مغتربي الإمارات

[mohamed abd el hamid]

السلام عليكم ورحمة الله وبركاته

أخي mohamed abd el hamid

جزاك الله خيرا

ايه الاخبار ؟ وصلت لحد فين؟

ناويت علي السفر امتي؟

:egyflag:

جزانى الله واياك كل الخير

الحمد لله انا كده تصريح العمل وتصريح السفر جاهز .... باقى بس اجدد اشتراك النقابة ... وابقى جاهز تماما الحمد لله

اما بقى هاحجز امتى و كده ..... ده يتوقف على ... اخلع امته من الشركة واسلم الموقع لمهندس تانى وبعدها ... على مكتب الطيران

بس غالبا ان شاء الله هاحاول يكون على يوم الاثنين 28/3 ....

انت قررت تسافر امتى .... واخبار التصاريح ايه

طمنى عليك

والف الف شكر على السؤال يا جميل

فى حفظ الله

[د محمد]

انت قررت تسافر امتى .... واخبار التصاريح ايه

طمنى عليك

للاسف لسة التأشيرة ماجتش لحد دلوقتي

كل ما تصل بالشركة يقولولي الاسبوع الجاي

الواحد بدأ يقلق-الله المستعان

:egyflag:

[لماضة مصرية جدا]

السلام عليكم و رحمة الله و بركاته

و الله انا جاية بقدم رجل و بآخر التانية.....بس قولت اعمل اللي عليا برضه

ينظم جروب الجالية المصرية فى الامارات على موقع الفيسبوك رحلة الى صحراء دبى سفارى وذلك يوم 25 مارس

ان شاء الله موعدنا الجمعة القادمة الموعد المنتظر لرحلة السفارى

تفاصيل الرحلة

...

يوجد باص لنقل الركاب من ابوظبى ودبى

ابو ظبى هيكون مكان التجمع امام جمعية المينا فى تمام الساعه الثانية 2:00

اما دبى سوف يتم تحديد مكان التجمع خلال ساعات

لو حابين مع عائلاتكم تشتركوا......اهلين و مرحبتين

ع فكرة السعر توووووحفة جدا.....و ارخص كتير لو هتطلعوا لوحدكم

الحاجة الاهم تتفضلوا تتعرفوا علي الجالية المصرية هنا.....و اولادكم يلاقوا كائنات بنفس الطول يقدروا يلعبوا معاهم و كده يعني

عشانم محدش يقول حرمتكم من حاجة

لماضة....قلب الام

مساكم.....رضا يا رب

[د محمد]

كان نفسي اشارك في الرحلة

بس للأسف

انا لسه في مصر

:egyflag:

[محمد صلاح محمد صلاح]

السلام عليكم

انا محمد خريج حقوق دفعه 2010

يا جماعه انا عندى استفسار

وياريت اى حد من المقيمين فى الامارات انه يفيدنى

انا عايز اعرف اى معلومات عن المؤسسه الوطنيه للتجاره والانماء

لانى جايلى عقد عمل فيها

هل الشركه دى كبيره وكويسه ولا تعبانه

هل فرص العمل فيها كويسه ولا لا

وهلى هما بيحترموا الناس ومعاملتهم كويسه ولا لا

ثانيا انا الراتب بتاعى هيبقى كبدايه 1850 درهم

هيوفروا ليا السكن واول ما اروح هستلم سياره

وتامين وتذاكر الطيران عليهم ذهاب وعوده

وهل الشركه تشجع ان الواحد يضحى فى البدايه

وهل اسعار الاكل المتوسط هناك ممكن يبقى كام

عشان ممكن ربنا يكرمه ولا لا

ياريت الافاده اخوكم خلاص على وش سفر

[محمد صلاح محمد صلاح]

السلام عليكم

انا محمد خريج حقوق دفعه 2010

يا جماعه انا عندى استفسار

وياريت اى حد من المقيمين فى الامارات انه يفيدنى

انا عايز اعرف اى معلومات عن المؤسسه الوطنيه للتجاره والانماء

لانى جايلى عقد عمل فيها

هل الشركه دى كبيره وكويسه ولا تعبانه

هل فرص العمل فيها كويسه ولا لا

وهلى هما بيحترموا الناس ومعاملتهم كويسه ولا لا

ثانيا انا الراتب بتاعى هيبقى كبدايه 1850 درهم

هيوفروا ليا السكن واول ما اروح هستلم سياره

وتامين وتذاكر الطيران عليهم ذهاب وعوده

وهل الشركه تشجع ان الواحد يضحى فى البدايه

وهل اسعار الاكل المتوسط هناك ممكن يبقى كام

عشان ممكن ربنا يكرمه ولا لا

ياريت الافاده اخوكم خلاص على وش سفر

[محمد صلاح محمد صلاح]

السلام عليكم

انا محمد خريج حقوق دفعه 2010

يا جماعه انا عندى استفسار

وياريت اى حد من المقيمين فى الامارات انه يفيدنى

انا عايز اعرف اى معلومات عن المؤسسه الوطنيه للتجاره والانماء

لانى جايلى عقد عمل فيها

هل الشركه دى كبيره وكويسه ولا تعبانه

هل فرص العمل فيها كويسه ولا لا

وهلى هما بيحترموا الناس ومعاملتهم كويسه ولا لا

ثانيا انا الراتب بتاعى هيبقى كبدايه 1850 درهم

هيوفروا ليا السكن واول ما اروح هستلم سياره

وتامين وتذاكر الطيران عليهم ذهاب وعوده

وهل الشركه تشجع ان الواحد يضحى فى البدايه

وهل اسعار الاكل المتوسط هناك ممكن يبقى كام

عشان ممكن ربنا يكرمه ولا لا

ياريت الافاده اخوكم خلاص على وش سفر

[Karim Elbaz]

الاخ محمد صلاح انا هحاول اجاوب على بغض اسألتك وان شاء الله يكون فيها الخير والصواب

بص يا سيدي انا كنت اول مره اسمع عن الشركه دي بس دورت عليها في جوجل وطلعت انها شركه كبير اوي والويب سيت بتاعها اهوو

http://www.ntde-uae.com/en/index.aspx

الشركه دي موزع لمنتجات كتيره ومشهوره زي كادبوري وفريرو روتشيه و هولز وتشكلتس وعصير الربيع وانواع سجائر كتير زي دافيدوف وجولد كوست وجيتان

والشركه موجوده في دبي ,موضوع الشغل في الشركه كويس ولا لأ مقدرش افيدك فيه بس اعتقد انك هتكون مندوب مبيعات وانت اكتر واحد تقدر تحكم على نفسك لو انت تقدر تستحمل الضغط والمشاوير الكتير وتكون بتحب الشغلانه وعندك طموح ان دي البدايه

الراتب ده في دبي قليل حتى لو مع السكن ده في حاله انك بتحب الخروج والفسح لو انت من البت للشغل ومن الشغل للبيت ومسكت ايدك ممكن تعمل حاجه بس انا شايف انه قليل

موضوع العربيه هما مش هيدوك عربيه قبل ما تطلع رخصه سواقه ورخصه السواقه مكلفه في دبي مش هتقل عن 5000 درهم

موضوع تذاكر السفر اوك بس اتاكد التذكره كل سنه ولا سنتين؟

السكن يا وحش رتب نفسك انه هيكون شيرينج بمعني انك في اوضه ومعاك ناس مش هيقل عددهم في العادي عن اربعه لو الشركه ماشيه مع منظمات حقوق الانسان

الاكل انت ممكن تتفق مع زمايلك وتاكلو مع بعض وده مش هيكلفك كتير في حدود 500 درهم في الشهر عكس لو اكلت بره

الخلاصه انا بقولق على اسوأ الظروف بس انت اتصل بالشركه واتاكد من المعلوات دي عشان ما تجيش وانت فاكر ان الحياه هنا ورديه وتتصدميا معلم. انا اقسم بالله بديلك المعلومات دي من تجارب شخصيه بس انت اتاكد من الشركه واسألهم عن كل اللي انا كتبته واتمنى ان هما يكون الوضع عندهم احسن

تاخر حاجه في الغالب انت معظم تعاملاتك هتكون مع هنود فلازم تكون بتعرف تتكلم انجليزي كويس مش هقولك ممتاز بس على الاقل في الاول تقدر تمشي حالك وبعد كده هتظبط معاك بالخبره

للمره التانيه انا بقولك انا مش بسود الدنيا في وشك انا بديلك الواقع اللي انت هتشوفه هنا.بس انت لسه صغير ومفيش فيها اي مشكله انك تجرب بس لو انت عندك شغل في مصر بمرتب كويس خليك

[محمد صلاح محمد صلاح]

استاذ كريم

شكرا على ردك واهتمامك

وانت بصراحه كلامك زى الفل

وانت زى ما انت قلت بالظبط المعلومات عن الشركه

وعن السكن بس طبعا هما اللى هيطلعوا الرخصه ليا هناك مش انا

ولا انت مش معايا

وانت فعلا فى كلامك جييت على حاجه مهمه

وهى ان انا لسه متخرج وصغير فى السن

فان انا اخوض التجربه دى ممكن تفتح قدامى حاجات تانيه

واكيد هكون مستفيد وطلعلت بخبره

وبجد كلامك زى الفل

وبالنسبه للراتب هو كويس كبدايه

لانى انا نفسى اثبت نفسى فى اى حاجه اشتغل فيها

وممكن قبل ما اخلص العقد بتاعى اكون شفت فرصه عمل احسن

وساعتها هيكون معايا رخصه وخبره فى البلد وفى المجال اللى انا اشتغلت فيه

ولا انت رايك ايه

[mohamed abd el hamid]

انت قررت تسافر امتى .... واخبار التصاريح ايه

طمنى عليك

للاسف لسة التأشيرة ماجتش لحد دلوقتي

كل ما تصل بالشركة يقولولي الاسبوع الجاي

الواحد بدأ يقلق-الله المستعان

:egyflag:

يااااااااه .... انت بتفكرنى بنفسى !! :sad:

تعرف يا د/محمد ... انا فضلت قد ايه مستنى التأشيرة ... وكل يوم الراجل يقولى عشرة ايام .. وبعد العشرة ايام يقولى كمان عشرة ....!!!

لما كرهت نفسى وكرهت رقم عشرة ده اصلا .....!!!!

الكلام ده من شهر 9 .... والتأشيرة الظريفة وصلت شهر 3 .... حمداا لله على السلامة ..

اصبر ... لان الامارات اجراءاتها طويلة وبتاخد وقت ... وان شاء الله خير

صباحو صبر وطولة بال من هنا للسنغال ... smk:

[mohamed abd el hamid]

كان نفسي اشارك في الرحلة

بس للأسف

انا لسه في مصر

:egyflag:

خلاص يا ردااااالة .... انا حجزت يوم الاثنين 28/3 على طائرة مصر للطيران الساعه 9.30 صباحا

فى حد عاوز اى حاجه اجيبها معايا من قاهرة المعز .....!!!؟؟

[mohamed abd el hamid]

بخصوص بقى موضوع السفر ده ... وان اخوكم لسه على الزيرو .... يعنى اول مره هاركب طياره .. واطير

ممكن الناس اهل الخبرة ... تقولى على المشاكل الى ممكن اقابلها ... والاحتياطات ...!!!؟؟

واغير كام درهم وانا جاى !!؟؟... واسيب الخط المصرى ولا اجيبه معايا ..!!؟؟

وممكن اخد اكل معايا ولا لاه ... زى فراخ بانيه وكفته وما شابه ولا لاه ..!!؟؟ - الحاجة هيه الى بتسأل السؤال ده مش انا -

--- كفاية عليكم الشوية دول ---

فاصل وهارجع اكمل اسألة

[د محمد]

:aslam:

أخي محمد عبد الحميد

مبروك

توصل بالسلامة

ومتنسناش

أصل لاحظت كل اللي يوصل الامارات بيختفي

تقريبا بيتخطفوا

انا منتظر الرد الاخوة علي اسئلتك

وتوصل بالسلامة

:egyflag:

[mohamed abd el hamid]

:aslam:

أخي محمد عبد الحميد

مبروك

توصل بالسلامة

ومتنسناش

أصل لاحظت كل اللي يوصل الامارات بيختفي

تقريبا بيتخطفوا

انا منتظر الرد الاخوة علي اسئلتك

وتوصل بالسلامة

:egyflag:

الله يبارك فيك يا دكتور .... وان شاء الله نتقابل قريب

بخصوص بقى الناس الى بتدخل على صفحة مغتربى الامارات .... وبتكون كمان لسه فى مصر ... اوك مش مشكلة

بس لما تحمل رسميا لقب مغترب .. وبالخصوص الامارات ... والواحد مايشوفش ليهم رد واحد بعد كده ..... ده بقى الى 100 مشكلة :protest:

ربنا يستر وماعملش زى الناس دى smk:

[mohamed abd el hamid]

:aslam:

انا منتظر الرد الاخوة علي اسئلتك

:egyflag:

الدكتور محمد منتظر رد الاخوة على الاسئلة ..... وانا معاه :closedeyes:

[د محمد]

:aslam:

أخي محمد عبد الحميد

شكلك كدة مش عتلحق تستفاد من الاجوبة

معلش

انا وانت واحد

وتوصل بالسلامة

[mohamed abd el hamid]

:aslam:

أخي محمد عبد الحميد

شكلك كدة مش عتلحق تستفاد من الاجوبة

معلش

انا وانت واحد

وتوصل بالسلامة

انا خلاص .......... ميعاد الطيارة قرب ... باقى من الزمن 8 ساعات :unsure:

بخصوص بقى الاسئلة ... ربنا يعوض عليا بقى ..... هابقى اجاوب انا على نفسى ...

[dongol]

انا ان شاء الله رايح عمرة بالسيارة الاسبوع اللي جاي من ابوظبي

حد يعرف ممكن اسوق السيارة في السعودية برخصة ابوظبي ولا لازم اطلع رخصة دولية قبل ما اروح

[Karim Elbaz]

انا نلت مصر بالعربيه من 3 شهور وكانت فيزا السعوديه بتاعتي مرور ومشيت برخصه السواقه الاماراتيه ومفيش اي مشاكل

[محمد صلاح محمد صلاح]

الى اهل الخبره فى الامارات

السلام عليكم ورحمه الله وبركاته

انا ان شاء الله يا جماعه مسافر للشغل فى دبى

فى المؤسسه الوطنيه للتجاره والانماء

كنت عايز اعرف هل انا ممكن اشتغل شغل تانى

بعد ما اخلص شغلى ولا ده مش هينفع

وهل ممكن الاقى شغل اضافى ولا ده صعب

ياريت يا جماعه حد يجاوبى

ولكم الاجر عند الله