مغتربي الإمارات

[عبيد الله]

أخونا الحبيب أبوحميد


مرحباً بك بين إخوانك وأحبائك



ما قاله لك الرجل عن السكن (غرفة وصالة بـ 350 درهم!!!!) ورخص المدارس..الخ الخ.. هو ببساطة كذب محض له قرنان



ثم هذا الراتب (2500 درهم) أصلاً لا يقبله سائق تاكسي في الإمارات.. أقسم لك سكرتيرتي الفلسطينية راتبها 8500 درهم مع أن شهادتها ثانوية فقط.. وتشتكي غلاء المعيشة وضعف الراتب.. وهي على حق فإيجار استوديو فقط بـ 6 آلاف درهم.. على كلٍ، سأخلد إلى النوم الآن وبإذن المولى آتيك غداً وأكتب لك القول الفصل في هذا الكلام العجيب الذي قيل لك..



اصبر وتجلّد ولا ترد عليه بالموافقة حتى تشاورنا هنا..

[أبو حميد المسافر]

أ / أحمد سيف

جزاك الله خيراً

بقي أن أقول أنها شركة بإذن الله وليس الكفيل فرد

ثانياً : غرضي من السفر ليس جمع المال بقدر ماهو محاولة للاستقرار خارج مصر فى ظروف معيشة محترمة ( تحترم ادمية الانسان )

بالمختصر لو أني لن أدخر مليماً - مثل مصر - وسأعيش بمستوي أفضل تبقي الامارات أفضل لى مليار مرة

وأنا أظن أن بالاجتهاد والتوكل على الله الأمور بتصير أفضل والواحد لا يبدأ دائماً بأفضل الظروف

خصوصاً أني سمعت أن المجتهد هناك يوصل يعني لا في عقد - جمع عقدة - ولا يحزنون

والأسرة مش لازم أستدعيها على طول ممكن اصبر سنة ولا حاجة يكون الراتب اتظبط

ما رأيكم دام فضلكم ؟

[أبو حميد المسافر]

الأخ / عبيد الله

مشكور على الاهتمام ولكن ،،،

ما لا يقبله سائق التاكسي فى الامارات يتمناه طبيب أو مهندس أو ظابط أو مدير حسابات مصري ( فى مصر ) أو خارج مصر أحياناً وليس محاسب فقط

مستوي المعيشة غير

أما النساء بالذات فلا يملء عيونهم ملء الأرض ذهباً فى طبق فضة

عموماً هي ستأجر استوديو - 6000 درهم - أما أنا وغيري فنقبل الحياة فى سكن مشترك مبدئياً والحياة بتسير

عموماً أنا مش رايح عمياني

أنا زميلي وصديق مقرب لى محاسب هناك من سنتين وهو اللى رشحني وهو يعرف ظروفي وظروف الشغل اللى انا رايحه تقريبا

فما أظن أنه يكون مش واخد باله أن الظروف لا تليق بأي نسبة ثم يشجعني ويقولى احسن من مصر

ما رأيك ؟

أنتظرك غداً بإذن الله مع قليل من تشجيعك

[noureymo]

سلام عليكم يا ابوحميد يا مسافر

اول حاجة لازم تعرفها ان الحد الادنى لستقدام اسرتك ان يكون مرتبك 4000 درهم

المرتب المعروض عليك يا بوحميد ما ينفعش ابدا وحتى لو بعد سنة زودك

لاحظ انك عاوز تجيب المدام يعني لازم يكون معاك عربية ودي قسطهامش هيقل عن 1000 او 1500 درهم

بص يا بوحميد لو مرتبك في مصر معيشك وما بتمدش ايدك لحد

خليك في مصر احسن

هنا يا بوحميد مخالفة العربية ب 1000 درهم

ارجوك فكر كويس جدا

وربنا يوفقك

[عبيد الله]

أخي أبو حميد

قرأت في ردك على الأخ أحمد جملة تخلص وجهة نظرك بدقة شديدة.. وتقطع قول كل خطيب بعدها..

أنت قلت: (بالمختصر لو أني لن أدخر مليماً - مثل مصر - وسأعيش بمستوي أفضل تبقي الامارات أفضل لى مليار مرة)

بعد هذا "المليار" لم يبقي الآن كلام يقال إلا الدعاء لك بالتوفيق

[أبو حميد المسافر]

سلام عليكم يا ابوحميد يا مسافر

اول حاجة لازم تعرفها ان الحد الادنى لستقدام اسرتك ان يكون مرتبك 4000 درهم

المرتب المعروض عليك يا بوحميد ما ينفعش ابدا وحتى لو بعد سنة زودك

لاحظ انك عاوز تجيب المدام يعني لازم يكون معاك عربية ودي قسطهامش هيقل عن 1000 او 1500 درهم

بص يا بوحميد لو مرتبك في مصر معيشك وما بتمدش ايدك لحد

خليك في مصر احسن

هنا يا بوحميد مخالفة العربية ب 1000 درهم

ارجوك فكر كويس جدا

وربنا يوفقك

مش لازم عربية يا أخي فى الأول - من وجهة نظري - هي جاية تتفسح !!! خليها قاعدة فى البيت

بص هي فى مصر ماشية بالزق والعافية وقبل كل حاجة ببركة ربنا

الحمد لله أنا عايش فى مصر فى شقة تمليك ومرتبي أقل من 1500 ج بشوية

الحياة دلوقتي كويسة لكن لما ابني يبقي داخل كي جي وان مستحيل الحياة تبقي زي الأول

ومستحيل أدخله مدارس حكومية حتي لو مش هعلمه ( أنتوا متعرفوش العيال فى ابتدائي بتعمل ايه دلوقتي ) .

باختصار ياأخي إما حياة كريمة بالأسرة فى الامارات - بدون تحويش -

أو توفير هذه الحياة الكريمة من خلال سفري وحدي

[أبو حميد المسافر]

يا ريت الأخ أحمد سيف يكلمني عن العين - شكلها منفي -

أنا سمعت ان فيها خضرة وأسعارها رخيصة

ممكن تكلمني عنها من الناحية الاقتصادية والاجتماعية ؟

[أبو حميد المسافر]

[يمين]أخي أبو حميد

أنت قلت: (بالمختصر لو أني لن أدخر مليماً - مثل مصر - وسأعيش بمستوي أفضل تبقي الامارات أفضل لى مليار مرة)

طبعاً أنا أقصد بهذا معيشة بالأسرة وليس وحدي

إن كان ذلك كذلك يبقي بشرك الله وجزاك الله خيرا

واستمر فى النصح بارك الله فيك

بعد هذا "المليار" لم يبقي الآن كلام يقال إلا الدعاء لك بالتوفيق

[/يمين]

تم تعديل 19 يوليو 2010 بواسطة أبو حميد المسافر

[أحمد سيف]

يا ريت الأخ أحمد سيف يكلمني عن العين - شكلها منفي -

أنا سمعت ان فيها خضرة وأسعارها رخيصة

ممكن تكلمني عنها من الناحية الاقتصادية والاجتماعية ؟

والله يا أخ ابوحميد المسألة بتختلف من شخص لآخر ... وما أراه أنا منفى قد يعتبره غيري جنة والعكس صحيح ... أنا جربت العيشة في أبوظبي ودبي والبحرين فلما جيت العين حسيت بالملل والعزلة ... يمكن لأنها في نص الصحراء بعيد عن البحر وأنا طول عمري عايش جنب البحر ... أنا برضه لسه جديد في البلد ويمكن الانطباع ده يتغير عندي لما أتعود عليها

البلد خضراء وفيها كثير من الحدائق والمتنزهات وأسعارها رخيصة نسبيا خصوصا فيما يتعلق بالسكن والخدمات ... معظم أهلها مواطنين بدو واختلاطهم بالأجانب (اللي هما احنا) شبه معدوم وطباعهم جافة ... مساحتها واسعة والمسافات بين الأماكن (خصوصا لما تكون ساكن بعيد عن نص البلد) كبيرة والحركة بدون سيارة صعبة خصوصا في فصل الصيف. يمكن أقرب الأماكن لها من حيث الطابع هي منطقة نجد بالسعودية (الرياض - القصيم).

البلد بها أيضا نسبة كبيرة من الباكستانيين والبلوش والبنغال والهنود وقليل من العرب (مقارنة بأبوظبي مثلا) ... ولذلك يفضل أن توثق علاقتك بالجالية المصرية بها وإلا ستعيش في عزلة لإنك مش هتعرف تتكلم مع حد في الشارع.

ده اللي أقدر أقوله عن العين. لو هناك سؤال عن أمر معين ممكن أجاوبك عليه على قدر علمي.

[hakeem]

أخونا الحبيب أبوحميد

مرحباً بك بين إخوانك وأحبائك

ما قاله لك الرجل عن السكن (غرفة وصالة بـ 350 درهم!!!!) ورخص المدارس..الخ الخ.. هو ببساطة كذب محض له قرنان

ثم هذا الراتب (2500 درهم) أصلاً لا يقبله سائق تاكسي في الإمارات.. أقسم لك سكرتيرتي الفلسطينية راتبها 8500 درهم مع أن شهادتها ثانوية فقط.. وتشتكي غلاء المعيشة وضعف الراتب.. وهي على حق فإيجار استوديو فقط بـ 6 آلاف درهم.. على كلٍ، سأخلد إلى النوم الآن وبإذن المولى آتيك غداً وأكتب لك القول الفصل في هذا الكلام العجيب الذي قيل لك..

اصبر وتجلّد ولا ترد عليه بالموافقة حتى تشاورنا هنا..

السلام عليكم اخونا الفاضل عبيد الله

معلشى ليا كلمتين كده على سكرتيره حضرتك اللى بتاخد 8500 درهم وهى واخده ثانوى بس مش جامعيه يعنى..اعتقد ان الراتب ده لكونها غير مصريه وصححلى لو انا غلطان يعنى لو واحد مصرى وراح الامارات وبشهاده جامعيه مش ثانويه هل هيتعرض عليه نص اللى سكرتيرتك بتاخده ..اعتقد لا..ممكن فلسطينى باكستانى هندى ياخد المرتب ده انما المصرى بقا مهان فى بلده وده طبعا بينعكس عليه بره بلده

والاخ اللى معروض عليه مرتب 2500 ده كويس بالنسبه للى بنسمعه من المكاتب بتاعت السفريات هنا..منهم لله اللى رخصونا

عندى بقا كلمتين على المنتدى كده ياريت يرجع بالشكل القديم لان شكله كده مش حلو

انابكرر شكرى للاخ عبيدالله على وقفته جنبى وجزاه الله خير

[أحمد سيف]

أخونا الحبيب أبوحميد

مرحباً بك بين إخوانك وأحبائك

ما قاله لك الرجل عن السكن (غرفة وصالة بـ 350 درهم!!!!) ورخص المدارس..الخ الخ.. هو ببساطة كذب محض له قرنان

ثم هذا الراتب (2500 درهم) أصلاً لا يقبله سائق تاكسي في الإمارات.. أقسم لك سكرتيرتي الفلسطينية راتبها 8500 درهم مع أن شهادتها ثانوية فقط.. وتشتكي غلاء المعيشة وضعف الراتب.. وهي على حق فإيجار استوديو فقط بـ 6 آلاف درهم.. على كلٍ، سأخلد إلى النوم الآن وبإذن المولى آتيك غداً وأكتب لك القول الفصل في هذا الكلام العجيب الذي قيل لك..

اصبر وتجلّد ولا ترد عليه بالموافقة حتى تشاورنا هنا..

السلام عليكم اخونا الفاضل عبيد الله

معلشى ليا كلمتين كده على سكرتيره حضرتك اللى بتاخد 8500 درهم وهى واخده ثانوى بس مش جامعيه يعنى..اعتقد ان الراتب ده لكونها غير مصريه وصححلى لو انا غلطان يعنى لو واحد مصرى وراح الامارات وبشهاده جامعيه مش ثانويه هل هيتعرض عليه نص اللى سكرتيرتك بتاخده ..اعتقد لا..ممكن فلسطينى باكستانى هندى ياخد المرتب ده انما المصرى بقا مهان فى بلده وده طبعا بينعكس عليه بره بلده

والاخ اللى معروض عليه مرتب 2500 ده كويس بالنسبه للى بنسمعه من المكاتب بتاعت السفريات هنا..منهم لله اللى رخصونا

عندى بقا كلمتين على المنتدى كده ياريت يرجع بالشكل القديم لان شكله كده مش حلو

انابكرر شكرى للاخ عبيدالله على وقفته جنبى وجزاه الله خير

طيب ليه صاحب الشركة مجبر انه يجيب واحده بثانوية تكلفه 8500 درهم في الشهر ... ما ينزل مصر يجيب 5 جامعيين بالمرتب ده

أكيد في حاجه غير الجنسية بتخلي بعض الناس تاخذ مرتبات عالية وناس ثانيه تاخذ مرتبات تعبانه

وعلى فكره أنا أعرف ناس قاعده في مصر وبتاخذ ضعف المرتب ده

[أبو حميد المسافر]

جزاكم الله خيراً

[أبو حميد المسافر]

أ / احمد سيف

الأكل يعمله حسبة كام فى الشهر لفرد لوحده ؟

وهل فى مطاعم وكدة ولا منطقة حالها واقف ؟

[أحمد سيف]

أ / احمد سيف

الأكل يعمله حسبة كام فى الشهر لفرد لوحده ؟

وهل فى مطاعم وكدة ولا منطقة حالها واقف ؟

طالما السكن والمواصلات على صاحب العمل يبقى المصروف الاساسي هيكون على الأكل والاتصالات

ممكن الأكل والشرب يكلفك بين 25-35 درهم يوميا ... يعني حط له 900 درهم شهريا

والاتصالات مع المصاريف الشخصية والنثريات كمان 300 درهم مثلا

يعني بتتكلم في 1200 ... ده طبعا تقدير مبدئي جدا وبيختلف اختلاف كبير من شخص للثاني ... لكن في تصوري هو ده المعدل المعقول لشخص مقيم بمفرده

المطاعم كثير لكن قربها أو بعدها بيعتمد على المكان اللي هتقيم فيه ... لو في نص البلد يبقى ما تحملش همّ هتلاقي كل أنواع المطاعم والمحلات جنبك ... انما لو في الضواحي المحلات كلها بيتبقى متركزة في مناطق محددة وبالتالي يمكن تضطر تمشي شويه لحد ما توصل لها

ما تقلقش العين مدينة كبيرة وفيها كل حاجه بس أنا اللي مش بارتاح فيها للأسباب اللي ذكرتها سابقا

[أبو حميد المسافر]

أ / احمد سيف

الأكل يعمله حسبة كام فى الشهر لفرد لوحده ؟

وهل فى مطاعم وكدة ولا منطقة حالها واقف ؟

ما تقلقش العين مدينة كبيرة وفيها كل حاجه بس أنا اللي مش بارتاح فيها للأسباب اللي ذكرتها سابقا

ايه هي الاسباب يا باشا ؟

دي شركة والراجل ده صاحبها كان فى مصر وقابلته

وجيالى عن طريق صاحبي محاسب برضه فى الشركة بس فى فرع ابو ظبي

واكيد هسأل برضه علي موضوع التأمين الصحي ده

[عبيد الله]

أهلا حكيم

فينك مختفي منذ أكثر من أسبوعين؟ لعلك بخير وصحة وسلامة..

تعليقك أثار نقطة مهمة تحتاج لتوضيح

أولاً: المرتبات في الإمارات، أبوظبي تحديداً، لا علاقتها لها من قريب أو بعيد بجنسية طالب الوظيفة.. إذا كنت متمميز في مجال عملك، وكانت جهة العمل واحدة من الأربع فئات التالية: هيئة حكومية، مؤسسة دولية، شركة عالمية متعددة الجنسيات، شركة خاصة كبيرة.. ذلك لأن الرواتب في الغالب تكون محددة سلفاً وفق درجات وظيفية معينة، ولها أسس في الزيادة حسب الخبرة والتحصيل الأكاديمي..

أما إذا كان مكتب صغير، أو شركة متوسطة صاحبها عربي.. فيا ويلك منه.. في الغالب سيعمل بكل طاقته على إعطائك أقل راتب ممكن، وبدون بدلات، ويعتقلك عنده أكثر قدر ممكن، في الغالب ليس أقل من 3 سنوات هي مدة العقد.. أضف إلى ذلك عملك يوم السبت، وربما بعد صلاة الجمعة في بعض المحال، أي 4 ساعات أجازة فقط في الأسبوع.. وقد رأيت ذلك بأم عيني في بعض محال الموبايل والكمبيوتر..

ثانياً: بالنسبة لقولك أن الفتاة أخذت ذلك الراتب لأنها غير مصرية.. فهو كلام غير دقيق وفيه من التعميم الكثير.. لعلمك المصريين بالذات في الإمارات الجزء الأكبر منهم يشغل وظائف مرموقة، ومواقع جيدة جداً.. فبسبب غلاء المعيشة الشديد، لا يقوى على العيش هنا إلا ذوي المداخيل المرتفعة.. اذهب إلى شركات العمالة العادية وستجد أكثريتهم عمال أسيويين.. لن أطيل النفس هنا عن نماذج المصريين المشرفين، مثل أن 90% من قضاة الإمارات مصريين.. وكذلك المحاميين، وكثير من المهن الأخرى المتميزة..أو المسؤولين الكبار الذين رأيت بعضهم في وزارة الدفاع الإماراتية..

بالمناسبة، أعرف مهندساً مصرياً مدير مشروعات في شركة إماراتية هنا راتبه الأساسي 180 ألف درهم في الشهر، بالإضافة إلى شقة فندقية ووو.. لذلك تحويلات ربع مليون مصري في الإمارات أكثر بكثير من تحويلات مليون ونص مليون مصري في السعودية..

إذن التميز هو الفيصل في ارتقاءك مهنياً واجتماعياً ومادياً.. وليس جنسيتك أو بلدك

_________________________________________

ثالثاً: بالنسبة لشهادة السكرتيرة وراتبها: بغض النظر عن جنسيتها.. هي ولدت وتربت وتعلمت هنا في الإمارات.. والحكومة الإماراتية تعتبر شهادة الثانوية مرحلة قائمة بذاتها، ويحق لحاملها الالتحاق بكثير من الوظائف.. وهو الشيء الذي تريد أن تطبقه الحكومة المصرية قريباً لتخفيف أعداد الملتحقين بالجامعات في المحروسة..

رابعاً: منذ 7 أشهر تقريباً.. كنت أريد سكرتيرة تنظم لي بعض الأعمال، وخصوصاً المكتبية منها بسبب انشغالي الشديد وربكة العمل.. أجريت مقابلات مع 5 فتيات تقريباً.. وفعلاً اخترت فتاة مصرية متميزة مقيمة مع أهلها هنا.. إلا أن ظروف عملها الحالي حالت دون انضمامها للعمل معي.. كثير من الكفلاء العرب يرفضون إعطاء بدل ممانعة لموظفيهم قبل مرور 3 سنوات على العقد... انتظرتها شهرين لكن دون جدوى..

ثم اخترت فتاة سورية ثم يمنية.. ثم كندية من أصل عربي.. وكان لقسم الموارد البشرية تحفظاته.. الأخيرة مثلاً طلبت راتب بالدولار، لأنها تحمل الجواز الكندي.. وجاءت هذه الفلسطينية في الآخر بعد أن مللت.. ولحسن الحظ عندها خبرة 6 سنوات كاملة في السكرتارية والأعمال المكتبية، ودورة في إدارة الأعمال من أحد المعاهد هنا، وتتحدث الإنجليزية بشكل جيد..

الراتب عندنا لفريقد الدعم أو ما يسمونه "سبّورت تيم" بين 6 و13 ألف درهم حسب سنين الخبرة والدرجة الجامعية.. فأعطوها 8500 درهم.. وهي تطالب بالزيادة، بسبب ما تراه من غلاء المعيشة..

هذه هي القصة كلها يا عم حكيم، وعذراً على الإطالة

[أحمد سيف]

أشكر الأستاذ الفاضل عبيد الله على التوضيح الممتاز ... فعلا يا جماعة إذا كنت هتيجي الإمارات والخليج عموما يبقى يا تيجي على جهة حكومية أو شركة كبيرة وحبّذا تكون شركة عالمية بلاش الكفالات الفردية وشركات الأفراد وطبعا بلاش ما يسمى الفيزا الحرة اللي هي عبودية مقنّنة والناس فاكراها حريّة. والطريق لهذه الجهات معروف وهو التميز في الدراسة والعمل والخبرة واللغة.

تم تعديل 20 يوليو 2010 بواسطة أحمد سيف

[أبو العز]

السلام عليكم

كلام الاستاذ عبيد الله هنا صحيح مائة بالمائة ولاغبار عليه ، معيار تحديد الراتب هو الكفاءة وليس الجنسية

الاخ ابو حميد راتب 2500 ضعيف جدا على الوظيفة التى ذكرتها واعتقد ان هذا المبلغ غير مقبول العمل به حتى فى مصر اذا كان لديك على الاقل 3-5 سنوات خبرة

الامارات مستوى المعيشة فيها مرتفع وتحتاج لدخل كبير حتى يمكنك ان تعيش عيشة كريمة وتستطيع الادخار

لا اعتقد ان مبلغ 2500 درهم يمكنك الادخار منه خصوصا ان هناك مصروفات خفية كثيرة نعانى منها ولم تكون فى الحسبان عن اعداد الموازنة الشهرية للاسرة

للعلم سائق شاحنة المواد البترولية لدينا يتحصل فى المتوسط على 8000 درهم شهريا

اذا امكنك حاول تفاوض كفيلك على الراتب او البحث عن وظيفة براتب افضل

تحياتى

[أبو حميد المسافر]

السلام عليكم

كلام الاستاذ عبيد الله هنا صحيح مائة بالمائة ولاغبار عليه ، معيار تحديد الراتب هو الكفاءة وليس الجنسية

الاخ ابو حميد راتب 2500 ضعيف جدا على الوظيفة التى ذكرتها واعتقد ان هذا المبلغ غير مقبول العمل به حتى فى مصر اذا كان لديك على الاقل 3-5 سنوات خبرة

الامارات مستوى المعيشة فيها مرتفع وتحتاج لدخل كبير حتى يمكنك ان تعيش عيشة كريمة وتستطيع الادخار

لا اعتقد ان مبلغ 2500 درهم يمكنك الادخار منه خصوصا ان هناك مصروفات خفية كثيرة نعانى منها ولم تكون فى الحسبان عن اعداد الموازنة الشهرية للاسرة

للعلم سائق شاحنة المواد البترولية لدينا يتحصل فى المتوسط على 8000 درهم شهريا

اذا امكنك حاول تفاوض كفيلك على الراتب او البحث عن وظيفة براتب افضل

تحياتى

أ / أبو العز بعد التحية ،،،

بعد كلامكم أظن أن 2500 تكفيني وحدي بدون استقدام الاسرة وهذا ليس بسييء من الممكن تأخير استقدامهم لعام مثلاً

أما سائق الشاحنة فكلام صحيح طبعاًسائقوا التريلات فى مصر ايضا رواتبهم مرتفعة جداً عن مهن أخري أرقي بكثير

أما عن الانتظار الى فرصة اخري فلا أظن

المشكلة يا جماعة أن الوضع فى مصر أسوأ مما تتخيلون وستبقي محلك سر أبد الآبدين

فمحاولة قد تدفعك الى الامام أفضل من الانتظار لسنوات طوال

[الرويناء]

السلام عليكم

المثل بيقول اسأل مجرب ولا تسأل طبيب

والاخوة مقصروش يوضحوا لحضرتك اد ايه المعيشه غاليه فى الامارات وان الراتب ده يعتبر ضعيف جدا بس واضح ان حضرتك مقتنع جدا وحاسس انك مخنوق من العيشه فى مصر فكل اللى نقدر نقوله لك استخير مره اخرى وربنا يوفقك