبع سنوات ارجو ان توافقوا على انضمامى لمنتداكم وان كان لى اقتراح وهو انشاء فرع للنادى المصرى بأبوظبى وجميع امارات الدولة على غرار النادى المصرى فى دبى وقد تحدثت مع السيد / هشام البحطيطى رئيس النادى فى دبى وهو قريب لى وأبدى موافقته بشرط تواجد عدد كاف من المصريين لدعم النادى فى كل امارة.

[seeem]

صباح الورد على كل مصري

رمضان كريم ويعود عليكم الايام بالبركة والخير دايما يارب.

ياما نفسي اكون فى مصر واعيش معاهم رمضان.

ده تقريبا رابع رمضان ليا برة مصر.

زعلان وانا باصوم لوحدى

[wael elsherif]

السلام عليكم رمضان كريم عليكم انا وائل حاصل علي ليسانس اداب لغه عربيه دفعه 96 جامعه الزقازيق المهم خلصت الخدمه العسكريه سجلت تمهيدي ماجستير وبعدين ما كملتش .بدات افكر في موضوع السفر لهولندا بما ان اخي اللي اكبر مني يقيم في هولندا من 94 وصلت هولندا عام 99 بعد رحله مريره من رومانيا المجر سلوفكيا النمسا المانيا هولندا حوالي 6 اشهر \انا مقيم في هولندا من سبتمبر 99 نزلت عام 2006 لمصر علشان اتجوز وكانت الصدمه الكبري لقد احسست اني في كابوس كبير الزحمه رهيبه رغم اني اقيم في بنها \اتريب قريه يقع بهاالموقف العمومي لسيارات الاجره لا اقيم مثلا في القاهره.الشوارع كلها عربيات الرصيف كله بضاعه طيب ازاي الناس ممكن تمشي يا جماعه لازم بقي يمشم تحت الارض الزباله في كل مكان ايه اللي ناقصني علشان نبقي زي بلد صغيره جدا زي هولندا كل حاجه هنا بنظام دقيق جدا النطافه عندهم حاجه تعقدك المساواه حاجه تجيب الاحباط من اوضاعنا في >ام الدنيا<مصر انا اسف لسردي الحقيقه المره يا ريت ما حدش يزعل مني يا جماعه في اول مشاركه لي في منتداكم العزيز اللهم اصلح احوال مصرنا والله نحن نستحق في اوطاننا خيرا مما نحن فيه"ساتواصل معكم ان شاء الله كلما سنحت لي الظروف والوقت >وائل من هولندا>

[seeem]

فعلا يا استاذ وائل الحال بالنسبة للمتغرب اصعب لأنك بترجع على صورة لمصر فى ذاكراتك قديمة واللى بتشوفه فى الغربة بتحس انه طبيعي ومنطقي وبتفترض على طول انه لازم يتطبق ويحصل فى مصر. بس الحقيقة غير كده . اعتقد اقتراحك بمشى الناس تحت الارض اقتراح عبقري وممكن يلاقى ترحيب عالى من اخواننا المسؤولين. ممكنا نخطط انفاق ترابية تحت الارض ونبقى عاملين زي الارانب بس بصورة حضارية . يعنى ممكن نحط يفط واشارات واتجاهات وما فيش مانع من اذاعة موسيقية تسمع فيها: اركب الحنطور؟؟؟ واتحنطر .................على ماتتعدل

[قاهر العولمة]

ده خبر جميل أوي ويهمنا أوي أوي أوي المصريين العاملين في السعودية قدروا يعملوا شيئ مميز جدا ...

المصريون بالسعودية ينشأون صندوقا للتكافل يصرف ‏25‏ ألف ريال لمن يواجه كارثة

الرياض - أعلن السفير فوزي العشماوي القنصل العام المصري بالمملكة العربية السعودية أن صندوق رعاية المصريين بالخارج قرر صرف مبلغ‏25‏ ألف ريال لأي مواطن مصري من اعضاء الجالية المصرية الموجودة بأي مكان داخل المملكة العربية السعودية في حالة التعرض لأي كارثة خاصة في حالات الموت وذلك كتعويض للأسرة بشرط أن يكون عضوا بالصندوق‏.‏

وناشد السفير جميع المصريين والذين يصل عددهم الي مليون ونصف المليون مواطن مصري يعملون داخل المملكة بضرورة المبادرة بتسجيل بياناتهم للاشتراك في الصندوق حتي يتسني لهم الاستفادة من الخدمات التي يقدمها الصندوق في حالة مواجهة أي ظرف يتعرض له المصري في الخارج‏.‏

جاء ذلك في احتفالات مجلس ادارة صندوق رعاية المصريين والذي أقيم السبت بفندق قصر الرياض والذي شارك فيه أعضاء السفارةالمصرية والدبلوماسيون بالقنصلية المصرية العامة بالرياض والوزير مفوض محمد فهمي والوزير مفوض أسامة خليل والقنصل أسامة شكري والمستشار العمالي المصري السيد الشرقاوي، حسبما ذكرت جريدة الأهرم.‏

وفي الكلمة الافتتاحية الصندوق أكد الدكتور حسين ربيع رئيس الصندوق أهمية تضافر الجهود للتعاون فيما بين القنصلية المصرية بالرياض ومجلس ادارة الصندوق وأعضاء الجالية المصرية بالسعودية من أجل التوصل الي حلول لكافة المشاكل التي تواجه أعضاء الجالية المصرية ولاسيما أن الجالية تضم عددا كبيرا من المتميزين من أساتذة الجامعة ورجال الأعمال والأطباء والمهندسين والمدرسين وعدد كبير من أصحاب المهن الأخري والذين اثبتوا تفوقا ونجاحا ملحوظا يشهد به الجميع‏.‏

وشدد الدكتور حسين ربيع علي أهمية العمل بروح الفريق الواحد لخدمة الجالية المصرية والوصول الي الأهداف التي أنشيء من أجلها صندوق المصريين بالسعودية‏.

[seeem]

الخبر ده جميل. تحية للسفير فوزي العشماوي وللسفارة المصرية بالسعودية ولكل المغتربين المصريين بالسعودية.

[احمد الديب]

السلام عليكم احب اولا ان احي هذا المنتدي الرائع الذي لم شمل المصريين في الغربة وارجو من الله ان نجد فيكم الخير وان نجد فيكم خير صديق في هذه الغربة :lol:

[إيزيس]

مش ملاحظين حاجة كلنا بنشتكي من المصريين لكن الحقيقة فعلا هناك سلوكيات سيئة بس ما ننساش الحسنة أنا هنا قابلت كتير مصريين قمة في الأخلاق والتعاون والمحبة وقابلت العكس مشكلتنا إننا بنضخم المشاكل وبعضنا يحب يكسب ود الجنسيات الأخرى بأن يعيب في المصريين ودي حاجة لاحظتها كتير كمان إحنا اشتغلنا على نغمة إحنا اللي علمنا والحضاررات والغرور ده فترة طويلة من الماضي وكان رد الفعل من الآخرين الحقد سابقاً والتشفي حاليا اللي بنعاني منه دلوقت لو واحد مصري عمل مشكلة تلاقي الكل بيحكي الفلسطينيين والسوريين وياللا فرصة لكن الحقيقة ينقصنا التنظيم بيننا والاستمرارية

أما الإمارات فهي بلد جميلة ومنظمة والشعب طيب ومحترم لأقصى حد والله تعرضنا هنا لمواقف مثلاً مع المرور الشرطة المصالح الحكومية ووجدنا منهم احترام وأدب وتعاون هايل جدا أما الأسعار فحدث ولا حرج كل يوم زيادة كل يوم بلا مبالغة

[لكلوك]

ده انتوا فكرتوا الواحد بايام في الامارات انا كنت عايش في الشارقة واشتغلت في شركة مقاولات في الشارقة كان صاحبها فلسطيني يحمل الجنسية الاماراتية الراجل بصراحة مع احترامي لاخوانا الفلسطينيين -كفاية الا همه فيه- بس زي ما يكون في تار بايت بينه وبين المصريين الشركة رغم وجود فلسطينيين واردنيين وسوريين في الشركة غير المصريين ما كانش يتنطط الا علي المصريين حاجة بصراحة ما يعلم بيها الا ربنا واحنا كمصريين اما نطاطي او والله ساعات نفرح في بعض وده كان السبب في تجرأه علينا دون الاخرين يظهر انه الحكومة نحجت انها تقلبنا علي بعض حتي في الغربة.

[matzakos]

السلام عليكم

كلمتين و بس :

1- دبي مدينة كارتونية مزيفة ..... ما فيهاش روح ولا طعم

2- يوجد في دبي بعض المصريين الكويسين ( وأنا منهم و لله الحمد)

الامضاء : مصري بقاله في دبي 6 سنين يدوب ابتدى يشيل قرشين السنه دي بس ... و الله أجل و أعلم

[إيزيس]

على فكرة حد حضر الماتش مصر ومالي؟؟؟ كان تحفة الجو مع المصريين الحلوين حصل تأخير ومشاكل والتذكرة ب 200 درهم وبعدين محدش طلب أي تذكرة عند الدخول( نصب يعني ) والاستاد صغير والناس واقفة خارج الاستاد 6 ساعات قبل الماتش .......................................

ولكن......................كانت الأجواء رهيبة من التشجيع والروح المصرية الجميلة والله احنا حلوين قوي ودمنا خفيف ونحب الناس لكن مالناش حظ مش قصدي في الماتش لأ في الدنيا عموما

[salemhegazy]

على فكرة حد حضر الماتش مصر ومالي؟؟؟ كان تحفة الجو مع المصريين الحلوين حصل تأخير ومشاكل والتذكرة ب 200 درهم وبعدين محدش طلب أي تذكرة عند الدخول( نصب يعني ) والاستاد صغير والناس واقفة خارج الاستاد 6 ساعات قبل الماتش .......................................

ولكن......................كانت الأجواء رهيبة من التشجيع والروح المصرية الجميلة والله احنا حلوين قوي ودمنا خفيف ونحب الناس لكن مالناش حظ مش قصدي في الماتش لأ في الدنيا عموما

حظنا لازم نصنعة بايدينا و كلنا عارفين سبب الغمة اللى كابسة على البلد و موديانا فى داهية من فشل لفشل اكبر

و بيتكلموا على الانجازاتتتتت

لك الله يا مصر

[شموع]

السلام عليكم ورحمة الله وبركاته

ربننا يبارك فيكم جميعا ويجمعنا على الخير يارب

على فكره انا هنا في الامارات من حوالي 20 سنه يعني شكلي كده هطلع اكبركم سنا كمان :blush2: الحقيقه انا قابلت شخصيات كتيره من المصريين الوحش والحلو .... بشكل عام المصريين طيبين لكن مفيش فيهم خير لبعض وعموما برده ده مش كلهم

انا افتكر اننا كنا مجموعه زملاء في العمل وجات لي زميله مصريه تطلب مني اجمع لها جمعية فورا عشان هي بتمر بظروف صعبه وبالفعل جمعت لها الجمعيه وقبضتها اول واحده وجهزت نفسها للسفر الى مصر بلا عوده وعرفت الحكايه دي عن طريق الصدفة من زميله سوريه ... طبعا الحمد لله لحقناها قبل ماتسافر والمدير في العمل كان مصر تدخل وجاب منها الفلوس وكان شكلي وحش جدا كأنني متواطئه معها والحمد لله عدت على خير

اعرف ناس كويسين جدا وعندما نتورط ونحتاج فلوس فورا نتجمع ونعمل جمعيه ونساعد بعض

ياريت فعلا كمصريين نتحلى بالروح الحلوه ونعمل اي حاجه نقدر نوصل بيها لبر الامان صدقوني الغربه بتضيع في عمرنا , تعالوا نعمل جمعيه كبيره تغنينا عن القروض الربويه ونحاول نحقق اهدافنا بالتعاون مع بعض

ياريت نكون يد واحده في الغربه وكمان في مصر

[إيزيس]

حبيبتي شموع لتاني مرة باشفق عليك إيه كمية المشاكل دي ليه بيتنصب عليكي بسرعة مش كفاية موضوع الأرض انت شكلك طيبة جدا والله يعينك ويحفظك

[ahmedhegazy]

السلام عليكم

ياريت نعيد فتح المشاركة ونركز فيها على موضوع معين لمدة محددة مثلا لتكون المشاركات مثمرة من الجميع

واقترح اننا نطرح موضوع انشاء رابطة المصريين فى الامارات والتى تتكون من عدة روابط فرعية تابعة لكل امارة

ياريت نبدأ تجميع الآراء حول مدى جدوى هذا الموضوع

[ahmedarab]

عزيزى استاذ احمد حجازى

انا معك فى التركيز على موضوع واحد ..وايضا معك فى الفكرة بأنشاء رابطة للمصرين رئيسية وروابط فرعية فى كل أمارة

يا ريت لو حد عندة معلومات او تفاصيل تساعدنا فى عمل حاجة زى كدة هتكون كويسة اوىىىىى

الموضوع اكيد مجدى ومفيد بس لو توفرت النية الحسنة والاهتمام الكافى

تحياتى

تم تعديل 1 أبريل 2008 بواسطة ahmedarab

[ahmedhegazy]

عزيزى استاذ احمد حجازى

انا معك فى التركيز على موضوع واحد ..وايضا معك فى الفكرة بأنشاء رابطة للمصرين رئيسية وروابط فرعية فى كل أمارة

يا ريت لو حد عندة معلومات او تفاصيل تساعدنا فى عمل حاجة زى كدة هتكون كويسة اوىىىىى

الموضوع اكيد مجدى ومفيد بس لو توفرت النية الحسنة والاهتمام الكافى

تحياتى

[galaxy]

السلام عليكم جميعا.........انا مقيمه هنا في الامارات مع اهلي ........لكني بالفعل ادرك صعوبه الحياة و الغلاء و الحياة المبالغه في العمليه هنا في الامارات....رغم اني هنا مش من فترة كبيرة لاني لم اتي الا بعد التخرج لان اهلي مش بقالهم كتير ..........لكن من وقت للتاني بسافرو ارجع..........يمكن عشان انا شايفه ان السفر مرحله مؤقته طالت او قصرت و بعدها نرجع برضه بلدنا انشاء الله. mft:

مؤخرا حصلت عليMOH وهي معادله الامارات للصيادله و هي لازمه للعمل بمهنه الصيدله سواء في الصيدليات او المستشفيات في كل الامارت عدا ابو ظبي و دبي............لان ابو ظبي لها امتحان منفصل اما دبي فلها امتحان اخر بعد اللي حصلت عليه و هو الDOH ولذلك بدأت اعمل بالشارقه .

اولا.......لاني اسكن بالشارقه ولأن العمل بدبي رغم انه اعلي في المرتب و تصل الزيادة ل 3000 درهم الا انها مع المسافه و المواصلات كأنها لم تكن . wst::

ثانيا........لأن الحصول علي المعادله الثانيه و اللي بتطلبها جهات دبي في خلال سته اشهر من التحاقك بالعمل بالمعادله الاولي ليست في خطتي الحاليه لان الاهل يبقي لهم الان فترة مش كبيرة و طبعا لما انشاء الله ينزلوا مش هقعد هنا لوحدي الي جانب اني بحكم وجودي معهم مصاريفي بسيطه و لذلك بعمل لنصف دوام .

وعموما انا علي استعداد للمساعده بأي استفسار بخصوص الصيادله لاي من العاملين بهذه المهنه او المقبلين علي المجئ بأذن الله و ذلك من خلال صفحات المنتدي عشان نستفيد كلنا انشاء الله. :waf:

وشكرا لكل من ساهم بمعلومه في هذا الموضوع.............. :ninja: :wub: