مغتربي الإمارات

[أبو العز]

هو انت معاك 2 فيزا ولا في واحد مزورة !!!!

هههههههههههه فيه واحده مزورة

الأصل دي بتاعت العمل دي الريسية بتاعتي وسليمة والأصل كمان مش صورة

المزورة بقا :closedeyes: هيا هيا نفس بيانات الأولي دي بس بدل كلمة عمل مكتوب زيارة لان تأشيرة الزيارة مش هيحتاجي مني هنا تصريح عمل لاني رايح زيارة :rolleyes:

صباحكم افتكاسات :rolleyes:

السلام عليكم و رحمة الله و بركاته

مع اني اكاد ابصم بالعشرة اني مش فاهمة الافتكاسة اللي قولت عليها يا سيد عماد....بس عايزة ااقولك حاجة

امشي عدل يحتار عدوك فيك

و الله بجد

كل خطوة تحري فيها الصدق و توكل علي الله و ربنا مش هيضيمك ابدا

ليه تعمل حاجة يعني تبان ان فيها حداقة و بتاع......امشي ع الخط مستقيم و هتوصل

مع ان احنا لسه معرفناش هتوصل امتي يعني عشان ناخد ابو ظبي فومين غسيل و مكواة و نعلق تعاليق النور و الاحصنة تبقي واقفة ع الصفين... :closedeyes:

ربنا يصلح لك الحال

كلام جميل كلام معقول ماقدرش اقول حاجة عنه

[عماد حمدي]

هو انت معاك 2 فيزا ولا في واحد مزورة !!!!

هههههههههههه فيه واحده مزورة

الأصل دي بتاعت العمل دي الريسية بتاعتي وسليمة والأصل كمان مش صورة

المزورة بقا :lol: هيا هيا نفس بيانات الأولي دي بس بدل كلمة عمل مكتوب زيارة لان تأشيرة الزيارة مش هيحتاجي مني هنا تصريح عمل لاني رايح زيارة :wub:

صباحكم افتكاسات wst::

السلام عليكم و رحمة الله و بركاته

مع اني اكاد ابصم بالعشرة اني مش فاهمة الافتكاسة اللي قولت عليها يا سيد عماد....بس عايزة ااقولك حاجة

امشي عدل يحتار عدوك فيك

و الله بجد

كل خطوة تحري فيها الصدق و توكل علي الله و ربنا مش هيضيمك ابدا

ليه تعمل حاجة يعني تبان ان فيها حداقة و بتاع......امشي ع الخط مستقيم و هتوصل

مع ان احنا لسه معرفناش هتوصل امتي يعني عشان ناخد ابو ظبي فومين غسيل و مكواة و نعلق تعاليق النور و الاحصنة تبقي واقفة ع الصفين... :happy:

ربنا يصلح لك الحال

لماضة .. ازيك الأول نتمني ان تكوني بخير

بصي هوه دي إفتكاسة من واحد كدا وقولت أقولها هنا مش معني كدة اني هعملها بس انا قولت أقولها وخلاص

انا خلاص هعمل زي ما رعد قال .. هروح من غير تصريح عمل وأتوكل ع الله ولو هعملة أعملة في المطار وخلاص وهروح قبل ميعاد الطيارة بثلاث ساعات .. وربنا ييسر الأمور

بيني وبينك مش عايز أبتدي مشواري بطريقة زي دي بس انا الفكرة عجبتني بصراحة وقلت أنقلها هنا ..

شكرا ً لمروك ,,

أخويا الصغير gra:-

ابو العز باشا .. :happy: انا قولت أمسي عليك بس وأفكرك لو محتاج حاجة من كايرو انا في الخدمة ..

انا هاجي ان شاء الله تعالي يوم الخميس اللي بعد الجاي ..

سلامي لكل الجالية المصرية والمحاورتية في أبوظبي .. :rolleyes:

تم تعديل 8 يونيو 2010 بواسطة omda2006

[أبو العز]

اسمع ياعمدة

أنا رأيى ماتتحملش أى Risk انت فى جميع الاحوال لن تسافر الا لما توصلك التأشيرة الأصلية (اللى عليها صورتك) وموثقة من المكتب العمالى فى أبوظبى

تاخدها وتعمل التصريح احسن لك ولام يخلص فى نفس اليوم غصب عن اللى خلفوهم ، الا اذا كان لك ملف فى امن الدولة زى حالاتى (اوع تفتكر انى تبع القاعدة ده بس بسبب كثرة اسفارى لدول على القائمة بحكم طبيعة عملى) .

فى حالة امن الدولة بتستلم التصريح تانى يوم ، وده افضل حل علشان لما تجدد يكون الموضوع بسيط والا ح تقع فى مشكلة السنة التالية لانك ضرورى توريهم اصل التأشيرة واللتى لن تكون متوفرة لانهم حاياخدوها منك هنا علشان الاقامة

انا نزلت مصر 3 ايام الشهر الماضى لحضور مؤتمر وكان تصريحى منتهى (وماعنديش وقت اجدده) وقررت انى ماعملوش بس سألت قريب لى فى الداخلية وقال التصريح دلوقتى الكترونى يعنى لو مجدد بيظهر على السيستم أمام ظابط الجوازات وبالتالى مابيسألكش عليه ، اضطريت اعمله واستلمته بعد ساعتين ودلوقتى مافيش زحمة لان الاجازات لسه مابدأتش.

ولو مش مجدد بيسألك وتضطر تعمل الفيلم اياه ، انا نصيحتى اعمله واهو يوم نزهة تقضيه فى المصالح الحكومية المصرية لانه بجد ح توحشك قوى

ربنا ييسر لك امورك وتيجى بالسلامة ، المهم انك لما تيجى ماتقعدش تعيط وتقول مصر وحشتنى وعايز اروح وتسافر بعد اسبوعين زى شباب كتير عندى هنا

اجمد الغربة للرجالة

[jasmin hamed]

يا عمده باشا انا مسافره 3 مرات فى سنه واحده من غير تصريح و كل مره بكتب الاقرار على نفسى انى هعمله المره الجايه

اصلا الاقرار ده مطبوع استنبه عن ظابط مدير الجوازات و ماعليك الا انك تكتب الاسم الكريم و تمضى

بالنسبه ليا كنت بعمل التصريح ده لما يكون عندى وقت و السنه الاخيره كل اجازاتى مزنقه جدا و مش عارفه اروح اعمله

من الاخر مايقدرش يمنعك من السفر عشان تصريح العمل اصلا

[jasmin hamed]

يا ريت يا اخوانا لو حد من الاخوه الى عنده خبره يرشحلى مدرسه اجنبيه كويسه فى دبى

ياريت تكون بتدى البرتش سيركلوم و لو فى مدرسه فيها بريسكول

و جزاكم الله كل خير

[لماضة مصرية جدا]

السلام عليكم و رحمة الله و بركاته

يا جماعة ايه الرطوبة دي

انا قربت اركب مساحات للنضارة الشمس.....مش مونكن كده

حد ياخد الرطوبة ع جنب و يفهمها...احسن انا خلاص بجد مش عارفة اتنفس

مساااكم نسمة من ايام راس البر....بالليل و احنا قاعدين في البلكونة اللي هي فاتحة ع الشارع...و بناكل رز بلبن...بفطير....يااااااااااااه افترا

فوتكم بعافية

[لماضة مصرية جدا]

[ربنا ييسر لك امورك وتيجى بالسلامة ، المهم انك لما تيجى ماتقعدش تعيط وتقول مصر وحشتنى وعايز اروح وتسافر بعد اسبوعين زى شباب كتير عندى هنا

اجمد الغربة للرجالة

حضرتك طيب سمعتني ازاي

مع اني لما بعيط بحط راسي في المخدة

يا دي الفاضيحة

لا...بس ربنا كريم

بااااااااقي من الزمن.....51 يوم.....و ساعتين لو الماتش متذاع من استاد الكلية الحربية

فوتك بعافية

انا جدعة اهه...مبعيطشي خاااااالص

انا بتفرتك اصلا

[لماضة مصرية جدا]

ابو العز باشا .. انا قولت أمسي عليك بس وأفكرك لو محتاج حاجة من كايرو انا في الخدمة ..

انا هاجي ان شاء الله تعالي يوم الخميس اللي بعد الجاي ..

سلامي لكل الجالية المصرية والمحاورتية في أبوظبي .. :happy:

ابننا عماد

هل انت جاد فيما تقول..(وش يوسف بيك وهبي)

بص انا محتاجة حاجات رمزية.....يعني من ريحة مصر....و عشان الريحة متعملشي اختناق هقولك

لو منكن يعني

عدد 4 حواوشي من اي حد في عطفة...في حارة....مش مهم...المهم تضمنلي انهم من اللي في التوابل مفحفحين و بيوجعوا البطن عدل

عدد 2 كارت ميناتل كابينة.....و طبعا يكونوا فاضيين....هواية الواحد يجمعهم...مش عارفة ليه

و لو ممكن تجيبلنا 5 اكياس من بتوع أيريال...ايريال اوه اوه....اصلي شفتهم عاملين مسابقة باين...و لاني دايما سعيدة الحظ و مبكسبشي بقول يمكن لما اغير القارة...قصدي العتبة البلية تلعب معايا و نطنر بقي النطرة لفوق

بص من الاخر بقي

هات علي اد ما تقدر من دعوات والدتك هتحتاجها و هتحسها فوق ما تتخيل

ربنا ييسرلك الامور

مسااااااك رضا

[engmido]

بالتوفيق ومع السلامة يا عمدة

[engmido]

مع السلامة يا عصفور افندى.....بكره هاتحلى وتبقى تمام ........طول بالك حبة و روق .........سيبها ياراجل للايام :happy:

[MoeTdot]

إلى الأخ/ MoeTdot

سألت لك اليوم اثنين ممن أعرفهم يعملان في شركات عالمية متخصصة في الاقتصاد والاستشارات المالية.. واحد عربي، والأخرى سيدة أجنبية.. إجابتهما كانت تقريبا متطابقة..

أولاً: مؤهل صديقك يساعده للعمل في شركات دراسة السوق، أو كـ Marketing Analyst... أو الانضمام لقسم الاستشارات Advisory Department في إحدى شركات الاستشارات المالية.. أو المحاسبة.. مثل دولويت .. إي واي.. بي دبليو سي.. كي بي إم جي..

ثانياً: الأخ العربي قال لي للأسف شغل التسويق ضعيف جدا الآن في الإمارات.. وهناك عدد ضخم من الخريجين في هذا التخصص ولا يجدون عملاً..

ثالثاً: السيدة الأجنبية قالت لي: الراتب هنا في الدولة سيكون لصاحب الخبرة القليلة تقريبا 10 آلاف درهم شامل كل شيء(2.700 دولار تقريبا).. وأردفت: طالما لديه خبرة ثلاث سنوات فبإمكانه التفاوض.. وهذا يعتمد على الشركة ونظام الرواتب فيها..

رابعاً: لا أنصح صديقك بالنزول إلا الإمارات إلا ومعه عرض عمل جيد..

شكرا جزيلا يا غالي ..أنا حبلغه وربنا يكتب الخير إن شاء الله ....شكرا علي وقتك وعلي اهتمامك وعلي اخلاقك العالية..ربنا يكتبلك كل الخير وييسر لك امرك إن شاء الله :blush2: :lol:

[mahmoudfaheem]

اهلا بيكم يا جماعه

من فضلكم انا طالب الرأى والمشورة

انا جايى عرض من احدى الشركات فى ابوظبى دعاية والاعلان - المهنه مدير مبيعات على 5000 درهم شامل السكن والبدلات + عمولة 5%

ايه رايكم ؟؟؟؟؟؟

وياترى السكن فى ابو ظبى تقريبا كام ........ استدويو صغير غرفة وحمام حتى انا راضى ...... = تقريبا كام شهريا بدون مبالغة

وكنت عاوز اعرف منكم برضة الكفيل بعت ليا فيزا زيارة 30 يوم الاول حتى الوصول اليه وبعدين ابدأ فى اجراءات عقد العمل 3 سنوات

ياترى الفيزا دى تتطلب منى اى اجراءات فى مصر ولا اخد الصورة واطلع بيها على المطار وخلاص ؟؟؟؟؟؟؟

ولكم منى جزيل الشكر

ونتمنى ان نكون دايما جاليه مصرية طيبة قلبهم دايما على بعض

[عبيد الله]

اهلا بيكم يا جماعه

من فضلكم انا طالب الرأى والمشورة

انا جايى عرض من احدى الشركات فى ابوظبى دعاية والاعلان - المهنه مدير مبيعات على 5000 درهم شامل السكن والبدلات + عمولة 5%

ايه رايكم ؟؟؟؟؟؟

وياترى السكن فى ابو ظبى تقريبا كام ........ استدويو صغير غرفة وحمام حتى انا راضى ...... = تقريبا كام شهريا بدون مبالغة

وكنت عاوز اعرف منكم برضة الكفيل بعت ليا فيزا زيارة 30 يوم الاول حتى الوصول اليه وبعدين ابدأ فى اجراءات عقد العمل 3 سنوات

ياترى الفيزا دى تتطلب منى اى اجراءات فى مصر ولا اخد الصورة واطلع بيها على المطار وخلاص ؟؟؟؟؟؟؟

ولكم منى جزيل الشكر

ونتمنى ان نكون دايما جاليه مصرية طيبة قلبهم دايما على بعض

مرحباً بك أخ محمود بين إخوانك وأحبائك..

أولاً: لست أدرى كيف وظيفتك "مدير" مبيعات والراتب 5 آلاف درهم فقط + شامل كل شيء..؟ هذا الموضوع يوحي باستغلال بشع.. أنا أعرف أخ من إحدى دول المغرب العربي صديقي يعمل "مدير مبيعات" في شركة هنا وراتبه 14 ألف درهم تقريبا..

ثانياً: الـ 5% هذه، كيف سيكون حسابها..؟ وكم سيكون متوسط ربحيتها في الشهر..؟ هذا الكلام المرسل لابد أن تتثبت منه قبل سفرك.. يعني مثلا لو كان دخلك منها مثل راتبك أي 5 آلاف أخرى، وتكون هذه النسبة مضمونة، أي لن يتم التلاعب بها بعد أن تضع قدمك هنا.. إذن لا مانع من ذلك.. تعالى وتوكل على الله..

ثالثاً: إيجار الأستوديو في أبوظبي بين 4 و7 آلاف درهم شهرياً.. حسب المنطقة.. لو أردت غرفة جيدة مؤثثة تعيش فيها بمفردك لن تقل عن 4 آلاف درهم شهريا..

لو لديك سيارة وكنت من هواة السكن في المدن الجديدة، مثل "خليفة أ" أو "محمد بن زايد" (الأولى تشبه التجمع الأول والمسافة بينه وبين مدينة نصر، والثانية تشبه مدينة الشروق والمسافة بينها وبين مدينة نصر – طبعا هذا بالتقريب).. عليك بالسكن هناك، لي صديقي استأجر أستوديو في مدينة "خليفة أ" بـ 25 ألف درهم في السنة، في فيلا تشطيب ديولوكس.. أي 2800 درهم تقريبا في الشهر..

رابعاً: بالنسبة لموضوع فيزا الزيارة ليست عندي فكرة عن إجراءاتها بالضبط.. أنصحك بالاتصال بالسفارة الإماراتية في القاهرة، وهم سيدلونك على التصرف السليم..

خامساً: لي ملاحظة بسيطة: هل هذه تأشيرة زيارة عمل أم لمهمة مؤقتة Mission Visa ؟ كيف رب العمل يرسل لك فيزا زيارة لمدة شهر، مع أن فيزا العمل لا تأخذ سوى وقت قصير في الصدور..؟ ظني- والله أعلم - أنها ستكون لاختبارك.. يعني يأتي بك ليختبرك في الشغل قبل أن "يدبس" نفسه في مصاريف فيزا العمل.. فإن أثبت كفاءتك فأنت لها.. وإلا فلا.. ذلك لأني رأيت كثير من أرباب العمل يفعلونها.. اختراع أعجب الكثير منهم وبدؤوا في استغلاله.. بعض زملائي حدث معهم ذلك..

أخيراً: اجلس مع نفسك، وتدبر أمرك.. وازن بين دخلك الحالي في مصر.. وبين ما تستطيع ادخاره في ضوء غلاء السكن والمعيشة في الإمارات..

أرجو منك فقط أن تتثبت من الأمور التي ذكرتها لك أعلاه.. وإن شاء الله الإخوان والأخوات هنا يفيدونك أكثر مني.. وفقك الله لما يحبه ويرضاه..

[Yousef]

يا جماعة ممكن حد يفدنى فى طرق البحث على وظائف من خلال النت دى فعلا بتنجح ولا مجرد تضيع وقت

[زياد عزالدين]

السلام عليكم ورحمة الله وبركاته

اخواني

انا جايلي عرض من الشركة المتحدة للطباعة والنشر (UPP)

الراتب 4500

السكن عليا

الاجازات كل سنتين

انا مصمم جرافيك عندي خبرة طويلة في الطباعة وفصل الالوان

بس ده العرض اللي جالي

ايه رايكم ؟ اتمنى الافاده

بارك الله فيكم

[لماضة مصرية جدا]

السلام عليكم ورحمة الله وبركاته

اخواني

انا جايلي عرض من الشركة المتحدة للطباعة والنشر (UPP)

الراتب 4500 السكن عليا

الاجازات كل سنتين

انا مصمم جرافيك عندي خبرة طويلة في الطباعة وفصل الالوان

بس ده العرض اللي جالي

ايه رايكم ؟ اتمنى الافاده

بارك الله فيكم

السلام عليكم و رحمة الله و بركاته

الراتب اللي فوق ده حضرتك...وحش جدا

انا اسفة بس هي متتقالشي غير كده

رايي المتواضع انتظر فرصة افضل...و ارجع لمداخلات الاعضاء من قبل عشان تقدر تعرف ظروف الحياة و تكاليف المعيشة

ربنا ييسر لحضرتك الخير

[عبيد الله]

يا جماعة ممكن حد يفدنى فى طرق البحث على وظائف من خلال النت دى فعلا بتنجح ولا مجرد تضيع وقت

سوق العمل الآن يعتمد على التوظيف الإلكتروني بنسبة 90% على الأقل.. نجاح تجربتك من عدمه يعتمد على خبراتك، ومؤهلاتك..

والأهم: كيفية تسويق نفسك... How to Sell Yourself... وهذا الموضوع يحتاج لذكاء في إعداد السيرة الذاتية، خاصة باللغة الانجليزية، ثم المبادرة في التقديم على الوظيفة المناسبة..

بالنسبة إلى المواقع التي تركز على السوق الإماراتي، فأغلبها باللغة الإنجليزية..

سأسهل عليك الأمر بوضع المواقع التي تتضمن اللغة العربية أولاً:

1- http://jobs.abudhabi.ae/ar/home/

2- http://www.bayt.com/ar/

3- http://shoghlanty.moheet.com

المواقع باللغة الإنجليزية:

1- http://www.gnads4u.com/jobs

2- http://www.monstergulf.com/

3- http://www.gulftalent.com/home/index.php

4- http://www.careerjet.ae

المواقع المذكورة أعلاه هي التي أعرفها وتعاملت معها مباشرة.. الإخوان والأخوات هنا إن شاء الله يفيدونك أكثر..

بالتوفيق

[عبيد الله]

السلام عليكم ورحمة الله وبركاته

اخواني

انا جايلي عرض من الشركة المتحدة للطباعة والنشر (UPP)

الراتب 4500

السكن عليا

الاجازات كل سنتين

انا مصمم جرافيك عندي خبرة طويلة في الطباعة وفصل الالوان

بس ده العرض اللي جالي

ايه رايكم ؟ اتمنى الافاده

بارك الله فيكم

أخي الكريم،

من خلال البحث، عرفت أن الشركة المتحدة للطباعة والنشر تابعة لشركة أبوظبي للإعلام..

لي اثنين من أعز أصدقائي، شابين مصريين، يعملان هناك في شركة أبوظبي للإعلام.. وهي شركة حكومية رائدة.. تملك مجموعة قنوات تلفزيون أبوظبي، ومجموعة إذاعات كبيرة، وصحف كثيرة منها، الاتحاد.. وسوبر الرياضية الشهيرة وغيرها..

لكن ما دخل هذه المعلومة بسؤالك..؟

1- هذا يا أخي يعني أن الشركة المتحدة للطباعة والنشر شركة حكومية بالتبعية.. بل إنها تقوم بطابعة صحفية ذا ناشونال الشهيرة..

2- هذا بدوره يعني، أنها الأولى بتطبيق قانون العمل.. أي أجازة سنوية مدفوعة الأجر لا تقل عن شهر.. وبدلات، منها بدل السكن على الأقل.. وليس أجازة كل عامين.. ومن غير سكن!...

لا أعرف لماذا بدأت الشركات تتجرأ على الاستغلال بهذه الطريقة، مع أن الإمارات في الغالب دولة قانون.. والله لو أني عندي وقت لأجرجرهم على المحاكم جميعا.. مع أني لست محاميا..

3- الراتب ضعيف جدا مقارنة بخبرتك والوظائف الأخرى في الكيانات التابعة بشركة أبوظبي للإعلام: زميلي الاثنين هناك راتبهما: 20 ألف درهم شهريا + مدارس للأولاد الخ الخ.. هذا لا يعني بالضرورة أن يكون راتبك مثلهما.. قصدي هو أن تأخذ حقك وراتبك الذي تستحقه من كيان حكومي عملاق مذل هذا..

طيب ما العمل؟

من وجهة نظري، هذا استغلال واضح.. لا تذهب إذا لم تكن مضطرا إلى ذلك.

والله أعلم

[شريف مان]

عبيد الله

ربنا يكرمك ويجازيك خير

على مساعداتك الدائمة

:rolleyes:

[hakeem]

عبيد الله

ربنا يكرمك ويجازيك خير

على مساعداتك الدائمة

:rolleyes:

امين يارب ..وياريت ميحرمناش من تواجدهفى المنتدى..بس فى عندى سؤال ليه هو فعلا مواقع التوظيف دى بتوفر فعلا فرص عمل ولا خدع كلها ..انا مسجل فى موقع من زمان ومحصلش اى حاجه