مغتربي الإمارات

[dongol]

انت بتهددنى يا كابتن cof):

على العموم ادعيلى بالتوفيق

وعلى فكرة انا لو فضلت اعد فى مصر مفيش جديد والفرصه مش هتجيلى لازم انا اللى اسعى اليها

ربنا يوفقك و يوفق الجميع و انا اتمنى الخير للجميع و خاصة انني عانيت كثيرا في بداية حياتي سواء في مصر او الامارات و لا احب لأحد أن يواجه ما مريت به

انا عايز اوجهك لان افكارك المسبقه تبقى اكثر واقعية و لا يدفعك حزنك من واقعك المزري للتشبت بأمل معين و تضخيمه اكبر من قيمته الحقيقية

لان قلبي يدمي من شباب مصريين زي الفل حالهم يصعب على الكافر .. لا عارفين يقعدوا و لا عارفين يرجعوا .. و لا اتمنى لأحد تكرار ما وقعوا فيه من اخطاء

هاحكي لك عن موقف .. كنت في زيارة لاحد الاصدقاء مريض و محجوز في مستشفى المفرق .. فطلبت من زوجتي ان لا تتحدث طوال الطريق من باب المستشفى الى غرفة المريض الا بالاشاره فقط .. و انا لن ارد عليها الا بالاشاره فقط .. و بعد ان خرجنا سالتني عن السبب .. فقلت علشان افراد الامن اللي قدامك دول كلهم شباب مصري في نفس عمري و مؤهلي الدراسي .. و مش عايزهم يعرفوا اننا مصريين من حديثنا تقوم تصعب عليهم نفسهم

الواحد منهم يبدفع عشر الاف جنيه على اقل تقدير و فكرته انه بس يدخل البلد و بعد كده يشوف شغل تاني .. و تمضي السنين ليكتشف الوهم اللي طلع عليه .. عايش في سكن عمال و اكل اي كلام و شغل 12 ساعه في اليوم و مرتب الف درهم فقط اترفع مؤخراً لألفين!!!

أخي العزيز محمد عيسي

أري أن نظرتك للامور متشائمه بعض الشئ لان الاخ الذي يسأل عن فرصه العمل مهندس و سوف يعمل في هيئه حكوميه وهي لا تمانع في اغلب الاحيان في نقل الكفاله و لي زملاء كثيرين قاموا بنقل الكفاله بعد شهرين فقط من بدايه تعاقدهم

اما ما ذكرته عن الشباب المصري اللي طالع عينه في الغربه فحالته مختلفه لان معظم هؤلاء الشباب ليس لديهم ما يؤهلهم لسوق العمل سوا الورقه التي اعطتها لهم جمهوريه مصر العربيه المسماه شهاده تخرج لذلك اري ان كل شخص ظروفه مختلفه و لا يمكن التعميم

تقبل تحياتي

[محمد عيسى]

طبعا لا يمكن التعميم .. و كلامي هنا ردا على اخي BONOFREEZ مش المهندس تامر .. انا كل حرصي انه يبدأ صح و يتجنب ما يقع فيه الآخرين من أخطاء و ضربت له مثلا على سوء التقدير .. طبعا استبعد تماما ذلك و لكن هناك حكايات تدمي القلب

الاخ BONOFREEZ معاه mcse و لو مكانش خريج هندسه او معهد حاسب آلي و كان معاه بكالوريوس تجاره مثلا هيتعامل بالثانويه العامه و بعدها الشهاده دي .. يعني مش على درجة مهندس و بالتالي لازم يحسب خطواته صح .. بالإضافة الى اللوبي الهندي في وظائف الاي تي و ده نزل مستوى المرتبات و خلى الدخول في هذا المجال صعب شويه لغير الهنود

اما بالنسبه للمهندس تامر فالفرق كبير ما بين واحد عايز يبدا حياته في البلد دلوقتي و واحد قاعد بقاله مده مأجر بالرخيص و فارش شقته و مطلع الرخصة و مخلص اقساط عربيته و ممكن يكون مرتبه بسيط لكن عايش كويس غير واحد لسه جاي جديد .. على سبيل المثال فيه ناس مأجره شقق في بني ياس غرفه و صاله بـ 13 الف سنويا .. لو حد عايز نفس الشقه دلوقتي بيدفع سمسرة الاول في حدود خمس الاف و بياخدها بـ 60 او 70 الف سنويا و مبيلاقيش غير بعد كام شهر بحث و انتظار .. خلالهم ممكن يقعد في سكن مشترك .. الغرفه تتراوح من 4 الى 5 الاف شهريا توزع على عدد الساكنين .. ده بالنسبه لبند الايجار بس .. لسه قدامك مشوار الرخصة و العربية ..

فقرار السفر و للإمارات بالذات محتاج دراسة شديده جدا و عدم وضع صورة مسبقه

[زعلان]

انا شخصيا ما انصحش حد يجي يدور الا لو ظروفه مهيئة و عامل حسابه ان فرص عدم التوفيق اكبر من فرص التوفيق وانها فسحة و تغيير و يتعرف بالبلد ولو حصل و لقى شغل يبقى ده توفيق من عند ربنا

الافضل انك تدور على شغل من قبل ما تيجي و تكون عامل حساب كل شيء حتى لا تتفاجيء وما تقبلش بأي فرصة و السلام الا لو وفرت الحد الأدنى لك على الاقل

[samooo]

السلام عليكم ...

طيب والى جة يا بشمهندس زعلان من تلات ايام دبى يعمل اية ...:(..........

معيايا كورسات اوراكل ديفولوبر وerp اوراكل فايناشال ...وبدور وبأذن الله حاجة تيجى ان شاء اللة ..وفى الاول وفى الاخر دة رزقك فى الدنيا حتاخدة حتاخدة ..وشكرا

[زعلان]

ربنا يوفقك ياساموو وانا اتمنى انك تتوفق لشيء جيد عموما يا سيدي طالما انت هناك خلينا نعمل محاولة يمكن تفيد ابعتلي السي في بتاعك هو صحيح الوضع مش ولا بد بس خلينا نجرب يمكن نكون من ضمن الاسباب الي ربنا بيهيئهالك وزي ما انت بتقول هو رزق محدش بيديه لحد ده من عند ربنا لكن ربنا بيسخر الناس لبعضها من غير ما يحسوا و بيجعلهم اسباب مجرد اسباب حتى لو هما فاكرين غير كده yamen78@hotmail.com

[samooo]

السلام عليكم

اهلا بيك يا استاذ زعلان ومتشكرين جدا على المساعدة انا بعتلك السى فى بتاعى ودة ايميلى

oracle1967@hotmail.com

شكرا :closedeyes:

[الكريم]

اخوانى انا طبيب فى الكويت و جاء لى عقد فى مستشفى المفرق بابوظبى و متردد جدا هل اقبله ام لا بل السكن مناسب و المرتب لكن سمعت منكم ان الحياة غالية جدا فى الامارات لا ادرى انا متزوج و معى 3 اطفال كم تكلف المعيشة شهريا و سمعت ان الملابس غالية جدا فى الامارات و السيارات افيدونى بالله عليكم

[BONOFREEZ]

يا جماعه انا بشكر بجد كل الناس اللى فى الامارت واللى نقلت الصورة بدون تزييف او تغيير بس عاوز اقول ان كل واحد وليه ظروفه ورزقه يعنى مينفعش اقول لواحد الدنيا هنا واقعه اوعى تيجى لانه ممكن يجى ويشتغل ويبقى احسن واحد وممكن يحصل العكس

يعنى اللى عاوزاقوله لازم كل واحد يجرب ويسعى احسن من انه يندم انه مجربش

وانا عن نفسى ان شاء الله جى الاسبوع القادم اجرب واشوف نصيبى ومتوقع كل شئ وراضى بيه لانه هيبقى خير ان شاء الله

وعلى العموم اللى يقدر يساعدنى ويكون فى ابو ظبى ده الاميل بتاعى يطلب منى السى فى لعل وعسى نكون عون لبعض ان شاء الله

bonofreez@ yahoo . com

[الكريم]

اخوانى الله يكرمكم انا اسال من فترة عن تكاليف المعيشة فى ابوظبى و لا احد يجاوبنى انا ساخد بدل سكن 100 و تعليم 9 الف للطفل هل المعيشة هناك نار زى ما يقال يعنى اعيش و نحن 5 افراد بكم شهريا اكل و شرب و لبس و خلافة انا متردد لانى لا اعرف اي معلومات عن ابوظبي ومطلوب منى اخذ قرار و لاادجرى من اسال

[محمد عيسى]

اخوانى الله يكرمكم انا اسال من فترة عن تكاليف المعيشة فى ابوظبى و لا احد يجاوبنى انا ساخد بدل سكن 100 و تعليم 9 الف للطفل هل المعيشة هناك نار زى ما يقال يعنى اعيش و نحن 5 افراد بكم شهريا اكل و شرب و لبس و خلافة انا متردد لانى لا اعرف اي معلومات عن ابوظبي ومطلوب منى اخذ قرار و لاادجرى من اسال

بالنسبة للسكن تمت الاجابه عنه في الموضوع التاني

بالنسبة للمدارس محتاج تزود شويه من عندك .. اعتقد انها بتبدأ من 12 الف مصاريف للطفل غير الباص

المصروفات الشهرية اتوقع تكون في حدود 8 الاف درهم

[ekramyhamdin]

السلام عليكم

انا مهندس بترول وجايلى عرض من شركة لتوصيل الغاز الطبيعى الى بعض الجزر فى الامارات لكن لسه ما وصلنيش العرض المالى اعتقد ان الشركة اسمها الفنار ممكن حد يفيدنى عن متوسط دخل المهندس فى الامارات مع العلم ان خبرتى 7 سنين ولو حد يعرف معلومات عن شركة الفنار

ارجو الرد سريعاً

جزاكم الله خيراً

[محمد عيسى]

معنديش معلومات عن شركة الفنار .. و متوسط دخلا لمهندس يعتمد على الشركة اللي بيشتغل فيها .. فيه مهندسين بتشتغل باربع الاف و فيه بخمسه و عشرين الف

[BONOFREEZ]

السلام عليكم اخوتى فى الله

الحمد لله وصلت ابو ظبى امس وان شاء الله ابدء البحث عن وظيفه ياريت اى حد يقدر يساعد ميبخلش عليا حتى ولو بمعلومه

وجزاكم الله كل خير وعلى العموم ده رقم تليفونى 0507826084

[قطرة ندى]

اسأل عن حاجة معينة والكل هيجاوبك بس السؤال المفتوح عايز شرح صفحات

[BONOFREEZ]

شكرا على الرد قطرة الندى وعندك حق لازم التحديد على العموم انا بدور على وظيفه IT & NETWORK ADMINISTRATOR

وحاصل على شهادة MCSE مهندس نظم او على الاقل ارشادى للمناطق والشركات اللى اقدر اقدم فيها ان شاء الله

[قطرة ندى]

فيه مشكلة حاليا فى الامارات والمهندسين بترجع مصر بالهبل بشكل مش ممكن تتصوره لدرجة الناس هنا بتقول ان الافواج الراجعة نهائيا هتعمل ازمة فى مصر فى الشغل وفى المدارس...انا مش عارفة ايه اللى بيحصل بس؟

[الرويناء]

انا لسه مسافره ان شاء الله كمان شهر ونص بسأل على الامان يعنى لو واحده تخرج لوحدها مع اطفالها عادى ولا فيها قلق يعنى فى مول او سوبر ماركت وكده

وجوزى شغله مابين دبى وابوظبى يعنى ممكن شهرين هنا 3او4 هناك بنفكر نسكن فى ديسكفرى حل كويس ولا حدعنده اقتراح افضل

[قطرة ندى]

انا لسه مسافره ان شاء الله كمان شهر ونص بسأل على الامان يعنى لو واحده تخرج لوحدها مع اطفالها عادى ولا فيها قلق يعنى فى مول او سوبر ماركت وكده

وجوزى شغله مابين دبى وابوظبى يعنى ممكن شهرين هنا 3او4 هناك بنفكر نسكن فى ديسكفرى حل كويس ولا حدعنده اقتراح افضل

أنا معرفش يعنى ايه دسكفرى...بس الامارت امان اكتر من مصر... بس دا مش معناه انك تسيبى ولادك يجروا بعيد لما يروحوا مول مثلا

لسة قابضين على عصابة خطف اطفال كانت فى دبي

[سهيلة]

الرويناء

تيجى بالسلامة وتنورى الامارات كلها يا ستى

بالنسبة لعنصر الامان\\

متوافر جداااااااااااا وانا بخرج لوحدى دايما وكل واحد ف حالة هنا

وديسكفرى بدبى من ارقى المناطق السكنية على فكرة

ربنا يوفقك

[الرويناء]

ابتدت اثار الازمه الاقتصاديه تظهر فى شركه زوجى المفروض كل واحد ليه مكان عمل اساسى واذا خرج منه بيكون ليه بدل سكن اضافى ومصاريف انتقالات يوميه وكده والشركه ليها مشاريع فى دبى وابوظبى وبره الامارات

وتوفيرا للنفقات عملوا ايه اللى عند مشروع مطول بره مكانه الاساسى يغيروه علشان يتجنبوا يدفع فلوس زياده ليه

المهم مطولش عليكم اتغير مكان عملنا من دبى لابوظبى فجاءه بعد محجزنا شقه فى ديسكفرى واستقرنا على المدرسه لابنى كله فى دبى هنبدء الدوره تانى

وطالبه مساعدتكم فى حاجتين

اولا مدارس نظام بريطانى لابنى

ثانيا هل هلاقى سكن نفس نظام ديسكفرى او قريب منه فى ابوظبى؟ وكم الاسعار؟

ولو مافيش ادور فين على شقق تكون مستوى كويس

وهل حد سمع عن ابراج اللى تبع طيرا ن الامارات ؟ايه نظامها