مغتربي الإمارات

[mokhtarelmalahy]

الاخ ‏omda ‎‏ شكرا علي ردك اللي كله استهزاء وتريقه.. ربنا يجازيك كل خير

ياعم والله ما بتريق ولا بستهزأ أنا بس بقول رأي لاني ع فكرة مرتبي زيك بالظبط وسألت من فترة علي بدل السكن بس 1500 وناس كتير هنا قالت أقل شيء لو شيرنج مع واحد هدفع 1500 يبقي إزاي سكن ومواصلات ب 1500 لو كدة يبقي هشيل من راتبي علشان أغطي مصاريفي الرئيسية بس ..

والله والله والله أنا ما أقصد أي شيء صدقني ... بعدين متبقاش حنبلي أوي كدة :lol:

ياعم أنا بتمنالك ربنا يوفقك بجد بس مجرد اني بقول وجهة نظري بس والله وبلفت نظرك لحاجة ممكن متكونش واخد بالك منها ..

متزعلش أرجوك ع فكرة محدش بيزعل مني :lol:

تقبل مروري

عادى مفيش مشكله بس انا لو بتكلم مع حد ماعرفوش عمرى ماهتكلم معاه بالطريقه دى ..... ولو ربنا كرمك بمعلومه انت عارفها وغيرك مايعرفهاش ممكن توصلها ليه بطريقه احسن من كده

الأخ mokhtarelmalahy اتمنى لك التوفيق واشكر الاخت jasmin على كل تلك المعلومات القيمة

انا مقيم فى ابو ظبى واستطعت ان اوفر فرصة عمل بنفس الوظيفة لاخى الأصغر بس فى بنك تانى طبعا بالواسطة لان مدير البنك صديق قديم من ايام الجامعة من 25 سنة

طبعا وظيفتك كمندوب مبيعات للقروض وكروت الائتمان تعتمد على الـ Target يعنى لازم تحقق مبلغ معين كل شهر وهو يحتلف من امارة لاخرى مثلا فى ابوظبى بالتالى المعيار الرئيسى هنا ليس ح تعيش فين وتسكن بكام وتصرف كام ولكن حجم الاعمال فى كل امارة طبعا دبى او ابو ظبى هى اللى فيها الشغل والباقى كله تعبان ومش ح تقدر تبيع بشلن بعد التدريب حاول تطلب من الادارة توزعك على ابوظبى العاصمة وليس ضواحيها انا شخصيا اتعامل مع RAKBANK من 7 سنوات وهو بنك محترم جدا

المشكلة الرئيسيية انه بعد الازمة المالية كل البنوك رفعت الحد الادنى للراتب الى 20 الف درهم وتشدد فى القيود على الحسابات الجديدة وكروت الائتمان طبعا بالمنطق كده مش ح تلاقى قاعدة عملاء يحصلون على تلك الرواتب الا فى ابوظبى يليها دبى

بالتوفيق لك

الف شكر على ردك يا استاذ ابو العز فعلا معاك حق ابو ظبى ودبى الدخول فيها اعلى خاصه ابو ظبى لوجود البترول فيها وانا كنت سمعت فعلا انهم رفعوا حد المرتبات اللى للى طالبين قروض يعنى دلوقتى الشغل احسن يبقى فى ابو ظبى وبعدها دبى بس المعيشه فيهم نار ...... ربنا يقدم اللى فيه الخير

الأخ mokhtarelmalahy اتمنى لك التوفيق واشكر الاخت jasmin على كل تلك المعلومات القيمة

انا مقيم فى ابو ظبى واستطعت ان اوفر فرصة عمل بنفس الوظيفة لاخى الأصغر بس فى بنك تانى طبعا بالواسطة لان مدير البنك صديق قديم من ايام الجامعة من 25 سنة

طبعا وظيفتك كمندوب مبيعات للقروض وكروت الائتمان تعتمد على الـ Target يعنى لازم تحقق مبلغ معين كل شهر وهو يحتلف من امارة لاخرى مثلا فى ابوظبى بالتالى المعيار الرئيسى هنا ليس ح تعيش فين وتسكن بكام وتصرف كام ولكن حجم الاعمال فى كل امارة طبعا دبى او ابو ظبى هى اللى فيها الشغل والباقى كله تعبان ومش ح تقدر تبيع بشلن بعد التدريب حاول تطلب من الادارة توزعك على ابوظبى العاصمة وليس ضواحيها انا شخصيا اتعامل مع RAKBANK من 7 سنوات وهو بنك محترم جدا

المشكلة الرئيسيية انه بعد الازمة المالية كل البنوك رفعت الحد الادنى للراتب الى 20 الف درهم وتشدد فى القيود على الحسابات الجديدة وكروت الائتمان طبعا بالمنطق كده مش ح تلاقى قاعدة عملاء يحصلون على تلك الرواتب الا فى ابوظبى يليها دبى

بالتوفيق لك

السلام عليكم

لا شكر على واجب

بنك زاس الخيمه من احسن البنوك و ده لانه من قبل الازمه كان محافظ على نفسه يعنى مابيديش قروض لكل من هب و دب و خدمة العمله عندهم ممتازه

و تاكيدا على كلام الاستاذ ابو عز المشكله دلوقت مش فى الناس بالعكس ناس كتير نفسها فى كروت و مش عارف تحصل عليها يعنى مش الناس الى مش عايزه كرديت ديه البنوك الى متشدده

و الحل مع الى ذى حضرتك ان تدور على شركات فى مجالات غير التطوير العقارى عشان دول BLACK LISTED و تحاول تسجلهم مع البنك و تديهم عروض

و ربنا يوفقك

عندك حق يا jasmin القطاع العقارى اصبح منعدم الثقه للبنوك من الناحيه الائتمانيه وجدارته الائتمانيه وقدرته على الانتظام فى السداد....

[mokhtarelmalahy]

نصيحه على الماشى ماتعملش الشوبنج من كارفور صحيح هو ارخص سوبر ماركت بس هتلاقى نفسك شارى حاجات يامامش محتاجها

احسن واحد هو مانييش حمار الى تحت البيت يوه اقصدى انيشكومار غالى شويه و تطلب من لبن يجبلك جزر بس مابيخليش العين تزوغ كتير

انت هتقوليلى على كارفور دنا كل اما اروحه اجيب حاجات انا مش محتاجها والبركه كمان فى Credit Card ..... ماله الواد شامبو البقال اللى على اول الشارع

[عماد حمدي]

يا جماعة محدش رد عليا لية .. تأشيرتي بقالها شهرين ولسة مش جت .. ومن أسبوعين طلبوا مني شهاده التخرج متوثقة وصورة خلفية بيضاء .. قولت تمام هانت مر أسبوعين كمان وكلموني عايزين اسم والدتي !!!!!!!!!

مش عارف بقا عايزينة في اية دول ... وبعدين شايفين الوضع كدا اية وهتتأخر أكتر من كدة ..

انا بجد والله زهقت وجالي إحباط والفولت بتاعي نزل وأعصابي بايظ اوي

ياريت حد يطمني

منتظر ,,

اخوكم عمدة

[ابو حبيبه]

[ متفلقش يا عمدة انا زيك منتظر من شهرين وانا اخدو منى جميع البيانات من شهرين وكمان صورر ملونه طبق الاصل للشهادات واباسبور

و عشر صور خلفيه بيضاء

انا طالع جهه حكوميه وعملت اختبار فى القاهرة والحمد لله نجحت واختارونى مع 70 اخرين

بس واضح انى فى اجراءات كتيرة قبل التاشيرة زى الاستعلام الامنى ودة بيتاخر لانه من مصر

انا زهقت من كثرة الاتصال بالشركه بس هعمل ايه

سيبها على الله لو ربنا عاوز شىء هيحصل كله بقدر الله

ولن تموت نفس الا حين تستوفى اجلها ورزقها

يبقى هنقلق ليه كل شىء فى معاد

[Leedo]

السلام عليكم

بداية اود ان احييكم و اسلم على الجميع ، انا زميل جديد لكم سياتي للعمل في دبي في خلال شهر وعندي بعض الاستفسارات التي ارجو ان تساعدوني بالرد عليها:

انا اعمل في جهة حكومية

1- انا مقيم بالكويت وعندي سيارة وسددت جميع الاقساط ، هل استطيع احضار السيارة معي؟

2- معي رخصة قيادة من دولة الكويت هل استطيع استبدالها ام يجب ان اجري الاختبار؟

3- اسعار الايجارات لشقة غرفتين وصالة ذات مساحة معقولة وفي منطقة جيدة (دبي -الشارقة)؟

4- ما هي المدارس الجيدة سواء في الشارقة او دبي (ذات المنهج الانجليزي)؟

5-متوسط الانفاق الشهري لاسرة من زوج و زوجة وثلاثة اطفال؟

6- ما هي الرسوم الشهرية للخدمات (كهرباء -ماء-تليفون)؟

اعتذر اذا كانت الاسئلة كثيرة لكني اطمع في كرمكم وتعاونكم واتمنى ان نتواصل دائما ونعيد احياء الفكرة الاولى لهذا المنتدى كما قراتها وهي ايجاد كيان يربط المصريين والموضوع مش صعب س عايزية صادقة وتخطيط جيد وتنفيذ دقيق

شكرا لكم

[عماد حمدي]

أخ leedo

أهلا ورحبا ً بك وشرفتنا ونورتنا والله .. أنا قولت أدخل أرحب بيك ..

والأخوه هنا إن شاء الله يجاوبوا عليك ..

تقبل مروري ,,

عماد

[عماد حمدي]

[ متفلقش يا عمدة انا زيك منتظر من شهرين وانا اخدو منى جميع البيانات من شهرين وكمان صورر ملونه طبق الاصل للشهادات واباسبور

و عشر صور خلفيه بيضاء

انا طالع جهه حكوميه وعملت اختبار فى القاهرة والحمد لله نجحت واختارونى مع 70 اخرين

بس واضح انى فى اجراءات كتيرة قبل التاشيرة زى الاستعلام الامنى ودة بيتاخر لانه من مصر

انا زهقت من كثرة الاتصال بالشركه بس هعمل ايه

سيبها على الله لو ربنا عاوز شىء هيحصل كله بقدر الله

ولن تموت نفس الا حين تستوفى اجلها ورزقها

يبقى هنقلق ليه كل شىء فى معاد

والله يا أبو حبيبة أنا كمان زهقت من كتر الإتصالات .. يالا ربنا يهونها علينا ويعديها ع خير .. لان بجد الموضوع بيخ أوي أوي أوي المشكلة ان بيجلي عروض تانية كتير وش عارف اتحرك

بالتوفيق جميعا ً إن شاء الله

[عماد حمدي]

حدث ما كنت أتوقعة

منذ شهرين وانا منتظر وصول تأشيرة العمل بأبوظبي وطلبوا مني كل الأوراق .. وإتصلت بالفرع الرئيسي وأخبرني بالأتي :

أن هناك مشاكل حاليا ً في القوانين بالإمارات وأن الدولة ترغب بتسريح العمالة الموجودة وأنه في حالة طلب أي شركة أي موظفين تكتفي بالموجودين داخل الدولة وليس من خارجها !!! لذلك هناك صعوبة حاليا ً في إستخراج تأشيرة العمل .. ومن الممكن بل من المحتمل بنسبة 90 % عدم إستخراج التأشيرة الخاصة بي ...

بجد هيجيلي سكتة قلبية .. وعايز أعيط والبيت هنا إتقلب ميتم .. وأن إنتظاري طوال هذه الفترة كان هباءً .. ياريت الناس تأكدلي صحة الكلام دا أو تنفيه .. وسؤال أي معقب حكومي لديكم يا جماعة الله يخليكم انا تعبت والله

[أبو العز]

حدث ما كنت أتوقعة

منذ شهرين وانا منتظر وصول تأشيرة العمل بأبوظبي وطلبوا مني كل الأوراق .. وإتصلت بالفرع الرئيسي وأخبرني بالأتي :

أن هناك مشاكل حاليا ً في القوانين بالإمارات وأن الدولة ترغب بتسريح العمالة الموجودة وأنه في حالة طلب أي شركة أي موظفين تكتفي بالموجودين داخل الدولة وليس من خارجها !!! لذلك هناك صعوبة حاليا ً في إستخراج تأشيرة العمل .. ومن الممكن بل من المحتمل بنسبة 90 % عدم إستخراج التأشيرة الخاصة بي ...

بجد هيجيلي سكتة قلبية .. وعايز أعيط والبيت هنا إتقلب ميتم .. وأن إنتظاري طوال هذه الفترة كان هباءً .. ياريت الناس تأكدلي صحة الكلام دا أو تنفيه .. وسؤال أي معقب حكومي لديكم يا جماعة الله يخليكم انا تعبت والله

متخافش مافيش كلام فاضى من ده انا اعمل فى الحكومة فى ابوظبى والكلام ده غير صحيح بالمرة بس الجماعة اللى بيخلصوا الجوازات يومهم بسنة وبيحتاجوا يجمعوا اوراق مجموعه عشان يبقى مشوار واحد بدل مايروح الجوازات كل يوم

اطمئن وخليها على الله ولو لك رزق ح تاخده

[pmj]

بس ياجماعه زوجى حصلو حاجه شبه كده برضه الفيزا بتعته هتخلص فبدل ميجددو له هينزلوه عشان عقده باقى عليه شهر بس وينتهى فلقو ان كده اوفر لهم حد يفدنى فالموضوع ده

[عماد حمدي]

أبو العز ...

انا مش عارف بجد اعمل إية أنا جالي فرص كتير اوي خلال الشهرين ونص دول وفي الأخر الشركة بتقول فركش !!!

أنا بجد مش عارف أمل إية .. طيب هل ينفع اروح زيارة ومن هناك أحولها لإقامة ولا لا ؟؟؟

رجاء الرد يا جماعة

[أبو العز]

الاخ omda

أولا مش عارف انت جاى على اى شركة هل هى شركة حكومة فعلا ولا ايه بالظبط

ممكن تدخل على موقع الغرفة التجارية بابوظبى وتبحث عن الشكل القانونى للشركة وتعرف كل التفاصيل عنها وادى موقع الغرفة

http://www.abudhabichamber.ae/user/default.aspx

ثانيا اتصل بهم وهددهم ان مش ح تيجى طالما بتيجى لك عروض وبدل ماتضيع منك ، وهم الخسرانين لانهم بيكونوا اكيد بدأو فى اجراءات التأشيرة وخصوصا لو كانت خلصت وانت ماجيتش بيكون عندهم مشكلة كبيرة مع الجوازات والعمل والعمال لاستخراج تاشيرة جديدة لموظف اخر بعد الفاء تأشيرتك

ربنا يوفقك

[عماد حمدي]

ابو العز

شكرا ع إهتمامك .. بص هيا شركة عقارات سعودية وليها فرع بأبو ظبي .. وزي ما قولتلك ارسلت ليهم صورة الجواز يوم 11 يناير ويوم 25 فبراير طلبوا مني شهاده التخرج متوثقة وصورة خلفية بيضاء والأن مر تقريبا ً 21 يوم من تاريخ إرسال صورة ضوئية للمؤهل والصورة الشخصية ..

وفوجئت بهاتف من مدير الشركة بالفرع الرئيسي بالسعودية عن جود صعوبات حاليا ً في إستخراج التأشيرة ...

سؤال ماذا ياعني طلبهم لصورة المؤهل والصورة الشخصية ؟؟ هيحتاجوها في اية ؟؟ ولماذا لم يتم طلبها في البداية

وكمان هل كدا وزارة العمل رفضت التأشيرة ولا اية بالظبط

وشاكر إهتمام حضرتك

[أبو العز]

ياعم عمدة انا سألتك اسم الشركة ايه لان الجواب بيبان من عنوانه

هناك تحفظات على الكثير من الشركات العقارية بعد النصب الاخير الى حدث واخرها رئيس احدى الشركات العقارية الكبرى (ديار) التابعة لاكبر بنك فى الدولة وهو بنك دبى الاسلامى لسه مخبوط 3 سنين سجن

وبعدين لاتوجد علاقة بين الشركة السعودية وشركة ابوظبى وانما كل شركة كيان مستقل قائم بذاته يعنى لما تشتغل فى شركة ابوظبى تحصل على تأشيرة دخول الامارات وتستلم راتبك ومستحقاتك من الامارات ولايمكن تدخل السعودية او تتعامل معها والعكس صحيح

انسى كلام شركة سعودية او كويتيية مقرها الامارات هى فى النهاية شركة اماراتيه قائمة بذاتها ومسجلة حسب القوانين ويمكن التأكد من خلال الغرفة التجارية

طبعا هناك شركات كبرى لاغبار عليها مثل الدار وصروح واعمار وهى حجم اعمالها بالمليارات

[عماد حمدي]

استاذ أبو العز

أرسلت لسيادتك رسالة خاصة برجاء الإطلاع

شكرا

[أبو العز]

استاذ أبو العز

أرسلت لسيادتك رسالة خاصة برجاء الإطلاع

شكرا

تم الرد

[عماد حمدي]

استاذ أبو العز

أرسلت لسيادتك رسالة خاصة برجاء الإطلاع

شكرا

تم الرد

وصلت الرسالة .. وشكرا ً جزيلا ً يا باشا

وجزاك الله كل خير

أنا سلمت أمري لربي .. هوه الأعلم بحالي

شكرااااااااااااااا

[mokhtarelmalahy]

يا جماعه انا خلاص مسافر دبى يوم الاحد 28/3 9 صباحا حد عايز حاجه من مصر

[لماضة مصرية جدا]

السلام عليكم و رحمة الله و بركاته

ممكن استشارة

انا بشتغل في مكان خاص......وظيف كويسة......بس مطلعين عينيا.....فيه كتلة غباء...علي عصبية.....علي عك.......علي سياسات عقيمة

معلشي ع الحدفة دي

بس انا بفكر في الانسحاب لاني خلاص انا كمان جالي غباء...قضي

اقضيت معاهم سنة و حوالي 6 شهور.....و فاضل ليا سنة كمان و اربع شهور

ايه افضل سيناريو انسحاب باقل خساير

1- استني الاجازة الجاية و انزل...و مرجعشي

2- اخش في صدام مباشر معاهم اني هستقيل.....بس معرفشي ايه موقفي...و مستحقاتي

3- استخدم سيناريو التطفيش.....يعني اخليهم هما اللي يستغنوا عني.....بس معنوياتي توجعني...بس فعلا الواحد واصل معاه حد الغباء

انا معنديش عروض تانية في الوقت الحالي.....لاني عملي منهك جدا و مافيش فرصة اني افلفص او حتي افكر في اماكن اخري.

افيدوني

اريد حلا

فوتكم بعافية

[ahmos1]

اذا قررتى انك ممكن ترجعى تانى يبقى ماينفعش السيناريو الثالث اطلاقا- عن نفسى افضل التفاهم مع اقرب الناس فى العمل و اكثرهم عقلانية و عدلا مع عدم ذكر اى مساوىء عن العمل ادت بك لاتخاذك القرار و انما الايحاء بأن القرار سببة شخصى او عائلى بحت لضمان الحصول على الحقوق دون الدخول فى معارك