مغتربي الإمارات

[لماضة مصرية جدا]

انا عرضت استفسارى وكان نفسى حد يفكر معايا ويقولى ايه هو التصرف المناسب

اذهب للعمل فى عمان كأخصائيه نفسيه فى احدى المدارس الخاصه

بمرتب 200 ريال عمانى مقابل 3000 جنيه مصرى بالاضافه الى انا الاقامه مجانيه على المدرسه

واترك عملى فى القاهره وهو اخصائيه نفسيه بالتعاقد

فهل اذهب الى العمل فى عمان واطرق ابواب جديده

ام انتظر على امل التثبيت فى العمل مع العلم ان مرتبى الان 320 جنيه

انا بصراحه خايفه معرفش استمر فى عمان خاصه ان العقد لمده سنه قابله للتجديد

وارجع مصر الاقى نفسى بدون عمل يعنى اخسر الاثنين

وخايفه كمان استمر فى مصر من غير مجازفه وافضل محلك سر بدون تقدم

فماذا افعل افيدونى افادكم الله

السلام عليكم و رحمة الله و بركاته

اولا اهلا بيكي يا ندي في اي استفسار...و اي حاجة و ان شاء الله تلاقي بينا اللي يقدر يفكر معاكي

ممكن ازق كتف و ااقولك اني كنت بفكر زيك بالظبط كده من قيمة سنتين فاتوا باختلاف الوظيفة و الظروف....و الحقيقة انا مسعتشي خالص لموضوع الخليج....لاني بكرهه جدا....لكن الموضوع حسيت ان فيه ترتيب رباني

يمكن مرة احكيلك ازاي اني في يوم كنت بخطط اني اسافر اكمل دراسة في مكان ما و اليوم التاني لقيت نفسي في الامارات

اهم ما في الموضوع و الله يا ندي....عليكي بصلاة الاستخارة في كل وقت...و هتلاقي ربنا بيفتح لك سكك و كلها بالخير

نيجي بقي لموضوع وجعني اوي يا ندي

انتي قولتي عايزة تقعدي عشان "امل التثبيت".....و الله كلمة وجعتني اوي يا ندي....لان ده مبقاش ينفع في مصر

مش هحبطك....بس انا كرهت حالة انتظار بسميها "وقوع البلا"

ع فكرة يا ندي انا جتلي وظيفتين حكوميتين في بلدي الكريم....لكن انا عارفة نفسي مش هصمد...و عشان كده اخترت اني اعيش متنقلة في وظايف كل 3 سنين

بصي يا ندي

اولا انتي حطي لنفسك هدف....يعني

انا عايزة...خبرة في مجال تخصصي

انا عايزة فلوس.. عشان اساعد نفسي

انا عايزة..اكمل دراسات عليا

انا عايزة اتجوز

انا عايزة اسافر و اعيش تجارب جديدة

انا عايزة انام... ;)

لما تحطي الهدف ده سواء بقيتي في مصر او طلعتي منها اختيارتك هتبقي اوضح

نيجي بقي لموضوع الراتب

انا مش عارفة المعيشة في عمان شكلها ازاي بس اهم حاجة بتفرق في الراتب

السكن و تذاكر الطيران...و اعتقد ان العرض الموجود معاكي مغطي النقطة دي

و نصيحة ليكي يا ندي....السكن لازم يكون تابع للجامعة او المدرسة....يعني زي المدينة الجامعية في مصر

الميزة في العرض انه سنة....و انا شايفة ان دي حاجة كويسة و الله السنة كانت كويسة تمام مكنتشي يبقي مافيش خساير و اوعي تقوليلي هكون سبت مصر..."احنا مش بنسيبها هي اللي بتسيبنا"

حاجة تانية يا ندي

سؤال شخصي ليكي

انتي كشخص

قادر ع الاغتراب

التجربة مش سهلة بالمرة

مش بخوفك.....لكن محتاجة منك كتير....اسالي نفسك بصراحة....انا هقدر....هيبقي عليكي مسئوليات و التزامت قدام ربنا و نفسك قبل اي حد تاني

هتتحطي في مواقف عمرك ما شفتيها بس قريتي عنها

و برضه هتكتشفي في نفسك حاجات حلوة كتير

....بس صلي استخارة كتير...

يا تري راي البيت كمان عندك ايه...؟؟؟

و ربنا يصلح ليكي الحال

و طمنينا دايما عليكي

في امان الله

[عبيد الله]

أختنا الغالية ندى..

مرحبًا بك بيننا وإن شاء الله تستفيدي من جميع إخوانك وأخواتك هنا..

أولاً: أختي الكريمة لابد قبل سفرك أن تسألي جيدًا وتعرفي من المصريين العاملين في سلطنة عمان بعض المعلومات المهمة.. وخصوصًا عن:

- مستوى المرتبات للوظائف التي تشمل مجال تخصصك، حتى تعرفي هل تأخذين حقك أم لا، لأنك ستتعبين نفسيًا جداً لما تجدي راتبك 200 ريال، وزميلتك تأخذ 500 ريال..

- مستوى المعيشة، من أكل وشرب واتصالات وملابس الخ الخ (أنت قلتي السكن متوفر، وهذا شيء مهم)

- طبيعة أجر ساعات العمل الإضافية (أوفر تايم)، وعدد أيام الأجازة الأسبوعية (جمعة وسبت؟ أم جمعة فقط؟ أم نصف يوم فقط كما رأيت من معاملة بعض معدومي الضمير هنا من أرباب العمل لعمالهم المساكين..)

- هل العرض يشمل تذاكر طيران سنوية أم لا..

- هل يوجد شرط جزائي عليك لو قمتي بفسخ العقد قبل إتمام المدة؟

نحن هنا في الإمارات وضع مختلف، وحياة في معظمها غير تلك الموجودة مثلا في السعودية أو الكويت..

إيجار غرفة آدمية هنا في أبوظبي يبلغ 4 آلاف درهم شهريًا = 6 آلاف جنيه مصري

بينما نفس السعر ممكن تستأجري به شقة كاملة في السعودية

ثانياً: لو عايزة رأيي الشخصي فلا تقبلي أختي – حفظك الله - هذا العرض..

لماذا؟

1- مبلغ 3 آلاف جنيه لاشيء تغتربي من أجله.. ستصرفينها، وإذا وفّرتي فلن تزيدي عن ألف جنيه بالكاد في الشهر..

2- ستُحسب غربة عليك، وخصوصًا أنّك فتاة وطول بقاءك في الغربة خطر عليك وعلى مستقبلك الشخصي.. بغض النظر عن الفلوس.. عمرك سيتسرب من بين يديك، وستجدين نفسك معزولة عن المجتمع حولك، وستكون حركتك مرصودة.. أضفي إلى ذلك أن كثير من الناس لا ينظرون نظرة إيجابية للفتاة التي تسافر وتعمل في دولة أخرى بمفردها..

3- استخيري الله أولاً وقبل أي شيء، ثم استشيري أهلك، والثقات من الناس..

بالتوفيق

[لماضة مصرية جدا]

ستُحسب غربة عليك، وخصوصًا أنّك فتاة وطول بقاءك في الغربة خطر عليك وعلى مستقبلك الشخصي.. بغض النظر عن الفلوس.. عمرك سيتسرب من بين يديك، وستجدين نفسك معزولة عن المجتمع حولك، وستكون حركتك مرصودة.. أضفي إلى ذلك أن كثير من الناس لا ينظرون نظرة إيجابية للفتاة التي تسافر وتعمل في دولة أخرى بمفردها..

السلام عليكم و رحمة الله و بركاته

استاذي الفاضل عبيد الله

اقتبست من حضرتك الجزئية اللي فوق...مش بهدف المجادلة...و لا اني هقاوح....بالعكس عشان اقول لحضرتك انت صح...و كلامك صح....و خصوصا لما بننصح اختنا قبل ما تاخد خطوة السفر

ميمنعشي اني بكيت...لما قريتها

احساس بالظلم....او لنقل احساس انك مطالب طول الوقت ان تدافع عن نفسك بدون سبب

خلينا اتساءل مع حضرتك في حاجة لاني عشتها جدا

السفر....بيظهر معادن الناس.....بيسفر عن وجههم الحقيقي...صح و لا لا

في السفر

رأيت وجوها للناس هنا و لم اكن اعرفها لا الوشوش و لا اصحابها في مصر...لكن ادركت يقينا أن الله عندما خلق اصابع اليد مختلفة....و فلا نستطيع ان نراها متشابهة نحن بنو البشر

رأيت في رحلتي اصنافا و الوانا من الفتيات

فتيات....ارتدت الحجاب في مكان العمل....و طرحته جانبا بانتهاء الدوام

فتيات...استجابت لاول عرض زواج من خليجي....و هي تري فيه طوق نجاة من هلاوس تتراقص في مخيلتها هي فقط...و احلام متبخرة بالثروة الزائفة...

فتيات....ذابت في مجتمعات غريبة فلم تعد قادرا علي تمييزها سلوكا و حديثا و مظهرا.

و اعرف فتيات ايضا

تصر ان تكون بالسكن الجامعي في موعد التاسعة و النصف...دون ان يطلب منها احد ذلك

و فتيات...يرفضن الخروج في الويك إند....لسبب بسيط....انها في موطنها الاصلي لم تعتاد الخروج الا في اضيق الحدود....و ترفض التواجد في الاماكن المزدحمة

و فتيات.....بحثن عن معني اخر للسفر....و قد وجدن ضالتهن في مدرسة تحفيظ للقرآن و نحسبهم علي خير.

و فتيات....استقدمن اهلهن....لا لشيء سوي ايمانهن ان وضع البقاء علي البعد هو مؤقت .....و الحل الوسط...ان نحافظ علي تواجد الاسرة....حتي و ان كان منهكا علي الوضع العملي

عرفت الوانا كثيرة و لا زلت ااري و اتعلم....و ادقق في ملامح البشر

لكن لازلت اتعجب من الاجماع و الحكم المسبق و نظرة الاستهجان الدفينة و المعلنة في كثير من الاوقات....للفتاة إذا ما اهمت بقرار السفر.

مرة اخري...احترم وجهة نظر حضرتك للغاية لانها تعكس واقعا لا هروب منه

لكن لا تحرمني حقي...ان اتعجب فقط!!!

تقبل تحياتي

[كدة رضا]

انتى مش لماضة مصرية جدا انتى بنت محترمة جدا وليكى دى :lol:

[عماد حمدي]

حمممممممممممممممممم

هونها يارب .. إزيك يا محاورتيين الإمارات أبو ظبي خصوصا ً

ياريت لو حد يسأل المعقب اللي عنده بشركتة او لو هوه متأكد يتفضل يقول لان الموضوع دا قلقني وحاسس ان حد بيشتغلني وبقيت مفرش ولا سجادة ع آخر الزمن !!

بصوا يا جماعة الخير .. الشركة اللي المفروض أشتغل فيها محاسب بأبوظبي هي بالأصل شركة سعودية تابعة لمجموعة كذا السعودية وفرعها بأبوظبي أنا هشتغل فية ..

تم عمل الأتي ..

وثقوا شهاده المؤل بتاعتي من الخارجية بالإمارات - قدموا تصريح عمل لوزارة العمل ومعاه ورقي والحمد لله تمت الموافقة البدائية

بعدين كان فية حاجة اسمها تفتيش وبحث ( الجهة الأمنية ) برده اتوافق عليها وكلة فل الفل ودي كانت آخر مشاركة انا شاركت بيها هنا بالمنتدي ..

نيجي للجديد بقا .. دلوقتي قالوا ان ورقي هيتبعت السعودية للفرع الرئيسي يتوقع من هناك وبعدين يرجع الإمارات تاني يخش وزارة العمل يسددوا الرسوم وتطلع التأشيرة ..

سؤالي لية ورقي هيروح السعودية طالما اتوافق خلاص من مكتب العمل والجهات الأمنية كمان يبقي لية يروح السعودية يتوقع ويرجع تاني وزارة العمل ؟؟؟

ياريت الإفادة ..

تذكير بالمعلومات الأساسية تاني :-

الشركة بأبوظبي فرع للمجموعة الرئيسية بالسعودية

تم الموافقة المبدئية من وزارة العمل

تمت الموافقة الامنية ( التفتيش والبحث )

وشكرا ً مقدما ً وياريت اللي يجاوب يكون متأكد وأتمني لو حد سأل بس المسئول عن المعاملات الحكومية في شركتة وينقلي رده هنا أكون عاجز عن الشكر

في رعاية وحفظ الله ,,

[ornatepeacock]

نيجي للجديد بقا .. دلوقتي قالوا ان ورقي هيتبعت السعودية للفرع الرئيسي يتوقع من هناك وبعدين يرجع الإمارات تاني يخش وزارة العمل يسددوا الرسوم وتطلع التأشيرة ..

سؤالي لية ورقي هيروح السعودية طالما اتوافق خلاص من مكتب العمل والجهات الأمنية كمان يبقي لية يروح السعودية يتوقع ويرجع تاني وزارة العمل ؟؟؟

هتروح السعودية غالبا علشان المدير ( مدير الشركة اللي انت هتشتغل فيها ) اللي له حق في التوقيع على معاملات العمل والعمال مقيم في السعودية في الاغلب

شوف يا عمده انت هتشتغل في الامارات يعني تنسى موضوع ان الشركة سعودية ده تماما

انت اللي يلزمك قانون العمل و العمال في الامارات

ممكن تحاول تشوفه هنا او تبحث عنه في جوجل

طيب موضوع ان الشركة سعودية ده تأثيره ايه

اتصور ان تأثيرة هيكون في حاجتين

الاولى زي دلوقتي ان بعض الاوراق المهمه لازم تتمضي من مدير في السعودية و ده طبعا معناه تأخير في الوقت و تكلفة و عدم فهم للموضوع أحيانا

و بعض الأوراق دي هيكون يتعلق بيك طبعا ( مثلا عايز شهادة من الكفيل بأنك على كفالته و تعمل لديه علشان تتطلع رخصة او تشتري سيارة أو مثلا تنقل كفاله او تكنسل اقامتك )

وده وضع غير سليم لازم يكون فيه شخص في الامارات له حق التوقيع على الاوراق دي

تاني شئ طبعا هو العقلية السعودية التي تعودة على نظام الكفيل في السعودية

نصحية أخيرة طلع رخصة سواقه في مصر هتنفع جامد في الامارات و هتوقر عليك فلوس

و ربنا يوفقك

[عماد حمدي]

ornatepeacock

شكراااااااااااااااا جزيلا ً يا زعيم ع إهتمامك وردك وربنا يبارك فيك ..

انا بالطبع أعلم ان طالما هشتغل بالإمارات يبقي أنسي خالص ان الشركة سعودية وسبق ان أخونا أبو العز وضحلي النقطة دي ..

لكن موضوع ورقي يروح السعودية دا كان موضع سؤال .. وغالبا ً رايك مظبوط إلا إذا الناس بتشتغلني ودا إحتمال 20 % والله تعالي أعلي وأعلم ..

ع اي حال بشكرك مرة تانية ع إهتمامك وردك .. وجزاك الله كل خير

إدعوا الله لي بأن ييسر لي أمري ..

في رعاية الله ,,

عماد

[لماضة مصرية جدا]

لكن موضوع ورقي يروح السعودية دا كان موضع سؤال .. وغالبا ً رايك مظبوط إلا إذا الناس بتشتغلني ودا إحتمال 20 % والله تعالي أعلي وأعلم ..

ع اي حال بشكرك مرة تانية ع إهتمامك وردك .. وجزاك الله كل خير

إدعوا الله لي بأن ييسر لي أمري ..

في رعاية الله ,,

عماد

السلام عليكم و رحمة الله و بركاته

يا عماد حراااااااااام عليك

هي الناس يعني هتشتغلك ليه

هما ببساطة لو مش عايزينك مش هتسمع منهم....بس خلاص

و الله و انا قولتلك قبل كده هتلاقيهم غطسوا فترة و بعدين بااااااانوا فجأة

بص انت متركزشي اوي

سيبها علي الله

لو ليك رزق في ابو ظبي و لا كولا لمبور و الله هيجيلك

الصابرين بخير

وبعدين مستعجل ع الرطوبة و الحر ليه

سبحان الله

ربنا كريم أوي يا عماد

و افتكر "ان الامور تجري بمقادير"

ربنا ييسرلك حالك

و حالنا جميعا

دمت بخير

و صبرا جميلا

[شريف مان]

السلام عليكم

انا اخوكم محمد شريف محاسب شغال حاليا فى مصر وبفكر اسافر للامارات

فيه ناس نصحونى بالحصول على شهادة cma لان دى هتوصل راتبى فى الامارات اكتر من 20000 درهم شهرى

الحقيقة مش عرف الكلام دا حقيقى ولا اشتغالات وترويج للشهادات المهنية وخلاص !!

طبعا عارف ان فيه ناس هتقول ان الارزاق بيد الله والراتب بيبقى حسب المكان اللى انت شغال فيه فانا عايز اعرف يعنى المتوسط كام

لان الحقيقة الشهادة عشان اخدها من مصر هتتكلف 12000 جنيه ولو لا قدر الله ما نجحتش هعيدها هضطر ادفع على الاقل 6000 جنيه كام فهل الموضوع محتاج المصاريف دى

وطلب من الاخوة اللى بتكتب مشاكلها ياريت يكتبوا بيشغلوا ايه لان بصراحة الدنيا ضلمت فى وشى بعد قرائتى للموضوع دا

لانى كنت متفائل جدااااااااااااااااااااااااااااااااااااااااااااااااااااااااااااااااااااا بالعمل فى الامارات ( دبى ) وآسف على الاطالة

[عماد حمدي]

السلام عليكم و رحمة الله و بركاته

يا عماد حراااااااااام عليك

هي الناس يعني هتشتغلك ليه

هما ببساطة لو مش عايزينك مش هتسمع منهم....بس خلاص

و الله و انا قولتلك قبل كده هتلاقيهم غطسوا فترة و بعدين بااااااانوا فجأة

بص انت متركزشي اوي

سيبها علي الله

لو ليك رزق في ابو ظبي و لا كولا لمبور و الله هيجيلك

الصابرين بخير

وبعدين مستعجل ع الرطوبة و الحر ليه

سبحان الله

ربنا كريم أوي يا عماد

و افتكر "ان الامور تجري بمقادير"

ربنا ييسرلك حالك

و حالنا جميعا

دمت بخير

و صبرا جميلا

إدعيلي يا لماضة بالله عليكي أنا بس صبري نفذ بقالي أكتر من 6 شهور بدون عمل من يوم ما جيت من السعودية وسمتني التاشيرة بتاعت أبوظبي دي بقالي أكتر من4 شهور .. بس من أول شهر أربعة اللي فات الأمور بدأت تتعاد من الأول والإجراءات تتظبط ..

فإدعيلي والله لاني بجد زهقت وإن شاء الله لما أجي هجيبلك معايا 524411247882521441 علبة شيكولاته :cry1:

ميرسي يا جميل ع مرورك ,,

اخوكي

عمدة المصريين ( شيخ غفر حاليا ً )

[ابو حبيبه]

شكرا جزيلا والله المصريين بخير

انا سالت قالولى اقرب منطقه لزايد المشرف

ولسه بدور على شىء مناسب

والله المستعان

واشكركم مرة ثانيه على حسن تجاوبكم معى

ونلتقى على خير ان شاء الله

[جميلة الكون]

السلام عليكم ورحمة الله

ازيكم ياجمااااعة

وحشتووووووووووونى كتيررر

(ازيك يالماضة وحشتنى لماضتك اللى زى العسل دىىىى)

ادعولى الايام دى كتيررررررر قوى

لانى رايحه استخرج جواز السفر بكرة ان شاء الله هخلص اجراءاته

وفى كذا فرصه كده قدامى بس انا قولت مستعجلش لان دى مسألة مصيررررررر

بس انا قررت الصيف ده لازم اكمله فى قلب الاماراااااااااااااات سهلهااااااااااا يارب

دعواتكم بقى

هتوحشونى كتيرررر

[عبيد الله]

السلام عليكم

انا اخوكم محمد شريف محاسب شغال حاليا فى مصر وبفكر اسافر للامارات

فيه ناس نصحونى بالحصول على شهادة cma لان دى هتوصل راتبى فى الامارات اكتر من 20000 درهم شهرى

الحقيقة مش عرف الكلام دا حقيقى ولا اشتغالات وترويج للشهادات المهنية وخلاص !!

طبعا عارف ان فيه ناس هتقول ان الارزاق بيد الله والراتب بيبقى حسب المكان اللى انت شغال فيه فانا عايز اعرف يعنى المتوسط كام

لان الحقيقة الشهادة عشان اخدها من مصر هتتكلف 12000 جنيه ولو لا قدر الله ما نجحتش هعيدها هضطر ادفع على الاقل 6000 جنيه كام فهل الموضوع محتاج المصاريف دى

وطلب من الاخوة اللى بتكتب مشاكلها ياريت يكتبوا بيشغلوا ايه لان بصراحة الدنيا ضلمت فى وشى بعد قرائتى للموضوع دا

لانى كنت متفائل جدااااااااااااااااااااااااااااااااااااااااااااااااااااااااااااااااااااا بالعمل فى الامارات ( دبى ) وآسف على الاطالة

أخي الكريم محمد

سامحني على التأخر في الرد عليك.. كنت منشغلاً في أمورٍ كثيرة..

لم أجد أحد من أصدقائي العاملين في مجالك لديهم معرفة عن مرتبات الحاصلين على شهادة CMA...

لكني سألت أحد أصدقائي الذي يعمل في شركة من شركات الأربعة الكبار أو الـ Big Four في مجال المحاسبة والتدقيق..

قال لي معلومات عن شهادة CPA.. قلت ربما تفيدك:

إذا كنت حاصلاً على شهادة CPA (المحاسب القانوني العام)، فوضعك في الإمارات بين أمرين:

- العمل في الحكومة: مثل جهاز أبوظبي للمحاسبة: الراتب سيكون فعلاً أكثر من 20 ألف درهم إماراتي في الشهر..

- العمل في القطاع الخاص: هذا حسب مستواك الشخصي ومهاراتك.. ممكن الراتب يكون 15 ألف درهم، وممكن 20 ألف درهم وممكن أكثر.. ممكن أقل..

لكنه قال لي أقل شيء هو 12 ألف درهم شهرياً شامل.. هذا لضعيف المستوى أو صاحب الخبرة القليلة..

بالتوفيق يا بطل..

[وسط][/وسط]

[شريف مان]

شكرا جزيلا اخى عبيد الله

ربنا يبارك فيك ويكرمك

[لماضة مصرية جدا]

السلام عليكم ورحمة الله و بركاته

ايها المواطنون الظبياوين الشرفااااااااااااااااااااااااااااااء

المكتب الثقافي يوم الاحد القادم بإذن الله هيقدم الندوة التالية

"التصوف و الابداع"

موضوع ينكش الدماغ ايه رايكم بقي

الموعد الساعة السابعة و النصف

المكتب الثقافي

المحاضرة تقديم الاستاذ: حمزة قناوي (انا مش عارفة هو مين بس المضوع شاددني اوي)

اوعي حد يسالني ع العنوان

احسن انا قولته بالهيروغليفي قيمة خمشاشر مرة

فوتكم بعافية

مساااااااااااااكم طاعة و عبادة

[اسلام سلامه]

السلام عليكم ورحمه الله وبركاته

اخوكم اسلام

ارجو افادتى انا تقدمت لشركه الحاق عماله مصريه

وكان الاعلان مطلوب بائعيين لمكتبه بدبى

وانا مستنى التاشيره بقالى شهر ونصف

ارجو افادتى وايه سبب التاخير

[stricker]

السلام عليكم ورحمة الله وبركاته

انا اسمى احمد - صيدلى مصرى

وان شاء الله مسافر سياحه لابوظبى فى الشهر القادم

واريد ان اعرف كيف يمكننى ان اصل من مطار ابوظبى الى الشارقه بأقل تكلفه (ده مش بخل ..ده توفير علشان الظروف )

وان شاء الله لو استقريت فى الامارات هاشارك مع حضراتكم فى الموضوع ده لنفع الغير ولتبادل الخبرات

ومعلش يا جماعه ...سؤال تانى ...لو أنا لقيت وظيفه هل من الممكن انى ادفع بدل مغادره واستقر بالبلد ..ام انى لابد لى من مغادرة البلد ثم العوده مره اخرى

وبالتوفيق للجميع

وربنا يهون على الجميع الغربه

[engmido]

طيب فيه مشكلة انك تروح الشارقة مباشرة

[عماد حمدي]

السلام عليكم ورحمه الله وبركاته

اخوكم اسلام

ارجو افادتى انا تقدمت لشركه الحاق عماله مصريه

وكان الاعلان مطلوب بائعيين لمكتبه بدبى

وانا مستنى التاشيره بقالى شهر ونصف

ارجو افادتى وايه سبب التاخير

انا مستني بقيلي كدة 4 شهور و نص :happy:

وكان أخونا الفاضل أبو حبيبة هنا برده كان مستني بقيلة شهرين ونص

والعضو الفاضل حكيم برده مستني بقالة تقريبا ً 3 شهور ونص

صبرا ً جميلا ً ...

اللي عرفتة الأيام دي .. ان الناس اللي أول مرة تسافر الإمارات العملية معاهم بتاخد وقت شوية

بس انا حبيت أطمنك وأقولك كلنا هذا الرجل ...

بالتوفيق إن شاء الله ,,

تحياتي ,,

عماد

[عماد حمدي]

السلام عليكم ورحمة الله وبركاته

انا اسمى احمد - صيدلى مصرى

وان شاء الله مسافر سياحه لابوظبى فى الشهر القادم

واريد ان اعرف كيف يمكننى ان اصل من مطار ابوظبى الى الشارقه بأقل تكلفه (ده مش بخل ..ده توفير علشان الظروف )

وان شاء الله لو استقريت فى الامارات هاشارك مع حضراتكم فى الموضوع ده لنفع الغير ولتبادل الخبرات

ومعلش يا جماعه ...سؤال تانى ...لو أنا لقيت وظيفه هل من الممكن انى ادفع بدل مغادره واستقر بالبلد ..ام انى لابد لى من مغادرة البلد ثم العوده مره اخرى

وبالتوفيق للجميع

وربنا يهون على الجميع الغربه

أولا ً ربنا ييسرلك أمورك وتكون سفرية قدم الخير عليك إن شاء الله

ثانيا ً ع حد علمي والسادة الأعضاء هنا ممكن يأكدوا أو ينفوا كلامي ..

إن لو انت طالع تأشيرة سياحة ..

يبقي لازم تغادر البلد وترجع تاني .. في بلاد قريبة جنب الإمارات مش شرط ترجع مصر

أما لو تأشيرة زيارة من أحد أقاربك او معارفك ..

فبتدفع 570 درهم رسوم تعديل وضع " بدل مغادرة " + مصاريف إصدار التأشيرة العادية , بس مش لازم تغادر البلد

بالتوفيق ,,

Omda 2006