مغتربي الإمارات

[Yousef]

يا جماعة ممكن حد يفدنى فى طرق البحث على وظائف من خلال النت دى فعلا بتنجح ولا مجرد تضيع وقت

سوق العمل الآن يعتمد على التوظيف الإلكتروني بنسبة 90% على الأقل.. نجاح تجربتك من عدمه يعتمد على خبراتك، ومؤهلاتك..

والأهم: كيفية تسويق نفسك... How to Sell Yourself... وهذا الموضوع يحتاج لذكاء في إعداد السيرة الذاتية، خاصة باللغة الانجليزية، ثم المبادرة في التقديم على الوظيفة المناسبة..

بالنسبة إلى المواقع التي تركز على السوق الإماراتي، فأغلبها باللغة الإنجليزية..

سأسهل عليك الأمر بوضع المواقع التي تتضمن اللغة العربية أولاً:

1- http://jobs.abudhabi.ae/ar/home/

2- http://www.bayt.com/ar/

3- http://shoghlanty.moheet.com

المواقع باللغة الإنجليزية:

1- http://www.gnads4u.com/jobs

2- http://www.monstergulf.com/

3- http://www.gulftalent.com/home/index.php

4- http://www.careerjet.ae

المواقع المذكورة أعلاه هي التي أعرفها وتعاملت معها مباشرة.. الإخوان والأخوات هنا إن شاء الله يفيدونك أكثر..

بالتوفيق

اشكر حضرتك جزيل على اهتمامك بالرد وارسال المواقع وانا بالفعل بقوم بأرسال السيرة الذاتية باللغة الآنجليزية لبعض من المواقع الى حضرتك ارسلتها وربنا يوفق الجميع

[عبيد الله]

عبيد الله

ربنا يكرمك ويجازيك خير

على مساعداتك الدائمة

وجزاك الله خيراً شريف وبارك فيك

[عبيد الله]

عبيد الله

ربنا يكرمك ويجازيك خير

على مساعداتك الدائمة

امين يارب ..وياريت ميحرمناش من تواجدهفى المنتدى..بس فى عندى سؤال ليه هو فعلا مواقع التوظيف دى بتوفر فعلا فرص عمل ولا خدع كلها ..انا مسجل فى موقع من زمان ومحصلش اى حاجه

يا أخ حكيم أنت ما عليك سوى السعي والأخذ بالأسباب، وترك الباقي على رب الأرض والسماوات..

بالنسبة للمواقع الإلكترونية للتوظيف، فهي الآن أفضل وأسهل طريقة للحصول على وظيفة.. فقط احرص على إتباع ما يلي:

- حاول عرض سيرتك الذاتية بلغة إنجليزية سليمة.. ذلك لأني رأيت بأم عيني سير ذاتية كثيرة لأناس متميزين يتم رفضهم بسبب أخطاء إملائية أو نحوية بسيطة.. وأيضاً لأن غالبية مديري الموارد البشرية، بل وشركات التوظيف في الإمارات بريطانيون..

أذكر منذ أربعة أشهر تقريباً، حضرت واقعة مثالاً على ذلك: مدير الموارد البشرية في مكان أعرفه، أيرلندي الجنسية، رفض توظيف فتاة سورية، مع أنها درست في مصر وتخرجت بامتياز مع مرتبة الشرف.. وقال إن لغتها الانجليزية ضعيفة ومليئة بالأخطاء.. ولم يلتفت إلى مؤهلها ولا إلى خبرتها..

- ادخل على صفحة بياناتك يومياً إن استطعت.. لأن هذا سيدفع بها إلى الأمام في الصفحات الأولى كلما حاول رب عمل البحث عن موظفين داخل الموقع.. كلما تأخرت في الدخول لأسابيع وشهور لن تظهر سيرتك الذاتية إلا في ذيل الصفحات المتأخرة..

- رتّب أمورك جيداً: اختصر في تفاصيل الاتصال، وأسهب في ذكر المؤهلات والخبرات..

- خصص فقرة لشرح مهاراتك، وطريقة تعاملك مع ضغط العمل، ومع الناس من حولك مع اختلاف جنسياتهم..

- سجلّ في أكثر من موقع توظيف في الوقت نفسه.. سجلّ في كل المواقع التي ذكرتها لك أعلاه إن استطعت.. وخصص نصف ساعة من يومك للدخول عليها جميعاً يومياً..

- جهّز سيرتك الذاتية وأحفظ أحدث وأشمل نسخة منها على سطح المكتب عندك.. كلما رأيت إعلان تكون جاهزاً لإرسالها.. وتكون من الأوائل الحريصين على العمل..

- لو طلبت الشركة الجديدة معرفة سبب ترك عملك القديم.. إياك ثم إياك أن تذكر شركتك السابقة ولو بكلمة سيئة.. كن عف اللسان كريم الأخلاق..

- اكتب في سيرتك الذاتية أنك مستعد للانتقال للعمل في أي مكان مع الشركة، والعمل لساعات إضافية إذا تطلب الأمر ذلك.. ولا تحدد راتب ولا مميزات.. انتظر اعرف عرضهم أولاً ثم قرر..

بالتوفيق

[hakeem]

الف شكر اخونا عبيد الله وجزاك الله خيرا

كان عندى استفسار كده هبعتهولك....ده لو سمحت

[hakeem]

بعت استفسارى لاخونا عبيد الله بس طلع معندوش معلومات عنه وقالى احطه فى الموضوع هنا

فى حاجه عايز اسال عنها ومش خاصه بيا بس حد امره يهمنى

بالنسبه للشغل فى مجال الشبكات هى كويس فى الخليج عامه..؟

اى حاجه ايه احسن الشهاده المطلوبه عندكم فى مجال الشبكات هل سيسكو ولا ميكروسوفت..؟

وهل شرط ان اللى يشتغل فى مجال الشبكات انه يكون خريج هندسه او عادى انه يكون دارس اى مجال تانى وخد دورات وظبط نفسه ...؟

وياريت لو تعرف الراتب لواحد مبتدئ فى الشبكات ...؟

وشكرا

[ابو حبيبه]

السلام عليكم ورحمه الله وبركاته

اخوانى الاحباب اشكر كل المشاركين فى هذا المنتدى العزيز

واشكر كل من مد يد العون لاخيه بمعلومه

انا شخصيا استفدت من هذا المنتدى ومازلت الجا اليه حين اريد معرفه اى معلومه او استفسار فلكم جزيل الشكر

ارجو من حضراتكم توضيح الاوراق المطلوبه والاجراءات لعمل استقدام للزوجه والاولاد وكم يتكلف الاستقدام وعمل اقامه للزوجه

ولسيادتكم جزيل الشكر

برجاء سرعه الرد

[هشام]

السلام عليكم ، أنا أخوكم في الله هشام ولكم أحببت ان أشارك معكم في هذا التجمع الجميل ولي استفسار وأرجو من الأخوة الأعزاء في المنتدى مساعدتي فيه

حلوه المقدمه دي أكيد، المهم علشان ما أطولش عليكم أنا سافرت الإمارات منذ 2008 تقريباً من سنتين ونصف ومنزلتش مصر لسه كنت باخد الاجازات في البلد وكان معايا تصريح من الجيش بالسفر نظراً لان معايا اعفاء مؤقت وشهادة الإعفاء انتهت في شهر 9 -2009 اللي فات والسبب زال عنها اللي هو أخويا لانه كمل 21 سنه وانا كنت العائل له ودفعته كمان أخدت تأجيل من الجيش 3 سنوات المهم طبعا الاخوة نصحوني اني منزلش سنه 2009 علشان ممكن مقدرش ارجع تاني لانه حيكون لسه انا مكملتش 30 عام وانا الحمد لله في شهر أكتوبر القادم حكون بقيت 30 فالسؤال انزل عادي في شهر أكتوبر بعد ال 30 طبعا وبكده يبقى ممكن اخد الاعفاء النهائي ولا ممكن يغلسو في الجيش ويقولوا لازم تكون 31 وميرضوش يدوني تصريح بالسفر وبالنسبة لتصريح العمل بيتعمل بالاقامة اللي معايا ولا حيقولي صورة فيزا العمل اللي طبعا مش معايا من بعد الاقامة ما اتعملت واسف على الإطالة وشكراً ليكم.

[أبو العز]

السلام عليكم ورحمه الله وبركاته

اخوانى الاحباب اشكر كل المشاركين فى هذا المنتدى العزيز

واشكر كل من مد يد العون لاخيه بمعلومه

انا شخصيا استفدت من هذا المنتدى ومازلت الجا اليه حين اريد معرفه اى معلومه او استفسار فلكم جزيل الشكر

ارجو من حضراتكم توضيح الاوراق المطلوبه والاجراءات لعمل استقدام للزوجه والاولاد وكم يتكلف الاستقدام وعمل اقامه للزوجه

ولسيادتكم جزيل الشكر

برجاء سرعه الرد

الاخ ابو حبيبة

أولا لازم راتبك يكون فوق الـ 4000 درهم مع سكن لعمل استقدام للزوجة والاولاد والمطلوب الاتى :

1- شهادة من محل عملك تفيد بالراتب الشهرى وانك مازالت على راس العمل حتى تاريخه

2- صورة جواز سفرك وجواز سفر الزوجة و الاولاد

3- صورة قسيمة الزواج موثقة من الخارجية المصرية وسفارة الامارات بالقاهرة

4- صورة شخصية للزوجة والاولاد اذا كانوا جوازاتهم منفصلة

5- اذا كان الاولاد على جواز والدتهم فلا داعى لصورهم الشخصية

6- تروح لمكتب طباعة يطبع طلب تأشيرة اقامة

افضل انك تروح لمكاتب الطباعة اللى فى مكاتب الجوازات لانهم محترفين وعارفين شغلهم معظم الطباعين اللى بره بنجلاديش ويخطأوا كثيرا

راجع الطلب كويس وقارن البيانات اللى فى الطلب ببيانات جوازات السفر لانه لو اخدت الطلب ومشيت وفيه خطأ بتروح عليك فلوسك لان السيستم مابيرجعش فلوس ولازم تعمل طلب جديد وانا حصلت معايا شخصيا وان باجدد اقامة زوجتى وضاعت على الفلوس بسبب غباء عامل الطباعة

بالتوفيق

[ابو حبيبه]

جزاكم الله خيرا الاخ العزيز ابوالعز وجعله فى ميزان حسناتك

بس كنت عاوز اعرف باقى الاجراءات بعدطباعه طلب تاشيرة الاقامه من مكتب الطباعه ايه الخطوةالقادمه

وكم التكلفه

وكم تكلفه عمل الاقامه للزوجه بعدقدومها وكيفيه عملها

وجزاكم الله خيرا

[أبو العز]

جزاكم الله خيرا الاخ العزيز ابوالعز وجعله فى ميزان حسناتك

بس كنت عاوز اعرف باقى الاجراءات بعدطباعه طلب تاشيرة الاقامه من مكتب الطباعه ايه الخطوةالقادمه

وكم التكلفه

وكم تكلفه عمل الاقامه للزوجه بعدقدومها وكيفيه عملها

وجزاكم الله خيرا

بعد ماتستكمل الاوراق دى تقدم الطلب مباشرة فى ادارة الجوازات ، او تديها لموظف الجوازات فى شركتك لاستخراج التأشيرة

وهى عادة تصدر بعد يومين والمستعجل نفس اليوم

بعد صدور التأشيرة ترسل صورة بالفاكس للمدام فى مصر وتحز لهم الطيارة

تنتظرهم فى المطار بأصل التأشيرة وتقدمها فى مكتب التأشيرات فى المطار وبتدفع 20 درهم

بعد الوصول بالسلامة والختم على التأشيرة تبدأ تعمل اجراءات الاقامة ودى قصة تانية لانك لازم تعمل فحص الدم وتطلع الشهادة الصحية نتكلم فيها بعدين

[سمسم اسلام]

الموضوع فعلا جميل

انا اخوكم اسلام

مهندس فى حديد الامارات

[هشام]

محدش جاوبني في استفساري يا جماعة الخير

[هشام]

السلام عليكم ، أنا أخوكم في الله هشام ولكم أحببت ان أشارك معكم في هذا التجمع الجميل ولي استفسار وأرجو من الأخوة الأعزاء في المنتدى مساعدتي فيه

حلوه المقدمه دي أكيد، المهم علشان ما أطولش عليكم أنا سافرت الإمارات منذ 2008 تقريباً من سنتين ونصف ومنزلتش مصر لسه كنت باخد الاجازات في البلد وكان معايا تصريح من الجيش بالسفر نظراً لان معايا اعفاء مؤقت وشهادة الإعفاء انتهت في شهر 9 -2009 اللي فات والسبب زال عنها اللي هو أخويا لانه كمل 21 سنه وانا كنت العائل له ودفعته كمان أخدت تأجيل من الجيش 3 سنوات المهم طبعا الاخوة نصحوني اني منزلش سنه 2009 علشان ممكن مقدرش ارجع تاني لانه حيكون لسه انا مكملتش 30 عام وانا الحمد لله في شهر أكتوبر القادم حكون بقيت 30 فالسؤال انزل عادي في شهر أكتوبر بعد ال 30 طبعا وبكده يبقى ممكن اخد الاعفاء النهائي ولا ممكن يغلسو في الجيش ويقولوا لازم تكون 31 وميرضوش يدوني تصريح بالسفر وبالنسبة لتصريح العمل بيتعمل بالاقامة اللي معايا ولا حيقولي صورة فيزا العمل اللي طبعا مش معايا من بعد الاقامة ما اتعملت واسف على الإطالة وشكراً ليكم.

[زعلان]

سؤالك يا هشام مش متعلق بالامارات ده تلاقي اجابته في مصر وان كنت اظن ان سن الجيش رفع الى 45 حسب ما سمعت فالافضل انك تسأل في مصر و تنزل تعمل تأجيل بشكل رسمي الهروب مش حل المهم ميكونش صدر ضدك حكم هروب لازم حد في مصر يستفسر عن الموضوع وتعمل توكيل لمحامي لو في عليك قضية علشان تثبت حسن النية وانك مش هارب ومستعد للعودة ودفع الغرامات لو كان في عليك وتشوف هل حتعفى ام لا

[زعلان]

بالنسبة لأب حبيبة موضوع الاقامة سهل وهين برضه و شركتك ممكن تعملوهلك وتدفع المصاريف او تروح مركز الجوازات الي في ام هرير على ما اظن الي قدام مكتب الاتصالات الجديد وحديقة زعبيل وهو المركز الرئيسي هناك في مكتب بيشتغل فيه شبابا مصري و حيعملولك كل الطلبات المهم تكون اوراقك جاهزة و الفحص الطبي لمن هم فوق 18 سنة فقط يعني الزوجة بس و سمعت انه ممكن يتعمل في المستشفى الايراني ممكن تستفسر منهم

[hakeem]

يا جماعه اللى قريب من العنوان اللى هكتبه دى ياريت يعرفنى لانى غلبت معاهم اتصالات ومن غير نتيجه

العنوان من على yellow pages

Villa # 146, فالا # 02, شارع السلام, المطر, ابوظبى

معالم الطريق: قبل وزارة العملِ

مستنى ردكم

[عبيد الله]

أحبّتي في الله مغتربي الإمارات

كنت اليوم صباحاً في السفارة المصرية في أبوظي لقضاء بعض المصالح الخاصة.. المهم لاحظت إعلان معلق هناك.. قلت ربما يفيد بعضكم أو يفيد أحد تعرفونه..

""وزارة الدفاع المصرية سترسل وفداً إلى السفارة المصرية لتسوية أوضاع الشباب المصري المتخلف عن تأدية الخدمة العسكرية أو من عنده أية مشاكل في هذا الإطار.. وذلك لمدة يومين فقط في الفترة بين 22/7/2010/ و24/7/2010.. أي شهر يوليو الجاري..""

أنا قابلت أكثر من شخص مصري هنا يخاف النزول إلى مصر لأنه لم يؤدي الخدمة، أحدهم قال لي إنه لم يرى أهله ولم ينزل مصر منذ خمس سنوات.. أتمنى أن يكون هذا الموضوع مفيد لمن هم في مثل حالته..

هذا هو رقم السفارة المصرية لمن يريد الاستفسار منهم مباشرة ومعرفة المزيد: 024445566

تم تعديل 6 يوليو 2010 بواسطة عبيد الله

[هشام]

بارك الله فيك اخي عبيد الله وفعلا خبر يهم كتير من الشباب المغترب ولكن بالنسبة لحالتي للأسف لا استطيع الاستفادة حيث انني سوف أكمل ال 30 عاما في شهر أكتوبر القادم وبالتالي لا استطيع ان اقوم بعمل اي اجراء طالما لم اتعدى ال 30 وجزاك الله الف خير مرة اخرى

[pmj]

يا جماعه ممكن حد يعرف ايميلات شركات بحريه تعمل فمجال البحر والسفن وجزاكم الله خيراااااااا

[hakeem]

أحبّتي في الله مغتربي الإمارات

كنت اليوم صباحاً في السفارة المصرية في أبوظي لقضاء بعض المصالح الخاصة.. المهم لاحظت إعلان معلق هناك.. قلت ربما يفيد بعضكم أو يفيد أحد تعرفونه..

""وزارة الدفاع المصرية سترسل وفداً إلى السفارة المصرية لتسوية أوضاع الشباب المصري المتخلف عن تأدية الخدمة العسكرية أو من عنده أية مشاكل في هذا الإطار.. وذلك لمدة يومين فقط في الفترة بين 22/7/2010/ و24/7/2010.. أي شهر يوليو الجاري..""

أنا قابلت أكثر من شخص مصري هنا يخاف النزول إلى مصر لأنه لم يؤدي الخدمة، أحدهم قال لي إنه لم يرى أهله ولم ينزل مصر منذ خمس سنوات.. أتمنى أن يكون هذا الموضوع مفيد لمن هم في مثل حالته..

هذا هو رقم السفارة المصرية لمن يريد الاستفسار منهم مباشرة ومعرفة المزيد: 024445566

حمد لله على سلامتك يا عبيد الله ايه الغيبه دى كلها...يارب يكون خير..وشكرا على معلوماتك القيمه دى وربنا يباركلك

يا جماعه حد قريب من العنوان اللى انا كتبته قبل كده...؟