مغتربي الإمارات

[hakeem]

السلام عليكم ورحمه الله وبركاته

ياجماعه الناس اللى بتشتغل فى الامارات

لو حد يعرف مكتبه دبى للتوزيع والناس اللى بتشتغل فيها مبيعات

يقولى ايه نظام المكتبه وهل الناس اللى فيها وضعهم كويس

ولكم جزيل الشكر

أخي اسلام

انا فاهم انك عايز تخلص من مصر بأي شكل و ده حال كتير من الشباب بس صدقني كل الردود كانت بأمانة و صدق و اكيد مكنوش يكرهوا لك الخير و انا منهم اتمنى انك تتأنا في موضوع السفر ده علشان بجد الوضع الحالي في الامارات مش من السهل انك تلاقي شغل تاني يعني متطلعشي على المرتب ده و تقول انك ممكن تنقل على شغل تاني بسهوله لانك لازم تقعد 3 سنين و الا الشركة هتعملك حرمان و هتدخل في مشاكل - لو الدنيا ضنك على الاخر معك دور تاني بس متطلعشي الامارات اقل من 5 ده لو السكن و المواصلات عليهم علشان تقدر تشيل حاجه من الراتب . و ان شاء الله ربنا يوفقك الى ما فيه الخير -- طبعا انت لو مصمم بخصوص سؤالك عن امكانية اتصالك بالمكتبه اتصل بيهم و اسألهم و فهمهم انك عايز تعرف ايه وضع التأشيرة علشان تحدد هل هتسافر و لا تشوف حاجه تانية و متقعدش مربوط معاهم.

و السلام عليكم اخوك المبرمج

اقل من 5 ايه ..اوعى تكون تقصد 5000 درهم اصل بصراحه لفينا كتير ع المكاتب والاعلانات وعمرى ما سمعت اكتر من نص المبلغ اللى حضرتك بتقول عليه ده

[المبرمج]

السلام عليكم ورحمه الله وبركاته

ياجماعه الناس اللى بتشتغل فى الامارات

لو حد يعرف مكتبه دبى للتوزيع والناس اللى بتشتغل فيها مبيعات

يقولى ايه نظام المكتبه وهل الناس اللى فيها وضعهم كويس

ولكم جزيل الشكر

أخي اسلام

انا فاهم انك عايز تخلص من مصر بأي شكل و ده حال كتير من الشباب بس صدقني كل الردود كانت بأمانة و صدق و اكيد مكنوش يكرهوا لك الخير و انا منهم اتمنى انك تتأنا في موضوع السفر ده علشان بجد الوضع الحالي في الامارات مش من السهل انك تلاقي شغل تاني يعني متطلعشي على المرتب ده و تقول انك ممكن تنقل على شغل تاني بسهوله لانك لازم تقعد 3 سنين و الا الشركة هتعملك حرمان و هتدخل في مشاكل - لو الدنيا ضنك على الاخر معك دور تاني بس متطلعشي الامارات اقل من 5 ده لو السكن و المواصلات عليهم علشان تقدر تشيل حاجه من الراتب . و ان شاء الله ربنا يوفقك الى ما فيه الخير -- طبعا انت لو مصمم بخصوص سؤالك عن امكانية اتصالك بالمكتبه اتصل بيهم و اسألهم و فهمهم انك عايز تعرف ايه وضع التأشيرة علشان تحدد هل هتسافر و لا تشوف حاجه تانية و متقعدش مربوط معاهم.

و السلام عليكم اخوك المبرمج

اقل من 5 ايه ..اوعى تكون تقصد 5000 درهم اصل بصراحه لفينا كتير ع المكاتب والاعلانات وعمرى ما سمعت اكتر من نص المبلغ اللى حضرتك بتقول عليه ده

السلام عليكم

أيوة انا قصدي 5000 درهم مع السكن و و المواصلات على الشركة اللى انت جاي عليها و تبقا عازب كمان ده لو انت متغرب علشان تقدر تعمل اى حاجه اما لو جاي هربان من خنقة مصر يبقا هتوافق على اى مبلغ . بس عايز اقولك انت لازم تحدد الراتب على مؤهلاتك و ايه خبرتك و حاجات كتير بتحدد انت هتأخد كام و حط في بالك ان لازم من ربع الى تلت الراتب يتوفر و الا بالامانه ملهاش لازمة الغربة. وده وجهة نظري :blush2:

[محمود عبد العزيز]

:lol: اذيكم ياجماعة انا جديدة هنا وجديدة في الامارات برضه بقالي بالظبط 5 شهور الا خمس ايام بس المدة دي كانت كفاية اوي اني اتأكد من كلام الشاطر فعلا كل كلامه صح مية في المية وانا باجربه عملي كل يوم انا شغلي في دبي شارع الشيخ زايد وبيتي في الشارقة الصناعية يعني فعلا رحلة عذاب مرتين يوميا لحد ما عيني بتطلع ده غير بقي المصاريف ، هنا كل حاجة نااااااااااااااااااااااااار والعة مع ان دبي جميلة جدا بس اي مكان لازم تروحه يبقي لازم تكون عامل حسابك يادوب علي 1000 درهم عشان بس تتبسط ومش هاتكون زي بقية الناس برضه. انا وانا في مصر قبل ما اجي هنا الامارات عمري ابدا ما كنت اتخيل اني انا وجوزي احنا الاتنين بس ممكن نصرف في الشهر 5 الاف درهم من غير ما نوفر حاجة اللي كان يقولي كده ساعتها كنت قلت مجنووووووووون ، الناس بتحسبها ازاي في مصر؟ قول مثلا مثلا يعني لو حسبنا راتبي انا وجوزي قول 5الاف شهريا يبقي كام مصري قول حوالي 8 الاف جنيه ياخبر ابيض يبقي معانا 8 الاف جنيه في الشهر ده احنا كده خلاص عدينا وبقينا من اصحاب الملايين يادوب قول في الشهر هانصرف يلا ألف جنيه نشبرق نفسنا فسح وأكل ولبس ودلع وخروجات وكل ده ونوفر 7 الاف جنيه كل شهر هما 5 شهور يادوب ونرجع بلدنا . خلينا واقعيين الناس في مصر لازم بتفكر كده ، انت وانت لسة في مصر اكيد كنت بتفكر كده بس والله والله ممكن الواحد في خروجة واحدة وهو ماسك ايده علي الاخر يصرف الفين درهم يعني حوالي الاف جنيه او حاجة زي كده بس برضة مهما قلت اي حد في مصر هايقرا كلامي مش هايصدقني وهايقول عليا مجنونة انا خايفة والله عمرنا يضيع في البلد دي علي الفاضي .

ده غير بقي انك بتتعامل مع ناس اجارك الله اشي هنود علي فلابنة علي كل لون يابتستة ومطلوب انك تتعامل معاهم كل يوم ويكونوا معاك في الشغل ومنصبهم اعلي منك وانت مجبر تحترمهم مع انك لو انت في بلدك عمرك ما هاتبصلهم غير انهم خدامين عندك او زبالين في الشوارع . ده مش غرور بس الواحد بتصعب عليه نفسة واولاد بلده لما يشوف واحد هندي مثلا واقف يزعق ويشتم في واحد مصري بيشتغل عنده بتبقي حاجة تغيظ

كمان حاجة في البلد دي لاحظتها هنا في كمية انحلال في البلد فظيييييييييييييييييعة يعني هنا ممكن الواحد يضيع وبسهولة ربنا يكفينا شر كل حاجة وحشةويرجعنا بلدنا بالسلامة ده مافيش احلي من مصر مهما كان والله

انا عارفة اني سودت الصورة اوي بس عموما دي شوية من عيوب دبي المرة الجاية هاتكلم عن مميزاتها وممكن برضه الشاطر يساعدني او الطاير ونشوف بعد كده مميزاتها اكتر ولا عيوبها اشوفكم علي خير ان شاء الله

السلام عليكم ورحمة الله انا اخوكم محمود بشتغل بالشارقة وحبيت اوى فكرة اننا نتجمع على منتدى واحد واتمنى يكون بينا اتصال كمصريين بدولة عربية نظريا وهندية عمليا

[ادهم المصرى]

أخوكم أبو العز محلل اقتصادى وأعيش هنا منذ سبع سنوات ارجو ان توافقوا على انضمامى لمنتداكم وان كان لى اقتراح وهو انشاء فرع للنادى المصرى بأبوظبى وجميع امارات الدولة على غرار النادى المصرى فى دبى وقد تحدثت مع السيد / هشام البحطيطى رئيس النادى فى دبى وهو قريب لى وأبدى موافقته بشرط تواجد عدد كاف من المصريين لدعم النادى فى كل امارة.

كنت عايز اسال عن الكشف الطبي للحصول على الاقامة فى دبى

هل فيه تحليل للاجسام المضادة لفيروس سي ام لا

بمعني هل الامارات مثل السعودية ترفض الاقامة لمن ثبت وجود اجسام مضادة

لفيروس سي فى دمه

ارجو الاجابة السريعة لان الموضوع يهمني جدا ويا ريت لا يجاوبنى الا من لديه

معلومة مؤكدة ......

[عبيد الله]

أخوكم أبو العز محلل اقتصادى وأعيش هنا منذ سبع سنوات ارجو ان توافقوا على انضمامى لمنتداكم وان كان لى اقتراح وهو انشاء فرع للنادى المصرى بأبوظبى وجميع امارات الدولة على غرار النادى المصرى فى دبى وقد تحدثت مع السيد / هشام البحطيطى رئيس النادى فى دبى وهو قريب لى وأبدى موافقته بشرط تواجد عدد كاف من المصريين لدعم النادى فى كل امارة.

كنت عايز اسال عن الكشف الطبي للحصول على الاقامة فى دبى

هل فيه تحليل للاجسام المضادة لفيروس سي ام لا

بمعني هل الامارات مثل السعودية ترفض الاقامة لمن ثبت وجود اجسام مضادة

لفيروس سي فى دمه

ارجو الاجابة السريعة لان الموضوع يهمني جدا ويا ريت لا يجاوبنى الا من لديه

معلومة مؤكدة ......

سلامُ الله عليك ورحمته وبركاته..

نعم يوجد كشف لفيروسات الكبد في الإمارات..

اقرأ هذا الموضوع وستعرف التفاصيل..

http://www.egyptiantalks.org/invb/?showtopic=101996

بالتوفيق..

[عبيد الله]

اقل من 5 ايه ..اوعى تكون تقصد 5000 درهم اصل بصراحه لفينا كتير ع المكاتب والاعلانات وعمرى ما سمعت اكتر من نص المبلغ اللى حضرتك بتقول عليه ده

هناك فرق أخي بين العمل في دبي وأبوظبي والشارقة وغيرها من الإمارات السبع.. وعليه، يكون هناك فرق في الراتب والبدلات ذات الصلة..

الفيصل في كل ذلك هو السكن.. لأن الإمارات (أبوظبي ودبي تحديداً) من أغلى مدن العالم في أسعار الإيجارات..

راتب ألفي درهم للعامل البسيط في الشارقة يعتبر فرصة لا تعوّض.. ذلك لأن الشارقة أرخص بكثير جدااااا من العاصمة أو دبي.. بينما الراتب نفسه في أبوظبي لا يمثل شيئاً.. لأن إيجار غرفة آدمية يكون 4 آلاف درهم تقريباً في الشهر..

هذا فقط للتوضيح.. لكن ماذا تفعل لو كنت عاطلاً عن العمل وتعذر عليك إيجاد وظيفة في مصر.. ؟

حتى وقتٍ قريبٍ كنتُ أنصح من يسألني عن عروض العمل في الإمارات أن لا يقبل بأقل من 5 آلاف درهم.. لكن منذ أسبوعين زميل لي قبل عمل بـ 4 آلاف درهم فقط في أبوظبي شاملة كل شيء، طعامه وشرابه وسكنه.. الخ الخ..

لما عاتبته، قال لي كلمة لخصت المسألة: "أنا منذ 8 أشهر لا أجد عملاً.. منذ 8 أشهر أمد يدي لأبي وأخي وآخذ مصروفي منهما.. منذ 8 أشهر جالس في البيت مثل النساء، لا أجد حتى وظيفة بـ 300 جنيه في الشهر.. سأسافر الإمارات ولو حوشت 500 جنيه هيكون أحسن من مصر.. لن أبقى أبدا في هذا البلد.."

[محمود رحال]

السلام عليكم يا شباب

معاكم اخوكم محمود مهندس بابو ظبي-العين مستجد في الغربه :D

وكنت متابع المنتدي من مصر واول ما جيت الامارات من شهرين كده كنت حابب اعرفكم بنفسي بس من ساعة ما جيت وكله ضرب ضرب شغل *شغل مش مديني فرصه اتنفس تقدروا تقولي كده عاملين ليا حفلة استقبالصغيره كده :rolleyes:

وطبعا مش محتاج اوضحلكم ان مديري مصري smk: وطبعا انتم عارفين الباقي

بصراحه عندي انطباعات كتير ومقارانات كتير في دماغي حابب ان اناقشها معاكم وطبعا وعارف ان لسه بدري ان احكم علي الاشياءمن اول شهرين بس بصراحه من اول ما جيت الامارات وانا فهمت يعني ايه الفرق بين الواقع والخيال

ومش قادر افهم ايه الحلو هنا ده طبعا باستثناء الفلوس !!!! ده كمان بشرط انك تتحكم في نفسك وتصرف بحساب انا كنت بسمع اغاني ومواويل!!

بجد مصر كحياه احسن كتيير علي الاقل بالنسبه ليا ده طبعا غير اهلك واصحابك اه طبعا محتاجه فلوس وطبعا قلة النظام وده عيب مصر انما ايه هنا الحلو المولات مثلا !! ولا المباني الزجاجيه الضخمه!!! ده ممكن يبهرك للحظات كضخامه انما مفهوش اي جمال

بصراحه من ساعة ما جيت هنا وماشفتش غير طلعان العين في الشغل وضربات الشمس في انتظار التاكسيات والسكن الغالي والرديء وريحة الهنود طبعا ده غير الوحده واللي اكيد مش حاجه حلوه :P

معلش انا عارف اني نظرتي سوداويه يمكن عشان لسه في اول الغربه بس بصراحه ده اللي جوايا وطبعا الحمد لله علي كل شيء

وطبعا احب اعرف رايكم بالذات المتفائلين اللهم اجعلنا منهم :P

تقبلوا تحياتي :rolleyes:

[المبرمج]

السلام عليكم ورحمة الله و بركاته

أخي محمود اهلا بك في الامارات و بين اخوتك المصريين - كلامك عجبني و عايز اقول لك ان نظرتك مش سوداوية بالعكس هي نظرة من وجهة نظري صح - بس لو رجعت بالذاكرة شهرين هتلافي نفسك كنت في مصر مطحون ببلاش يعني القرف في الشغل و احد بأمارة ان الميدي في مصر كان مصري و ربنا كمان اكرمك (طبعا تريقه) بمدير مصري هينا يعني زي الفل - بس طبعا في مصر كنت هتلافي اصحاب و اهل تشكي لهم وهينا مفيش بس النقطة دية محلوله ان شاء الله يعني ربنا يكرمك باصحاب ولاد حلال يشاركوك الحياة لحد ما ربنا يرزقك ببنت الحلال و تكون اسرة و تستقر - كمان عايز اقولك اى حاجه في بدايتها بتبقا مش حلوة الى ان تستقر يعني لو روحت بلاد العجايب برضه مش هتبقا مبسوط انك سيبت اصحابك و اهلك- تفائل خير و بإذن الله نسمع عنك كل خير - أخوك المبرمج

[jasmin hamed]

اقل من 5 ايه ..اوعى تكون تقصد 5000 درهم اصل بصراحه لفينا كتير ع المكاتب والاعلانات وعمرى ما سمعت اكتر من نص المبلغ اللى حضرتك بتقول عليه ده

لو حضرتك عندك استعداد تشتغل فى اى مجال ممكن تدور فى شركات التاكسى فى دبى او الشارقه هما دايما بيدوروا على ناس و رغم ان الشغل 12 ساعه فى اليوم و تقريبا مافيش اجازه الا انه بيصفى للفرد من 5 الى 7 الاف فى الشهر و احيانا اكتر لكن ذى ما قلت هو عمل شاق جدا جدا جدا

و ربنا المستعان

[areeg]

لوسمحتو يا جماعه انا جايلى عقد على مستشفى فى الفجيره ايه ظروف الاماره دي انا عندي ثلالت ابناء فى سن المدارس يعني نعرف نعيش كوبس فيها وفيها مدارس كويسه ولا منطقه نائيه ايه رنج الاسعر والمرتبات فيها واهم حاجه مستوي المعيشه لان زوجي راح السعوديه اربع شهور ورجع لانه حس انه اتخنق وحس ان السعوديه هتاثر غلى النمو الاجتماعى للاطفال وانا مش عايزه نقعد ننطط كتير وعايزه استقرار هل هى مخنوقه زي السعوديه ولا لا وهل هى بعيده عن دبى وابوظبى ولكم جزيل الشكر

[زعلان]

الفجيرة واحدة من الامارات السبع وتقريبا هي اخر و ابعد امارة يعني بس الامارات عموما صغيرة ويمكن تكون من الفجيرة لدبي حوالي 350 كيلو وهي اقرب لعمان الشارقة و عجمان قريبتين من دبي ثم تأتي ام القوين و الفجيرة ورأس الخيمة

والفجيرة طبعا امارة اكثر تواضع من دبي وابو ظبي ولكنها امرة مفتوحة و افضل بكثير من السعودية يعني فيها متنفس للخروج طبعا وسينمات وهي ارخص بكثير من دبي من ناحية السكن و المعيشة وبالطبع حيكون فيها منتجعات و شواطيء ومتنزهات

[أبو العز]

لوسمحتو يا جماعه انا جايلى عقد على مستشفى فى الفجيره ايه ظروف الاماره دي انا عندي ثلالت ابناء فى سن المدارس يعني نعرف نعيش كوبس فيها وفيها مدارس كويسه ولا منطقه نائيه ايه رنج الاسعر والمرتبات فيها واهم حاجه مستوي المعيشه لان زوجي راح السعوديه اربع شهور ورجع لانه حس انه اتخنق وحس ان السعوديه هتاثر غلى النمو الاجتماعى للاطفال وانا مش عايزه نقعد ننطط كتير وعايزه استقرار هل هى مخنوقه زي السعوديه ولا لا وهل هى بعيده عن دبى وابوظبى ولكم جزيل الشكر

الفجيرة من اجمل الامارات وفيها مناظر سياحية رائعة وخصوصا خورفكان وهى ثانى اكبر مزود لوقود السفن بعد سنغافورة وهى تتطور بشكل مذهل

الأسعار فيها مناسبة من ناحية السكن والمدارس والمصاريف عموما

المسافة بينها وبين دبى حوالى ساعة ونصف وابوظبى حوالى 3 ساعات

بالتوفيق

[areeg]

شكرا يا استاذ زعلان ويا استاذ ابو العز بس عندي سؤال تاني لو سمجتو نظام الامارات ايه فى المدارس يعني اي حد ممكن يدخل ولاده مدارس حكومه ولا لازم يكون شغال في الحكومه ويعنى ايه مدارس نموذجيه وده ممكن اي جد يدخل ولاده فيها وجزاكم الله كل الخير

[زعلان]

بالنسبة للمدارس الحكومية معنديش خبر اكيد بس سمعت انهم سمحوا للعرب بدخولها ولكن لست متأكد تمام حسألك وارجعلكم

المدارس النموذجية الحكومية بمصاريف ولكنها رخيصة يعني في حدود 5 -6 الاف في السنة ده في دبي ومش عارف اذا بيقبلوا عرب ام لا

هناك طبعا مدارس خاصة عربية و اجنبية و المدارس الخاصة الاجنبية في الفجيرة اظن حتكون رخيصة نسبيا لأن المدارس الخاصة في الشارقة ربع اسعار المدارس الخاصة في دبي و احيانا اقل فبالتأكيد ستكون المدارس الخاصة ارخص بكثير في الفجيرة

[زعلان]

معايا السندباد على التلفون بيقولي صدر قرار من رئيس الدولة بيسمح للعرب بالالتحاق بالمدارس الحكومية و السنة الي فاتت كانت مجانا بس محددوش اي اسعار بالنسبة للسنوات الجديدة بس حتكون بسيطة جدا او رمزية

[زعلان]

المسافة ما بين دبي و الفجيرة بيقولولي ساعة نص يعني في حدود 200 كلم و اقل

[areeg]

شكرا سيد زعلان (انت زعلان ليه ) وجزاك الله كل خير عنا

[samooo]

السلام عليكم ..... كنت عاوز استفسر عن شركة اسمها

ابو ظبى لتقنية الطائرات .... جالى فيها عرض شغل Oracle Financial Technical Consultant

كنت عاوز اعرف حد سمع عن الشركة دى ...

وشكرا ليكوا

[لماضة مصرية جدا]

السلام عليكم ..... كنت عاوز استفسر عن شركة اسمها

ابو ظبى لتقنية الطائرات .... جالى فيها عرض شغل Oracle Financial Technical Consultant

كنت عاوز اعرف حد سمع عن الشركة دى ...

وشكرا ليكوا

السلام عليكم و رحمة الله و بركاته

سيدي الفاضل

حضرتك طبعا بتجتهد في موضوع انك تعرف اكتر عن الشركة التي تقدمت لك بالعرض...لكن منواقع الخبرة الشخصية الافضل انك تدرس العرض المقدم ليك كويس جدا من ناحية الشروط و الامتيازات...ما ليك و ما عليك

لو حد بيعمل في نفس المجال هيديلك خبرة جيدة جدا.....لو ربنا كرمك بحد بيشتغل في الشركة نفسها هيديك راي شخصي جدا

استخير الله و ادرس العرض جيدا

و كلنا تحت امر حضرتك في اي استفسارعن ظروف الحياة و المعيشة

تحياتي

[Simba]

الأخوة بتوع الأمارات

كنت عايز اقولكم ما تعملوش حسابي في شغل في الامارات