مغتربي الإمارات

[elahdel]

السلام عليكم و رحمة الله و بركاته

الي كل اعضاء المنتدي مغتربي الامارات

تحية لكل المشتركين في الجروب ده

انا من الناس اللي استفادت من المنتدي ده بشكل كبير وجزاكم الله خير

و الي الاخت لماضه مصرية كل التحية و التقدير للمجهود اللي بتبذله في المنتدي

و ان شاء الله ربنا يوفقنا و نرد افضالكم جميعا في القريب ان شاء الله

انا بالمناسبة مهندس و بعمل في شركة الامارات للصلب في النطقة الصناعية بابوظبي

و انا في ساكن في المصفح الشعبية

اي استفسار او خدمة انا موجود و اللي ربنا يقدرني عليه اعمله ان شاء الله

[لماضة مصرية جدا]

السلام عليكم و رحمة الله و بركاته

صباح الدفا...و الونس....و اللمة الحلوة يا رب ما يحرم حد منها

بصوا بقي من الاخر....انا اينعم عايشة في ابو ظبي اديلي سنتين دلوقتي....بس اختكم كل علاقتي بالعالم الخارجي...كانت الكلية....المكتب الثقافي...و هيلتونيا اللي بنأجر عنده عجل و كده

سؤال بقي

افسح ماما فين....!!!!

انا مبحبش المولات و لا هي برضه يعني بنحس كده انها بتجيب غباء....(دي وجهة نظري الحقيقة....ما هو مش معقول يبقي الخروجة نلف في المحلات....و نتفرج...مبحبش انا كده....اخش المحل اشتري و اتكل علي الله)

لو عندكم اي اقتراحات...يا ريت تلحقوني بيها

ع جنب بقي

مش البطة اتقفشت في المطار.........هههههههههه

بهزر طبعا و متخيلة كل حد فيكم حاطط ايده علي قلبه بعد ما كان معشم نفسه باكلة بط

بس احب اطمن جماهير المغتربين الغفيرة اتفضلوا معانا ملوخية بالارانب....(انا وراكم لغاية ما اطفشكم من التوبيك دوت...وش طفل شرير جدا جدا....بس قلبه طيب)

صباااحكم رضا....و جو راااااائع

[لماضة مصرية جدا]

لماضة.. صباحك نور وسرور وسعادة أبدية إن شاء الله

جزاك الله خيراً أختنا العزيزة جداً والغالية على قلبونا لدعائك الجميل.. لو كان بيدي كنت عينتك مساعد أول سكرتير مكتب السفير.. لأنك حنينة وقلبك على كل المصريين "اللي لسه عن السفر مش مقررين....او اللي وصلوا بالسلامة و اخدوا لقب متغربين ".. بس ليه المنصب ده مش عارف.. إن شاء الله تشرفينا هناك وترفعي راس المحاوراتية..

السلام عليكم و رحمة الله و بركاته

يعني انا اعمل في حضرتك ايه دلوقتي....(بدرو علي الايقونة اللي فيها واحد بيضرب التاني علي راسه بالشاكوش)

اصل المنصب الموفتخر اللي حضرتك حطيته دوت...فكرني بمشهد في فيلم مراتي مدير عام....حيث الباشكاتب رايح يتوضي و بعدين يخش عليه فراش لطيف اوي كده و هو ماسك ملف من الارشيف و يتقدم بخطوات مليانة حزم و جدية نحو الباشكاتب اللي بيستعد و شمر ايديه و بعدين يقوووووووم يفتح الملف يلاقي قبقاب

صباح حضرتك رضا

ع فكرة انا بساعد بشكل تطوعي مع المكتب الثقافي في ابو ظبي.....لان استاذي دكتور طارق هناك

و الحقيقة الراجل ده انسان بكل ما تحمله الكلمة و لا نزكي علي الله احدا

و مش عارفة هعمل ايه لما هينزل مصر في شهر فبراير.....

كان نفسي تتعرفوا عليه....ع العموم.....سيرته الطيبة هتفضل وراه...و باذن الله بتشرفونا في المكتب قريب

سنة جديدة علينا.....و يا رب تزق وراها كل الحزن اللي كان في السنة اللي فاتت و تفسح مكان جديد لفرحة كبيرة باذن الله

[عادل أبو عمر]

السلام عليكم و رحمة الله و بركاته

صباح الدفا...و الونس....و اللمة الحلوة يا رب ما يحرم حد منها

بصوا بقي من الاخر....انا اينعم عايشة في ابو ظبي اديلي سنتين دلوقتي....بس اختكم كل علاقتي بالعالم الخارجي...كانت الكلية....المكتب الثقافي...و هيلتونيا اللي بنأجر عنده عجل و كده

سؤال بقي

افسح ماما فين....!!!!

انا مبحبش المولات و لا هي برضه يعني بنحس كده انها بتجيب غباء....(دي وجهة نظري الحقيقة....ما هو مش معقول يبقي الخروجة نلف في المحلات....و نتفرج...مبحبش انا كده....اخش المحل اشتري و اتكل علي الله)

لو عندكم اي اقتراحات...يا ريت تلحقوني بيها

ع جنب بقي

مش البطة اتقفشت في المطار.........هههههههههه

بهزر طبعا و متخيلة كل حد فيكم حاطط ايده علي قلبه بعد ما كان معشم نفسه باكلة بط

بس احب اطمن جماهير المغتربين الغفيرة اتفضلوا معانا ملوخية بالارانب....(انا وراكم لغاية ما اطفشكم من التوبيك دوت...وش طفل شرير جدا جدا....بس قلبه طيب)

صباااحكم رضا....و جو راااااائع

بخصوص الفسحة ... معلشي أنا مش عايش طبعا في الإمارات .... يس بما إن لسة مفيش حد من المقيمين ..... اسمحيلي أقول رأيي .. هو مش رأي نظري لأ ده عملي لأني الحمد لله زرت الإمارات ست مرات و زرت أبو ظبي مرتين .. ودبي كانت مكان الإقامة كل مرة .. آخرها من شهرين

الحياة و الترفيه في معظم دول الخليج مرتبط بالمولات أوبالأحرى بالأماكن المغلقة نظرا لحرارة الجو المرتفعة معظم شهور العام ...

أبو ظبي جميلة و هادية ومنظمة ( مقارنة بدبي )

أحلى حاجة صراحة هو توقيت الزيارة لوالدة حضرتك .. لأن الشهور دي هي أحلى جو في الإمارات و أكيد حضرتك كنت مرتبة لكدة ...

عشان كدة هيكون كورنيش أبو ظبي هو المكان الأحلى للتمشية أو للقعدة ... و مش هتقدري ما تروحيش مارينا مول لأنه مش أي مول ...

لازم تروحي دبي ... معلش ممكن ساعتين سفر بس ممكن تتساهري فيهم ... لأن دبي فيها أماكن ماينفعش حد ييجي الإمارات و ما يشوفهاش ... أصلا ماينفعش حد يجي الإمارات ومايشوفش دبي الي الناس بتحكي عنها ...

في دبي أحلى حاجة في نظري... النافورة الراقصة في مول دبي حاجة خيال... مع أغنية حسين الجسمي و مقطوعات أخرى ... بجد تحفة ...( بتشتغل بالليل )

المول نفسه حاجة تانية .. ده أكبر مول في العالم يعني برده مش مول عادي ... و في نفس المول فيه الأكواريم الرائع بمجوعة أسماك كبيرة طبعا أشهرها القرش ..

مول دبي طبعا يقع جنب برج خليفة .. أعلى بناء صنعه الإنسان في العالم ...

في دبي كمان مول الإمارات .. فيه عالم الثلج و التزحلق على الجليد ... منظرجميل جدا

ممكن تتغدي أو تتعشي في مطعم الصفدي في شارع الرقة في ديرة ... دي تعتبر وسط البلد في دبي .. والمطعم بيقدم مشاوي شامية روعة ..

الفسحة في دبي فيها أماكن كتير عن أبو ظبي ... حتى الفسحة بس بالسيارة بتخليكي تشوفي دبي بالمباني اللي تصميماتها فوق الوصف ..

حضرتك اتوكلي على الله .. فولي الهامر في أبو ظبي و شدي الرحال

و رحلة سعيد بإذن الله

[Rosea]

لماضة ...انا كمان مش عارفه افسح مامتى فين ...ممكن بقى نبقى نتقابل و خلاص:)

سؤال بعد اذنكوا بمناسبه الغاء خطاب ال noc

ممكن حد يفهمنى قانونا ايه اللى ممكن يحصل اذا حد حب يسيب شغله فى خلال اول تلت شهور او بعد سنه؟؟

سؤال تانى هو انهى عقد اللى ممكن نبعته مصر عشان الاجازة بدون مرتب ؟ الاخضر بتاع العمل و العمال؟

[Karim Elbaz]

السلام عليكم جميعا

انا اسف اني مدخلتش من زمان بس كانت لظروف السفر واسف لو اي حد طلب مني اجاوبه على حاجه واتاخرت عليه ومردتش

انا حابب اشرككم معايا في موضوع السفر ده لانه بجد هيفيد كتير وعشان انا كنت بدور علي الويب قبل ما اسافر زيي بس ملقتش فانا عايز احكيلكم كل حاجه حصلت معايا عشان تكون مرجع لاي حد في المستقبل

الموضوع :النزول لمصر بالعربيه عن طريق السعوديه وتاديه فريضه الحج عقبالكم جميعا

اول حاجه لازم تعرفوها لو حد بيفكر ينزل مصر بالعربيه ان الرحله مش بطاله بس انا عن نفسي لن اكررها تاني ابدااااااا

كان الغرض الرئيسي هو الحج. المهم انا مش هطول عليكم عشان لو حد ناوي يعملها السنه الجايه.الخطوه الاولى تقدم للحصول على تأشيره مرور للسعوديه ودي بتطلف 130 درهم بس لازم تقدم عليها قبل موسم الحج على الاقل بشهر عشان يتوافق عليها.

تتاكد ان العربيه كويسه وتقدر تستحمل وافضل العربيات ال4x4 وتقدم طلب الحصول على شهاده تسفير للعربيه من المرور

كده انت جاهز للسفر

يوم السفر الخميس 10-11-2010 وده كان موافق 5 ذو الحجه

انا من سكان العين الطريق كالتالي العين -ابوظبي-غياثي-الرويس-السلع-الحدود والطريق ماخدش وقت كتير اتحركت الساعه 10 صباحا وصلت الحدود الساعه 2 ظهرا المسافه في حدود 500 كيلو علي متوسط سرعه 120

تخليص الجوازات والجمارك في حدود 30 دقيقه وده علشان زحمه وناس كتير نازله في الوقت ده عشان الحج

دخلت السعوديه حلصت الجوازات والجمارك في 3 ساعات (شوفتوا الفرق) بس للصراحه انا اتصدمت مكنتش متخيل كده قريت ان اول ما تدخل على اليمين بتشوف بنزينه ساسكو ودي من احسن محطات البنزين ودي كانت اول صدمه زالمحطه اقل من المستوى بس الجميل ان البنزين ببلاش تلت سعر البنزين في الامارات

المهم مونت واتحركت كان المغرب لسه ماذن. اول نصيحه في طريقين للرياض الاول طريق حرض الخرج وده لا انصح اي حد ان يمشي عليه وبالاخص بالليل وده اللي انا لبست فيه ومشيت فيه

اولا ده طريق شاحنات وون واي وحاره واحده ومفيش عليه خدمات والاهم انه مش منور وضلمه كحل

الطريق التاني وهوه طريق الهفوف وده انا رجعت من عليه وده كويس

المهم الحمد لله وصلت الرياض الساعه12 بالليل .بيت في الرياض ومن هنا نبتدي قصه الحج

انا كنت متفق مع حمله من الرياض توديني مكه والمدينه وترجعني الرياض تاني ودي خطوه كويسه لاني منصحش اي حد يروح مع نفسه مكه من غير حملهز المهم اتحركنا تاني يوم على المدينه وفضلنا يومن هناك ودول كانوا من احاى ايام حياتي مهما وصفت جمال المدينه مش هتحسوا بيها الا لو زورتوها

اتحركنا من المدينه يوم 8 ذو الحجه كان يوم الاحد بالليل وصلنا مكه متاخر لان واجهنا شويه مشامل المهم احنا دخلنا مكه يوم عرفات الصبح الساعه 9 ورحنا الحرم عشان نطوف طواف القدوم ودي من النصايح اللي انصبخ بيها الناس هو الصح انك تكون علي عرفات في الوقت ده بس عرفات لو وصلته قبل المغرب ب 5 دقايق تحسب الحجه (في زمه الشيوخ)

ليه بقى الحرم حلو في اليوم ده لان معظم الناس في عرفات فبيكون فاااااااااضي وتقدر تعمل كل حاجه بمزاج

المهم انا مش هخوض في التفاصيل بس عايز اوضح حاجه مهمه اني حجيت بدون تصريح حج وده اكبر غلطه لانك بتتبهدل اوي مش هخوض في التفاصيل

المهم خلصناالحج والحمد لله وربنا يتقبل .

دلوقتي ادمنا حلين يا اما ترجع بعربيتك للامارات او انك تكمل علي مصر .لو هترجع الامارات ممكن السعوديه تحجزك علي الحدود لانك مخرجتش منها لمصر والحجز ده محدش عارف اد ايه ساعه او يوم او اكتر تبع امر من الملك بنفسه السنه دي الناس اتحجزت يومين علي ما اظن

فالاريج ان تكون مظبط الاجازه انك تنزل مصر

نرجع بقى للعربيه انا كنت شحنت العربيه من الرياض لتبوك ودي اقرب حاجه لمصر ووفرت عليا في حدود 1700 كيلوسواقه وعدم رجوعي للرياض تاني.

لما خلصت الحج نزلت جده (نص ساعه من مكه) وركبت باص لتبوك (1200 كيلو 12 ساعه)زبيت في تبوك لتاني يوم . اهم نقطه انك تروح جوازات تبوك تعدل وضعك لان فيزا المرور 3 ايام فقط وانا فضلت في السعوديه 10 ايام . المهم رحت الجوازات دفعت الغرانه 650 ريال وطلعت عل الحدودي العقبه والحدود تبعد 250 كيلو عن تبوك عشان كده انا باك\ علي الناس لازم تعدل التاشيره احسمن ما ترجع 250 كيلو من الحدود وام اادراكم ما هو الطريق من تبوك للعقبه اسوا طريق مشيت في بحياتي

الطريق كالتالي ون واي حاره واحده ضيقه بين جبلين طالع نازل ومتعرج زي التعبان ومفيش عليه اي خدمات وطبعا ضلمه كحل

المهم وصلت الاردن طبعا المعامله هناك سيئه لاقصي حد .حجزت العباره السريعه 300 دولار ليا وللعربيه بتوصل نويبع بعد ساعه وربع

الحمد لله وصلت مصر وخلصت الجمرك وتخليص العربيهفي ساعه بس بالواسطه طبعا العادي في 3 ساعات

قصه الرجوع بقي مره تانيه ان شاء الله لانها بجد مهمه اوي لازم احكيها بالتفصيل

انا اسف لو طولت عليكم بس بجد انا حبيت افيد اي حد ناوي يعمل اللي انا عملته

[المبرمج]

حج مبرور و ذنب مغفور بإذن الله و كنت اتمنى اعمل اللى انت عملته بس للاسف عربيتي مش فور ويل بس ان شاء الله ربنا يكرم و نروح نحج السنه القدمة بإذن الرحمن - دعواتك

السلام عليكم جميعا

انا اسف اني مدخلتش من زمان بس كانت لظروف السفر واسف لو اي حد طلب مني اجاوبه على حاجه واتاخرت عليه ومردتش

انا حابب اشرككم معايا في موضوع السفر ده لانه بجد هيفيد كتير وعشان انا كنت بدور علي الويب قبل ما اسافر زيي بس ملقتش فانا عايز احكيلكم كل حاجه حصلت معايا عشان تكون مرجع لاي حد في المستقبل

الموضوع :النزول لمصر بالعربيه عن طريق السعوديه وتاديه فريضه الحج عقبالكم جميعا

اول حاجه لازم تعرفوها لو حد بيفكر ينزل مصر بالعربيه ان الرحله مش بطاله بس انا عن نفسي لن اكررها تاني ابدااااااا

كان الغرض الرئيسي هو الحج. المهم انا مش هطول عليكم عشان لو حد ناوي يعملها السنه الجايه.الخطوه الاولى تقدم للحصول على تأشيره مرور للسعوديه ودي بتطلف 130 درهم بس لازم تقدم عليها قبل موسم الحج على الاقل بشهر عشان يتوافق عليها.

تتاكد ان العربيه كويسه وتقدر تستحمل وافضل العربيات ال4x4 وتقدم طلب الحصول على شهاده تسفير للعربيه من المرور

كده انت جاهز للسفر

يوم السفر الخميس 10-11-2010 وده كان موافق 5 ذو الحجه

انا من سكان العين الطريق كالتالي العين -ابوظبي-غياثي-الرويس-السلع-الحدود والطريق ماخدش وقت كتير اتحركت الساعه 10 صباحا وصلت الحدود الساعه 2 ظهرا المسافه في حدود 500 كيلو علي متوسط سرعه 120

تخليص الجوازات والجمارك في حدود 30 دقيقه وده علشان زحمه وناس كتير نازله في الوقت ده عشان الحج

دخلت السعوديه حلصت الجوازات والجمارك في 3 ساعات (شوفتوا الفرق) بس للصراحه انا اتصدمت مكنتش متخيل كده قريت ان اول ما تدخل على اليمين بتشوف بنزينه ساسكو ودي من احسن محطات البنزين ودي كانت اول صدمه زالمحطه اقل من المستوى بس الجميل ان البنزين ببلاش تلت سعر البنزين في الامارات

المهم مونت واتحركت كان المغرب لسه ماذن. اول نصيحه في طريقين للرياض الاول طريق حرض الخرج وده لا انصح اي حد ان يمشي عليه وبالاخص بالليل وده اللي انا لبست فيه ومشيت فيه

اولا ده طريق شاحنات وون واي وحاره واحده ومفيش عليه خدمات والاهم انه مش منور وضلمه كحل

الطريق التاني وهوه طريق الهفوف وده انا رجعت من عليه وده كويس

المهم الحمد لله وصلت الرياض الساعه12 بالليل .بيت في الرياض ومن هنا نبتدي قصه الحج

انا كنت متفق مع حمله من الرياض توديني مكه والمدينه وترجعني الرياض تاني ودي خطوه كويسه لاني منصحش اي حد يروح مع نفسه مكه من غير حملهز المهم اتحركنا تاني يوم على المدينه وفضلنا يومن هناك ودول كانوا من احاى ايام حياتي مهما وصفت جمال المدينه مش هتحسوا بيها الا لو زورتوها

اتحركنا من المدينه يوم 8 ذو الحجه كان يوم الاحد بالليل وصلنا مكه متاخر لان واجهنا شويه مشامل المهم احنا دخلنا مكه يوم عرفات الصبح الساعه 9 ورحنا الحرم عشان نطوف طواف القدوم ودي من النصايح اللي انصبخ بيها الناس هو الصح انك تكون علي عرفات في الوقت ده بس عرفات لو وصلته قبل المغرب ب 5 دقايق تحسب الحجه (في زمه الشيوخ)

ليه بقى الحرم حلو في اليوم ده لان معظم الناس في عرفات فبيكون فاااااااااضي وتقدر تعمل كل حاجه بمزاج

المهم انا مش هخوض في التفاصيل بس عايز اوضح حاجه مهمه اني حجيت بدون تصريح حج وده اكبر غلطه لانك بتتبهدل اوي مش هخوض في التفاصيل

المهم خلصناالحج والحمد لله وربنا يتقبل .

دلوقتي ادمنا حلين يا اما ترجع بعربيتك للامارات او انك تكمل علي مصر .لو هترجع الامارات ممكن السعوديه تحجزك علي الحدود لانك مخرجتش منها لمصر والحجز ده محدش عارف اد ايه ساعه او يوم او اكتر تبع امر من الملك بنفسه السنه دي الناس اتحجزت يومين علي ما اظن

فالاريج ان تكون مظبط الاجازه انك تنزل مصر

نرجع بقى للعربيه انا كنت شحنت العربيه من الرياض لتبوك ودي اقرب حاجه لمصر ووفرت عليا في حدود 1700 كيلوسواقه وعدم رجوعي للرياض تاني.

لما خلصت الحج نزلت جده (نص ساعه من مكه) وركبت باص لتبوك (1200 كيلو 12 ساعه)زبيت في تبوك لتاني يوم . اهم نقطه انك تروح جوازات تبوك تعدل وضعك لان فيزا المرور 3 ايام فقط وانا فضلت في السعوديه 10 ايام . المهم رحت الجوازات دفعت الغرانه 650 ريال وطلعت عل الحدودي العقبه والحدود تبعد 250 كيلو عن تبوك عشان كده انا باك\ علي الناس لازم تعدل التاشيره احسمن ما ترجع 250 كيلو من الحدود وام اادراكم ما هو الطريق من تبوك للعقبه اسوا طريق مشيت في بحياتي

الطريق كالتالي ون واي حاره واحده ضيقه بين جبلين طالع نازل ومتعرج زي التعبان ومفيش عليه اي خدمات وطبعا ضلمه كحل

المهم وصلت الاردن طبعا المعامله هناك سيئه لاقصي حد .حجزت العباره السريعه 300 دولار ليا وللعربيه بتوصل نويبع بعد ساعه وربع

الحمد لله وصلت مصر وخلصت الجمرك وتخليص العربيهفي ساعه بس بالواسطه طبعا العادي في 3 ساعات

قصه الرجوع بقي مره تانيه ان شاء الله لانها بجد مهمه اوي لازم احكيها بالتفصيل

انا اسف لو طولت عليكم بس بجد انا حبيت افيد اي حد ناوي يعمل اللي انا عملته

[mohamed abd el hamid]

السلام عليكم جميعا

انا اسف اني مدخلتش من زمان بس كانت لظروف السفر واسف لو اي حد طلب مني اجاوبه على حاجه واتاخرت عليه ومردتش

انا حابب اشرككم معايا في موضوع السفر ده لانه بجد هيفيد كتير وعشان انا كنت بدور علي الويب قبل ما اسافر زيي بس ملقتش فانا عايز احكيلكم كل حاجه حصلت معايا عشان تكون مرجع لاي حد في المستقبل

حمداً لله على سلامتك ... ونورت المنتدى

اول حاجه لازم تعرفوها لو حد بيفكر ينزل مصر بالعربيه ان الرحله مش بطاله بس انا عن نفسي لن اكررها تاني ابدااااااا

ليه مش هاتكررها تانى ...........!!!!؟؟؟

كان الغرض الرئيسي هو الحج. المهم انا مش هطول عليكم عشان لو حد ناوي يعملها السنه الجايه.الخطوه الاولى تقدم للحصول على تأشيره مرور للسعوديه ودي بتطلف 130 درهم بس لازم تقدم عليها قبل موسم الحج على الاقل بشهر عشان يتوافق عليها.

نزع التأشره ايه ..... وبتاخد شهر علشان تخلص ؟؟

تتاكد ان العربيه كويسه وتقدر تستحمل وافضل العربيات ال4x4 وتقدم طلب الحصول على شهاده تسفير للعربيه من المرور

كده انت جاهز للسفر

طيب لو العربيه عاديه - سيدان يعنى- مش ينفع ولا ايه ؟؟

انا من سكان العين الطريق كالتالي العين -ابوظبي-غياثي-الرويس-السلع-الحدود والطريق ماخدش وقت كتير اتحركت الساعه 10 صباحا وصلت الحدود الساعه 2 ظهرا المسافه في حدود 500 كيلو علي متوسط سرعه 120

حبيب قلبى ... ممكن بقى لو فيها رزاله يعنى الايميل بتاع حضرتك ..... لانى محتاج اعرف شويه تفاصيل عن العين تحديدا

[mohamed abd el hamid]

انا كنت متفق مع حمله من الرياض توديني مكه والمدينه وترجعني الرياض تاني ودي خطوه كويسه لاني منصحش اي حد يروح مع نفسه مكه من غير حمله المهم اتحركنا تاني يوم على المدينه وفضلنا يومن هناك ودول كانوا من احاى ايام حياتي مهما وصفت جمال المدينه مش هتحسوا بيها الا لو زورتوها

يعنى ايه حمله؟؟ ........ وازاى رتبت معاهم من الامارات ؟؟ ... ولا هما بيكونوا تابعين لشركات سياحه وكده؟؟!!!!

بس عايز اوضح حاجه مهمه اني حجيت بدون تصريح حج وده اكبر غلطه لانك بتتبهدل اوي مش هخوض في التفاصيل

طيب تصريح الحج ده بيطلع من وين .... وليه حضرتك لم تستخرجه؟؟ ........ وايه تفاصيل البهدله بقى ...؟؟؟؟!!

لو هترجع الامارات ممكن السعوديه تحجزك علي الحدود لانك مخرجتش منها لمصر والحجز ده محدش عارف اد ايه ساعه او يوم او اكتر تبع امر من الملك بنفسه السنه دي الناس اتحجزت يومين علي ما اظن

يعنى افهم من كده ان التأشيره الى تم التقدم عليها دى تأشيره مرور فقط .... وليه ماتبقاش تأشيره سياحة - مدتها شهر - .... والحجز ده معناه عدم المرور فقط ام هناك حبس وغرامات ماليه وخلافه؟؟ ......... والناس فضلت يومين فى الشوارع ولا ايه؟؟

نرجع بقى للعربيه انا كنت شحنت العربيه من الرياض لتبوك ودي اقرب حاجه لمصر ووفرت عليا في حدود 1700 كيلوسواقه وعدم رجوعي للرياض تاني.

طيب ماشحنتهاش ليه على نويبع على طول ؟؟ ......... ليه لازم تبوك والعبور من الاردن وكده ؟؟ ....... وياسلام بقى لو حضرتك تقولنا تفاصيل الشحن ... التكلفه والوقت ومكان التسليم والاستلام ... واسم شركه الشحن ؟؟

انا باكد علي الناس لازم تعدل التاشيره احسمن ما ترجع 250 كيلو

طيب تتعدل الى ايه ....؟؟

الحمد لله وصلت مصر وخلصت الجمرك وتخليص العربيهفي ساعه بس بالواسطه طبعا العادي في 3 ساعات

هههههههههه تحيا مصر !! ........ بس الواسطه دى غير شرعية - رشوه يعنى - .... ولا خدمة من احد المعارف

انا اسف جداا جداا على الاطاله والاسئله الكتيره والرخمه .... بس اخوك لسه جديد فى قصص السفر دى .... ويارب الناس كلها تستفيد من الاسئله واجاباتها

وجزاك الله كل خير على سرد مثل هذه التجربه .. والتى من الممكن ان توفر ضاله احد من الذين يودون القيام بمثلها ... ومن الممكن ان تيسر علينا الكثير والكثير .... وفى انتظار بقى رحله العوده بالتفاصيل زى ما انت قولت ..... مش كروته زى الذهاب ............. ههههه

[عادل أبو عمر]

الأخ الفاضل كريم

حمدالله على سلامتك و حج مبرور و ذنب مغفور بإذن الله

أعتقد إن كلام حضرتك عن الرحلة بالسيارة مهم جدا لناس كتير ( مش أنا حتى الأن لأني لسة في مصر... إدعيلي )

حضرتك الأهم من ده كله تحكيلنا عن الحج و عن مشاعرك في هذه الرحلةالعظيمة .. ربنا يوعدنا

تقبل تحياتي و احترامي

[mohamed abd el hamid]

شكل استاذنا/ كريم الباز .... اتصدم من الاسئله الكتير الى انا سألتها وقال حقى برقبتى :unsure: :unsure: ... وطلع جرى من المنتدى :sad:

[Karim Elbaz]

السلام عليكم جميعا

انا سعيد جدا على كل الردود الجميله من الجميع الاخ المبرمج وعادل ابو عمر ومحمد عبدالحميد

الاخ المبرمج ربنا يكتبهالك وانا بقول لكل الناس حاولوا تحجوا بدري وانتوا صغيرين لان الحج في مشقه كبيره بس في نفس الوقت ممتعه وانا من دلوقتي نفسي احج تاني السنه الجايه

وبالنسبه للعربيه السيدان عادي تنفع بس الطرق في السعوديه خطر جدا وبرده في سيناء وانا هشرح بالتفصيل رحله العوده ان شاء الله

الاخ عادل ابو عمر . ربنا يكتبلك الحج قريبا ان شاء الله وانا مهما وصفتلك اد ايه انت بتكون كل همك انك تركز في المشاعر وبجد بتكون مقطوع عن العالم من اخبار ومشاكل وحاجات كتير اوي من الاخر انت تتخيل 6 مليون بني ادم من جميع دول العالم راجل او ست كبير او صغير بيعملوا نفس الحاجه في وقت واحد بجد انت مش هتتخيل المنظر الا لما تشوفه

انا هكيلك على موقف يوم عرفات بعد المغرب كل الحجاج بيتحركوا غلى المذدلفه . المذدلفه تبعد عن عرفات 6كيلو معظم الناس بتمشيها بتوصل المذدلفه بتتصدم انها صحراء جرداء وفيها جبل صغير وهي منطقه مش كبيره عباره عن كيلو متر في كيلوتقريبا تخيل 6 مليون حاج في نفس المكان ونفس التوقيت المنظر الجميل ان الناس من كتر الزحمه مش لاقيه مكان فبدأو يطلعوا على الجبل مع مرور الوقت الجبل ده بقى لونه ابيض .كل الحجاج لابسه لبس الاحرام الابيض وواقفه على الجبل حتى قمته بجد منظر مش هنساه. وسبحان الله ان ربنا بيديلك قوه جباره في الحج عشان تقدر تكمل المناسك ومبتفكرش لا في اكل ولا شرب ولا اي حاجه غير انك تخلص المناسك كلها على اكمل وجه

الاخ محمد عبدالحميد انا يا ريس هجاوبك على كل الاسئله ان شاء الله

الحمله هي شركه سياحه بس متخصصه في الحج والعمره فقط. لو انا فكرت احج عن طريق الامارات هتكون التكلفه عاليه جدا الحد الادني 25 الف درهم يعني في حدود 40 الف جنيه لكن من السعوديه اغلى حمله ب 10 الاف ريال يعني 15 الف جنيه.وظبط الحمله دي عن طريق ناس اصحابي في الرياض بس كانت سيئه للغايه

البهدله يا سيدي اني مكانش معايا تصريح حج فالسعوديه بتعتبرني مخالف والتصريح ده غالي اوي طالما انا مش من سكان السعوديه

التاشيره ليه مرور لان العوديه بتوقف جميع انواع التاشيرات التانيه قبل الحج بشهرين الا تاشيره المرور والتاشيره بتطلع في اسبوع بس لازم تقدم عليها قبل الحج بفتره

بالنسبه للحجز . الحجز مش معناه السجن لا معناه ان مش بيتسمحلك ترجع الامارات الا لما تختم على جواز سفرك انك خرجت من السعوديه من منفذ حدودي غير اللي انت دخلت منه . والتاشيره بيتكتب فيها مرور لمصر يبقى لاوم تختم من منفذ الاردن وترجع تاني 2200 كيلو عشان تدخل الامارات . فمعظم الناس مبتختمش وفالسعوديه مش بترجعهم تاني الامارات الا لما يرجع يختم او ان الملك يطلع قرار عفو .والصراحه كل سنه الملك عبدالله ربنا يكرمه بيسمح للناس انها ترجع

الشحن. انت تاشيرتك مرور فلو شحنت عربيتك على مصر على طول هتخرج من السعوديه ازاي وانت مينفعش تخرج من السعوديه الا برا فقط وبالعربيه اللي انت دخلت بيها يعني مينفعش تشحن العربيه وترجع في طياره

الشحن تكلفته من الرياض لتبوك 500 ريال اما بالنسبه لشحن العربيه من الامارات لمصر رايح جاي حسب لو بري او بحري في حدود 5000ل 7000 درهم بالطياره اغلى بكتير و

شركه الشحن في السعوديه هي شركه البسامي ودول ناس محترمين جدا جدا .اما في الامارات في شركات كتير وبالاخص في الشارقه

موضوع تعديل الفيزا لان انت الفيزا بتاعتك انك تغدر السعوديه بعد 3 ايام من تاريخ دخولك ولو اتاخرت لازم تدفع غرامه وتمدد الفيزا لمده تانيه

الواسطه دي كان واحد صاحبي بيشتغل في ميناء نويبع بس برده ده ميمنعش انك هتدفع يعني هتدفع الواسطه بس عشان تخلص بسرعه وميتلككوش وتفاصيل السفر دي لوحدها انا هشرجها بالكامل من طقطق لسلاموا عليكوم بس مره تانيه

بالنسبه لمدينه العين فهي من اجمل مدن الامارات وهي مدينه تابعه لاماره ابوظبي الحياه فيها هاديه وهي تشبه للاسماعيليه من ناحيه الخضره اللي فيها لان هي اكتر مدينه حضرا على مستوى الخليج كله

العيشه فيها ارخص من دبي وابوظبي وفيها كل حاجه من مولات خروجات سورماركت كبير زي كارفور

اتمنى اكون جاوبت علي استفساراتكم واشفكم قريب ان شاء الله

م

[mohamed abd el hamid]

الاخ محمد عبدالحميد انا يا ريس هجاوبك على كل الاسئله ان شاء الله

والله انا مش عارف اقول لحضرتك ايه على سعه صدرك دى ..... ربنا يجازيك عنا كل خير

الشحن. انت تاشيرتك مرور فلو شحنت عربيتك على مصر على طول هتخرج من السعوديه ازاي وانت مينفعش تخرج من السعوديه الا برا فقط وبالعربيه اللي انت دخلت بيها يعني مينفعش تشحن العربيه وترجع في طياره

ايه التعقيدات دى ... مايسيبوها على الله كده ..... ده ناقص يعملوا للعربيه باسبور .. ويحطوا ليها صوره بخلفيه بيضاء ... ههههه

الشحن تكلفته من الرياض لتبوك 500 ريال اما بالنسبه لشحن العربيه من الامارات لمصر رايح جاي حسب لو بري او بحري في حدود 5000ل 7000 درهم بالطياره اغلى بكتير و

بتوصل فى وقت قد ايه .... يعنى لو انا نازل اجازه .... ابعت العربيه قبل ما انا انزل بقد ايه ..!!!؟؟ ... وليها لازمه اصلا انزل بالعربيه ... ولا رأيك ايه؟؟

الواسطه دي كان واحد صاحبي بيشتغل في ميناء نويبع بس برده ده ميمنعش انك هتدفع يعني هتدفع الواسطه بس عشان تخلص بسرعه وميتلككوش وتفاصيل السفر دي لوحدها انا هشرجها بالكامل من طقطق لسلاموا عليكوم بس مره تانيه

طيب نبدأ بطقطق ..... ونقول بسم الله ..... - غلاسه بقى -

بالنسبه لمدينه العين فهي من اجمل مدن الامارات وهي مدينه تابعه لاماره ابوظبي الحياه فيها هاديه وهي تشبه للاسماعيليه من ناحيه الخضره اللي فيها لان هي اكتر مدينه حضرا على مستوى الخليج كله

العيشه فيها ارخص من دبي وابوظبي وفيها كل حاجه من مولات خروجات سورماركت كبير زي كارفور

انا عارف ان طلباتى كتيره خالص ... بس لو مافيش فى طلبى ده مشكله .. ياريت حضرتك تبعتلى الايميل الخاص بيك ... لانى محتاج اتكلم مع حضرتك .... لو مش ينفع ... خلاص نقضيها على الخاص ..... انا عارف انى تقلت خالص ... - اخوك الصغير بقى-

اتمنى اكون جاوبت علي استفساراتكم واشفكم قريب ان شاء الله

تتمنى ....!!! ......... ده انت كده عداك العيب وجرى بعيد ....... جزاك الله عنا كل خير مره تانيه ... وان شاء المولى عز وجل نتقابل فى القريب العاجل بأذن الله

[Karim Elbaz]

انا تحت امرك يا حماده

بس افضل انك تبعتلي ايميلك وانا هضيفك عندي

[mohamed abd el hamid]

انا تحت امرك يا حماده

بس افضل انك تبعتلي ايميلك وانا هضيفك عندي

ياسعاده الباشا المدير انا مش عارف اقول لحضرتك ايه ..... كده كتير عليا

انا كل ايميلاتى من الياهو والهوتميل والسكاى بى ... فى صفحه الملف الشخصى الخاصه بى ..... اضغط على الزر .. قصدى على اسمى .. او الصوره الحلوه بتاعت ال M دى وانت هاتدخل على صفحه ملفى الشخصى .... تحت العمود الى فيها صورتى هاتلاقى عنوان اسمه معلومات الاتصال

هاتلاقى كل وسائل الاتصال الالكترونيه .... :clappingrose:

فى انتظار هذه الاضافه المشرفه لى ... -ده الماسنجر هايرقص من الفرح-.... :cheer:

[Karim Elbaz]

السلام عليكم يا شباب

النهارده هحكي عن رحله العوده من مصر للامارات بالعربيه ويا رب غيري يستفيد منها

انا اتحركت من القاهره الساعه3 صباحا في طريقي لنويبع اول حاجه بتاخد الطريق الدائري لاخره وبعد كده تمسك طريق القاهره السويس الصحراوي والطريق كويس بس مشكلته انه مش منور وكله عربيات نقل والله مش هنسى في اليوم ده فضلت ماشي ورا عربيه نقل على سرعه 130 كيلو ومش محصلها . المهم تفضل تمشي لغايه نفق الشهيد احمد حمدي بعد كد اول فتحه شمال هتلاقي الطريق بعد كده ب400 مترفتحه يمين ده طريق نويبع لو على طول بيكون طريق شرم الشيخ على ما اتذكر. المهم دخلت طريق نويبع على اوله بتلاقي بنزينه واستراحه عربيات نقل. ريحت شويه وصليت الفجر واتحركت. وانا بنصح اي حد عايز يمشي في سينا انه يمشي بالنهار لان الطريق مش منور وفي تصليحات كتير وكمان يكون مفول العربيه بنزين لان مفيش بنزينه الا بعد 200 كيلو وكمان مفيش ولا شبكه موبايل شغاله طول الطريق فمحدش يقلق ويفتكر ان موبايله بايظ

اطبعا انا كنت خارج من بيتنا وفاكر اني هقابل ناس على الطريق رايحين ميناء نويبع بس املي خاب وملقتش ولا عربيه على الطريق اصلا غيري لاني كنت نازل في وقت مش موسم سفر وده اللي كرهني في المشوار لاني راجع لوحدي في العربيه ومش معايا اي حد يونسني في العربيه او الطريق

المهم في وصله في الطريق بعد بتاع ساعه من اوله الوصله دي بتتصلح . المشكله ان انت وانت سايق مش هتلاقي اي علامات والطريق فجأه بيتقطع ويبقى تراب فلازم تكون مهدي وواخد بالك لان وانا جاي اول مره كنت جاي بالليل ومشفتهاش فاللي حصل ان العربيه رقصت بيا ولفت حولين نفسها ولولا ستر ربنا وان العبد لله بيعرف شويه في السواقه كان زمان العربيه اتقلبت بيا وده اللي حصل وانا ماشي ان كان في عربيه كيا ماشيه بسرعه معايا على الطريق وانا احاول احصلها بس مش عايز اجري برده لاني حاسس ان المنقطه دي قربت. والله وصلت لسرعه 160 وبرده محصلتوش .المهم هديت احطياطي والحمد لله بعد 5 دقايق شوفت الحته المشئومه دي هي بالظبط طولها بتاع 500 متر المهم ببص لاقيت صاجبك اللي كان طاير ده لاقيت عربيته مقلوبه على جنب الطريق.نزلت بسرعه اشوفه والحمد لله كان سليم الايرباج فتحت وانقذت حياته

فابالله عليكم تاحدوا بالكم من الطريق ده ومتخليش الطرق في مصر بالذات تغريكم انكم تسوقوا بسرعه لان مفيش علامات طول الطريق في سيناء

المهم فضلت ماشي لغايه موصلت مفرق النقب وهو مفرق يودي على طريقين الاول طريق نويبع(يمين) والتاني طريق طابا (على طول)وهنا غلط غلطه عمري اني اخدت طريق نويبع

اهم نصيحه للاحوه اللي نازلين مص اوعى تمشي في طريق نويبع .خد طريق طابا لانه انضف مليون مره والمناظر فيه تحفه انما طريق نويبع كله مكسر وبين جبال ومنحنيات كتير والرض فيه كانت بتتكسر وانت ماشي .وعرفت السبب لما وصلت نويبع ان السنه اللي فاتت كان في سيول على سينا والسيول دي نخرت في الاسفلت وكسرته ولغايه دلوقتي متصلحش. وطريق طابا نفس المسافه مبتفرقش 60 كيلو بس انظف

المهم وصلت نويبع وحجزت من هناك .في مكاتب حجز كتير وبعدين دخلت المينا وخلصت الاوراق المطلوبه وسلمت النمر واستنيت العباره

الميزه في عباره نويبع انها ماشيه في خليج فمهما كانت الاحوال الجويه سيئه العباره بتكون تمام وكمان بتكون شايف الشاطئ وانت ماشي ودي بتديك امان وكمان بتوصل العقبه في ساعه وربع

العباره اتحركت الساعه 3 العصر وصلت العقبه الساعه 4وربع .عقبال اما خلصت الاوراق والتامين كان المغرب اذن . صحيح انصح الناس تكون مغيره دينار اردني قبل ما تروح في حدود 30 دينار للمره الواحده لان السعر هناك غالي وفيه استغلال

المهم دخلت حدود العوديه واتاخرت برده في تخليص الاوراق.كل ده وانا بحلم اني الاقي حد رايح الامارات او قطر او الكويت مفيييييييييييييييش

توكلت على الله واتحركت انصح اي حد ان يكون معاه نفيجيشن لانه بجد مهم جدا.دخلت الطريق الموءدي لتبوك وكان طريق بجد مهمه وصفت في صعوبته مش هوفيه .ضلمه كحل ومتعرج جدا وبين جبلين ومفيش فيه اي خدمات واول محطه بنزين بعد 120 كيلو من مدينه حقل اللي هي اول مدينه بتدخلها بعد الحدود. والاسوء في الرجعه ان كان في شبوره ومكانش في حد في الطريق غيري وبالليل.بجد كان صعب

المهم وصلت تبوك الساعه 12 بالليل.رحت اوتيل وبيت هناك للصبح

اتحركت الصبح الساع 9 وكان عندي تارجت اني اسوق بالنهار واوصل الرياض (1200 كيلو) .المهم اتحركت ومسكت طريق المدينه المنوره حائل الطريق في اوله حلو بس بعد شويه بيكون وان واي . حظي ان كان في عاصفه ترابيه في اليوم ده بس ربنا ستر .المه الطريق ده طويل اوي لغايه الرياض انا مش فاكر ايه المدن اللي بعد كده بس انا فاكر ان بعد مدينه بريده بقى الطريق كويس. المهم وصلت الرياض الساعه 7ونص متوسط السرعه 160 بدون توقف الا البنزين والصلاه

بيت هناك وتحركت تاني يوم الساعه 9 الصبح .كل ده وان مش لاقي عربيه واحده توحد ربنا رايحه اي حته في الخليج.الطريق من الرياض لحدود الامارات بتاع 600 كيلو الحمد للهوصلت الحدود الساعه 3 والله اول ما دخلت الحدود واول ما شفت موظف الجمارك الاماراتي مزلت من العربيه وسلمت عليه وقلته وحشتوووووووووووووووووووووني

بجد يا جماعه الاماراتيين غييييييييييير في كل حاجه .على راي المثل فعلا متعرفش قيمه امك الا لما تعاشر مرات ابوك

خلصت الاجراءات في 3 دقايق بالظبط ودخلت الامارات الحبيبه

ودي كانت رجلتي من مصر للامارات وارجو اني اكون قدمت معلومه ممكن حد يستفيد منها في المستقبل ان شاء الله

عرفته بقى ليه انا مش هكررها

[mohamed abd el hamid]

المهم وصلت الرياض الساعه 7ونص متوسط السرعه 160 بدون توقف الا البنزين والصلاه

سؤال لولبى ... السياره الى حضرتك سافرت بيها كان نوعها و الموديل بتاعها ايه .....!!!؟؟

ودي كانت رحلتي من مصر للامارات وارجو اني اكون قدمت معلومه ممكن حد يستفيد منها في المستقبل ان شاء الله

بجد ... جزاك الله عنا كل خير.

عرفته بقى ليه انا مش هكررها

ههههههههههه .... وياريتنى ماعرفت .... مالها مصر للطيران يعنى .. !!

[علي ابراهيم]

تحياتي للجميع

وشكرا لكم على هذا الجهد المبذول والواضح

سؤالي بوضوح :

كيف أستطيع استخراج تأشيرة زيارة لدولة الإمارات لمدة 60 يوماً أو 90 يوما

أو حتى عمل اقامة على أي مصنع أو شركة أو معرض أو غيرها ........

علماً بأني حاولت مراراً ولم أوفق حتى الآن في ذلك

ما هي أسهل الطرق لذلك ؟ وذلك للبحث عن عمل بشكل قانوني 100 %

ـ وهل هناك أي شخص يستطيع مساعدتي في هذه المسألة

ـ علماً بأن رسوم استخراج تأشيرة الزيارة أو الاقامة ستكون علي 100 %

ـ علماً بأن المؤهل جامعي وأنا خريج حديث

ـ كما أني اتقن استعمال الحاسب الالي واللغة الانجليزية قراءة وكتابة ومحادثة

ـ حيث أني غير متأكد من صحة إعلانات شركات السياحة المختلفة في هذا الصدد

ـ وهل تأشيرة السياحة مثلا يمكن تحويلها لاحقاً إلى اقامة ؟

أرجو أن أجد الحل لدى حضراتكم حيث أني لاحظت أن شعار الموضوع هو : تقديم ما يمكن المساعدة من خلاله

وشكرا جزيلا

تم تعديل 16 يناير 2011 بواسطة علي ابراهيم

[hakeem]

تحياتي للجميع

وشكرا لكم على هذا الجهد المبذول والواضح

سؤالي بوضوح :

كيف أستطيع استخراج تأشيرة زيارة لدولة الإمارات لمدة 60 يوماً أو 90 يوما

زيارة يبقى لازم حد قريبك اللى يعملهالك من هناك..وشرط يكون قريبك..

انما لو سياحة عادى ممكن تشتريها من هنا او حد يعملهالك من الامارات عادى جدا ومدتها بتكون شهر وتتجدد شهر كمان

أو حتى عمل اقامة على أي مصنع أو شركة أو معرض أو غيرها ........

الأقامة بتتعمل لما تشتغل فى شركة او مصنع أو معرض..

ولو انى سمعت عن موضوع الاقامات اللى بتتباع دى بس سمعت انها غالية جدا بس بصراحه مشفتش حد اشتراها

علماً بأني حاولت مراراً ولم أوفق حتى الآن في ذلك

حاولت أزاى...؟رحت سياحة مثلا..ولا دورت فى مكاتب السفريات هنا ولا عملت ايه بالظبط...؟

ما هي أسهل الطرق لذلك ؟ وذلك للبحث عن عمل بشكل قانوني 100 %

مش فاهم سؤالك...؟

ـ وهل هناك أي شخص يستطيع مساعدتي في هذه المسألة

ـ علماً بأن رسوم استخراج تأشيرة الزيارة أو الاقامة ستكون علي 100 %

ـ علماً بأن المؤهل جامعي وأنا خريج حديث

ـ كما أني اتقن استعمال الحاسب الالي واللغة الانجليزية قراءة وكتابة ومحادثة

ـ حيث أني غير متأكد من صحة إعلانات شركات السياحة المختلفة في هذا الصدد

اى اعلانات ..؟السياحه ولا العمل..؟

ـ وهل تأشيرة السياحة مثلا يمكن تحويلها لاحقاً إلى اقامة ؟

أه ممكن تتحول لاقامة ولسه واحد اعرفه عملها قريب ودفع تعديل وضع ومغادرش البلد وهو فى رأس الخيمة.بس مش عارف ايه نظام باقى الامارات..انما حتى لو هتغادر مش مشكله يعنى ممكن تروح عمان وترجع تانى

أرجو أن أجد الحل لدى حضراتكم حيث أني لاحظت أن شعار الموضوع هو : تقديم ما يمكن المساعدة من خلاله

وشكرا جزيلا

الجواب بالاحمر فى استفسارك

لا شكر على واجب يا اخى..

تم تعديل 17 يناير 2011 بواسطة hakeem

[elahdel]

السلام عليكم و رحمة الله و بركاته

عايز رد علي سؤال مهم ليا لو سمحتم لاني في حيرة شديدة

انا الان معايا ورق اولادي و زوجتي و هاعمل استقدام ليهم عن طريق شركتي

بس الموظفين بيقولوا ليا اني لازم اكون خاتم الورق من السفارة الاماراتية في مصر لانه مش هايكون مقبول في الجوازات من غير ختم السفارة

الكلام ده مظبوط ولا لأ

اكون شكر للرد علي سؤالي