مغتربي الإمارات

[عبيد الله]

أختنا ريهام

معك حق في كلامك.. حتى لو كنت مختلف معاهم المفروض كنت أحضر على الأقل أشارك برأيي ولو كان مخالف.. زي ما انت عملت بالضبط بس بدبلوماسية.. قوليلي بقى أعمل ايه في مخي المقفل!..

إن شاء الله مستقبلاً أحضر معكم هذه المناسبات.. ويا أنا يا السفارة!.. بس ربك يسترها ساعتها!.. عجبني أوي معرفتك تقريباً بكل احتفالات ومناسبات السفارة، بل وأسماء المحاضرين.. انت بتشتغلي هناك يا ريهام؟

__________________

على جنب بقى!

مبروك الموبايل الجديد.. بس ياريت ما يكون بلاك بيري لأنه مستهلك للوقت بطريقة فظييييييعة

________________

على جنب بقى (تاني غير الأولاني)

مبروك عليك رمضان في مصر..

للأسف ده تالت رمضان أقضيه لوحدي هنا في الإمارات، لأسباب كثيرة مش هتكفي الصفحة دي لو شرحتها.. بس لو تشوفيني وأنا واقف في المطبخ من بعد العصر بخترع الذرة لوحدي.. وايه بقى.. أجهز الأكل وأفضل أبص فيه لحد ما المغرب يأذن!!

أنا مبعرفش أطبخ.. بس بفتح أي موقف طبيخ.. وأقعد أتعلم منه.. وأتبع النصايح خطوة خطوة..

أول إمبارح حبيت أعمل شوربة لسان عصفور!!.. وفتحت موقع طبيخ واتبعت الخطوات.. ونزلت في الصفحة لآخر خطوتين.. لقيته بيقول: عفواً أنت لست مشترك معنا حتى ترى باقي الموضوع!!..اه والله

بلغك الله وإيانا جميعاً رمضان، وتقبله منا وجعلنا ممن يصومونه ويقومونه.. اللهم آمين

[أبو حميد المسافر]

ممكن يا أخوة تدلوني على الاوراق اللى ينبغي ان انهيها فى مصر

واجراءاتها بالتفصيل - معلش - ربنا يجعله فى ميزان حسناتكم

توثيق الشهادة يعني والتحاليل الطبية وهل في شيء غيرهم ؟

وهل لما الشركة تبعت لى العقد بيتوثق منين وكل حاجة الله يكرمكم

انا عايز ابتدي فى الاجراءات قبل رمضان

هو انتوا نسيتوا موظفين الحكومة بتوعنا فى رمضان ولا ايه ؟

[شريف مان]

يعني ايه يا شريف؟

ما المقصود بالشهادات المهنية هنا؟ وهل تشمل الشهادة المذكورة وموادها؟

شكرا على ردك استاذى عبيد الله

بالنسبة للشهادات المهنية فهى

cpa : المحاسب القانوني المعتمد ( امريكية )

cia : المراجع الداخلى المعتمد ( امريكية )

cma : المحاسب الإداري المعتمد ( امريكية )

cfa : المحلل المالي المعتمد ( امريكية )

acca: المحاسب القانونى المعتمد ( بريطانية )

وفى كمان شهادة

ifrs : المعايير الدولية لإعداد التقارير المالية

[hakeem]

يعني ايه يا شريف؟

ما المقصود بالشهادات المهنية هنا؟ وهل تشمل الشهادة المذكورة وموادها؟

شكرا على ردك استاذى عبيد الله

بالنسبة للشهادات المهنية فهى

cpa : المحاسب القانوني المعتمد ( امريكية )

cia : المراجع الداخلى المعتمد ( امريكية )

cma : المحاسب الإداري المعتمد ( امريكية )

cfa : المحلل المالي المعتمد ( امريكية )

acca: المحاسب القانونى المعتمد ( بريطانية )

وفى كمان شهادة

ifrs : المعايير الدولية لإعداد التقارير المالية

على فكره ياجماعه قبل ما حد يستسهل الموضوع ويقول خد شهاده مهنيه لازم نضيفله كلمتين كده

اولا :مده الدراسه واللى فى المتوسط كده بتعملها سنتين دراسه للشهاده المهنيه..طبعا فى اقل وفى اكتر

ثانيا:التكلفه اللى اعرفها cma ممكن تدخلها فى 20000 جنيه ..

وطبعا محدش يرد عليا ويقولى وايه يعنى 20000 للشهاده المهنيه.. زى الاخ اللى حاطط اسعار ال mba فى الجامعات المختلفه اللى فيها 70000 و100000 جنيه..الكلام ده ممكن يكون ينفع مع حد شغال فى مكان محترم وبيحققله عائد يغطى الحاجات دى ..انما حد لسه بيبتدى حياته مينفعوش الكلام ده

[أحمد سيف]

ثانيا:التكلفه اللى اعرفها cma ممكن تدخلها فى 20000 جنيه ..

وطبعا محدش يرد عليا ويقولى وايه يعنى 20000 للشهاده المهنيه.. زى الاخ اللى حاطط اسعار ال mba فى الجامعات المختلفه اللى فيها 70000 و100000 جنيه..الكلام ده ممكن يكون ينفع مع حد شغال فى مكان محترم وبيحققله عائد يغطى الحاجات دى ..انما حد لسه بيبتدى حياته مينفعوش الكلام ده

رسم الامتحان هي 190 دولار فقط ... يعني تقريبا ألف جنيه ... وآدي الموقع

الباقي ممكن تكون مصاريف كورسات الممتحن بياخذها في معهد ولا حاجه ... ودي ممكن الاستغناء عنها إذا الخريج ذاكر بنفسه من مراجع موجوده ببلاش على الانترنت ... والروابط بتاعتها موجوده في موضوع الأخ عماد حمدي

[شريف مان]

استاذ حكيم

اعلى سعر لدراسة cma فى مصر 10000 جنية غير مصاريف الامتحانات

cia اعلى سعر لدراستها 12000 جنية

acca هيا اللى غالية انا دوخت على مكان عشان ادرسها ملقتش اى اماكن فى مصر غير مكان واحد وبيدررس 3 مواد فقط من اصل 12 مادة والمادة ب 2000 جنية

تم تعديل 26 يوليو 2010 بواسطة شريف مان

[hakeem]

السلام عليكم ورحمه الله وبركاته

دى يا جماعه المصاريف الثابته الخاصه بشهاده cma ودى من غير مصاريف الشرح ..وممكن اى حد يتأكد من الكلام اللى هكتبه ولو فيه حاجه غلط نصصح لبعض مافيش اى مشكل

1-200 دولار رسوم عضويه المعهد وده علشان تاخد رقم تسجيل من المعهد فى امريكا ..هتدخل بعد كده تمتحن بالرقم ده والشهاده وهينفعك بعد كده

2-190 دولار اشتراك سنوى ..وده لحد ما تخلص الجزئين بتوع الشهاده ..يعنى خلصت فى سنه هتدفه 190دولار خلصت فى سنتين هتدفع (190+190)..

3-350 دولار رسم دخول الامتحان للبارت الواحد على النظام الجديد اللى هو جزئين يعنى التكلفه 350*2=700 دولار..

تمام كده

يبقا كله كام ..200+190(الحد الادنى سنه واحده)+700=1090 دولار ...وده الحد الادنى مش هتقل عن كده وممكن تزيد كمان ب 190 دولار لو خلصتها فى اكتر من سنه واحده

التكلفه الاساسيه ....1090*5.70=6213 جنيه مصرى

ناخد بقا سعر الشرح نقول مثلا 10000 جنيه للجزئين ..ومش هنختلف مع بعض فى الاسعار

دخلنا كده فى 16000 جنيه ..ده بفرض ان حضرتك من قاطنى القاهره الكبرى ..انما لو زى حلاتى العمليه هتفتح معاك ع البحرى..وده بردوا بيرجعنا لموضوع اخونا الغريب اللى بيتكلم فيه عن سكان القاهره والاقاليم والصعيد

اى حد عنده معلومات او شايف حاجه غلط فى كلامى ياريت يوضحلنا..

[أحمد سيف]

أ. حكيم

مش فاهم يعني ايه مصاريف الشرح ؟؟

المفروض إن خريج التجاره بيكون دارس معظم المواد اللي في الامتحان والباقي بيدرسه عن طريق مراجع متاحة مجانا على الانترنت

أنا درست جزئين من الثلاث أجزاء بتاعت الـ CFA بنفسي رغم إني مش خريج تجاره ... ورغم انهم بيقولوا امتحان الـ CFA أصعب

المسألة مش محتاجه فلوس قد ما هي محتاجه مجهود وصبر ... والـ 6000 جنيه دول ممكن تعوضهم خلال كام شهر بعد الحصول على الشهاة والعمل في مكان كويس

[hakeem]

استاذى الفاضل احمد

مصاريف الشرح هى تكلفه الكورس فى اى مركز من اللى بيدرسوا الكورسات دى..وطبعا المراكز دى اصلا محدوده ويمكن ده اللى مخلها غاليه

حضرتك بتقول ان المفروض ان الخريج دارس المواد دى كلها وطبعا فى فرق بين المفروض والواقع..بمعنى فعلا احنا ممكن نكون درسناها فى الكليه بس دراسه الكليه دى اصلا بتكون علشان نخلص منها مش بنتعلم حاجه نستفاد بيها وده اللى حاصل لمعظم الخريجين ومن ضمنهم انا يعنى كنت فى الكليه هدفى انى اخلصها وبتقدير وفعلا خلصتها وبتقدير انما كعلم استفاد منه مستفدتش منها اى حاجه علشان كده بنخلص دراسه ونروح ناخد كورسات ..وياريت نافع ...ما علينا

والدراسه اللى حضرتك تقصدها self study دى محتاجه فعلا مجهود كبير ووقت اكبر ولغه متخصصه..وده عن تجربتى انا كويس فى الانجليزى العام انما خدت بصه كده فى مرجع متخصص فى شهاده cma لقيتهامش سهله ...بس مش مستحيله..عايزه عزيمه جامده..وانا عن نفسى عاملها هدفى بس مش حاليا مؤجل لحد ما الاقى شغل بره مصر فى مجال المحاسبه علشان احس بقيمه الشهاده..

طيب من واقع تجربه حضرتك فى دراسه cfa وبما انك خلصت تقريبا 2/3 من الشهاده (بس يا ترى امتحنت ولا درست لنفسك)ياريت توضحلى الشهاده فرقت معاك فى ايه...؟

انا معاك ان فعلا المسأله مش كلها فلوس ..مع انها مهمه بردوا..هى بس عايزه طموح عالى شويه مع حبه صبر وعزيمه وده مش عندى حاليا

[أحمد سيف]

طيب من واقع تجربه حضرتك فى دراسه cfa وبما انك خلصت تقريبا 2/3 من الشهاده (بس يا ترى امتحنت ولا درست لنفسك)ياريت توضحلى الشهاده فرقت معاك فى ايه...؟

أنا امتحنت أول جزء ونجحت فيه ... والجزء الثاني ذاكرته بس مادخلتش الامتحان لإني غيرت مجال عملي ورجعت الجامعة

الشهادة فرقت معايا طبعا ... ابتداء من الترقية اللي حصلت عليها في عملي السابق لعروض العمل اللي جاتني بعد ما ذكرت في الريسيومي إني اجتزت الجزء الأول من الشهادة ...ده طبعا غير تأثير الحاجات اللي اتعلمتها على جودة عملي وعلى الـ image بتاعي في الشغل

تم تعديل 27 يوليو 2010 بواسطة أحمد سيف

[أبو حميد المسافر]

ممكن يا أخوة تدلوني على الاوراق اللى ينبغي ان انهيها فى مصر

واجراءاتها بالتفصيل - معلش - ربنا يجعله فى ميزان حسناتكم

توثيق الشهادة يعني والتحاليل الطبية وهل في شيء غيرهم ؟

وهل لما الشركة تبعت لى العقد بيتوثق منين وكل حاجة الله يكرمكم

انا عايز ابتدي فى الاجراءات قبل رمضان

هو انتوا نسيتوا موظفين الحكومة بتوعنا فى رمضان ولا ايه ؟

ايه يا رجالة انتوا رحتوا فين ؟؟؟

بالمناسبة أنا كنت بوثق شهادة التخرج من الملحق الثقافي وسألت موظف هناك هل الامارات تشترط تحاليل طبية قالى لأ هل الكلام ده صحيح ؟

لكنه أكد على حكاية اذن السفر من القسم اللى انا تابع ليه ممكن اعرف صحة الكلام ده وتفاصيله ؟

خصوصا اني معفي نهائيا من الجيش وده مذكور فى جواز السفر يبقي لازم برضه اعمل اذن السفر ده ؟؟؟

[لماضة مصرية جدا]

أختنا ريهام

معك حق في كلامك.. حتى لو كنت مختلف معاهم المفروض كنت أحضر على الأقل أشارك برأيي ولو كان مخالف.. زي ما انت عملت بالضبط بس بدبلوماسية.. قوليلي بقى أعمل ايه في مخي المقفل!..

استاذي المفضل....افيش حد دماغه مقفل....و لا دماغه بلكونة بحري....هي بس وجهات نظر....و انا دلوقتي بحاول اني مصطدمشي مع المختلفين عني....اصلك لما تصحي الصبح تلاقي الناس كلها دماغها غيرك...حاجة من اتنين يا انا بقيت بافكاري كائن ديناصوري منقرض....يا اما انا برضه نمت زيادة عن اللزوم....يا اما..الناس اتغيرت اوي....الحمد لله

إن شاء الله مستقبلاً أحضر معكم هذه المناسبات.. ويا أنا يا السفارة!.. بس ربك يسترها ساعتها!.. عجبني أوي معرفتك تقريباً بكل احتفالات ومناسبات السفارة، بل وأسماء المحاضرين.. انت بتشتغلي هناك يا ريهام؟

لا حضرتك....انا مش بشتغل في المكتب الثقافي...و المفروض بقي اطلب منهم عمولة...ع الدعاية الللي عملاها للمكتب...حتة بخمسة كده يعني :lol: ...و ان كنت عرضت عليهم امخمخ في المكتبة بتاعتهم بشكل تطوعي..لان فيها كتب حلوة..بس هما مش مدينها حقها

استاذي..مع اني بحب الامارات جدا....بس بحس نفسي لسه ضيفة عليها....الاحساس ده مبيروحشي غير لما بروح مكان مصري....بحس اني في بيتي...و براحتي جدا...و ده بيحصل في 3 حتت هنا....القنصلية....مطعم جاد في الخالدية....و البقال اللي اكتشفته عشان بيبع عيش مصري من ابو ردة...و تحسه جاي من ع القفص

لما حضرتك هتتعرف علي دكتور طارق هتحبه جدا....شخصية بجد راقية انسانيا...و ثقافيا...و ان شاء الله ابقي احكي لحضرتك انا اتعرفت عليه ازاي...لانها سبحان الله كان تدبير الهي

__________________

على جنب بقى!

مبروك الموبايل الجديد.. بس ياريت ما يكون بلاك بيري لأنه مستهلك للوقت بطريقة فظييييييعة

انا واخدة مبدا من الحاجات الغالية حضرتك.....انها حاجات بتشدك لتحت....يعني بتخليك مهووس بيها....لو خرجت لازم تتطمن انها في جيبك...لو ضاعت منك لا قدر الله....بتصيبك بنوبة اكتئاب انت في غني عنها.....لو باظ....بتحس انك انقطعت عن عالم وهمي....م الاخر...موبايلي...عليه رقم بس امي و اخواتي....و ده يكفيني جدا...و يفيض :)

________________

على جنب بقى (تاني غير الأولاني)

مبروك عليك رمضان في مصر..

للأسف ده تالت رمضان أقضيه لوحدي هنا في الإمارات، لأسباب كثيرة مش هتكفي الصفحة دي لو شرحتها.. بس لو تشوفيني وأنا واقف في المطبخ من بعد العصر بخترع الذرة لوحدي.. وايه بقى.. أجهز الأكل وأفضل أبص فيه لحد ما المغرب يأذن!!

أنا مبعرفش أطبخ.. بس بفتح أي موقف طبيخ.. وأقعد أتعلم منه.. وأتبع النصايح خطوة خطوة..

أول إمبارح حبيت أعمل شوربة لسان عصفور!!.. وفتحت موقع طبيخ واتبعت الخطوات.. ونزلت في الصفحة لآخر خطوتين.. لقيته بيقول: عفواً أنت لست مشترك معنا حتى ترى باقي الموضوع!!..اه والله

بلغك الله وإيانا جميعاً رمضان، وتقبله منا وجعلنا ممن يصومونه ويقومونه.. اللهم آمين

ربنا يبلغنا رمضان علي خير يا رب....و نسالك صالح الدعاء

السلام عليكم و رحمة الله و بركاته

استاذنا الفاضل....و الله حضرتك ضحكتني علي ركن المطبخ اللي فتحناه هنا دوت في مغتربي الامارات...بس انفجارات المطبخ اللي حضرتك بتقول علنها مش عارفة ليه فكرتني....بالمسرحية...لما قالها....انتي متأكدة ان ده كتاب نظيرة يا لينا....و لا صفحة الوفيااااات :lol:

طبعاربنا ييسر لحضرتك الحال

بس اسمحلي ااقول بوقين في الموضوع دوت....و معلشي الناس تستحملنا علي المداخلة ام تسبيكة ديت....بس ده جانب من الغربة محدش هيعرفه غير لما يجربه

1- حضرتك تسيبك خالص من موضوع المواقع و الكتب....احلي حاجة في المطبخ من وجهة نظري حاجتين...الاولانية.... التخمين...التانية... التوقيت

التخمين...يعني حضرتك لما تاكل اي حاجة من بره او عند حد....يبقي عندك قدرة التخمين يا تري مكوناتها ايه....او التركيبة بتاعتها ايه....و بجد هتلاقي نفسك بتعمل خلطات هايلة ليك جدا...جرب...و هيعجبك....بما انك الضحية الوحيدة ...يبقي اكيد هتعجب بما صنعت يداااااك... :lol:

التوقيت....بلاش تطبخ وجبة اساسية...و انت في حالة تعب....او جوع (يعني حضرتك منشن بين العصر و المغرب...ابقي طمنا بقي....اكلت البيض مسلوق و لا مسلوق... wst:: )

اصل كده حضرتك هتبقي مش مركز و هتضطر تفتكس اي حاجة...و هتنتهي بساندوتشين شاورمة من بره

في رمضان ممكن بعد صلاة التراويح....و انت لسه كده مفوق....ممكن تجهز حاجة سريعة لليوم اللي بعده

2- الوقت في المطبخ بيروح في حاجتين.... يا عمل التسبيكة....يا تقطيع الخضار....تعمل ايه حضرتك....التسبيكة لو عملت...بصل....علي صلصلة طماطم...سيبهم ع النار...بعدين عبيهم في علبة بلاستيك كبيرة و احدفها في الفريزر....هتنفع حضرتك في حاجات كتير....مكورنة.....طاجن بامية في الفرن....مسقعة سريعة في الفرن....خلطة بواقي خضا ر...و عشان تغير الطعم...اردمها توابل....و برضه احدفها في الفرن

تقطيع الخضار بقي.....لو عايز نصيحتي....انا مبحسش بالوقت فيه ....عشان بقول مثلا....وقت تقطيع الفلفل....هيبقي وقت الصلاة علي النبي صلي الله عليه و سلم.....تقطيع البصل....دايما لا حول و لا قوة الا بالله (اصل البصل مفتري الحقيقة :lol: )

معلشي طولت علي حضرتك....بس بجد الغربة...تأديب....و تهذيب ...و إصلاح

ع جنب بقي

شوربة لسان عصفور ايه بس اللي لسه بتعملها....فيه حاجة اسمها الشوفان....توحفة جدا...و ده سنة عن الرسول صلي الله عليه و سلم....و بياخدشي اكتر من 5 دقايق تحضير...و مفيد جدا

و بعدين....حضرتك اول يوم رمضان يا ريت تروح جاد الخالدية......لمة و ناس....محدش يفطر اول يوم لوحده و ده مش كلامي....دي تعليمات القائد الاعلي للقوات المسلحة

ربنا يبلغنا رمضان.....و يقدرنا علي الطاعة فيه

و نسالك صالح الدعاء

و معذرة ع الاطالة

و اي حد هيضرب من المشاركين.....و الله بكرة لتبروزوا المداخلة دي....في سنة اولي غربة

في امان الله

[أحمد سيف]

ممكن يا أخوة تدلوني على الاوراق اللى ينبغي ان انهيها فى مصر

واجراءاتها بالتفصيل - معلش - ربنا يجعله فى ميزان حسناتكم

توثيق الشهادة يعني والتحاليل الطبية وهل في شيء غيرهم ؟

وهل لما الشركة تبعت لى العقد بيتوثق منين وكل حاجة الله يكرمكم

انا عايز ابتدي فى الاجراءات قبل رمضان

هو انتوا نسيتوا موظفين الحكومة بتوعنا فى رمضان ولا ايه ؟

ايه يا رجالة انتوا رحتوا فين ؟؟؟

بالمناسبة أنا كنت بوثق شهادة التخرج من الملحق الثقافي وسألت موظف هناك هل الامارات تشترط تحاليل طبية قالى لأ هل الكلام ده صحيح ؟

لكنه أكد على حكاية اذن السفر من القسم اللى انا تابع ليه ممكن اعرف صحة الكلام ده وتفاصيله ؟

خصوصا اني معفي نهائيا من الجيش وده مذكور فى جواز السفر يبقي لازم برضه اعمل اذن السفر ده ؟؟؟

الكشف الطبي هتعمله لما تيجي الإمارات

حكاية إذن السفر دي محتاج تسأل عليها في القسم ... لكن اللي أعرفه لو جوازك مختوم بالختم البيضاوي مش هتحتاجه

لو هتعمل استقدام للمدام والأولاد يبقى توثق قسيمة الزواج وشهادات الميلاد من الخارجية

الشهادة الدراسية توثقها لو الشركة طلبتها منك موثقه ... غير كده مالهاش لازمه

[أبو حميد المسافر]

والله يا باشا أنا عامل الباسبور الجديد ومكتوب فيه

الموقف التجنيدي : غير مطلوب

ومفيش حاجة فيه تدل على طلب موافقة اي حد للسفر

ممكن تكون حضرتك تقصد الباسبور القديم مش عارف ؟

عموما والله تشكر يا باشا ومعلش متقل عليك لكن ربنا يجزيك كل خير ومتقلقش خالص اول ما اكون عايز اسأل على حاجة مش هتكسف وهسأل على طول :rolleyes:

وبالمناسبة يا جماعة انا دخلت على موقع القوي العاملة بتاع الست عائشة عبد الهادي

ولقيت ان استقدام الزوجة بيكون للى مكتوب فى عقده مرتب 3000 درهم

فاستغربت معلومات الناس اللى غير صحيحة ولا الموقع اللى بقالوا الف سنة متعدلش ؟

تم تعديل 27 يوليو 2010 بواسطة أبو حميد المسافر

[عبيد الله]

شكراً جزيلاً أختنا ريهام

إن شاء الله هعمل بنصايحك.. أنا حفظت الصفحة دي عندي وهحاول أطبق اقتراحاتك على قد ما أقدر.. بس فكرة مطعم جاد دي في أول يوم كانت غايبة عن بالي!.. تصدقي بجد فكرة جهنمية!.. دا أنا نايم هنا في العسل.. هتعملي ايه بقى في دماغي اللي بلكونة بحري؟!!.. ههههههه

إن شاء الله هقضي العشر الأواخر من رمضان في الحرمين الشريفين، هعمل عمرة.. وهدعيلك انت وكل المحاوراتية بإذن المولى

بارك الله فيكِ وجزاكِ خيراً

[عبيد الله]

الأخ/ أبو حميد

الإمارات تجري الفحوصات الطبية هنا داخل الدولة في مركز معد خصيصا لذالك.. هو مركز الطب الوقائي...

الدولة الآن تشدد جداً في الفحص الطبي.. وأنصحك قبل السفر أن تذهب إلى معمل البرج مثلاً أو أي مستشفى لعمل الفحوصات التالية:

- فيروس "سي" الكبدي

- فيروس "بي" الكبدي

- فيروس "إتش آي في".. ذو الصلة بمرض الإيدز

- الصدر.. للتأكد أنه خالي من الأمراض المعدية

بالطبع هذا للاطمئنان ليس أكثر.. هنا لن يعترفوا بأي فحص خارج المركز الذي ذكرته أعلاه..

بالتوفيق

[hakeem]

شكراً جزيلاً أختنا ريهام

إن شاء الله هعمل بنصايحك.. أنا حفظت الصفحة دي عندي وهحاول أطبق اقتراحاتك على قد ما أقدر.. بس فكرة مطعم جاد دي في أول يوم كانت غايبة عن بالي!.. تصدقي بجد فكرة جهنمية!.. دا أنا نايم هنا في العسل.. هتعملي ايه بقى في دماغي اللي بلكونة بحري؟!!.. ههههههه

إن شاء الله هقضي العشر الأواخر من رمضان في الحرمين الشريفين، هعمل عمرة.. وهدعيلك انت وكل المحاوراتية بإذن المولى

بارك الله فيكِ وجزاكِ خيراً

ان شاء الله تروح وترجع لنا بألف سلامه يا استاذنا عبيدالله

بس عايزك وانت جوا الحرم بتصلى وساجد كده انك تخصنى بدعاء بصلاح الحال فى الدنيا والاخره..وانت معاك كل البيانات الاصليه ولو نسيتها هاتها من الرسايل اللى كنت ببعتهالك..دى أمانه ..وتقبل الله منك

[placebo]

السلام عليكم

احب اسأل لو يا جماعة فى افطار جماعى فى رمضان اللى جاى و بالذا فى اول يوم ..؟

[هشام]

السلام عليكم

إن شاء الله تكونوا بخير جميعاً بالنسبة لموضوع استقدام الزوجة والحد الأدنى للراتب يا جماعه انا بحثت في موقع إدارة الجنسية والإقامة لدبي ودة اللي لاقيته ومعتقدتش انهم معملوش تحديث للبيانات دي على حد علمي

إصدار إقامة عائلات – عائلة الأجنبيى المقيم بالدولة

يختص هذا المجال بشرح الإجراءات المتبعة بإدارة الجنسية والإقامة /دبي، لإصدار إقامة لعائلة الأجنبيى المقيم بالدولة

الوثائق المطلوبة

نموذج الطلب مستوفي الرسوم.

2 صور شمسية للمكفول.

إذن الدخول الأصلي للمكفول.

الجواز الأصلي للمكفول.

صوره من إيصال دفع الضمان 5000 درهم في حالة كفالة الوالدين وأقارب الدرجة الثانية.

النسخة الأصلية من الفحص الطبي سارية (المفعول) ( الذين تجاوزوا 18 سنة).

صوره من عقد عمل (الكفيل) أو شهادة الراتب، على أن لا يقل الراتب عن 4000 درهم كحد أدنى، أو 3000 درهم + السكن.

صورة من إقامة الكفيل سارية (المفعول).

الرسوم والتحصيل

100 درهم رسوم إقامة لكل سنة (3 سنوات كحد أعلى) للزوجة والأبناء، أما الوالدين وأقارب الدرجة الأولى سنة واحدة فقط.

5000 درهم ضمان مالي مسترجع لكفالة الوالدين وأقارب الدرجة الأولى.

120درهم رسوم طلب العاجل (إختياري)

10 دراهم رسوم إيصال التوصيل للمعاملات العادية.

ملاحظات خاصة

يتم استيفاء جميع رسوم الإقامة وطباعة الطلبات عن طريق مكاتب الطباعة يتم استيفاء جميع الضمانات عن طريق موظف البنك الموجود بصالة القسم (نقداً) يتم استيفاء غرامات التأخير التي لم تتجاوز السبعة عشر يوماً (17) من قبل موظف الغرامات الموجود بصالة القسم (نقداً). يتم استيفاء غرامات الأخير التي تجاوز السبعة عشر يوماً (17) فما فوق من قبل موظف البنك الموجود بصالة القسم (نقداً).

تقدم هذه الخدمة في:

قسم الإقامة - المركز الرئيس لإدارة الجنسية والإقامة

مركز أبو هيل

مركز جبل علي

مركز حتا

مركز بن سوقات

مركز اعمال - حياة ريجنسي

مركز دناتا - المبنى الرئيس ديرة

وده لينك الموقع للي يحب يتأكد

http://www.dnrd.gov.ae/Dnrd/Transactions/Residents/Residents%20Services#C46

ورمضان كريم

[عبيد الله]

السلام عليكم ورحمة الله..

يا أخ حكيم

أسأل الله أن يصلح حالك وأن ييسر لك الخير حيث كان.. أنت وكل الشباب والشابّات..

بالنسبة لموضوع الاتصال بوزارة العمل الذي سألت عنه في مشاركة سابقة:

اليوم قابلت الشخص المسؤول عن معاملات الموظفين عندنا مع وزارة العمل ومع مكتب الجوازات، وهو إماراتي، وحكيت له موقفك وانتظارك لبضعة أشهر لاستلام التأشيرة..

فقال لي: هات لي منه رقم معاملته وأنا أعرف له - في 5 دقائق فقط - إن كان تم تقديم طلب لاستخراج إقامة له أم لا.. وأضاف: المعاملة تأخذ يوم واحد فقط في وزارة العمل ويوم واحد فقط في مكتب الجوازات..

إذن يا حكيم.. اطلب من مكتب التسفير في مصر الذي تتعامل معه رقم المعاملة الذي سيبدأ بحرفي

IN

ثم رقمك عندهم بعده.. وأرسله لي في رسالة هنا وأنا إن شاء الله غداً آتيك بالقول الفصل في هذا الموضوع..