مغتربي الإمارات

[أبو العز]

السلام عليكم ورحمه الله وبركاته

الرجاء افادتى بخبراتكم

هناك عرض من حكومه دبى للعمل على الدرجه التاسعه والمرتب 11 شامل جميع البنود وانا جامعيه ومعى اثنين دبلومه دراسات عليا و 15 سنه خبره وهدا التعاقد داخلى فانا اللى هشترى تداكر الطيران هما عملوا ناشيره العمل وانا مش عارفه اسافر ولا لا والمرتب مناسب لحياه كريمه فى دبى حيث انى اعمل بالحكومه فى مركز مرموق(فلوس قليله ) واملك سياره خاصه وادرس بمصر دراسات عليا والحمد لله واناخايفه من الغريه وخصوصا انى زرت دبى قبل كده واعرف ان الحياه غاليه وفيها مغريات كثيره وكم احتاج من المال حتى استقر فى دبى من ايجار ومواصلات وتاثيث ستديو صغير وفى حاله عدم سفرى واعتدارى لهم هل سيكون هناك مشكله فى اصدار تاشيره زياره لدبى فيما بعد

جزاكم الله كل خير

اختكم المحتاره

توكلى على الله اختى الكريمة العرض جيد

واذا محتاجة اى مساعدة تحت امرك

[عبيد الله]

فين الفاضل عبيد الله ياجماعه..قال هيسبنا فى رمضان وبس ...حد يعرف عنه حاجه..؟

يارب يكون بخير

كنت لسه هسأل عليه

شكله كده لسه بيدور على بنت الحلال :lol:

ربنا يوفقه ويرجعه بالسلامة

السلام عليكم ورحمة الله وبركاته

ازيكم يا شباب.. وحشتوني جداً أنتما وكل محاوراتية الإمارات..

الحمد لله وجدت بنت الحلال وكانت حفلة الخطوبة الأسبوع الماضي.. عقبالكم وعقبال كل عازب وعازبة.. واللهَ أسأل أن يوفقكم لحسنة الدنيا وأن يتم عليكم النعمة بحسنة الآخرة.. إنه ولي ذلك ومولاه

[عبيد الله]

إلى أختنا إلهام الزغبي

هل أخذتي قرار السفر أم لا..؟

ياريت تدخلي تطمنينا لأن لي تعليق على استفسارك

حفظكِ الله ورعاكِ

[شريف مان]

عبيد الله

حمد على السلامة ... واحشنى جدااااااااااااااااااااا

مليار مبروك على الخطوبة وعقبال الجواز بأذن الله

تحياتى ليك ونورت المحاورات وتحديدا قسم الامارات

:roseop:

[عبيد الله]

عبيد الله

حمد على السلامة ... واحشنى جدااااااااااااااااااااا

مليار مبروك على الخطوبة وعقبال الجواز بأذن الله

تحياتى ليك ونورت المحاورات وتحديدا قسم الامارات

:roseop:

عقبالك شريف

إن شاء الله يرزقك الله بالإنسانة الصالحة التي تتمناها فتشعر بسعادة يهتز لها كيانك.. ورضا يملئ جنبات نفسك.. وحب متدفق كقطرات الغيث يثلج صدرك ويروي ظمأ قلبك المتشوق للهناء بالحلال والعفاف والفوز برضا الرحمن

أنت وكل أعضاء المنتدى.. اللهم آمين

[hakeem]

يا نهار ابيض استاذنا عبيد الله رجع..حمد لله على سلامتك..والف الف مبروك الخطوبه..ولو انك معزمتش حد

وانا كنت قلتلك اول لما تنزل مصر تبعتلى رقمك..وانت شكلك نسيت..حصل خير..

والف مبروك مره تانيه وربنا يتمم بخير

[عبيد الله]

بارك الله فيك حكيم.. عقبالك حبيبي

سامحني عن عدم التواصل معك وأنا في المحروسة.. لأني نزلت أجازة 20 يوم تقريباً وقد انشغلت غاية الانشغال في أمور كثيرة.. سأحكي لك عنها إن شاء الله..

ايه آخر أخبارك مع مكتب السفر..؟ فيه جديد..؟

[hakeem]

بارك الله فيك حكيم.. عقبالك حبيبي

سامحني عن عدم التواصل معك وأنا في المحروسة.. لأني نزلت أجازة 20 يوم تقريباً وقد انشغلت غاية الانشغال في أمور كثيرة.. سأحكي لك عنها إن شاء الله..

ايه آخر أخبارك مع مكتب السفر..؟ فيه جديد..؟

ان شاء الله ترجع تتواصل معانا ع المنتدى هنا لان مش عارف الناس الكويسه اختفوا مره واحده كده ليه...؟

نتمنى نشوفك قريب..

اخبارى مع مكاتب السفر زى منا ديما بقع مع النصابين....بس الحمد لله رب العالمين ربنا بيسترها معايا

[karimmohamed]

السلام عليكم يا جماعة عاوز اخد رايكم فى اللى خريج لغة المانية هل لها مجال فى دبى ولا كله عربى وانجليزى وخلاص

[عبيد الله]

السلام عليكم ورحمة الله..

أخ حكيم.. مكاتب التوظيف 95% منها نصّابة والعاملين فيها عديمي الأخلاق ولصوص بمعنى الكلمة.. الكلام في ذلك يطول والقصص تملئ مجلدات..

لي تجربة سريعة معهم، ربما بسيطة مقارنة بتجارب الآخرين لكنها تكشف جانباً من أخلاقهم..

منذ 3 سنوات تقريباً.. وجدت إعلان في الأهرام لمكتب توظيف مقره في حي المنيل يقول مطلوب متخصصين في المجال كذا للعمل في الكويت.. قلت أجرّب.. ذهبت إليهم ولما جلست مع ذلك النصّاب الأفعوان قال لي العمل ليس في الكويت.. إنما على حدود الأردن مع العراق!!..

قلت له.. من الآخر: العمل مع القوات الأمريكية في العراق؟ قال بكل جراءة: بصراحة أيوا!!.. والله ما وجدت تعبير مناسب أرد عليه سوى أن نظرت له باحتقار وخرجت..

بعدها بفترة بسيطة.. من خلال إعلان صغير على الانترنت وجدت فرصة عمل جد رائعة.. وعوضني الله خيراً بوظيفة في مكان لم أكن أحلم به يوماً في الإمارات، الدولة الرائعة بشعبها ونجاحها.. لذلك أنصح كل من يرغب في العمل في الإمارات الاتجاه أولاً إلى مواقع التوظيف الإلكترونية التي ذكرتها تفصيلاً في مشاركة سابقة..

ربنا يعوضك خيراً أخي حكيم.. ويرزقك من حيث لا تحتسب، ويبارك لك في عمرك ورزقك وكل نعمه عليك.. إنه ولي ذلك ومولاه..
_____________________________


بالنسبة لغياب الأخوة هنا.. أعتقد أنه بسبب ضغط الشغل.. فمن أكتوبر حتى يونيو يكون الشغل فيه رهييييب في أغلب المجالات..

أخيراً.. صباحك حبيبي خير وبركة ونور وسرور..

[عبيد الله]

السلام عليكم يا جماعة عاوز اخد رايكم فى اللى خريج لغة المانية هل لها مجال فى دبى ولا كله عربى وانجليزى وخلاص

أخي كريم،

للأسف اللغة الإنجليزية في الإمارات مسيطرة سيطرة ماحقة! واللغة العربية بها لاحقة!

اللغة الألمانية نعم لها فرص عمل لكن أغلبها في شركات السياحة..

ليست عندي معلومات أكيدة عن مدى قدوم الألمان للسياحة في الإمارات.. إن شاء الله سأسأل لك أحد أقاربي الذي يعمل كمرشد سياحي في دبي.. وإن شاء المولى آتي لك منه بالخبر اليقين..

وفقك الله وسدّدك لما فيه الخير

[hakeem]

حمد لله على عودتك للمنتدى استاذنا الفاضل عبيد الله

اللى حضرتك حكيته ده كتير بيحصل من مكاتب السفريات لانه اغلبهم بئا نصاب ومش عارف الحكومه نايمه ولا واخده اجازه

انا لسه من اسبوع اتعرض عليا عقد عمل للسعوديه ولو انى اصلا كنت رافض السعوديه بس قلت احسن من مفيش رحت واتفقت على كل حاجه تقريبا وسالت الناس هنا عن بعض البنود وفادونى بصراحه..المهم قالولى لازم تغير مهنتك لعامل علشان التاشيره..مش عارف ايه اللى جه فى دماغى ساعتها وقلتلهم مش عامل حاجه غير لما اعرف اسم الشركه..وكانوا رافضين فى الاول وبعدين كلمونى وقالولى عليها..سالت الناس هنا محدش رد..قمت متصل بناس اعرفهم فى السعوديه يسالوا عنها..هى كانت شركه مقاولات..سالوا محاسبين ومهندسين شغالين فى شركات مقاولات..محدش عمره سمع بالاسم ده سالوا حتى نجارين وحدادين..ولا حد يعرفها..كمان دورت ع النت على اى حاجه عنها ولا فى اى معلومه عنها..يعنى كانت نصبه نصبه..مش عارف والله هنلاقيها منين ولا منين..والحمد لله ربنا ساترها معانا..

انا بفكر جديا انى اروح الامارات زيارة وامرى لله..ومتعشم فى ربنا خير انه يوفقنى..

بس مش عارف الاقى زياره المكاتب هنا كله يقولى الموجود سياحه لمده شهر..طيب يعنى ايه يا اخوانا سياحه يقولوا يعنى لو لقيت شغل لازم تنزل مصر ويتبعتلك عرض عمل وفيزا وترجع تسافر تانى........صحيح الكلام ده يا عبيد الله..؟..كمان سعرها غالى بصراحه على المده بتاعتها يعنى شهر ب5000 جنيه..

حد بئا يفيدنا فى الموضوع ده ياجماعه..ولو حد يعرف الزيارة مش السياحه تتعمل ازاى ياريت يرد عليا

[عادل مكى]

مساء الخير يا شباب

احب اعرفكم بنفسى انا عادل مكى مقيم فى ابوظبي من حوالى 4 سنين

و انا مبسوط انى انضم للمنتدى الجميل دا و نتعرف على بعض

و انا على استعداد لاى استفسار من اى شخص يحب يسال عن اى حاجة عن الامارات و خصوصا ابوظبي

[لماضة مصرية جدا]

السلام عليكم و رحمة الله و بركاته

اديلي مثلا عشرين قرن ميلادي مجتش الناحية دي

يا رب يكون الجميع بخير و بصحةو عافية و راحة بال

معلشي هنعمل فاصل صغير....انا عارفة ان معظم المداخلات هنا عن طبيعة الشغل و الحياة.....بس ع الناحية التانية بنحب نعرفكم بانشطة الجالية المصرية في البلد الرائع الامارات

حد فينا سمع عن هشام الجخ

شاب مصري اسمراني....قصايده بتفكرك....بالرائع جدا عبد الرحمن الابنودي...موهبة فطرية تلقائية...و الاهم بقي حبة تحير انه من الصعيد...(يعني اجدع ناس.....يعني الناس الحلوة....يعني الفطرة)

هشم باذن الله داخل مسابقة "امير الشعراء بالامارات....و الجالية المصرية باذن الله هتدعمه بالتواجد....زي ما هو هيفكرنا بايام الحنين لمصر

هشام كان مقرر يقدم الحفلة الشعرية بتاعته يوم الخميس اللي فات بس عشان موضوع وفاة الشيخ "صقر" اتأجلت

الموعد الجديد

يوم الاثنين

واحد نوفمبر

الشارقة

معرض اكسبو الشارقة

الساعة تمانية و نص

القاعة الكبيرة

لو حضرتك من سكان الشارقة....خد عيلتك و روح...بجد هتنبسط....و الاهم هتتعرف علي ابناء الجالية هنا

لو حضرتك مش من سكان الشارقة....و دوامك بيخلص بدري....فكر.....تغيير مش وحش يعني

لو حضرتك...لا انت عايش في الشارقة و لا دوامك بيخلص بدري....يبقي اتفضل هنا جنبي

و خلينا قاعدين نمص قصب علي المصطبة

بس اتفضل كمان توبيك هنا في المحاورات عن هشام الجخ

شعر صعيدي...مذاق مختلف

حبيت اقولكم

مسااااكم صعيدي جدا...من هنا لغاية يوم الاتنين

[لماضة مصرية جدا]

السلام عليكم و رحمة الله و بركاته

مليون مبروك استاذنا عبيد الله علي الخطوبة...(و اوعي تصححلي و تقولي اسمها خطبة....فكها بقي....وش عيل لمض)

ربنا يا رب يسعد قلبك....و يروق بالك....و يقر عين حضرتك بعروستك و تكون جنتك علي الارض

و بعدين بقي يا استاذنا...تعالي هنا....و روح هناك....ايه الخطوبة دي اللي كلفتنا فيه....يعني لا فيه كوبايات شربات....و لا فوندام....و لا حتي شاندوشت جبنة رومي....(مع اني مبحبهاش)

بص بقي....احنا هنسامحك......لكن في الزفاف باذن الله هيكون لينا كلام تاني تماما

يا رب يكون الزفاف قريب....اجازة العيد مثلا

و نشوف حضرتك و العائلة في الجالية ....(و نشخط بقي في الذرية و كده يعني....ههههههه)

مبرووووووووووووووووووووك من هنا لحد اول بيبي باذن الله

مسا حضرتك أخبار....بجد تفرح القلب....دايما...اتفضل شم دي.... ...شوية و بعدين ابقي اديها للعروسة..

مسا حضرتك حلا

[عبيد الله]

حمد لله على عودتك للمنتدى استاذنا الفاضل عبيد الله

اللى حضرتك حكيته ده كتير بيحصل من مكاتب السفريات لانه اغلبهم بئا نصاب ومش عارف الحكومه نايمه ولا واخده اجازه

انا لسه من اسبوع اتعرض عليا عقد عمل للسعوديه ولو انى اصلا كنت رافض السعوديه بس قلت احسن من مفيش رحت واتفقت على كل حاجه تقريبا وسالت الناس هنا عن بعض البنود وفادونى بصراحه..المهم قالولى لازم تغير مهنتك لعامل علشان التاشيره..مش عارف ايه اللى جه فى دماغى ساعتها وقلتلهم مش عامل حاجه غير لما اعرف اسم الشركه..وكانوا رافضين فى الاول وبعدين كلمونى وقالولى عليها..سالت الناس هنا محدش رد..قمت متصل بناس اعرفهم فى السعوديه يسالوا عنها..هى كانت شركه مقاولات..سالوا محاسبين ومهندسين شغالين فى شركات مقاولات..محدش عمره سمع بالاسم ده سالوا حتى نجارين وحدادين..ولا حد يعرفها..كمان دورت ع النت على اى حاجه عنها ولا فى اى معلومه عنها..يعنى كانت نصبه نصبه..مش عارف والله هنلاقيها منين ولا منين..والحمد لله ربنا ساترها معانا..

انا بفكر جديا انى اروح الامارات زيارة وامرى لله..ومتعشم فى ربنا خير انه يوفقنى..

بس مش عارف الاقى زياره المكاتب هنا كله يقولى الموجود سياحه لمده شهر..طيب يعنى ايه يا اخوانا سياحه يقولوا يعنى لو لقيت شغل لازم تنزل مصر ويتبعتلك عرض عمل وفيزا وترجع تسافر تانى........صحيح الكلام ده يا عبيد الله..؟..كمان سعرها غالى بصراحه على المده بتاعتها يعنى شهر ب5000 جنيه..

حد بئا يفيدنا فى الموضوع ده ياجماعه..ولو حد يعرف الزيارة مش السياحه تتعمل ازاى ياريت يرد عليا

الحمد لله الذي نجّاك يا أخي من هؤلاء المستغلين عديمي المروءة.. إن شاء الله يعوضك الله خيراً، ويرزقك من حيث لا تحتسب..

بالنسبة إلى تأشيرة الزيارة.. أنا سألت ذات مرة عندنا في العمل عنها - لأني كنت أنوي استضافة ابن خالتي الذي يعمل مهندس ديكور في مصر ولديه خبرة متميزة في مجاله - فقيل لي لا ينفع.. الزيارة للأقارب من الدرجة الأولى فقط..

أما تأشيرة السياحة فليست عندي أي فكرة والله عنها، أتمنى أن يفيدك الأخوة ذوي الخبرة هنا..

[عبيد الله]

مساء الخير يا شباب

احب اعرفكم بنفسى انا عادل مكى مقيم فى ابوظبي من حوالى 4 سنين

و انا مبسوط انى انضم للمنتدى الجميل دا و نتعرف على بعض

و انا على استعداد لاى استفسار من اى شخص يحب يسال عن اى حاجة عن الامارات و خصوصا ابوظبي

مساء الفُلّ يا أخ عادل

إن شاء الله تنوّرنا وتكتّرنا وتشرفنا..

ياريت لو عندك فكرة عن نظام تأشيرة الزيارة أو السياحة تجيب عن أسئلة أخونا حكيم وتفيده فيها.. بارك الله فيك

[عبيد الله]

السلام عليكم و رحمة الله و بركاته

اديلي مثلا عشرين قرن ميلادي مجتش الناحية دي

يا رب يكون الجميع بخير و بصحةو عافية و راحة بال

معلشي هنعمل فاصل صغير....انا عارفة ان معظم المداخلات هنا عن طبيعة الشغل و الحياة.....بس ع الناحية التانية بنحب نعرفكم بانشطة الجالية المصرية في البلد الرائع الامارات

حد فينا سمع عن هشام الجخ

شاب مصري اسمراني....قصايده بتفكرك....بالرائع جدا عبد الرحمن الابنودي...موهبة فطرية تلقائية...و الاهم بقي حبة تحير انه من الصعيد...(يعني اجدع ناس.....يعني الناس الحلوة....يعني الفطرة)

هشم باذن الله داخل مسابقة "امير الشعراء بالامارات....و الجالية المصرية باذن الله هتدعمه بالتواجد....زي ما هو هيفكرنا بايام الحنين لمصر

هشام كان مقرر يقدم الحفلة الشعرية بتاعته يوم الخميس اللي فات بس عشان موضوع وفاة الشيخ "صقر" اتأجلت

الموعد الجديد

يوم الاثنين

واحد نوفمبر

الشارقة

معرض اكسبو الشارقة

الساعة تمانية و نص

القاعة الكبيرة

لو حضرتك من سكان الشارقة....خد عيلتك و روح...بجد هتنبسط....و الاهم هتتعرف علي ابناء الجالية هنا

لو حضرتك مش من سكان الشارقة....و دوامك بيخلص بدري....فكر.....تغيير مش وحش يعني

لو حضرتك...لا انت عايش في الشارقة و لا دوامك بيخلص بدري....يبقي اتفضل هنا جنبي

و خلينا قاعدين نمص قصب علي المصطبة

بس اتفضل كمان توبيك هنا في المحاورات عن هشام الجخ

شعر صعيدي...مذاق مختلف

حبيت اقولكم

مسااااكم صعيدي جدا...من هنا لغاية يوم الاتنين

وعليكم السلام ورحمة الله وبركاته

أهلاً وسهلاً بأختنا الغالية جداً ريهام..

أنا دخلت على الرابط الذي وضعتيه لشاعرنا الأصيل وأعجبني بعض ما قاله، وخصوصاً:

1- اصلنا ناس على قد الطيبة

كلنا هيبة

والنسوان في بلادنا جواهر

طب لو عندك حتة ماس

حتخلّيها مداس للناس؟؟

2- اني بحبك

واني بريدك

واني زرعت حياتي في ايدك

واني غزلت بنات الدنيا عقود على جيدك

واني تعبت من التفكير

واني بغير

الله الله الله! بصراحة عجبوني قوي قوي قوي.. وهبعتهم لخطيبتي طوااااااالي!

__________________

بالنسبة لحضور الحفلة الشعرية أكيد الشارقة بعيدة شوية علينا.. بس علشان بحب القصب قوي قوي قوي هاجي أحجز مكان على المصطبة بكرة الساعة 8:30 بالضبط.. بس ياريت ألاقي مكان

تم تعديل 31 أكتوبر 2010 بواسطة عبيد الله

[عبيد الله]

السلام عليكم و رحمة الله و بركاته

مليون مبروك استاذنا عبيد الله علي الخطوبة...(و اوعي تصححلي و تقولي اسمها خطبة....فكها بقي....وش عيل لمض)

ربنا يا رب يسعد قلبك....و يروق بالك....و يقر عين حضرتك بعروستك و تكون جنتك علي الارض

و بعدين بقي يا استاذنا...تعالي هنا....و روح هناك....ايه الخطوبة دي اللي كلفتنا فيه....يعني لا فيه كوبايات شربات....و لا فوندام....و لا حتي شاندوشت جبنة رومي....(مع اني مبحبهاش)

بص بقي....احنا هنسامحك......لكن في الزفاف باذن الله هيكون لينا كلام تاني تماما

يا رب يكون الزفاف قريب....اجازة العيد مثلا

و نشوف حضرتك و العائلة في الجالية ....(و نشخط بقي في الذرية و كده يعني....ههههههه)

مبرووووووووووووووووووووك من هنا لحد اول بيبي باذن الله

مسا حضرتك أخبار....بجد تفرح القلب....دايما...اتفضل شم دي.... ...شوية و بعدين ابقي اديها للعروسة..

مسا حضرتك حلا

وعليكم السلام ورحمة الله وبركاته

مساءك نور وسرور أختنا ريهام.. ربنا يفرح قلبك أنت أيضاًَ ويجعل حياتك كلها هناء وسعادة.. مشاركتك هذه أسعدتني والله جداً.. عقبالك إن شاء الله أنت وكل شباب وشابّات مصر..

أسأل الله أن يرزقكِ بحسنة الدنيا، زوجاً صالحاً هيناً ليناً مرفوع ذكره في السماء.. يكون لك قرّة العين وتكوني له ماء القلب.. وأن يتم عليك النعمة بحسنة الآخرة، إنه ولي ذلك ومولاه

[Karim Elbaz]

السلام عليكم ورحمه الله

انا عجبني اوي فكره المنتدى واتمنى انكم تقبلوني صديق ليكم

انا هنا في الامارات من سبع سنين تقريبا وبشتغل في مجال البنوك وكان نفسي من زمان اساعد اي حد عايز يعرف حاجه عن طبيعه العمل او السكن في الامارات وانا في خدمتكم دائما ان شاء الله

بخصوص فيزا السياحه انا عملت لواحد قريبي فيزا سياحه قبل كده من طيران العربيه وهي سهله جدا لو انت عملتها من الامارات المطلوب كله صوره جواز سفر الشخص اللي عايز يزور الامارات وصوره شخصيه ليه وصوره جواز سفر اللي هيقدم على الفيزا

المصاريف على ما اتذكر في حدود 1000 درهم لمده شهر وتجدد شهر كمان ب 1000 بس فيه تامين مسترد بعد المغده عباره عن مبلغ 2000 درهم وشيك ضمان بمبلغ 5000 درهم

بس كل ده طبعا لازم تسافر على طيران العربيه ومش عايز حد يقع في الغلطه بتاعتي اللي هي ان تحجز التيكت عن طريق النت لا لازم تحجزه عن طريق الشركه نفسها والا ممكن ميطلعش الطياره

الطرق التانيه عن طريق طيران الامارات او الاتحاد وممكن تتعمل اونلاين بس انا مجربتهاش

و يا رب اكون قدرت اطون جاوبت على الاستفسار