مغتربي الإمارات

[عماد حمدي]

يا جماعة تجمع الاخوه الظاببوايين wst:: خلوها لما آجي بقا ...

هااااااااااااااااااااااااااااااانت دعواتكم بس لاني خلاص جبت جاز وسورلار وزيت طيارات :D

بالتوفيق للجميع ,,

[hakeem]

نوّرت الإمارات يا أبو حبيبة..

أولاً: أنا اتصلت فوراً الآن بعد قراءة مشاركتك بأخ مصري هنا صاحب شركة تسويق عقاري، أعرفه شخصياً، ولديه العديد من الشقق والاستوديوهات والغرف في أبوظبي..

صراحةً ما كنت أعرف أين تقع مستشفى زايد هذه، لكني سألته فقال لي على طريق المصفح.. وليس عنده سكن متوفر الآن هناك.. لكن يوجد قريب بعض الشيء منه..

على أية حال، هذا رقم السكرتير الخاص به..اسأله عما تريد، ربما يفيدك أو يدلك على شيء قريب..

اسمه محمد.. اتصل به على: 055/2204611

ثانياً: غداً - إن شاء الله - الجمعة ستجد صحف الوسيط، والمدى، والإعلانية.. جميعها مجانية.. بها إعلانات كثيرة، وفيها كل ما تريد..

ثالثاً: إذا قدّر الله ولم تجد فيها ما يناسبك، انشر إعلان في الوسيط في الأسبوع الذي يليه بـ 45 درهماً.. واذكر فيه كل ما تريده في سكنك الجديد..

ستجد عشرات الاتصالات تأتيك من صباح الجمعة إلى ما شاء الله...

أخيراً: تعال هنا واسأل عن أي شيء يشغل بالك.. إن شاء الله ستجدنا بجوارك.. وهذه نصيحتي لجميع القادمين الجدد إلى الإمارات..

بالتوفيق.

هم دول ولا بلدنا...وفعلا الاخ عبيد الله خير السند..بس كان فين من فتره كبيره غايب عن المنتدى

[لماضة مصرية جدا]

السلام عليكم و رحمة الله و بركاته

اخواني الظبياوين......الشرفاء

اجمع هنا حاااااااااالا gra:-

بكرة بإذن الرحمن هيكون فيه احتفالية صغيرة كده بتحرير سيناء...(حد هيهرش في دماغه و يقولي مش ده كان الاسبوع اللي فات.....هقول معلشي مصر هتفضل غالية عليا.... :lol: )

الاحتفالية هتكون في المكتب الثقافي للسفارة المصرية

بصوا انا هوصفوا علي اد ما اعرفه....و محدش يضحك عليا....(مبعرفشي في الشوارع خالص)

وزارة التربية و التعليم القديمة.....كويس...و بعدين تخشوا من هناك ع جنب.......تفضلوا ماشيين لغاية ما تلاقوا جامعيين قصاد بعض...دول الاتنين مساجد شيعة...(انا كنت نوهت قبل كده ان واحد منهم للسنة بس طلع الاتنين شيعة....ما علينا)

لما تلاقي الجامعيين....تخشوا م ع الجنب.....مش عارفة انهي جنب بقي....و هتلاقوا المكتب الثقافي و هو عبارة عن فيلا بدورين.

يا رب تكون وصفة سهلة

نتمني نشوفكم بكرة.....عشان كمان الي عنده فكرة او طريقة لموضوع نادي المصريين في ابو ظبي

لو تقدر يا استاذ ابو حبيبة تشرفنا بالزيارة يبقي هايل....و يا سلام بقي لو لسه جايب معاك زيارة من مصر...حتة فطير علي كام كيلو لحمة......غلاوتك هتزيد عندنا خاااالص... :lol:

نشوفكم علي خير

في امان الله

[Alshiekh]

مداخلة من العضوة الفاضلة nada

يبدو انها لم تستطع ادراج مداخلتها واقوم بذلك نيابة عنها ، ومن يستطيع الرد فليتفضل :

السلام عليكم اولا

دى اول مره اشارك فى منتدى علشان نفسى اعرف رد لاسألتى

انا اخصائيه نفسيه عندى 28 سنه معروض عليا العمل فى مسقط

عاصمه عمان فى احدى المدارس الخاص مع توفير السكن والانتقالات بمبلغ 200 ريال انا عارفه ان انا عرفت من دخولى فى المنتدى ان المبلغ ضئيل جدا بس هل يمكن محاوله الادخار منه

وهل يمكن الحصول على عمل اخر فى غير مواعيد الداراسه ام الافضل رفض العرض ياريت حد يقولى اعمل ايه على العلم انى بحاول الاقى فرصه سفر بقالى 3 سنين

[لماضة مصرية جدا]

مداخلة من العضوة الفاضلة nada

يبدو انها لم تستطع ادراج مداخلتها واقوم بذلك نيابة عنها ، ومن يستطيع الرد فليتفضل :

السلام عليكم اولا

دى اول مره اشارك فى منتدى علشان نفسى اعرف رد لاسألتى

انا اخصائيه نفسيه عندى 28 سنه معروض عليا العمل فى مسقط

عاصمه عمان فى احدى المدارس الخاص مع توفير السكن والانتقالات بمبلغ 200 ريال انا عارفه ان انا عرفت من دخولى فى المنتدى ان المبلغ ضئيل جدا بس هل يمكن محاوله الادخار منه

وهل يمكن الحصول على عمل اخر فى غير مواعيد الداراسه ام الافضل رفض العرض ياريت حد يقولى اعمل ايه على العلم انى بحاول الاقى فرصه سفر بقالى 3 سنين

السلام عليكم و ورحمة الله و بركاته

هو حضرتك تقصد 2000 ريال صح.......علي رايي المتواضع (مع اني مش في عمان)....بس اعتقد انها فعلا قليلة....

و الله اعلي و اعلم

ربنا ييسر الصالح ان شاء الله

[لماضة مصرية جدا]

السلام عليكم و رحمة الله و بركاته

معلشي انا تاني

بس المكتب الثقافي في شارع اسمه شارع الجوازات

[عبيد الله]

السلام عليكم أخت لماضة..

بالنسبة للعنوان فهو صح: شارع الجوازات، متفرع من شارع المرور.. المكتب الثقافي المصري هناك على إيدك اليمين بعد المسجد الشيعي مباشرة..

بس فيه نقطة أوضحها لحضرتك:

المسجد الأول سُنّي وليس شيعي.. أنا كنت أسكن في العمارة المقابلة من الناحية الأخرى العام الماضي هناك..

المسجد الشيعي سترين عليه من الخارج رسومات مكتوب عليها أسماء أئمة الشيعة، مثل جعفر الصادق وموسى الكاظم والإمام العسكري.. الخ الخ..

أما الآخر فهو سُنّي.. وصليت فيه عشرات المرات..

الفرق في الغالب: هو أن المسجد السُنّي عادي مثل مساجدنا، لكن الشيعي بيكون فيه قبة مثل الحسينيات اللي في إيران وجنوب لبنان، وبيكون عليه رسومات من الخارج بأسماء أئمة الشيعة..

بالنسبة للاحتفال هشوف لو كان ممكن آجي.. وإذا مقدرتش فسأنتظر أن تكتبوا لنا هنا عما حدث..

بُوركت يا أختاه..

[عماد حمدي]

سلامو عليكو

حبايبي الحلوين أعضاء محاورات المصريين ..

إستكمالا ً للمسلسل البايخ بتاعي .. فدي كانت الحلقة قبل الأخير ..

اتصلت بالشركة في أبوظبي ,اخبروني بالتالي :

ان التأشيرة أتوافق عليها خلاص من مكتب العمل يوم الأثنين اللي فات والمفروض هتروح حاجة اسمها التفتيش والبحث ! وبعد كدة ترجع تاني وزارة العمل الشركة تسدد المصروفات الازمة وياخدوا التأشيرة .. ودا هيكون يوم الاحد الجاي دا او الاثنين

هل دا واقعي ولا خيال ؟؟ بس علشان أعرف أحط المسلسل دا تبع الخيال العلمي ولا تحت بند قصة واقعية :lol:

أصلة طالما اتوافق عليها خلاص من مكتب العمل اية بقا البحث والتفتيش دا ؟؟

فوتوكو بعافية :blink:

تم تعديل 30 أبريل 2010 بواسطة omda2006

[hakeem]

سلامو عليكو

حبايبي الحلوين أعضاء محاورات المصريين ..

إستكمالا ً للمسلسل البايخ بتاعي .. فدي كانت الحلقة قبل الأخير ..

اتصلت بالشركة في أبوظبي ,اخبروني بالتالي :

ان التأشيرة أتوافق عليها خلاص من مكتب العمل يوم الأثنين اللي فات والمفروض هتروح حاجة اسمها التفتيش والبحث ! وبعد كدة ترجع تاني وزارة العمل الشركة تسدد المصروفات الازمة وياخدوا التأشيرة .. ودا هيكون يوم الاحد الجاي دا او الاثنين

هل دا واقعي ولا خيال ؟؟ بس علشان أعرف أحط المسلسل دا تبع الخيال العلمي ولا تحت بند قصة واقعية

أصلة طالما اتوافق عليها خلاص من مكتب العمل اية بقا البحث والتفتيش دا ؟؟

فوتوكو بعافية :D

ازيك ياعمده...ياريت والله حدمن الامارات يفيدنا لان برده اتصلت علشان التاشيره وقالولى تقريبا نفس الكلام(ان تصريح العمل طلع ومش عارف ايه....الخلاصه يعنى ان لسه شويه ع التأشيره)

ربنا يصلح احوالك ياعمده

ويبان حل لكل المستنيين تأشيرات

خلينا نشوفك ياعمده :D

[أبو العز]

أخى عمدة

الاجراءات سليمة بس لازم تفرق بين حاجتين

شركة قطاع خاص :

- موافقة العمل والعمال

- الحصول على الموافقة الامنية (يمكن تكون ارهابى او عليك احكام)

- الجوازات لاستخراج التأشيرة النهاية (من يوم الى 3 أيام بحد اقصى) المستعجل يدفع 100 درهم لاستخراج التأشيرة فى الحال

شركة حكومة :

- الحصول على الموافقة الامنية

- الجوازات لاستخراج التأشيرة النهاية (غالبا تطلع التأشيرة تانى يوم)

الصبر حلو

[عماد حمدي]

أخويا أبو العز

جزاك الله كل خير ع إهتمامك وردك بجد انته طمنتني ربنا يباركلك يارب ويصلح حالك ويديك ع قد نيتك بجد

شكرا ً مرة تانية يا جميل وجعلك الله دوما ً ذخرا ً وعونا ً لنا

اخوك

عماد

[areeg]

يا جماعة ضرورى لو سمحتو لو حد عارف حاجه عن ادارو مستشفى المركز الطبى الوطني فى دبى وابو ظبى ضروري عشان انا جيلى عقد عليه ولو قبلته هسيب شغلى فى السعوديه انا طبيب باطنه دكتوراه2008 وقلقان لانى شايف كل الادارة هنديه يعنى لو الواحد اتخانق مع ممرضه هنديه ينصروها عليا وبالنسبه لاوقات العمل ممكن يقولو 8 ويسرحو ويبقو 10 زي هنا فى السعوديه

[areeg]

معلشى عشمى فى وجه الله ثم فيكو كبير

لو جيت على خاص وبعدين اردت احول حكومه ايه مدي صعوبه ذلك وهيكون فيها مشاكل هو اصلا نهو احسن الخاص ولا الحكومه ولسيدتكم جزيل الشكر مقدما

[لماضة مصرية جدا]

معلشى عشمى فى وجه الله ثم فيكو كبير

لو جيت على خاص وبعدين اردت احول حكومه ايه مدي صعوبه ذلك وهيكون فيها مشاكل هو اصلا نهو احسن الخاص ولا الحكومه ولسيدتكم جزيل الشكر مقدما

السلام عليكم و رحمة الله و بركاته

استاذنا الفاضل....مش هقدر افيد حضرتك في موضوع ادارة المستشفي بس ان شاء الله تلاقي من الاخوة هنا الرد الكافي

هو كلنا فكرنا زي حضرتك كده في البداية.....طبعا الشغل الحكومي باي مقياس هو افضل من الخاص.... لان بيبقي فيه امتيازات افضل من الخاص

مشكلة الخاص....انه خاص يعني عقد بيتفصل لكل موظف....و ممكن تتفاجأ بعد كده باختلافات مع زمايلك....يعني مهارة حضرتك في التفاوض من البداية هي اللي بتحدد ملامح طريق حضرتك بعد كده

برضه حضرتك من البداية بتحط خطوط عريضة....و خاصة فيما يتعلق بالساعات الزيادة......لازم تسال عنها....الاتش ار في المؤسسة بتاعتك...من باب تعريفه انك عارف...

و بتسجل ده.....و بتقدمه لرئيسك المباشر

أهم حاجة هي بند السكن.....يا رب يكون علي الشغل...عشان ده هيشيل من علي حضرتك عبء كبير...و خصوصا لو حبيت تستقدم اسرتك بعد كده

نصيحتي لحضرتك انك تحاول تقرا قانون العمل كويس

في حدود معلوماتي المتواضعة عشان تتنقل من شغل لشغل آخر متهايلي بتدفع شهر و نصف عشان تاخد خطاب بيسمي خطاب الممانعة......بس لو تسمحلي انصح حضرتك.....انت ركز في شغلك المتاح دلوقتي طالما استخرت و حسيت ان العرض كويس.....و خلي السنة الاولانية استطلاعية للبلد و المكان بشكل عام....عشان تقدر تحدد اتجاهاتك بعد كده

ربنا ييسر لحضرتك الخير

و ان شاء الله اخواتنا هيردوا علي حضرتك في باقي التفاصيل

تحياتي

[لماضة مصرية جدا]

السلام عليكم أخت لماضة..

بالنسبة للعنوان فهو صح: شارع الجوازات، متفرع من شارع المرور.. المكتب الثقافي المصري هناك على إيدك اليمين بعد المسجد الشيعي مباشرة..

بس فيه نقطة أوضحها لحضرتك:

المسجد الأول سُنّي وليس شيعي.. أنا كنت أسكن في العمارة المقابلة من الناحية الأخرى العام الماضي هناك..

المسجد الشيعي سترين عليه من الخارج رسومات مكتوب عليها أسماء أئمة الشيعة، مثل جعفر الصادق وموسى الكاظم والإمام العسكري.. الخ الخ..

أما الآخر فهو سُنّي.. وصليت فيه عشرات المرات..

الفرق في الغالب: هو أن المسجد السُنّي عادي مثل مساجدنا، لكن الشيعي بيكون فيه قبة مثل الحسينيات اللي في إيران وجنوب لبنان، وبيكون عليه رسومات من الخارج بأسماء أئمة الشيعة..

بالنسبة للاحتفال هشوف لو كان ممكن آجي.. وإذا مقدرتش فسأنتظر أن تكتبوا لنا هنا عما حدث..

بُوركت يا أختاه..

شكرا لحضرتك ع التوضيح

بالنسبة للاحتفالية ....يبدو انها كانت اكتر من رائعة...(اينعم انا مقدرتش احضر) بس المجموعة بعتتلي صور فعلا تحسسك انك في قلب مصر

حد سمع عن إذاعة الجالية المصرية في ابو ظبي

برضه هشمشملكم ع الموضوع و هآجي تاني

================

استاذنا عماد.....

متسربع علي ايه......الصابرين بخير........

بكرة تندم.....

قصدي...

بكرة تفوووووق....

قصدي بكرة توصل بالسلامة.....ما علينا

انا قولتلك قبل كده....هما هيغطسوا فترة.....و بعدين اذ فجأتن هتلاقيهم ظهروا.....استعد بقي

ربنا يوفقك

برضه استاذنا حكيم.....هو انت دفعة عماد طيب.......ايه ده كده ابو ظبي هتبقي زحمة أوي..... :)

ان شاء الله توصلوا و تنورونا......و تنضم لافراد الجالية هنا......هتندمجوا معاهم جدا باذن الله

مسااااااكم رضا

تحياتي

[عماد حمدي]

لمضمض متسربع يا جميل انا بقالي 4 شهور ونص هستني أكتر من كدا اية بس !!

دعواتكم بس .. ربنا يسهل يارب أنا خلاص بجد والله كل اللي يقابلني يقولي انته بدأت في الشهر الخامس محسسني اني حامل في التأشيرة وهولدها ع السابع او التاسع :) ع الله بس الجنين يطلع كويس مفيش فية عيوب زي السعودية

فوتوكوا باعافية وسلامي لكل الجالية المصرية بأبوظبي .. وأفرشوا المطار ورد من دلوقتي وأمنوا مداخل ومخارج البلد كويس والقناصة ع البيوت وتجهيزات أمنية مشدده إستعدادا ً لوصل عمده المصريين :closedeyes:

تم تعديل 2 مايو 2010 بواسطة omda2006

[nada]

شكرا لردك اختى العزيزه بس انى قصدى 200 ريال عمانى يعنى حوالى 3000 مصرى

[nada]

انا عرضت استفسارى وكان نفسى حد يفكر معايا ويقولى ايه هو التصرف المناسب

اذهب للعمل فى عمان كأخصائيه نفسيه فى احدى المدارس الخاصه

بمرتب 200 ريال عمانى مقابل 3000 جنيه مصرى بالاضافه الى انا الاقامه مجانيه على المدرسه

واترك عملى فى القاهره وهو اخصائيه نفسيه بالتعاقد

فهل اذهب الى العمل فى عمان واطرق ابواب جديده

ام انتظر على امل التثبيت فى العمل مع العلم ان مرتبى الان 320 جنيه

انا بصراحه خايفه معرفش استمر فى عمان خاصه ان العقد لمده سنه قابله للتجديد

وارجع مصر الاقى نفسى بدون عمل يعنى اخسر الاثنين

وخايفه كمان استمر فى مصر من غير مجازفه وافضل محلك سر بدون تقدم

فماذا افعل افيدونى افادكم الله

[hakeem]

انا عرضت استفسارى وكان نفسى حد يفكر معايا ويقولى ايه هو التصرف المناسب

اذهب للعمل فى عمان كأخصائيه نفسيه فى احدى المدارس الخاصه

بمرتب 200 ريال عمانى مقابل 3000 جنيه مصرى بالاضافه الى انا الاقامه مجانيه على المدرسه

واترك عملى فى القاهره وهو اخصائيه نفسيه بالتعاقد

فهل اذهب الى العمل فى عمان واطرق ابواب جديده

ام انتظر على امل التثبيت فى العمل مع العلم ان مرتبى الان 320 جنيه

انا بصراحه خايفه معرفش استمر فى عمان خاصه ان العقد لمده سنه قابله للتجديد

وارجع مصر الاقى نفسى بدون عمل يعنى اخسر الاثنين

وخايفه كمان استمر فى مصر من غير مجازفه وافضل محلك سر بدون تقدم

فماذا افعل افيدونى افادكم الله

بصراحه انا شايفه عرض كويس ...وعمان اسمع انها بلد كويسه..وفعلا كلامك صحيح لو كملت هنا هتفضل محلك سر وبعدين انت شغال اصلا بالعقد هنا يعنى مش فارقه كتير

والقرار الاول والاخير لصاحب الشأن ..حضرتك تقرر

[hakeem]

برضه استاذنا حكيم.....هو انت دفعة عماد طيب.......ايه ده كده ابو ظبي هتبقي زحمة أوي..... :blush2:

ان شاء الله توصلوا و تنورونا......و تنضم لافراد الجالية هنا......هتندمجوا معاهم جدا باذن الله

مسااااااكم رضا

تحياتي

ان شاء الله مشكلتى تقريبا نفس مشكله عماد ...التأشيره

وبعدين مش هنزحم ابوظبى اوى كده هيزيدوا 2 بس.... :blush2: