مغتربي الإمارات

[سهيلة]

الى الاخوة والاخوات قاطنى ابوظبى

استجابة لدعوةالشيخ يوسف القرضاوى بجعل يوم الجمعة القادم يوم عالمى لمساندة اهل غزة

سمعنا ان فى هنا ف ابو ظبى مظاهرة منظمة يوم الجمعة القادم

هل هذا صحيح؟

اللهم انصر اهل غزة

تم تعديل 7 يناير 2009 بواسطة سهيلة

[tamer nazieh]

اخواني الاعزاء

انا مهندس ميكانيكا واعمل باحدي الشركات في القاهرة براتب جيد (حوالي 4000 جنيه) ومتزوج ولدي طفل رضيع ولقد رزقني الله بعقد عمل في هيئة مياه وكهرباء دبي في جبل علي بدبي براتب حوالي 8500 درهم شاملة كل شيء(اساسي +بدلات) ومن الممكن السكن في كرفان بجانب موقع العمل مع 2 من الزملاء ب200 درهم ولكن لا يوجد سكن للمتزوجين........وانا في حيرة كبيرة من قبول العقد او رفضه حيث ان العمل بالحكومة(هيئة مياه وكهرباء دبي) له عدة مزايا كالاستقرار ولكني بعد قرأتي لأراء اغلب المقيمين في الامارات فؤجئت بارتفاع اسار المعيشة والسكن خاصة وانا افكر في استقدام زوجت و ابني بعد سنة فارجو افادتي ولدي بعض الاستفسارات:

1-ما متوسط اسار الايجار في الشارقه وما حقيقة ان المسافة بينها وبين دبي تاخذ 1.5ساعة للازدحام

2)هل هناك بديل افضل وارخص من الشارقة (اوصاني البعض مدينة العين وهل هي بالفعل تقع بالقرب من جبل علي (اين يقع جبل علي-سمعت انه علي حدود دبي)

3)كم يبلغ متوسط الصرف الشهري بالتفصيل لاسرة صغيرة (اكل-فواتير كهرباء و غاز -نت)

4) لو حد عنده معلومات عن العمل في هيئة مياه وكهرباء دبي...ياريت يفيدني

ارجو النصيحة وجزاكم الله خيرا

[newcomer]

اخواني الاعزاء

انا مهندس ميكانيكا واعمل باحدي الشركات في القاهرة براتب جيد (حوالي 4000 جنيه) ومتزوج ولدي طفل رضيع ولقد رزقني الله بعقد عمل في هيئة مياه وكهرباء دبي في جبل علي بدبي براتب حوالي 8500 درهم شاملة كل شيء(اساسي +بدلات) ومن الممكن السكن في كرفان بجانب موقع العمل مع 2 من الزملاء ب200 درهم ولكن لا يوجد سكن للمتزوجين........وانا في حيرة كبيرة من قبول العقد او رفضه حيث ان العمل بالحكومة(هيئة مياه وكهرباء دبي) له عدة مزايا كالاستقرار ولكني بعد قرأتي لأراء اغلب المقيمين في الامارات فؤجئت بارتفاع اسار المعيشة والسكن خاصة وانا افكر في استقدام زوجت و ابني بعد سنة فارجو افادتي ولدي بعض الاستفسارات:

1-ما متوسط اسار الايجار في الشارقه وما حقيقة ان المسافة بينها وبين دبي تاخذ 1.5ساعة للازدحام

2)هل هناك بديل افضل وارخص من الشارقة (اوصاني البعض مدينة العين وهل هي بالفعل تقع بالقرب من جبل علي (اين يقع جبل علي-سمعت انه علي حدود دبي)

3)كم يبلغ متوسط الصرف الشهري بالتفصيل لاسرة صغيرة (اكل-فواتير كهرباء و غاز -نت)

4) لو حد عنده معلومات عن العمل في هيئة مياه وكهرباء دبي...ياريت يفيدني

ارجو النصيحة وجزاكم الله خيرا

ما انصحش حضرتك بقبول العرض

المرتب المعروض على حضرتك فى الامارات قليل بالنسبة

لمرتب مصر......

يعنى لو كان المرتب ده + السكن + الكهرباء و المياه

كنت قلت لحضرتك فكر.....

ده رأيى ...... و ربنا يهدى حضرتك للقرار الصح

[محمد عيسى]

اخواني الاعزاء

انا مهندس ميكانيكا واعمل باحدي الشركات في القاهرة براتب جيد (حوالي 4000 جنيه) ومتزوج ولدي طفل رضيع ولقد رزقني الله بعقد عمل في هيئة مياه وكهرباء دبي في جبل علي بدبي براتب حوالي 8500 درهم شاملة كل شيء(اساسي +بدلات) ومن الممكن السكن في كرفان بجانب موقع العمل مع 2 من الزملاء ب200 درهم ولكن لا يوجد سكن للمتزوجين........وانا في حيرة كبيرة من قبول العقد او رفضه حيث ان العمل بالحكومة(هيئة مياه وكهرباء دبي) له عدة مزايا كالاستقرار ولكني بعد قرأتي لأراء اغلب المقيمين في الامارات فؤجئت بارتفاع اسار المعيشة والسكن خاصة وانا افكر في استقدام زوجت و ابني بعد سنة فارجو افادتي ولدي بعض الاستفسارات:

1-ما متوسط اسار الايجار في الشارقه وما حقيقة ان المسافة بينها وبين دبي تاخذ 1.5ساعة للازدحام

2)هل هناك بديل افضل وارخص من الشارقة (اوصاني البعض مدينة العين وهل هي بالفعل تقع بالقرب من جبل علي (اين يقع جبل علي-سمعت انه علي حدود دبي)

3)كم يبلغ متوسط الصرف الشهري بالتفصيل لاسرة صغيرة (اكل-فواتير كهرباء و غاز -نت)

4) لو حد عنده معلومات عن العمل في هيئة مياه وكهرباء دبي...ياريت يفيدني

ارجو النصيحة وجزاكم الله خيرا

المرتب ده يكفيك لوحدك و مينفعش اسره .. لو بتتكلم على اسره و تعيش مرتاح نسبيا تبقى عايز 15 الف

مرتبك في مصر كويس .. يبقى لازم تسافر على حاجه مكافئة له مش اقل منه

كمان DEWA عقودها بتكون سنتين بس .. و فيه ناس مجددوش ليها .. يا ترى هتعرف ترجع لمصر على المرتب ده تاني؟؟

فيه نقطه تانية .. الحياة الاجتماعية في دبي زبالة .. لو فتحت الحنفية هاينزلك منها جوز هنود .. لو مراتك بتعدي الشارع الناس هياكلوها بعنيهم .. حاجه تقرف .. من فتره كنت بنزل دبي كل اسبوع لظروف معينه .. مكنتش بطيق نفسي و باحس انه انا في بومباي

عايز تسكن في الشارقه ممكن .. اعمل حسابك على 3 الاف .. حيتبقى خمسه و نص .. مش هاتكفيكم خالص .. غير انه بهدله جامده .. و بصراحه حرام عليك تتبهدل البهدلة دي و انت بتاخد 4 آلاف في مصر

العين اغلى من الشارقه .. و بعيده جدا مش عارف بالضبط كام لكن مش اقل من 120 كيلو .. ممكن تروح عجمان ابعد و ارخص حاجه بسيطه و أسوأ طبعاً

صلي استخارة .. و احسبها صح .. مرتبك في مصر لا يستدعي الخروج .. مرتب دبي لا يصلح للمعيشة في الامارات

تم تعديل 23 يناير 2009 بواسطة محمد عيسى

[دكتور مصري]

ما هو تاثير الازمة الاقتصادية على العاملين في الامارات

كل التقارير تفيد بان الامارات و خاصة دبي هي الاكثر تاثرا في العام 2009

و ان بعض الشركات قد بدات بالفعل بتسريح الاف الموظفين و و اغلبهم من المصريين

ما هي اكثر تالوظائف نضررا و اكثر الشركات

اثار الازمة في السعودية مثلا واضحة على مندوبي المبيعات و قطاع البناء و يتوقع خلال عام 2009 كثير من التقليص للوظائف و كذلك المرتبات

[مصري اسكندراني]

بسم الله الرحمن الرحيم

السلام عليكم ورحمة الله وبركاتة

الاخ العزيز البشمهندس تامر: رجاءا لا تكرر اخطاءنا

الموضوع زي حضرتك مشرحت كدا مش محتاج تفكير فلابد ان يكون جوابك بالرفض للعديد من الاسباب:

بص يا سيدي انا اعرف مهندسين زي حضرتك راتبهم اكتر من 15 الف درهم وصدقني مش قادرين يعيشو وان عشو انسا انهم يوفرو اكتر من ثمن التذاكر والهدايا بتاعة كل سنه

وتعالي نحسبها مع بعض:

اولا انا مستغرب جدا من الراتب الي حضرتك بتحكي عنه دا لانه قلبل جدا جدا خاصة من شركة حكومية كبيرة

المهم انتا بتقول ان المرتب دا شامل كل البدلات

معنا كدا انك المفلروض تدبر نفسك وكل التزاماتك من سكن ومواصلات ومصريف اكل وخلافة ب8500 درهم طيب ازاي؟

لو حتعيش عازب اقولك تعالي حتوفرلك كل شهر حوالي 7000 درهم دا طبعا من غير منحسب انتا حتبعت للاولاد مصاريف اد ايه كل شهر

كدا ممكن تتحملك 5 سنين عازب تعمل فيهم مبلغ محترم وتكت علي مصر تلحق تلاقيلك مكان وسط زملائك ومجتمعك واهلك ومتعملش زينا احنا الحمد لله بقينا غرب هنا وهناك

اما لو شايف انك مش حتقدر علي العزوبية متفكرش لان البديل صعب جدا

لو ناوي تعيش مع اسرتك وتسكن في دبي الراتب كاملا مش حيكفيك سكن بس

لو ناوي تعيش في اي امارة تانية السكن مش حيقل عن 3 الاف درهم كل شهر بخلاف الماء والكهرباء ودول حسبة 500 درهم في المتوسط

وطبعا كدا لازم حتحتاج سيارة ودي مش اقل من 1500 درهم قسط سيارة كل شهر دا لو فرضنا انك حتكون محظوظ وتاخد رخصة القيادة بسرعة( انا ختها بعد سنة ونصف) وطبع لازم تعمل حسابك علي حوالي500 درهم بترول للسيارة كل شهر

بالمناسبة انا فهمت من كلامك ان شغلك في جبل علي معني كدا لو حضرتك سكنت في امارة تانية زي الشارقة او عجمان محتاج تخرج من بيتك علي الاقل الساعة 5 قبل الفجر كل يوم عشان تقدر توصل شغلك حوالي 8:30 صباخا ودا مش لطول المسافة ولكن لان الشوارع بتكون زحمة بشكل لا يمكن مقارنته بزحمة فيصل او رمسيس.

ونفس المشوار وانتا راجع من الشغل اخر النهار.

لو حسبنا لحد كدا مصاريفك

3000+500+1500+500=5500درهم

صدقني ال3000 درهم الي باقين مش حيكفوك مصاريف 20 يوم في الشهر

طيب ليه كل الشقة والمعاناه دي وانتا في وسط اهلك وناسك ووطنك بتاخد ما شاء الله 4000 جنيه وكل يوم بعدي عليك بيزيد من قيمتك ومن راتبك ومن وضعك في شغلك ووسط مجتمعك.

يعني المنطق بيقول ان الواح يتغرب عشان يعمل فلوس مش عشان يدمر نفسة ومستقبلة

طبعا فيه عيوب كتير لا تحصي للغربه ممكن الواح يشرحها لواحد بيفكر يسيب شغله في بلدة ويجي هنا عشان الفلوس بس انا مش شايف انك محتاج نخوض معاك في كل دا لان الفكرة بالنسبالك مش جايبه همها من الاساس بالعكس دي واقفه عليك بخسارة

معلش انا ممكن اكون فظ معاك شويه بس والله دا الواقع هنا من غير اي مزايدة وممكن الاخوة الي معانا في المنتدي يعقبوا علي مشاركتي ويدلوا بدلوهم.

نسيت اقولك ان المجلس الوطني من حوالي اسبوعين اوصي بان الحد الادني لاستقدام الموظف الوافد لعائلته يرتفع من 4 ال 10 الاف درهم. ومتوقع ان القرار يصدر خلال ايام. ايه رايك؟

انا اسف بس دا الواقع وعليك ان تختار

[BONOFREEZ]

السلام عليكم فى البدايه احب انا اوجه شكرى لكل الاعضاء ولم اتردد بصراحه فى التسجيل بالمنتدى بمجرد رؤيتى للمواضيع الهادفه فى هذا المنتدى

بأذن الله سوف اذهب الى الامارات الاسبوع القادم باحثا عن فرصه عمل مع العلم بانى اعمل فى مصر ولكن راتبى لايستطيع ان يكفى طموحاتى وامل من الله عز وجل بان يقدر لى الخير حيث ما كان

ولى طلب من الاخوة المغتربين او المواطنين توضيح ما هو الراتب الذى استطيع ان اقبل به ويكفى احتياجاتى وتوفير منه قدر المستطاع وللتوضيح ايضا اعمل فى مجال IT ووظيفتى هنا NETWORK ADMINISTRATOR بالتحديد فىمجال الشبكات وحاصل على شهادة MCSE بحمدالله

[محمد عيسى]

لازم يكون المؤهل الجامعي اللي معاك ليه علاقه بالحاسب الآلي علشان تحصل مرتب كويس، و من الصعب تحصل مرتب كويس من البداية مالم تكن متميزا جدا

المرتب اللي ممكن تقبل بيه ده يعتمد على ظروفك انت مش حاجه استاندرد

[tamer nazieh]

الاخ|مصري اسكندراني

شكرا لك يا اخي انت و اخي/محمد عيسي علي النصيحة ولكنني بسؤال بعض الاصدقاء يعملوا بنفس الهيئة(dewa)قالوا انه من الممكن تاجير شقة بالعين من 1750-2000درهم كما انها تبعد عن جبل علي 75كم (4\3بالسيارة)وانها احسن من زحمة الشارقة(المشوار بتاعها 1.5)...فاحسبها معي 2000ايجار شقة +500بنزين +500 فواتير كهرباء ومياه + 1500اكل وشرب=4500 ويتبقي 4000 كمدخرات و اول كام شهر اسافر لوحدي احوش قرشين اجيب بيهم عربية مستعملة ولا ايه رأيك..انت ادري لأنك عايش هناك وعارف ايه النظام....المشكلة ان الناس اللي شغالين في dewaبيشكروا فيها وانت عارف انها حكومة يعني استقرار و فرص للترقي فصعبان عليه اترك هذه الفرصة وفي نفس الوقت خايف اغامر بشغلي في مصر.....

منتظر رأيك جزاك الله خير....علي فكرة انا اسكندراني

[مصري اسكندراني]

بسم الله الرحمن الرحيم

الاخ العزيز البشمهندس تامر:

السلام عليكم ورحمة الله وبركاته

اهلا بيك اسكندراني جميل بين اهلك واخواتك

طبعا كونك اسكندراني دا يفسر ليه انتا متشجع لموضوع السفر عشان احنا الاسكندرانية دايما بنحبو السفر ومبنحبوش نعقد في مكان

بس يا بطل لما الموضوع يكون يخص مستقبلنا لازم نفكر كويس

طبعا خطوة صحيحة جدا منك انك بدات تسال وتستشير لانه( ما ندم من استخار ولا خاب من استشار)صدق رسول الله صل الله عليه وسلم

من حيث المبدا احنا مش مختلفين انك لو حتكون عازب هنا حتوفر كويس ومش حتحتاج تشغل بالك بسكن ولا مواصلات لانك ببساطة حتكون ساكن مع زملائك في الموقع وحتكون مصاريفك في حدود ضيقة وزي مقلتلك قبل كدا حتقدر بكل بساطة توفر في حدود 7 الاف درهم شهريا . ممكن تستمر علي الوضع دا سنتين تلاته لحد متظبط امورك وتاخد الرخصة وتعرف البلد وتتحسن ظرووف عملك ويزيد راتبك وساعتها تكون انتا صاحب القرار اما تكتفي وترجع تكمل في مصر او يكون راتبك زاد وتقدر تجيب ولادك معاك وتستفيد من غربتك.

وساعتها حتكون مسكت العصاية من النص يعني لو اتاكدت ان البلد فعلا غالية ومش ممكن توفر فيها مع اسرتك حتكون باذن الله عملت مبلغ كويس يعوضك عن شغلك الي انتا تركته في مصر

اما البديل يا بطل صعب جدا

اولا: السكن في العين اليومين دول اصبح بينافس دبي عشان مرتبات موظفي ابو ظبي زادت اكتر من مرة ودا جعل كل اصحاب الشقق يزيدوا من الايجارات

ثانيا: انتا في حساباتك محطتش قيمة المواصلات او قسط السيارة فالحسبة كدا مش مظبوطة وهنا غير مصر هنا متقدرش تقول انا حروح وارجع مع واحد صاحبي.كل حاجة هنا بحسابها يعني لو اتفقت مع واحد ياخك ويرجعك من الشغل للعين في سكتة مش حياخد منك اقل من 800 درهم شهريا حتي لو كان زميلك في الموقع

ثالثا والاهم انتا بتقول 1500 درهم مصاريف اكل وشرب. لو انتا عازب ممكن اقل من كدا لكن مع وجوداسرة مستحيل.عايز اقولك اننا عايشين علي الهامش هنا يعني جوا الحيط مش حتا جنب الحيط ومش بنصرف اقل من7500 درهم شهريا.اوعي تحسبها بالمصري هنا الوضع مختلف تماما ومتقولش انك تكون اكثر حرصا وحتوفر صدقني العملية كلها مبتفرقش 500 درهم فوق او تحت.

الخلاصة عشان متوهكش:

لو انتا شايف ان دي فرصة بالنسبلك ومحتاج تسافر عشان تحسن وضعك في مصر خاصة انك مهما اخدت في مصر مش بتعرف توفر من راتبك تعالي لوحدك وانسي موضوع انك تجيب ولادك مؤقتا وجرب سنة وشوف.كدا تكون شفت بنفسك وحتا لو اكتشفت ان كلامنا ليك كان صحيح حتكون عملتلك مبلغ كويس في اول سنة يسندك لحد مترجع شغلك في مصر او تلاقي فرصة تانية في بلدك.

ربنا معاك ويهديك سواء السبيل

صلي استخارة اكتر من مرة يا بطل وسلمها لله

احنا تحت امرك في اي استفسار

لو ققرت انك تيجي املء عنيك من اسكندرية بحرها وهواها ومطرها وسماهاو ترامها وناسها

صدقني مهما حتشوف مش حتلاقي زيها

[محمد عيسى]

بعد سؤال الزملاء المسافة من جبل علي للعين حوالي 150 كيلو و بتاخد في حدود ساعتين لان الطريق بقى كله رادارات، لكن الايجارات في العين مش هتقل عن 40 الف

[BONOFREEZ]

يا جماعه ياريت بلاش كابه عشان انا ان شاء الله جى الاسبوع الفادم باحثا عن عمل وتعبت من كتر التفكير والكلام الى سمعته

بس انا شغلى هنا وراتبى مش مكفى اى حد عاوز يعمل حاجة

وعلى فكرة انا شغلى فى مجال IT وخاصه مجال الشبكات وحاصل على شهادة MCSEياريت لو اى حد يقدر يشرحلى الوضع بالنسبه لظروف هذا التخصص

وجزاكم الله كل خير

[aymangalal]

الاخوه المصريين المقيمين بالامارات

السلام عليكم ورحمة الله وبركاته

تحية طيبة لكم من مصر

عندى بعض الاستفسارات وارجو من ذوى الخبرةان يفيدونى ان امكن

‏1-ماهى ظروف المعيشة فى الامارات(المرتبات -تكاليف المعيشة ومستواها-......)‏

‏2-الاجراءات المتبعة عند استقدام الزوجات هل هى متعسرة ام متيسرة؟‏

‏3-هل عند السفر للعمل بالامارات يتطلب عمل تحاليل يروس سى؟

جائتنى فرص جيدة للعمل بالسعودية (مدخل بيانات وسكرتير تنفيذى) ولكن يشاء الله ان اكتشف اصابتى بأجسام ‏مضادة لفيروس سى مما اظهر نتيجته عند التحليل بأنه ايجابى فلم استطع السفر بعدما حصلت على التأشيرة

لذا قررت تغيير وجهة دولة العمل الى قطر او الامارات او اى دولة لا تطلب تحاليل فيروس سى

‏4-من اين ابدا فى البحث عن عمل بالامارات(سجلت فى كثير من مواقع التوظيف واتابع الاعلانات عن وظائف ‏‏)ولكن حتى الان لم اجد ما يناسب خبرتى

فأرجو الافادة من الساده الزملاء بالمنتدى وتقديم النصح ان امكن حفظكم الله اينما كنتم

[زعلان]

بصراحة انا بدأت اتضايق من ردود بعض الاخوة ليس لأنها مبالغ فيها او غير صحيحة ولكن لأنها قد تصيب الناس بالاحباط

دبي فعلا غالية جدا ده صحيح الايجارات غاليه نعم لكن انا افضل عند تقديم النصيحة ان تكون على قدر السؤال دون وضع الاحتمالات و القياسات يكفي ان تعطي المعلومة الأمينة الصحيحة دون مبالغة ودون اجحاف

في اشياء لا تخضع للحسابات و المنطق وهي البركة من عند الله سبحانه وتعالى و ان ربنا ييسر الامور مش بقول ان الواحد ما يحسبهاش لكن احسبها كويس و توكل على الله لأنه وارد كل حسباتك تطلع خطأ او يطرأ طاريء يفركش كل حسباتك

حاليا في دبي نوعا ما بدأت الايجارات في الهبوط نسبيا و محتمل تنزل اكثر على شهر مارس لولا ان الحكومة اصدرت قرار بيدعم الملاك لرفع الايجارات القديمة كنت اتوقع هبوط اسرع

يعني الاستديو في الجاردنز وصل60 الف درهم في السنة و ده سعر كويس نسبيا بعد ما كان 80 الف ويمكن ينزل شوية و يوصل لخمسن الف وده شيء ايجابي بعض الشيء

الغرفة وصالة وو صلت الى 75 الف في السنة بعد ما كانت عدت المية الف

عموما انا حابب اتفائل و خلي الناس تتفائل بس برضه لازم تطلب ما يناسبك يعني الباشمهندس الي جاي من مصر وهو مهندس كهربا وباعتباروضع السوق ووفرة المهندسين الهنود المرتب المفروض يكون ما بين 10 الاف درهم و 15 الف درهم شامل تقريبا أو 8500 درهم زائد سكن ولو استديو

شيء اخر السكن البعيد له عيوبه رغم انه بيوفر ومش اي حد يقدر عليه غير بعد ما يجرب تقريبا 99% من اصدقائي وممن اعرف بيشتغلوا في دبي وعايشين

في الشارقة وانت وقدرتك على تحمل غلاسة الطريق رغم ان في كلام بيتقال ان الطرق اصبحت اكثر سلالسة و افضل مما كانت و الله اعلم (معلومات غير اكيده وان كانت منشرة حتى في الصحف ) نسبيا داخل دبي حاسس ان الزحام خفت هل هو شعور وهمي ام انه حقيقي بس ده احساسي و شعوري يعني النصف ساعة بقت 20 دقيقة و ده وفر حوالي 33% من الزمن في الطريق بس ده داخل دبي

اتمنى التوفيق للجميع وانه يحسبها كويس و يتوكل على الله و ربنا ييسر له الامور ويفتح عليكم جميعا و يبارك لكم في اسركم و دخولكم

في ناس في دبي دخولها كبيرة ومش مقضياها و مش راضيين و في ناس دخولها محدودة و مقبولة و مرتاحين و مش حرمين نفسهم و ربنا بيبارك سبحان الله

الرضى شيء جميل في اي شيء و في كل مكان

انا اتكلمت كتير

[زعلان]

بالنسبة للامارات استقدام الزوجة سهل جدا و لا يوجد اي مشاكل

بالنسبة للتحاليل هناك تحاليل بس مش متأكد من ماهية التحاليل

[محمد عيسى]

يا جماعه ياريت بلاش كابه عشان انا ان شاء الله جى الاسبوع الفادم باحثا عن عمل وتعبت من كتر التفكير والكلام الى سمعته

بس انا شغلى هنا وراتبى مش مكفى اى حد عاوز يعمل حاجة

وعلى فكرة انا شغلى فى مجال IT وخاصه مجال الشبكات وحاصل على شهادة MCSEياريت لو اى حد يقدر يشرحلى الوضع بالنسبه لظروف هذا التخصص

وجزاكم الله كل خير

يبقى لازم تطلع على حاجه تكفي

مش تبقى في مصر مزنوق و هنا كمان مزنوق بالاضافة للغربة !!

عموما لما تيجي هاتشوف بنفسك

[زعلان]

انت بتهدد الراجل عيني عينك lo:: :D

[BONOFREEZ]

انت بتهددنى يا كابتن lo::

على العموم ادعيلى بالتوفيق

وعلى فكرة انا لو فضلت اعد فى مصر مفيش جديد والفرصه مش هتجيلى لازم انا اللى اسعى اليها

[samooo]

السلام علكيم يا رجالة ..انا لسة جاى الامارات من يومين وبدور على شغل اوراكل ديفولوبر او اوراكل فايناشال ....

ياريت الى قدامة من اهل الاماارت فرصة شغل يقولى ..وشكرا ليكو جداااا للمنتدى :)

[محمد عيسى]

انت بتهددنى يا كابتن cof):

على العموم ادعيلى بالتوفيق

وعلى فكرة انا لو فضلت اعد فى مصر مفيش جديد والفرصه مش هتجيلى لازم انا اللى اسعى اليها

ربنا يوفقك و يوفق الجميع و انا اتمنى الخير للجميع و خاصة انني عانيت كثيرا في بداية حياتي سواء في مصر او الامارات و لا احب لأحد أن يواجه ما مريت به

انا عايز اوجهك لان افكارك المسبقه تبقى اكثر واقعية و لا يدفعك حزنك من واقعك المزري للتشبت بأمل معين و تضخيمه اكبر من قيمته الحقيقية

لان قلبي يدمي من شباب مصريين زي الفل حالهم يصعب على الكافر .. لا عارفين يقعدوا و لا عارفين يرجعوا .. و لا اتمنى لأحد تكرار ما وقعوا فيه من اخطاء

هاحكي لك عن موقف .. كنت في زيارة لاحد الاصدقاء مريض و محجوز في مستشفى المفرق .. فطلبت من زوجتي ان لا تتحدث طوال الطريق من باب المستشفى الى غرفة المريض الا بالاشاره فقط .. و انا لن ارد عليها الا بالاشاره فقط .. و بعد ان خرجنا سالتني عن السبب .. فقلت علشان افراد الامن اللي قدامك دول كلهم شباب مصري في نفس عمري و مؤهلي الدراسي .. و مش عايزهم يعرفوا اننا مصريين من حديثنا تقوم تصعب عليهم نفسهم

الواحد منهم يبدفع عشر الاف جنيه على اقل تقدير و فكرته انه بس يدخل البلد و بعد كده يشوف شغل تاني .. و تمضي السنين ليكتشف الوهم اللي طلع عليه .. عايش في سكن عمال و اكل اي كلام و شغل 12 ساعه في اليوم و مرتب الف درهم فقط اترفع مؤخراً لألفين!!!